Batumelebi | „შარვალი კაბის ქვეშ – “ბათუმელების” სტატიაზე მოკვლევა დაიწყო „შარვალი კაბის ქვეშ – “ბათუმელების” სტატიაზე მოკვლევა დაიწყო – Batumelebi
RU | GE  

„შარვალი კაბის ქვეშ – “ბათუმელების” სტატიაზე მოკვლევა დაიწყო

 

სახალხო დამცველის აპარატმა „ბათუმელების“ სტატიაზე მოკვლევა დაიწყო. სტატიაში საუბარი შუახევის მუნიციპალიტეტში, სოფელ ბარათაულის საჯარო სკოლაში დაწესებულ სასკოლო ფორმაზე იყო. დირექტორის გადაწყვეტილებით,  მოსწავლე გოგონებს სკოლაში შარვლით მისვლა ეკრძალებათ. 

 

როგორც „ბათუმელებს“ სახალხო დამცველის აპარატში განუმარტეს, სახალხო დამცველმა ფაქტის შესწავლა დაიწყო. შესაბამისი წერილით უკვე მიმართეს სოფელ ბარათაულის სკოლის დირექტორს და განათლებისა და მეცნიერების სამინისტროს შიდა აუდიტის სამსახურს.

 

„ამ უწყებებისაგან მოვითხოვეთ ახსნა-განმარტება. ჯერჯერობით პასუხი არ მიგვიღია,“ – განუცხადეს „ბათუმელებს“ საქართველოს სახალხო დამცველის პრესსამსახურში.

 

ზოგადი განათლების შესახებ კანონით (მე-14 მუხლი) სკოლას უფლება აქვს დააწესოს სასკოლო ფორმა ისე, რომ არ შეზღუდოს მოსწავლისა და მასწავლებლის გამოხატვის თავისუფლება. მოსწავლესა და მასწავლებელს უფლება აქვთ, დასაბუთებული უარი თქვან სასკოლო ფორმის ტარებაზე.

 

 

ნეტგაზეთის მასალების სხვა გამოცემებში გადაბეჭდვის წესი
მანანა ქველიაშვილი