კვირას, 23 იანვარს, ბათუმში, 19 საათზე, კაფე „გარდენსში“ გიორგი კეკელიძის ახალი წიგნის პრეზენტაცია გამართება, რომელსაც წიგნის ავტორიც დაესწრება.
“ორი თავგადასავალი“ – ასე ეწოდება გიორგი კეკელიძის ახალ რომანს.
“ეს გურული ბიჭის თავგადასავალია. ერთი მხრივ – თბილისი. სტუდენტური ქალაქი. დედის წერილები. ოთხმოცდაათიანი წლები. კრიმინალური საძმო. ფიზიკის ინსტიტუტი. სისხლი. ფული. შურისძიებები. პოსტსაბჭოთა საქართველოს ნაცნობი ნიშნები.
მეორე მხრივ – სიკვდილზე და სიცოცხლეზე დაკვირვება, სიყვარულთან გაუცხოება, ვერახდენილი ოცნებები, წარსულის შიში, საზღვრებთან ამაო ბრძოლა და მთვარეზე გაუხსნელი კოოპერატივი.
მიჰყევით ლევან ბარამიძეს – მისი ამბავი მოკლეა და ბევრს მოგითხრობთ“ – აღნიშნულია რომანის ანოტაციაში.
წიგნი გამომცემლობამ „წიგნები ბათუმში” გამოსცა.
პრეზენტაციაზე წიგნის შეძენა შესაძლებელი იქნება ფასდაკლებით, 5 ლარად. დასწრება თავისუფალია.
