Tag Archives: ბათუმი

ბათუმის მერიამ სამთო ახალგაზრდული ბანაკების ორგანიზების შესყიდვაზე ტენდერი გამოაცხადა. ტენდერში გამარჯვებულმა უნდა უზრუნველყოს სამი ბანაკის ორგანიზება – მასთან დაკავშირებული ყველა სერვისით [ტრანსპორტირება, ბანაკების მოწყობა, კვება, ყოველდღიური ლაშქრობების სპორტული შეჯიბრებებისა და ინტელექტულურ- შემოქმედებითი საღამოების ორგანიზება და სხვა]. აღნიშნული ღონისძიებისთვის მერიას 38 ათასი ლარი აქვს გათვალისწინებული. პროგრამაში მონაწილე ახალგაზრდები კი მერიის სპეციალურმა კომისიამ უნდა შეარჩიოს.

აჭარის სამინისტროებსა და უწყებებს შორის სპორტული შეჯიბრის ორგანიზებაში ბათუმის მერია 3 500 ლარს გადაიხდის. შესაბამისი ელექტრონული ტენდერი მერიამ უკვე გამოაცხადა. სამინისტროებსა და უწყებებს შორის ტურნირი მინი-ფეხბურთში (24 თამაში) ქ. ბათუმის სპორტულ-ახალგაზრდულ ცენტრში ჩატარდება. 

ბათუმის მერიას აჭარის ფინანსთა და ეკონომიკის სამინისტრომ ბათუმში, ზვიად გამსახურდიას ქუჩაზე, ახალაშენებულ კორპუსში ცხრა ბინა გადასცა. ამავე სახლში ორი ბინა სამინისტროს ანუ აჭარის საკუთრებაშია. გარემონტებული ბინები (საერთო ფართობი – 426,42 კვ/მ) ხელისუფლებას კომპანია „კინოს უბანმა“ ადრე ნაკისრი ვალდებულებების სანაცვლოდ ჩააბარა. 

ფოტოები გადაღებულია დღეს, 25 მაისს, ბათუმში , მემედ აბაშიძის გამზირზე.

სასმელი წყლისთვის წელს ბათუმის ბიუჯეტიდან 8 მილიონზე მეტი ლარი დაიხარჯება. აქედან 1 მილიონ 180 ათასი ლარი „ბათუმის წყლის“ სუბსიდიაა იმის სანაცვლოდ, რომ კომპანიამ ტარიფი არ გაზარდოს. 

„ბათუმის წყალში“ აცხადებენ, რომ საწარმო მომგებიანი არ არის. ფინანსური დირექტორის თემურ ბედინაძის თქმით, 300-მილიონიანი ქონების ექსპლუატაციისთვის რა ხარჯიც უნდა გაიწიოს, იმის ადეკვატური არ არის ტარიფი ამ ეტაპზე: „ამხელა ქონებას ცვეთა რომ დაარიცხო, თუნდაც 2 პროცენტი, 6 მილიონი ლარია წელიწადში. შემოსავლები კი ყოველწლიურად 10-დან 12 მილიონ ლარამდე მერყეობს. აქედან ხელფასი და პრემიებია 4 მილიონი, 1 მილიონი ელექტროენერგიის ხარჯია, საწვავის, ტრანსპორტის ექსპლუატაციის ხარჯი, ასევე სხვადასხვა ხარჯი და ამიტომ არარენტაბელურია”.

ბათუმის მერიის კეთილმოწყობის სამსახურის მონაცემებით, მერიის ბიუჯეტიდან დაფინანსებული ქვეპროგრამის ფარგლებში, 2014 წელს ქალაქის ტერიტორიაზე განხორციელდა 6550 ცხოველის [მიუსაფარი ძაღლებისა და კატების] დაჭერა-ტრანსპორტირება; გაუკეთდა ევთანაზია [ჰუმანური დაძინება ნარკოზით] 2785 ცხოველს; სტერილიზაცია, ვაქცინაცია და დაბირკვა -1890-ს, კასტრაცია, ვაქცინაცია და დაბირკვა კი – 1875 ცხოველს.

 ბათუმში, ზღვის სანაპიროს გასწვრივ, შ. ხიმშიაშვილის ქუჩაზე (ჩარმიქლის ქუჩიდან ჟილინის არხამდე) ივნის-ივლისში კეთილმოწყობის სამუშაოები ჩატარდება.  სამუშაოების შესყიდვაზე მერიამ ტენდერი პირველ მაისს გამოაცხადა. შესყიდვის სავარაუდო ღირებულებაა 1 309 341 ლარი.

  საკრებულოს უმრავლესობის გადაწყვეტილებას, K2 კოეფიციენტის გადასახადიდან გათავისუფლების შესახებ, დღეს მხარი არ დაუჭირეს „თავისუფალი დემოკრატების“, „ერთიანი ნაციონალური მოძრაობისა“ და „რესპუბლიკური პარტიის“ წევრებმა.

ბათუმის მერიაში ბინით დაკმაყოფილების თაობაზე და თავშესაფრის უზრუნველყოფის შესახებ, მოქალაქეების მიერ 4 ათასზე მეტი განცხადებაა შეტანილი. მარტო შარშან და წელს, მერიის საფინანსო-ეკონომიკურ სამსახურში სულ შესული და განხილულია  2027 განცხადება.

კონდიციონერების გარე ბლოკების ფასადებზე მონტაჟსა თუ დემონტაჟს ბათუმის მუნიციპალიტეტი საკანონმდებლო დონეზე ვერ არეგულირებს. მიუხედავად ამისა,  მერიის ზედამხედველობის სამსახური თუ მიიჩნევს, რომ კონდიციონერის გარე ბლოკი ფასადს ამახინჯებს, სამსახური ატყობინებს მეპატრონეს, რომ ბლოკი ფასადიდან მოხსნას ან შეფუთოს.  

ბათუმის მერიის, სოციალური სერვისების სააგენტომ  აღდგომის დღესასწაულთან დაკავშირებით, სოციალურად დაუცველებს სააღდგომოდ   5 კვერცხი და ერთი პასკა გადასცა. 

დღეს ბათუმში, 9 აპრილის მემორიალთან მოქალაქეები შეიკრიბნენ და 1989 წლის 9 აპრილის ღამეს დაღუპულთა ხსოვნას  პატივი მიაგეს. 

შავი ზღვა

16 ტონა თხევად (აირად) ქლორს შეიძენს შპს „ბათუმის წყალი“, რისთვისაც კომპანიამ 43 390 ლარიანი ტენდერი გამოაცხადა. ბათუმში მომხმარებელი გაზქლორით დამუშავებულ წყალს მოიხმარდა, კომპანია წყლის გაწმენდის მეთოდის ცვლის და გაზქლორის ნაცვლად წყალი ჰიპოქლორიდით ანუ თხევადი ქლორით გაიწმინდება.

„თავისუფალ ჟურნალისტთა სახლის“ მოხალისეები შეეცადნენ გაერკვიათ როგორია ხალხის ჩართულობა თვითმართველობის საქმიანობაში, რას დაპირდნენ წინასაარჩევნოდ ბათუმის მერი და საკრებულოს დეპუტატები მოსახლეობას და რა შესრულდა მათი დანაპირებიდან. თვითმართველობის თითქმის ერთწლიანი საქმიანობა კი სტუდიაში ასოციაცია „თავისუფლება და დემოკრატიის“გამგეობის წევრმა ნინო ჩხეტიამ შეაფასა

<!** Image 3 align="" sub="ბათუმის პლაჟი დღეს, 3 აპრილი, 2015" width="600" height="960" >

შპს “სანდასუფთავების” მიერ გამოცხადებული ტენდერი ბათუმში მიწისქვეშა ნაგავშემკრები კონტეინერების დამონტაჟებაზე, ოთხჯერ ჩაიშალა – სამი ტენდერი გასულ წელს, ერთი კი – მიმდინარე წელს. ოთხჯერ გამოცხადებულ ტენდერში მხოლოდ ერთმა იურიდიულმა პირმა – შპს “ელიტ პროდაქშენმა” მიიღო მონაწილეობა და დამკვეთმა ისიც დაიწუნა – “დისკვალიფიცირებულია”, წერია სატენდერო დოკუმენტში. „სანდასუფთავებამ“ იგივე სამუშაოების შესყიდვაზე ტენდერი მეხუთედ, გუშინ, 30 მარტს გამოაცხადა. 

ბათუმის მერიამ სხვადასხვა სამუშაოების საპროექტო-სახარჯთაღრიცხვო დოკუმენტაციის შედგენაზე 100 ათასიანი ტენდერი გამოაცხადა. გამარჯვებულმა უნდა გასწიოს შემდეგი მომსახურებები: საპროექტო სამუშაოები; სახარჯთაღრიცხვო დოკუმენტაციის მომზადება და ობიექტის სავარაუდო ღირებულების დადგენა; სატენდერო დოკუმენტაციის მომზადება; საჭირო შემთხვევებში დამატებითი მომსახურების გაწევა; დეფექტური უწყისებით ხარჯთაღრიცხვების შედგენა; აგრეთვე ტექნიკურ-ეკონომიკური დასაბუთება და გეოლოგიური გამოკვლევა.

რამდენიმე წუთის წინ, ბათუმში, ლერმონტოვის ქუჩაზე, ნაგვის ურნაში გაჩენილი ცეცხლის გამო, სახანძრო სამსახური გამოიძახეს. სახანძრო ბრიგადა შემთხვევის ადგილზე 3 წუთში მივიდა და ცეცხლი ჩააქრო.

ბათუმში, გორგილაძის ქუჩაზე [გრიბოედოვისა და ჯავახიშვილის ქუჩებს შორის მონაკვეთში], სარეაბილიტაციო სამუშაოები 1 აპრილამდე უნდა დასრულებულიყო, თუმცა მიმდინარე სამუშაოების გამო გადაკეტილი ქუჩა შესაძლოა აპრილის ბოლომდე არ გაიხსნას. 

ბათუმში, პუშკინის ქუჩის მონაკვეთი ჯავახიშვილისა და გრიბოედოვის ქუჩებს შორის, გადაკეტილია. გადაკეტილია გრიბოედოვის ქუჩაც პუშკინის ქუჩის კვეთაში. ქუჩების გადაკეტვის მიზეზი კომუნალური ინფრასტრუქტურის რეაბილიტაციის სამუშაოების დაწყებაა, რომელიც ერთი წლის განმავლობაში გაგრძელდება და პუშკინის ქუჩის მონაკვეთები ეტაპობრივად გადაიკეტება.

სამუშაოები პარალელურად უნდა დაიწყოს პორტის მიმდებარე ტერიტორიიდანაც [გოგებაშვილისა და შავშეთის ქუჩების კვეთა]. 

ბათუმში, გორგილაძის ქუჩა სარეაბილიტაციო სამუშაოების გამო ხელახლა გადაიკეტა. გადაკეტილია გრიბოედოვისა და ჯავახიშვილის ქუჩებს შორის არსებული გზის მონაკვეთი.