ბათუმელები
ბათუმის მერია მომავალ, 2016 წელს, ქალაქის სანიაღვრე არხების მოვლა-ექსპლუატაციისთვის მაქსიმუმ 1 მილიონ 154 ათას 357 ლარს გადაიხდის. სანიაღვრე არხების მოვლა ზაფხულის პერიოდში მათ სანიტარულ-ჰიგიენურ დამუშავებასაც გულისხმობს. სახელშეკრულებო ვალდებულებების შესრულება ბათუმის მერიის კეთილმოწყობის სამსახურის ტექნიკური ზედამხედველის თანდასწრებით უნდა განხორციელდეს.
ბათუმში, ზურაბ გორგილაძის ქუჩაზე, აჭარის ხელოვნების მუზეუმთან მდებარე შადრევნების სარემონტო-აღდგენითი სამუშაოები მიმდინარეობს. შადრევნები მუზეუმის მარჯვენა და მარცხენა მხარეს მდებარეობს.
რამდენიმე დღის წინ ხელი მოეწერა საქართველოსა და აზიის განვითარების ბანკს (ADB) შორის სასესხო ხელშეკრულებას [„მდგრადი ურბანული ტრანსპორტის საინვესტიციო პროგრამა – პროექტი 4“], რომლითაც გათვალისწინებულია 20 მლნ აშშ დოლარის ოდენობის სესხის გამოყოფა. როგორც „ბათუმელებს“ საქართველოს ფინანსთა სამინისტროში უთხრეს, აღნიშნული თანხით, ძირითადად, ქალაქ ბათუმში ნაპირდაცვის სამუშაოები დაფინანსდება.
„ბათუმის კორპუსი“ შესყიდვების ეროვნული სააგენტოსგან 203 ათას 23 ლარის ფარგლებში გამარტივებულ შესყიდვაზე თანხმობას ითხოვს. „ბათუმის კორპუსის“ ინფორმაციით, ამ თანხით ქ. ბათუმში 2015 წლის 25-26 აგვისტოს წვიმის შედეგად მოქალაქეთა დაზიანებული საცხოვრებელი სახლები და სახურავები შეკეთდება. სამუშაოები ჩატარდება შემდეგ მისამართებზე: ა. კალანდაძის 102, მ. შარაშიძის ქ.№44, თოდოგაურის ქ. №29, ყადირ შერვაშიძის ქ. №50, ბათუმგორის ქ. №8, ხულოს ქ. №8 და მარკოზ აჭარელის მე-3 შესახვევი №6.
მერიის წარმომადგენელთა განცხადებით, მომავალ, 2016 წელს, ფერიის დასახლებაში ახალი საბავშვო ბაღის მშენებლობაა დაგეგმილი, რისთვისაც ბიუჯეტში 2 მილიონ ასი ათასი ლარი იქნება გთვალისწინებული.
დღეს, 2 ნოემბერს, ბათუმის საკრებულოს სხდომათა დარბაზში მომავალი, 2016 წლის ინფრასტრუქტურული პროექტების პრეზენტაცია გაიმართა. ბიუჯეტის პროექტის მიხედვით მომავალი წლის ბიუჯეტი 147 მილიონ 800 ათასი ლარითაა განსაზღვრული, როგორც მერიაში აცხადებენ, აქედან „55 პროცენტი ანუ 81 მილიონზე მეტი, ინფრასტრუქტურული პროექტებისთვის არის გათვალისწინებული“.
ბათუმის პორტი, 1 ნოემბერი, 2015 წელი:
ბათუმის მერიამ, ელექტრონული ტენდერის მეშვეობით, 2016 წლისთვის, ერთი მილიონ 419 ათას ლარად საახალწლო აქსესუარები შეისყიდა. ტენდერში გამარჯვებული კომპანია შპს „აჭარგანათებაა“.
ბათუმის მერიის ინფორმაციით, ბათუმში კომუნალური ინფრასტრუქტურის რეაბილიტაციის პროექტის ფარგლებში, სამ ქუჩაზე საკანალიზაციო სისტემის სარეაბილიტაციო სამუშაოები მიმდინარეობს, რის გამოც, ჭავჭავაძის ქუჩიდან გოგებაშვილისა და მაზნიაშვილის ქუჩებამდე მოძრაობა შეფერხებულად ხორციელდება.
ბათუმის ველოპარკი 2011 წლის შემდეგ არ განახლებულა და როგორც „ბათუმიველოს“ ადმინისტრაციაში ამბობენ, უახლოეს მომავალში ახალი ველოსიპედების შეძენა არ იგეგმება. ველოპარკში ამ დროისთვის ფრანგული წარმოების 370 ველოსიპედია, რომლებიც ქალაქის სხვადასხვა ადგილზე განთავსებულ 23 ტერმინალში დგას. დაარსებიდან დღემდე „ბათუმიველოს“ 31 ათასზე მეტი აბონენტი ჰყავს დარეგისტრირებული. აქედან 1500-ზე მეტი აქტიური მომხმარებელია. „ბათუმიველომ“ ყველაზე მაღალი შემოსავალი – 197 ათასი ლარი, 2013 წელს მიიღო.
ბათუმის ადმინისტრაციული საზღვარი გაფართოვდა, ამჯერად ქალაქის ფართობი 6 ათასი ჰექტარია, სიგრძე კი 87 კილომეტრი. ბათუმის საკრებულოს ინფორმაციით, ადმინისტრაციული საზღვრების გაფართოვებამდე ბათუმის ფართობი 1600 ჰექტარს შეადგენდა.
ელექტრონულ ტენდერში 5 პრეტენდენტი მონაწილეობდა. ყველაზე დაბალი შეთავაზება – 16 მილიონ 70 ლარი თურქულ კომპანიას ჰქონდა. გამარჯვებულს ბათუმის მერია უახლოეს დღეებში გამოავლენს. ბათუმში, ე.წ. „ჭაობის დასახლებაში“, ქუჩების გზის სავალი ნაწილის, ტროტუარებისა და სანიაღვრე სისტემების რეაბილიტაციისთვის ქალაქის მერიას 20 მილიონი ლარი ჰქონდა გათვალისწინებული. სამუშაოები სამი წლის განმავლობაში უნდა დასრულდეს.
დღეს 19 ოქტომბერს, ბათუმის საკრებულოში აშშ-ის კოლორადოს ქალაქ გოლდენის მუნიციპალიტეტის დელეგაციასთან, საკრებულოს ნარჩენების მართვის მუდმივმოქმედმა კომისიამ შეხვედრა გამართა. გოლდენის დელეგაციის წევრებმა დღევანდელ შეხვედრაზე საზოგადოებასთან ურთიერთობის გეგმა წარმოადგინეს.
დღეს, 12 ოქტომბერს, ბათუმის საკრებულოში ქალაქის აქტივების ელექტრონული რუკის პრეზენტაცია გაიმართა. რუკაზე მუშაობა ექვსი თვის განმავლობაში მიმდინარეობდა და მის შექმნაზე ქალაქის ბიუჯეტიდან 60 ათასი ლარი დაიხარჯა.
დღეს 12 ოქტომბერს, „ნაციონალური მოძრაობის“ წევრმა ნაზი ფუტკარაძემ საბავშვო ბაღებში თანამშრომელთა ანაზღაურების შესახებ განცხადება გააკეთა. მისი თქმით, საბავშვო ბაღების თანამშრომელთა ხელფასები დაბალია და მერიამ, მომავალი წლიდან ხელფასების გაზრდაზე უნდა იფიქროს.
სატენდერო დოკუმენტაციის მიხედვით, „ბათუმის საბავშვო ბაღების გაერთიანება“ ბათუმის 15 საბავშვო ბაღისთვის ყვავილოვანი მცენარეების შესყიდვას აპირებს.
მე ბათუმელი ვარ. გავიზარდე გორკის #1-ში, ბათუმისთვის დამახასიათებელ ეზოში. ამ ქუჩას ბევრჯერ შეეცვალა სახელი, მაგრამ ბათუმელების ცნობიერებაში მაინც გორკის ქუჩად დარჩა, ისევე როგორც თბილისელების მეტყველებიდან ვერ განიდევნა „პლეხანოვი“.
ეს სახლი, სადაც მე ვიზრდებოდი, ორ ქუჩაზე დგას. ფაქტობრივად, ორი სახლია ერთმანეთზე მიდგმული და შიდა ეზოს ქმნის. აი, ამ ეზოში ცხოვრობდნენ ქართველები, ბერძნები, სომხები, რუსები და უკრაინელები. ამ ეზოში შეხვდა მათი კულტურები ერთმანეთს. და ჩემმა ბავშვობამაც სხვადასხვა კულტურაში ვარჯიშში გაიარა.
ბათუმი 10.10.2015 [თედო ჯორბენაძის ფოტოები]
ბათუმის ბულვარის ადმინისტრაციის ინფორმაციით, ბულვარის კონცეფციის შემუშავებისა და დაგეგმარების სპეციალურმა კომისიამ გამარჯვებული კომპანია გამოავლინა. წარმოდგენილი წინადადებების განხილვის შემდგომ, შესაბამისმა კომისიამ არჩევანი შპს „სასტუმრო ოაზისზე“ შეაჩერა.
დღეს, 28 სექტემბერს, ბათუმში გორგილაძისა და ბარათაშვილის ქუჩების კვეთაში მოტოციკლეტი და ავტომობილი ერთმანეთს შეეჯახა.
რეკლამის საერთაშორისო ფესტივალი, რომელიც ბათუმში ოთხი დღის განმავლობაში მიმდინარეობდა, გუშინ, 27 სექტემბერს, სასტუმრო „შერატონში“ დასრულდა. ფესტივალზე მოწვეულნი იყვნენ სარეკლამო ინდუსტრიის მსოფლიოში ცნობილი სახეები. „ბათუმელები“ გთავაზობთ ბლიც-ინტერვიუს ჟიურის თავმჯდომარესთან, ჟოაო დანიელ ტიხომიროფთან, რომელიც ბრაზილიაში კომპანია Mixer -ის დამფუძნებელი და აღმასრულებელი დირექტორია. ჟოაო დანიელ ტიხომიროფი არის სხვადასხვა რეკლამის ფესტივალის გამარჯვებული, მათ შორის კანის რეკლამის საერთაშორისო ფესტივალის. ლათინო-ამერიკელი რეჟისორებიდან ის შერჩეული იყო 32 საუკეთესო რეჟისორთა შორის. ბრაზილიის ყველაზე პრესტიჟულ სარეკლამო ფესტივალებზე სხვადასხვა დროს მინიჭებული აქვს ოქროს, ვერცხლისა და ბრინჯაოს პრიზები. ჯილდოები აღებული აქვს, როგორც დრამატულ, ასევე დოკუმენტური სერიალების სცენარისთვის. არის ბრაზილიის კინოფესტივალის პრიზის მფლობელიც.
ბათუმში, ე.წ. „ჭაობის დასახლებაში“, ქუჩების გზის სავალი ნაწილის, ტროტუარებისა და სანიაღვრე სისტემების რეაბილიტაციისთვის ქალაქის მერიას 20 მილიონი ლარი აქვს გათვალისწინებული. სამუშაოების დაწყება კი, რომელიც სამი წლის განმავლობაში უნდა დასრულდეს, მერიის მიერ გამოცხადებული ტენდერის შედეგებზე იქნება დამოკიდებული.
„ჩვენ ძალით ვერ მივიყვანდით ადამიანებს კონცერტზე“
საზაფხულო პროექტი „ჰიტ ბათუმი“ დასრულდა. რა შედეგი მიიღო ქალაქმა სამმილიონიანი პროექტით? „ჰიტ ბათუმის“ შეფასება „ბათუმელებმა“ პიარისა და მარკეტინგული კომუნიკაციების კომპანია „ჯეპრას“ უფროს პარტნიორს კახა მაღრაძეს სთხოვა.
ტურისტულ სეზონზე ბათუმის მერიამ ქალაქის ცენტრალურ ადგილებში ათი ფერადი პიანონო განათავსა. ერთ-ერთი მათგანი ბათუმში ევროპის მოედანზეა. სეზონის განმავლობაში მასზე არაერთმა უცხოელმა თუ ადგილობრივმა ტურისტმა დაუკრა, თუმცა ამ დროისთვის პიანინო სრულიად უსარგებლოა: კლავიშები ჩაჭედილია, სახურავი – მომძვრალი, პედალი – დაზიანებული. რას უპირებს მერია დაზიანებულ პიანინოებს, რის დაქირავებაშიც ათი ათასი ლარი გადაიხადა?
დელფინარიუმის ადმინისტრაციის ინფორმაციით, ბათუმის დელფინარიუმმა იანვრიდან დღემდე, დელფინების წარმოდგენების სანახავად, ასევე დელფინებთან ინტერაქტივის მსურველ 119 126 ვიზიტორს უმასპინძლა.
„ბათუმობა“, რომელიც 5 და 6 სექტემბერს მიმდინარეობდა, დასრულდა.
დღეს, 29 აგვისტოს მონაცემებით, ბათუმის მერიის ტერიტორიული ორგანოს წარმომადგენლები [სულ 13-ია] ინფორმაციას აგროვებენ ბათუმში, წვიმის დროს დაზარალებული მოსახლეობის შესახებ.
ბათუმის მერიის ჯანმრთელობისა და სოციალური დაცვის სამსახურის 2015 წლის პროგრამით, გათვალისწინებულია განვითარების შეფერხების მქონე ბავშვებისთვის მომსახურების კურსის ჩატარება, ყოველთვიურად მთელი წლის მანძილზე.
შინაგან საქმეთა სამინისტროს საგანგებო სიტუაციების მართვის დეპარტამენტის აჭარის ბიუროში ძლიერი წვიმის გამო, 110 გამოძახება დაფიქსირდა. ინფორმაცია ამის შესახებ “ბათუმელებს” უწყების პრესსამსახურის თანამშრომელმა ზვიად ჯაფარიძემ მიაწოდა.
ბათუმის ბულვარი. 18 აგვისტო. უცხოელი ტურისტი ბულვარში მოსეირნე ბავშვებისთვის საპნის ბუშტების წარმოდგენას მართავს.
სოციალურ ქსელში გავრცელდა ფოტო, რომელზეც პატარა ბავშვის დამწვარი ხელია ასახული. პირი, რომელმაც ინფორმაცია გაავრცელა სოფიალურ ქსელში, Batumi – ბათუმელების სახელით არის რეგისტრირებული. ის წერს, რომ ბათუმის ახალ ბულვარში, სადაც პატარა ბავშვი ჰყავდა სასეირნოდ გაყვანილი, ატრაქციონებთან დამონტაჟებულმა განათებებმა პატარას ხელი დაწვა.
დღეს, პირველ აგვისტოს, ბათუმის ბულვარში, კოლონადებთან, ბავშვებისთვის ბათუმის „თითების თეატრის“ წარმოდგენები გაიმართა. ბავშვები და მშობლები მონაწილეობდნენ სახალისო თამაშებშიც, გამარჯვებულ ბავშვებს საჩუქრები გადაეცათ.
„ელდორადოს“ წინ, თხელი, ზოლებიანი მაისურით ახალგაზრდა გოგონა დგას, რომელიც ტურისტებს ზღვაში გასასეირნებლად მეგაფონით ეპატიჟება. ეს გოგონა 21 წლის თეონა შერვაშიძეა, ის ბათუმის საზღვაო აკადემიის მესამე კურსის სტუდენტია და აკადემიაში ტურიზმის მენეჯმენტის ფაკულტეტზე სწავლობს.
ბათუმის მერის მოადგილეები ლუკა ასათიანის ქუჩიდან, სამუშაოდ, სულხან-საბა ორბელიანის ქუჩაზე გადავლენ. ყოფილი კონტროლის პალატის შენობა მერიის ადმინისტრაციისთვის რემონტდება, რომლის დასრულების შემდეგ მერიის ადმინისტრაცია ფაქტობრივად სამ – ლუკა ასათიანის, მიხეილ ლერმონტოვისა და სულხან-საბა ორბელიანის ქუჩებზე მდებარე შენობაში იქნება განთავსებული.
დღეს 27 ივლისს, ბათუმში ზღვისპირა პარკის კოლონადებთან, თოჯინების მსვლელობა მოეწყო. ლომი, აფთარი, ჟირაფი, მაიმუნი და სხვა ცხოველები, პატარებთან ერთად თამაშობდნენ. საღამოს კოლონადებთან დაგეგმილია მიუზიკლი – „ზეიმი ჯადოსნურ სასახლეში“, რომელიც ასევე კოლონადებთან გაიმართება.
