Tag Archives: ბათუმი

ბათუმის ბულვარში, ბარბარეს ეკლესიასთან ახლოს განთავსებული პიანინო, გუშინ, 22 ივნისს, საღამოს საათებში ნასვამ მდგომარეობაში მყოფმა მამაკაცმა წააქცია. დაცვის პოლიციამ გამოიძახა პოლიცია და “ბათუმელების” ინფორმაციით, მამაკაცი დააკავეს. 

 როგორც “ბათუმელებს” შინაგან საქმეთა სამინისტროში განუცხადეს, დაცვის პოლიციამ დაკავებული პოლიციის მე-6 განყოფილებას  გადასცა. უწყების ცნობით, მამაკაცი ნასვამ მდგომარეობაში იყო, აღიარებს ბრალდებას და იღებს ვალდებულებას დაზიანებული პიანინო შეაკეთოს. ის პატიმრობიდან გაათავისუფლეს.

რაც შეეხება პასუხისმგებლობის, ეს დამოკიდებულია ექსპერტიზის დასკვნაზე. ექსპერტიზამ უნდა დაადგინოს რა   ზიანი მიადგა პიანინოს.

გამოძიება სისხლის სამართლის კოდექსის 187-ე მუხლით მიმდინარეობს, რაც გულისხმობს ნივთის დაზიანებას ან განადგურებას. “რამაც მნიშვნელოვანი ზიანი გამოიწვია, – ისჯება ჯარიმით ან საზოგადოებისათვის სასარგებლო შრომით ვადით ასიდან ას ოთხმოც საათამდე ან გამასწორებელი სამუშაოთი ვადით ერთ წლამდე ანდა თავისუფლების აღკვეთით ვადით ერთიდან სამ წლამდე.”

ბათუმის ქუჩებში,  პროექტ „ჰიტ ბათუმის“ ფარგლებში 10 ფერადი პიანინო დადგეს. პიანინოები ქუჩებში ორი თვის განმავლობაში იქნება განთავსებული და ნებისმიერ მსურველს შეეძლება მასზე დაკვრა.

თუ თქვენ გიყვართ ხატვა, “პრესკაფე” აცხადებს კონკურსს პროექტის ფარგლებში “ჩემი გარემო ჩემი სიამაყეა”. გამარჯვებულების ესკიზებით მოიხატება ბათუმის ქუჩებში არსებული ნაგვის ურნები, რომლებიც შემდგომში ქალაქის სხვადასხვა უბნებში განთავსდება.

23-26 ივლისს ბათუმში შავი ზღვის ჯაზფესტივალი გაიმართება. რიგით მეცხრე ჯაზფესტივალი ტრადიციულად ბათუმის ჩოგბურთის კორტებზე ჩატარდება და მასში მსოფლიო მასშტაბით ცნობილი შემსრულებლები მიიღებენ მონაწილეობას. ჯაზის მოყვარულებისთვის, ფასიანი კონცერტების გარდა, ფესტივალის დღეებში ბათუმის ბულვარში ამერიკული New York Brass Band-ი დაუკრავს.

ფოტოები გადაღებულია დღეს, 2 ივლისს. ბათუმში ნურიგელის ტბასთან.

ბათუმის მერიის გადაწყვეტილებით გარემოვაჭრეები ჭაჭის თაუერის მიმდებარე ტერიტორიაზე განთავსდნენ.

კონკრეტულად რატომ ამ ამდგილას? – “ბათუმელებს” მერიაში უთხრეს, რომ ამაზე მოგვიანებით უპასუხებენ. 

ბათუმის საკრებულომ ბათუმის მუნიციპალიტეტის საკუთრებაში არსებული 2910 ლარის ღირებულების 1500 ცალი კრამიტის [მეორადი] საქართველოს საპატრიარქოსთვის უსასყიდლოდ თხოვების უფლებით, ქალაქ ბათუმის მერს თანხმობა მისცა.

ბათუმის მერიამ სამთო ახალგაზრდული ბანაკების ორგანიზების შესყიდვაზე ტენდერი გამოაცხადა. ტენდერში გამარჯვებულმა უნდა უზრუნველყოს სამი ბანაკის ორგანიზება – მასთან დაკავშირებული ყველა სერვისით [ტრანსპორტირება, ბანაკების მოწყობა, კვება, ყოველდღიური ლაშქრობების სპორტული შეჯიბრებებისა და ინტელექტულურ- შემოქმედებითი საღამოების ორგანიზება და სხვა]. აღნიშნული ღონისძიებისთვის მერიას 38 ათასი ლარი აქვს გათვალისწინებული. პროგრამაში მონაწილე ახალგაზრდები კი მერიის სპეციალურმა კომისიამ უნდა შეარჩიოს.

აჭარის სამინისტროებსა და უწყებებს შორის სპორტული შეჯიბრის ორგანიზებაში ბათუმის მერია 3 500 ლარს გადაიხდის. შესაბამისი ელექტრონული ტენდერი მერიამ უკვე გამოაცხადა. სამინისტროებსა და უწყებებს შორის ტურნირი მინი-ფეხბურთში (24 თამაში) ქ. ბათუმის სპორტულ-ახალგაზრდულ ცენტრში ჩატარდება. 

ბათუმის მერიას აჭარის ფინანსთა და ეკონომიკის სამინისტრომ ბათუმში, ზვიად გამსახურდიას ქუჩაზე, ახალაშენებულ კორპუსში ცხრა ბინა გადასცა. ამავე სახლში ორი ბინა სამინისტროს ანუ აჭარის საკუთრებაშია. გარემონტებული ბინები (საერთო ფართობი – 426,42 კვ/მ) ხელისუფლებას კომპანია „კინოს უბანმა“ ადრე ნაკისრი ვალდებულებების სანაცვლოდ ჩააბარა. 

ფოტოები გადაღებულია დღეს, 25 მაისს, ბათუმში , მემედ აბაშიძის გამზირზე.

სასმელი წყლისთვის წელს ბათუმის ბიუჯეტიდან 8 მილიონზე მეტი ლარი დაიხარჯება. აქედან 1 მილიონ 180 ათასი ლარი „ბათუმის წყლის“ სუბსიდიაა იმის სანაცვლოდ, რომ კომპანიამ ტარიფი არ გაზარდოს. 

„ბათუმის წყალში“ აცხადებენ, რომ საწარმო მომგებიანი არ არის. ფინანსური დირექტორის თემურ ბედინაძის თქმით, 300-მილიონიანი ქონების ექსპლუატაციისთვის რა ხარჯიც უნდა გაიწიოს, იმის ადეკვატური არ არის ტარიფი ამ ეტაპზე: „ამხელა ქონებას ცვეთა რომ დაარიცხო, თუნდაც 2 პროცენტი, 6 მილიონი ლარია წელიწადში. შემოსავლები კი ყოველწლიურად 10-დან 12 მილიონ ლარამდე მერყეობს. აქედან ხელფასი და პრემიებია 4 მილიონი, 1 მილიონი ელექტროენერგიის ხარჯია, საწვავის, ტრანსპორტის ექსპლუატაციის ხარჯი, ასევე სხვადასხვა ხარჯი და ამიტომ არარენტაბელურია”.

ბათუმის მერიის კეთილმოწყობის სამსახურის მონაცემებით, მერიის ბიუჯეტიდან დაფინანსებული ქვეპროგრამის ფარგლებში, 2014 წელს ქალაქის ტერიტორიაზე განხორციელდა 6550 ცხოველის [მიუსაფარი ძაღლებისა და კატების] დაჭერა-ტრანსპორტირება; გაუკეთდა ევთანაზია [ჰუმანური დაძინება ნარკოზით] 2785 ცხოველს; სტერილიზაცია, ვაქცინაცია და დაბირკვა -1890-ს, კასტრაცია, ვაქცინაცია და დაბირკვა კი – 1875 ცხოველს.

 ბათუმში, ზღვის სანაპიროს გასწვრივ, შ. ხიმშიაშვილის ქუჩაზე (ჩარმიქლის ქუჩიდან ჟილინის არხამდე) ივნის-ივლისში კეთილმოწყობის სამუშაოები ჩატარდება.  სამუშაოების შესყიდვაზე მერიამ ტენდერი პირველ მაისს გამოაცხადა. შესყიდვის სავარაუდო ღირებულებაა 1 309 341 ლარი.

  საკრებულოს უმრავლესობის გადაწყვეტილებას, K2 კოეფიციენტის გადასახადიდან გათავისუფლების შესახებ, დღეს მხარი არ დაუჭირეს „თავისუფალი დემოკრატების“, „ერთიანი ნაციონალური მოძრაობისა“ და „რესპუბლიკური პარტიის“ წევრებმა.

ბათუმის მერიაში ბინით დაკმაყოფილების თაობაზე და თავშესაფრის უზრუნველყოფის შესახებ, მოქალაქეების მიერ 4 ათასზე მეტი განცხადებაა შეტანილი. მარტო შარშან და წელს, მერიის საფინანსო-ეკონომიკურ სამსახურში სულ შესული და განხილულია  2027 განცხადება.

კონდიციონერების გარე ბლოკების ფასადებზე მონტაჟსა თუ დემონტაჟს ბათუმის მუნიციპალიტეტი საკანონმდებლო დონეზე ვერ არეგულირებს. მიუხედავად ამისა,  მერიის ზედამხედველობის სამსახური თუ მიიჩნევს, რომ კონდიციონერის გარე ბლოკი ფასადს ამახინჯებს, სამსახური ატყობინებს მეპატრონეს, რომ ბლოკი ფასადიდან მოხსნას ან შეფუთოს.