მთავარი,სიახლეები

„DS გრუპის“ მიერ დაზიანებული ჯავახიშვილის ქუჩა მალე გაიხსნება

19.01.2016 • 3135
„DS გრუპის“ მიერ დაზიანებული ჯავახიშვილის ქუჩა მალე გაიხსნება

ბათუმში, ჯავახიშვილისა და ტბელ აბუსერიძის ქუჩების კვეთაში ავტომანქანებისთვის გზა გადაკეტილია. მიზეზი საკანალიზაციო ქსელისა და გზის დაზიანებაა, რაც აქვე მიმდინარე მრავალსართულიანი კორპუსის მშენებლობას უკავშირდება. სამშენებლო სამუშაოებს აქ კომპანია „DS გრუპი“ აწარმოებს.

„ბათუმელების“ ინფორმაციით, 18 იანვარს, საღამოს, სამუშაოების მიმდინარეობისას,  ჯავახიშვილის ქუჩის სავალი ნაწილი ჩავარდა. დაზიანდა მიწისქვეშა კომუნიკაციები, დაიტბორა მშენებარე კორპუსის საძირკველი. თითქმის მთელი ღამის განმავლობაში მიმდინარეობდა საკანალიზაციო მილის აღდგენის სამუშაოები.

„ეტყობა ახლოს მივიდნენ იმ საზღვართან, რაც მათ ღობით ჰქონდათ შემოსაზღვრული. გამოთხარეს ძირი გზას და ჩავარდა. საძირკველისთვის ამოთხრილი ადგილი წყლით რომ ივსებოდა ცოტა პანიკაში კი ჩავარდით, თუმცა შემდეგ დაზიანებული მილი გამოცვალეს. ქუჩა გადაკეტეს და ესაა, სხვა მხრივ მოსახლეობა არ დაზარალებულა“ – აღნიშნა „ბათუმელებთან“ ჯავახიშვილის ქუჩის ერთ-ერთმა მცხოვრებმა.

ბათუმის მერიის პრესსამსახურის ინფორმაციით, დაზიანების დროს კომპანიას დაცული ჰქონდა უსაფრთხოების ზომები და ის მილსა და გზის აღნიშნულ მონაკვეთს თავად აღადგენს.

კომპანიაში „ბათუმელებს“ განუცხადეს, რომ ქუჩის გადაკეტილი მონაკვეთი დაახლოებით 1 საათში გაიხსნება.

2015 წელს, ბათუმში, ჯავახიშვილისა და აბუსერიძის ქუჩების კვეთაში არსებული სკვერის ნაწილი [მიწის ნაკვეთი] ბათუმის საკრებულომ საკუთრებაში აჭარას, აჭარის მთავრობამ კი კომპანია „DS გრუპს“ გადასცა. კომპანია სკვერის ადგილზე და მის მიმდებარედ მრავალსართულიან და მრავალფუნქციურ შენობას აშენებს.

ჯავახიშვილისა და ტბელ აბუსერიძის ქუჩების კვეთა

ჯავახიშვილისა და ტბელ აბუსერიძის ქუჩების კვეთა

 

ჯავახიშვილის ქუჩა

 

ჯავახიშვილის ქუჩა

 

ჯავახიშვილის ქუჩა

ჯავახიშვილის ქუჩა

 

ჯავახიშვილის ქუჩა

ჯავახიშვილის ქუჩა

ჯავახიშვილის ქუჩა

გადაბეჭდვის წესი


ასევე: