საახალწლო ნაძვის ხეს ბათუმში, ევროპის მოედანზე, 25 დეკემბერს, საღამოს აანთებენ, რის შემდეგაც საზეიმო კონცერტი გაიმართება. ბათუმის მერიის ინფორმაციით წელს ნაძვის ხე და ქალაქის საახალწლო განათებები ვერცხლისფერი იქნება.
საახალწლო აქსესუარების შესაძენად წელს მერიამ ბათუმის ბიუჯეტიდან მილიონ 400 000 ლარი გაითვალისწინა. ამ თანხაში შედის სამონტაჟო სამუშაოების დაფინანსებაც.
ბათუმის მერიის განათლებისა და კულტურის სამსახურის ხელმძღვანელის ლამზირა ბოლქვაძის ინფორმაციით საახალწლო ღონიძიებებს წელს მერიასთან ერთად ტურიზმის დეპარტამენტი და განათლების სამინისტრო კურირებენ.
„ახალი წლის ღამეს მთავარი საზეიმო კონცერტის გარდა, რომელიც ევროპის მოედანზე გაიმართება, ბათუმის ცამეტივე ტერიტორიულ ორგანოში იქნება მომზადებული საკონცერტო ინფრასტრუქტურა, სადაც ადგილობრივი შემსრულებელები გამოვლენ. მთავარი ღონიძიებისთვის კი იგეგმება ცნობილი შემსრულებელების ჩამოყვანა“ – ამბობს ლამზირა ბოლქვაძე.
