სიახლეები

ბათუმის მერია შადრევნებს არემონტებს

22.11.2015 • 2214
ბათუმის მერია შადრევნებს არემონტებს

შადრევანი აჭარის ხელოვნების მუზეუმთან

სამუშაოებს შპს „მონოლითი-2005“, გამარტივებული ელექტრონული ტენდერის საფუძველზე ასრულებს.

ხელშეკრულების თანახმად, რომელიც ბათუმის მერიასა და „მონოლითი-2015“-ს შორის 24 ოქტომბერს გაფორმდა, კომპანიამ სამუშაოები 187 787 ლარად, 25 დეკემბრამდე უნდა შეასრულოს.

შპს „მონოლითი-2005“-ს 2011 წლიდან დღემდე ბათუმის მერიის მიერ გამოცხადებულ 52 ტენდერში აქვს მონაწილეობა მიღებული, მათგან 26 ტენდერი – მოგებული. საერთო ჯამში კი, ოთხი წლის მანძილზე მერიის მიერ გამოცხადებულ ტენდერებში 8,400,790 ლარის ღირებულების სამუშაოები აქვს შესრულებული.  

2015 წელს ეს მესამე ტენდერია, რომელშიც „მონოლითი-2005“-მა გაიმარჯვა.

პარალელურად კომპანიას აქვს ვალდებულება აღებული შეასრულოს ჯავახიშვილის #70, 72, 74 მიმდებარედ სკვერის კეთილმოწყობის დამატებითი სამუშაოები 42,455 ლარად და დემეტრე თავდადებულისა და ბესიკის ქუჩების კვეთაში მდებარე სტადიონის გადატანა და მის ადგილას სკვერის მოწყობა 125,403 ლარად.

ბათუმის მერიასთან გაფორმებული ხელშეკრულების თანახმად „მონოლითი-2005“-მა ჯავახიშვილზე სკვერის მოწყობის სამუშაოები 25 დეკემბრამდე, ხოლო სტადიონის ადგილას სკვერის გაკეთება 30 დეკემბრამდე უნდა დაასრულოს.


შადრევანი აჭარის ხელოვნების მუზეუმთან

 

აჭარის ხელოვნების მუზეუმთან მდებარე შადრევნების სარემონტო-აღდგენითი სამუშაოების გეგმა

გადაბეჭდვის წესი


ასევე: