Batumelebi | საუკეთესო სასტუმრო და რესტორანი აჭარაში – ტურიზმის ფორუმის გამარჯვებულები საუკეთესო სასტუმრო და რესტორანი აჭარაში – ტურიზმის ფორუმის გამარჯვებულები – Batumelebi
RU | GE  

საუკეთესო სასტუმრო და რესტორანი აჭარაში – ტურიზმის ფორუმის გამარჯვებულები

22 დეკემბერს, სასტუმრო „ლეოგრანდში“ ტურიზმის რეგიონალური ფორუმი „მაგნოლია 2015“ გაიმართა, სადაც ტურიზმის სექტორის წარმატებული კომპანიები დაჯილდოვდნენ. ფორუმი წელს პირველად ჩატარდა.

ფორუმზე პროექტ „იდუმალი სტუმრის“ შედეგებიც იყო წარმოდგენილი. პროექტის ფარგლებში 2015 წელს აჭარის ტურიზმისა და კურორტების დეპარტამენტმა 150 ობიექტში, მათ შორის განთავსებისა და კვების ობიექტში, ასევე ტურისტულ სააგენტოებში ფარული ვიზიტი განახორციელა სერვისების ხარისხის კვლევის მიზნით.

საუკეთესო სასტუმროებად „იდუმალი სტუმრის“ მიხედვით სამი გამარჯვებული დასახელდა: აპარტ-ოტელი „ლე პორტი“, სასტუმრო „ოაზისი“ და „ინტურისტ პალასი“.

ფორუმი "მაგნოლია 2015“

ფორუმი “მაგნოლია 2015“

საუკეთესო რესტორნად, პროექტ „იდუმალი სტუმრის“ მიხედვით, გამოვლინდა ორი გამარჯვებული: „თამარის სამეფო“ (ხელვაჩაური- ერგე) და „ვოქსი“.

საუკეთესო ტურისტული სააგენტოდ „იდუმალი სტუმრის“ მიხედვით სამი სააგენტო დასახელდა: „ბაიარტური“, „არგოტური“ და „გურტრეველი“.

ფურუმზე დაასახელეს სხვა გამარჯვებულებიც, რომლებიც, ტურიზმის დეპარტამენტის ინფორმაციით, ტურისტული სააგენტოების მიერ მოწოდებული ინფორმაციის, ასევე, Booking.com-სა და tripadviser-ზე გამოქვეყნებული შეფასებების საშუალებით გამოვლინდა.

ფორუმზე საუკეთესო ბრენდულ სასტუმროდ „დივან სუითი“ დასახელდა, ყველაზე მეგობრული სასტუმროს ნომინაციაში კი სასტუმრო „ევრაზია“ და ქობულეთში მდებარე სასტურმო – „ჩვენი ეზო“ დაჯილდოვდნენ.

ნომინაციაში – საუკეთესო დებიუტი 2015 წელს – სასტუმრო „ჰილტონი“ დასახელდა.

ნომინაციაში – ადგილი, რომელსაც ყველაზე მეტად სტუმრობენ, გამარჯვებულებად ბოტანიკური ბაღი და ბათუმის დელფნარიუმი დასახელდნენ.

საუკეთესო გიდას ნომინაციაში ზურაბ ჭკუასელი დააჯილდოვეს.

ნომნაციაში – ინოვაციური სერვისი – „ველოექსტრიმმა“ გაიმარჯვა.

ფორუმზე შეაფასეს სასტუმროებისა და ტურისტული სააგენტოების ვებგვერდებიც. სასტუმროს საუკეთესო ვებგვერდის ნომინაციაში გამარჯვება სასტუმრო „ლე პორტის“ ერგო, საუკეთესო ტურისტული სააგენტოს ვებგვერდად კი „აჭარა ტური“ მიიჩნიეს.

ნომინაციაში – ყველაზე მეგობრული ტურისტული სააგენტო – გამარჯვებულად „არგოტური“ დასახელდა,
საუკეთესო ვებგვერდის მფლობელად – რესტორანი „ბათუმარანი“, ყველაზე მეგობრული რესტორანად კი „ბალაგანი“ დასახელდა.

სააგენტოების გამოკითხვის შედეგად ყველაზე პოპულარული, სოფლად მდებარე საოჯახო მარანიც გამოავლინდა. ამ ნომინაციაში „შერვაშიძის მარანმა“ გაიმარჯვა, სოფლად მდებარე საუკეთესო საოჯახო სასტუმრო სახლის ნომინაციაში გამარჯვებულად კი “ზებო”დასახელდა, რომლის მეპატრონე ზებურ ბოლქვაძეა.

სააგენტოების გამოკითხვის შედეგად დაასახელეს ყველაზე მოთხოვნადი და პოპულარული მარშრუტი აჭარაში – მახუნცეთი – ბათუმი – მახუნცეთი.

ღონისძიებაზე სულ 17 ნომინაცია იყო წარმოდგენილი. აჭარის ტურიზმის დეტარტამენტმა, ასევე, მადლობის სიგელები გადასცა იმ კომპანიებს, დაწესებულებებსა და კერძო პირებს, რომლებიც აჭარაში ტურიზმის განვითარებას უწყობენ ხელს.

ტურისტული ფორუმი ბათუმში

ტურისტული ფორუმი ბათუმში

ტურიზმის რეგიონალურ ფორუმს „მაგნოლია 2015“ ტურიზმში დასაქმებული კერძო კომპანიების, დონორი ორგანიზაციების, სამთავრობო და არასამთავრობო სექტორის 200 -მდე წარმომადგენელი დაესწრო.

ნეტგაზეთის მასალების სხვა გამოცემებში გადაბეჭდვის წესი
„ბათუმელები“