ბათუმელები
დღეს, 15 ივნისს, საღამოს, ხანძარი გაჩნდა ბათუმში, ბაგრატიონის ქუჩაზე მდებარე კორპუსში, მაღალ სართულზე.
ადგილზე მობილიზებულია სახანძრო სამსახური და პოლიცია.
განახლებული ინფორმაცია:
ხანძარი ბაგრატიონის ქუჩაზე დაახლოებით 22:20 საათზე უკვე ლიკვიდირებული იყო.
„ბათუმელების“ ინფორმაციით, ხანძრის შედეგად არავინ დაშავებულა.
„თუ ამერიკამ და მით უმეტეს ისრაელმა შეატყო, რომ ირანელები ისევ ირანულ, აღმოსავლურ პოლიტიკას ატარებენ – ეშმაკური პოლიტიკა – არ არის გამორიცხული, რომ ისრაელმა დაარტყას ირანს,“ – მიიჩნევს ირანისტი ვასილ ღლონტი. მას იმ შეთანხმებაზე ვესაუბრეთ, რომელსაც აშშ-მ და ირანმა რამდენიმე დღეში შესაძლოა ხელი მოაწერონ.
თუმცა ირანისტი ფიქრობს, რომ „ირანი ურანის გამდიდრების პროცესს მაინც არ გააჩერებს, რაც არ უნდა შეჰპირდეს ამერიკას“.
„ბათუმელებმა“ ვასილ ღლონტთან ინტერვიუ ჩაწერა. იგი ირანისტია, აღმოსავლეთმცოდნე, საერთაშორისო უსაფრთხოების ექსპერტი.
ეს კონფლიქტი ამერიკასა და ირანს შორის, მანამდე კიდევ ისრაელსა და ირანს შორის, არის ძალიან საფუძვლიანი და ღრმა. ის არ გამომდინარეობს მხოლოდ გუშინდელი დღიდან. ეს ღრმა კონფლიქტია და მისი მოგვარება ძალიან ძნელია.
მოლაპარაკებების პროცესს აქტიურად ვაკვირდები და იკვეთება, რომ მხარეებს შორის არის ძალიან მაღალი უნდობლობა: არცერთი დაპირისპირებული მხარე არ ენდობა ერთმანეთს. ირანი არ ენდობა ამერიკას, ისრაელთან კი, საერთოდ ლაპარაკიც არ უნდა. თავის მხრივ, არც ამერიკა ენდობა ირანს.
საინტერესოა, რომ ისრაელი ბოლომდე ამერიკასაც არ ეთანხმება გარკვეულ საკითხებში. მიუხედავად სტრატეგიული პარტნიორობისა, ამ ორ ქვეყანას შორის არის მომენტები, სადაც ისრაელის და აშშ-ს ინტერესები ერთმანეთისგან იყოფა.
მოლაპარაკება რომ შემდგარიყო, ამ პროცესში აქტიურად იყვნენ ჩართული გავლენიანი აქტორები. მაგალითად, თურქეთი იყო აქტიურად ჩაბმული, ყატარი, საუდის არაბეთი, პაკისტანი იყო ის ქვეყანა, რომელიც იყო ნომერ პირველი შუამავალი. ცნობილია, რომ მოლაპარაკებების რამდენიმე ეტაპი ჩატარდა ისლამაბადში – პაკისტანის დედაქალაქში და პაკისტანმა ძალიან დიდი როლი ითამაშა იმაში, რომ ეს კონფლიქტი მშვიდობიანად დასრულებულიყო.
მაგრამ გადაწყდა, რომ ძირითადი მოლაპარაკება გაიმართოს ჟენევაში 19 ივნისს.
საუბარია 14 პუნქტზე, რაც გასაიდუმლოებულია და ეს პირობები კითხვის ნიშნებით არის სავსე. ჯერჯერობით არცერთი მხარე არ ასაჯაროებს ტექსტს, რაც ხელმოწერის შემთხვევაში, ცხადია, საჯარო იქნება.
არსებობს სხვადასხვა წყარო, რომლის მიხედვითაც ცნობილია, რას ეხება ეს პუნქტები. ყველაზე პრობლემატურია ბირთვული პროგრამის განვითარების საკითხი, რომელიც ბოლომდე ვერა და ვერ არის ჩამოყალიბებული. აშშ ითხოვს, რომ ირანმა ურანის გამდიდრების პროცესი შეაჩეროს და საერთოდ, ბირთვულ პროგრამაზე უარი თქვას.
ამერიკა ითხოვს, ირანმა მთლიანად გააჩეროს ბირთვული პროგრამა, რომ კითხვის ნიშნები არ იყოსო. ისრაელი ამას განსაკუთრებით ითხოვს. ირანი პასუხობს: ბირთვულ პროგრამას მოლაპარაკებების დროს გავაჩერებ, მაგრამ, ზოგადად, მშვიდობიანი მიზნებისათვის ბირთვულ პროგრამაზე უარს არ ვამბობო.
მიუხედავად იმისა, რომ ირანი ძალიან დაზიანდა ამ ომის დროს: ბირთვული პროგრამის მეცნიერები დაუხოცეს, გაუნადგურეს ინფრასტრუქტურა, ირანს აქვს გადანახული ძალიან დიდი რაოდენობით გამდიდრებული ურანი და ტექნიკური საშუალებებიც აქვს, რომ პროგრამის გაჩერებას დაგპირდეს, მაგრამ სინამდვილეში არ შეაჩეროს.
ისრაელი არ ენდობა, მაგალითად, ირანს, რომელსაც აქვს აღმოსავლური სტრატეგია: შეიძლება, რაღაცაც დაგპირდეს, მაგრამ ჩუმად მაინც იმოქმედოს. ეგ ძალიან მნიშვნელოვანი მომენტია. ირანი აცხადებს, რომ ტექნიკური ხასიათის შეხვედრებია საჭირო. გამოდის, ირანი დროში წელავს ამ თემას.
ამერიკა ითხოვს 20 წლით გააჩერე ეს პროგრამაო. ირანელებისგან კი არის საუბარი, რომ 20 წელი ძალიან დიდი ვადაა და 5 წლით გააჩერებს პროცესს. ესეც არის კითხვის ნიშანი: გააჩერებს თუ არა რეალურად ირანი პროგრამას 5 წლით.
დიახ, ეს არის მთავარი პრობლემა მოლაპარაკებებში – გარანტიები. ირანს ძალიან დიდი ინფრასტრუქტურა აქვს მიწის ქვეშ, მთის ძირშია მოწყობილი დახურული საწარმოები, იქ არის მოწყობილი ლაბორატორიები, მეცნიერებიც იქ ჰყავთ ახლა და ალბათ შესაბამისი დაცვა უყენიათ.
გარანტია არის პრობლემა, რადგან ირანი სულ იტყუებოდა. აი, 2015 წელს, როცა ხელშეკრულება დაიდო, მაშინ გაეროს რეზოლუცია იყო, რომ ირანი კონსტრუქციულად ითანამშრომლებდა, მაგრამ აღმოჩნდა, რომ ეგ იყო ბლეფი და მაინც აგრძელებდა ურანის გამდიდრების პროცესს.
მე უფრო მეორე ვარაუდს ვეთანხმები. ირანი ისევ დროის გაჭიანურებას ცდილობს.
ირანი კარგად ხედავს, როცა ჩვეულებრივი იარაღით ომობს, რამხელა ზარალს იღებს- ირანმა ამ ომში უზარმაზარი ზარალი მიიღო: დაუხოცეს „გუშაგთა კორპუსის“ ზედა ფენა, მთავარი აიათოლა, ანუ სულიერი ლიდერი მოუკლეს, დაუხოცეს გენერლები, დაუნგრიეს ინფრასტრუქტურა… ამიტომაც, ირანი ხედავს, რომ ჩვეულებრივი იარაღით ვერაფერს აკეთებს ამერიკასთან.
ბირთვული პოტენციალის მქონე ქვეყანა კი, სხვა რამეა უკვე, მით უმეტეს იმ ფონზე, როცა ირანს აქვს ძალიან ძლიერი სარაკეტო წარმოება – ისრაელს ახლაც კი ბომბავს ირანი, იმდენად ბევრი რაკეტა აქვს, ანუ ბირთვული იარაღის გადატანის პრობლემა ირანს არ ექნება.
ჩემი სუბიექტური აზრია, რომ ირანი ურანის გამდიდრების პროცესს მაინც არ გააჩერებს, რაც არ უნდა შეჰპირდეს ამერიკას.
არაფერი გამორიცხული არ არის. შეიძლება, მოლაპარაკებების პროცესშიც გაგრძელდეს საომარი მოქმედებები.
პირველი ომი რომ დაიწყო, მოლაპარაკებების პროცესი მიდიოდა ირანსა და ამერიკას შორის, მაგრამ მაშინ ისრაელმა დაარტყა. იმის გამორიცხვა, რომ შეჩერდება, ძალიან რთული განსასაზღვრია.
თუ ამერიკამ და, მით უმეტეს, ისრაელმა შეატყო, რომ ირანელები ისევ ირანულ აღმოსავლურ პოლიტიკას ატარებენ – ეშმაკური პოლიტიკას – არ არის გამორიცხული, რომ ისრაელმა დაარტყას ირანს. მით უმეტეს, ისრაელმა უკვე განაცხადა გარკვეულ საკითხებთან დაკავშირებით, ამერიკის პოზიციას არ ვეთანხმები, ჩვენ არ ვართ ბანანის ქვეყანაო.
ჰორმუზის გასასვლელი არის ძალიან მნიშვნელოვანი იმ ქვეყნებისთვის, რომლებიც არიან ენერგოდამოკიდებულები, იგივე ევროპის ქვეყნები. როცა მოლაპარაკებაზე დაიწყო საუბარი, დიდმა ბრიტანეთმა, საფრანგეთმა, გერმანიამ და იტალიამ გამოხატეს ძალიან პოზიტიური დამოკიდებულება.
გუშინაც განცხადება გაავრცელეს ევროპელმა ლიდერებმა: სანქციებსაც კი მოვუხსნით ირანს, თუ დათანხმდება ამ ომის დასრულებასა და ამერიკის პირობების მიღებასო. ირანმა განაცხადა, რომ ამ მოლაპარაკებების დროს ჰორმუზის გასასვლელი გაიხსნება, ოღონდ ჩვენ დავიტოვებთ უფლებას, რომ ნავიგაციის და უსაფრთხოების საკითხების უზრუნველყოფის მიზნით გარკვეული გადასახადი ავიღოთო.
ირანის მოთხოვნაა, რომ თუ აშშ ირანის გარშემო თავის ჯარებს გაიყვანს, ირანი 30 დღით გახსნის გასასვლელს.
როგორც ჩანს, გაიხსნება ეს გასასვლელი, მაგრამ დანარჩენი დამოკიდებულია იმაზე, თუ როგორ გაგრძელდება მოლაპარაკებები.
ძალიან რთული კონფიგურაციაა. თუ ძირითად პაკეტზე მხარეები შეთანხმდნენ, გამოვა, რომ ირანში რეჟიმი ძლიერდება – ირანის რეჟიმი დარჩება ხელისუფლებაში, როგორც მმართველი ძალა.
მაგალითად, ერთ-ერთი საინტერესო პუნქტია შეთანხმების დოკუმენტის იმ ვერსიაში, რაც გამოქვეყნდა, ოღონდ დასაზუსტებელია ამ პუნქტების შინაარსი: ამერიკა ვალდებულებას იღებს თავის თავზე, რომ ირანის შიდა საქმეებში არ ჩაერევა. ამაზე თუ შეთანხმდებიან, გამოვა, რომ ირანის ხელისუფლება ბოლომდე დაერევა მისი მმართველობით უკმაყოფილო მოსახლეობას, ოპოზიციურ ძალებს. როგორც კი ეს დოკუმენტი იქნება ხელმოწერილი, ისევ დაეტაკებიან, პირველ რიგში, ქალებს… ბოლო დროს ქალები ჩვეულებრივად დადიოდნენ თეირანის ქუჩებში.
გეთანხმებით, რომ ეს იმოქმედებს ამერიკის რეპუტაციაზე ნეგატიურად, მაგრამ ტრამპი არის ძალიან რთულ მდგომარეობაში. ტრამპს უწევს ცუდსა და უარესს შორის არჩევანის გაკეთება: სახმელეთო ომზე უარს ამბობს ამერიკის სამხედრო და პოლიტიკური ელიტა, ამიტომაც, ტრამპს მოუწევს დათმობებზე წავიდეს ირანთან მიმართებაში.
შეიძლება, ტრამპის წარმომადგენლებმა მოლაპარაკებების დროს მოითხოვონ გარანტიები ამ კუთხით, რომ მოსახლეობასთან ფრთხილად მოიქცნენ, მაგრამ რამდენად შეასრულებს ამ პირობას ირანი, როცა ეს რეჟიმი ადამიანების წვალებაზეა აღმოცენებული და ადამიანების შევიწროება, წამება, უდანაშაულო ადამიანების ციხეში ჩასმა ხელოვნების დონეზე აქვთ აყვანილი?
„ივანე მესხის მეორე ჩიხში გზა ნახევრად გააკეთეს. როცა ვიკითხეთ, რატომ დატოვეთ ქუჩა გასაკეთებელიო, გვიპასუხეს, ასეთია ბრძანებაო, ამის შემდეგ სხვები დააგებენო, მაგრამ არავინ გამოჩენილა“, – მოგვწერეს ბათუმში, ივანე მესხის მეორე ჩიხიდან.
ეს აეროპორტის დასახლებაა. ივანე მესხის მეორეს ჩიხის დასაწყისში ასფალტის ახალი საფარი დაგხვდებათ შესაბამისი საგზაო მონიშვნით, თუმცა როგორც კი რამდენიმე ნაბიჯს გადადგამთ და მოსახვევს შემოუვლით, ისევ ტალახიან და წყლის გუბეებით სავსე ქუჩაზე აღმოჩნდებით.
ივანე მესხის მეორე ჩიხის პრობლემებზე „ბათუმელების“ 2026 წლის მარტში წერდა. მაშინ ამ ქუჩაზე ფეხით გავლა პრაქტიკულად შეუძლებელი იყო. ამ ქუჩაზე „ბათუმელებს“ ამჯერად უთხრეს, რომ ჩიხის დასაწყისში აპრილში ასფალტის საფარი დააგეს, ასევე გარკვეულ მონაკვეთში სანიაღვრე არხიც მოწესრიგდა და წყლის გუბეებიც დაპატარავდა. მოქალაქეების თქმით, დაწყებული სამუშაოები მალევე შეჩერდა და ვერ მიიღეს პასუხი, რატომ არ მივიდა საქმე ბოლომდე.
„ვინც მუშაობდა გზაზე, გვითხრეს, რომ მერიაში ასე დაგვავალეს, აქამდე უნდა გააკეთოთ მხოლოდ, დანარჩენს ის გააკეთებს, ვისაც ტენდერი აქვსო. ასე როდემდე უნდა ვიაროთ?
გამოდის, ამის იქეთ ხალხი არ ვცხოვრობთ? არ ვიცი, რა ეწოდება ამას.
ტაქსი ამ მოასფალტებული გზის იქით არ მოდის, ფუჭდება მანქანაც. წვიმაში ვერ გაივლი საერთოდ, ისეთი ტალახია,“ – უთხრა „ბათუმელებს“ გულვარდი აბულაძემ.
მოქალაქეების თქმით, მათ მერიაში მიიღეს დაპირება, რომ ჩიხის მოწესრიგებას დაასრულებენ, თუმცა არ იციან, როდის გაგრძელდება სამუშაოები. მოქალაქეების ნაწილს საჯაროდ კომენტარის გაკეთებაც არ სურს: ისედაც მიუხედავი ვართ და უფრო გაგვინაწყენდება მერიაო.
რატომ არ შესრულდა სამუშაოები სრულად ივანე მესხის მეორე ჩიხში? – „ბათუმელები“ ბათუმის მერიას დაუკავშირდა:
„ივანე მესხის II ჩიხში, არსებული საჭიროებიდან გამომდინარე, ეკონომიების ხარჯზე დაიწყო სამუშაოები, მოეწყო შესასვლელი მონაკვეთი, სადაც წყლის დაგუბების პრობლემა იდგა.
რაც შეეხება დარჩენილ ნაწილს, მისი სრულყოფილი რეაბილიტაციისთვის უკვე შესყიდულია საპროექტო დოკუმენტაცია. შესაბამისი თანხა ბიუჯეტის ცვლილების ფარგლებში გათვალისწინებულია და სამუშაოების დაიწყება არაუგვიანეს სექტემბრისა,“ – მოგვწერეს ბათუმის მერიის პრესცენტრიდან.
რამდენიმე დღეა მოქალაქეები ტელეფონებზე იღებენ შეტყობინებას, ე.წ „საგზაო პოლიციის ბიუროს“ სახელით, თითქოსდა მათი ავტომანქანა მოძრაობის წესების დარღვევის გამო დაჯარიმდა და თუ ჯარიმის თანხას 15 დღეში არ გადაიხდის მეპატრონე, მათი საბანკო „ანგარიშები გაიყინება“.
„ვადის გასვლიდან მე-7 დღიდან ყოველდღიურად დაგერიცხებათ 5.76%-იანი დაგვიანებული გადახდის საკომისიო. თუ ჯარიმის გადახდას გადადებთ 30 დღეზე მეტი ვადით, კომპეტენტური სასამართლო გაყინავს თქვენს საბანკო ანგარიშს“, – წერია სმს-ეს შეტყობინებაში.
ჯარიმის გადახდის ვადად 2026 წლის 15 ივნისია მითითებული.
რეალურია ეს შეტყობინებები, თუ საქმე გვაქვს ონლაინ თაღლითობასთან? როგორც შსს-ში „ბათუმელებს“ უთხრეს, ამ ფაქტებთან დაკავშირებით დაწყებულია გამოძიება.
„მოქალაქეებს მოვუწოდებთ არ შეასრულონ შეტყობინებაში მოცემული ინსტრუქცია“, – გვითხრეს შს სამინისტროში.
სამი ქართველი მეზღვაური აღმოჩნდა ლა-მანშის სრუტეში ბრიტანელი სამხედროების მიერ დაკავებულ სანქცირებულ ტანკერ Smyrtos-ზე.
“ბიბისის” ცნობით, 14 ივნისს, დიდი ბრიტანეთის დანაშაულთან ბრძოლის ეროვნულმა სააგენტომ 6-საათიანი ოპერაცია ჩაატარა, რომლის შედეგადაც დააკავეს კამერუნის დროშის ქვეშ მცურავი სანქცირებული ტანკერი Smyrtos, რომელიც მიჩნეულია, როგორც „ჩრდილოვანი ფლოტის“ შემადგენლობაში შემავალი ტანკერი.
“ბიბისი” ავრცელებს სპეცოპერაციის ამსახველ ვიდეო კადრებს, რომელზეც ჩანს, რომ გემზე დესანტი სამხედრო ვერტმფრენით გადასხეს.
“ბიბისის” ცნობით, დაკითხვის მიზნით დაკავებულია გემის კაპიტანი, რომელიც ინდოეთის მოქალაქეა.
დაკავებული ნავთობტანკერი, რომელზეც ეკიპაჟის 24 წევრი იმყოფება, ლა-მანშის სრუტის ნაპირზეა გაჩერებული.
ეკიპაჟის წევრები, რომლებიც ინდოეთისა და საქართველოს მოქალაქეები არიან, ამ ეტაპზე ტანკერზე რჩებიან.
ნავთობ ტანკერი Smyrtos [IMO:9389100] 2025 წლის ივლისში დაასანქცირეს. სწორედ ამის შემდეგ შეიცვალა გემმა სახელი, მანამდე ნავთობტანკერს Myrtos-ი ერქვა.
Smyrtos-ი [IMO:9389100] 2026 წლის 5 ივნისს გავიდა რუსეთიდან, სანქტ-პეტერბურგიდან.
ლა-მანშის სრუტეში ის 13 ივნისს შევიდა, 14 ივნისს კი დააკავეს.
დღეს, 15 ივნისს, განცხადება გაავრცელა საზღვაო ტრანსპორტის სააგენტომ და დაწერა, რომ „სააგენტომ დაიწყო საკითხის შესწავლა თავისი კომპეტენციის ფარგლებში“.
„გაერთიანებული სამეფოს ხელისუფლების მიერ მოწოდებული ინფორმაციით, ამ ეტაპზე გემზე იმყოფება ეკიპაჟის 24 წევრი, რომელთაგანაც სამი საქართველოს მოქალაქეა.
ბრიტანეთის ხელისუფლების ინფორმაციით ყველა მეზღვაური უსაფრთხოდაა და მათ ჯანმრთელობას საფრთხე არ ემუქრება.
ხაზგასმით აღვნიშნავთ, რომ საქართველოს მოქმედი კანონმდებლობა და სააგენტოს მარეგულირებელი აქტები საკრუინგო კომპანიებს ავალდებულებს განახორციელონ მკაცრი სანქციური შემოწმება და კრძალავს მეზღვაურთა დასაქმებას იმ გემებზე ან გემთმფლობელებთან, რომლებიც ექვემდებარებიან გაეროს, ევროკავშირის, ამერიკის შეერთებული შტატების ან გაერთიანებული სამეფოს სანქციებს.
სააგენტომ გადაამოწმა საქართველოში მოქმედი და აღიარებული საკრუინგო და მეზღვაურთა დასაქმების კომპანიების მონაცემები. ჩატარებული შემოწმების შედეგად, აღნიშნული გემი არ იდენტიფიცირდა არცერთი აღიარებული ქართული საკრუინგო კომპანიის დასაქმების, რეკრუტირების ან მეზღვაურთა განთავსების ჩანაწერებში.
შესაბამისად მათი დასაქმება არ განხორციელებულა საქართველოს საზღვაო სააგენტოს მიერ აღიარების მქონე კომპანიების მიერ,“ – ნათქვამია განცხადებაში.
სააგენტო აცხადებს, რომ აგრძელებს თანამშრომლობას გაერთიანებული სამეფოს შესაბამის უწყებებთან და ყურადღებით აკვირდება მიმდინარე გამოძიების შედეგებს.
ბოლო 6 წელიწადში ქვეყანაში შეიცვალა სამი პრემიერ-მინისტრი, ფინანსთა სამინისტროში შეიცვალა შემოსავლების სამსახურის სამი უფროსი, სარფის საბაჟოზე კი შეიცვალა წყლის ვედროების ფერი და ზომა, რომელიც ქვეყანაში შემოსულ ტურისტს ხვდება თურქეთ-საქართველოს საზღვრის კვეთისას.
მინიმუმ 6 წელია სარფში, საბაჟო-გამშვებ პუნქტზე წყლის ვედროები დგას.
წყლის ფერადი ვედროები განთავსებულია საქართველოს მხარეს, ფართო დერეფანში, რომლის გავლაც ნებისმიერ პირს უწევს, ვინც თურქეთიდან ქვეყანაში სახმელეთო გზით შემოდის.
შინაგან საქმეთა სამინისტროს გასული წლის სტატისტიკის მიხედვით, საქართველოში 2025 წელს სარფის საბაჟოს გავლით 2 575 901 ადამიანი შემოვიდა.
სავარაუდოდ, ყველა მათგანმა საქართველოში შემოსვლისას პირველი რაც ნახა, იყო პლასტმასის ვედრო, რომელიც ბოლო 6 წელია სარფის საბაჟოს უცვლელ ატრიბუტიკად იქცა – აქ წვიმის წვეთების შესაკავებლად დევს ვედრო.
მივყვეთ ქრონოლოგიურად:
„ბათუმელების“ ფოტო არქივში, ყველაზე ძველი ფოტო, რომელზეც სარფის საბაჟოზე მდგარი ვედროა გამოსახული, 2021 წლის ივლისით თარიღდება.
ორი ფოტოს შედარებით, რომელიც 2021 წლის ივლისსა და ოქტომბერშია გადაღებული, ჩანს, რომ საბაჟოს შენობის ჭერში არსებული პრობლემა, თვეების განმავლობაში ისე გამწვავდა, რომ შემოსავლების სამსახურმა გამაფრთხილებელი აბრაც კი დადგა.
მორიგი ფოტო არქივიდან 2023 წელსაა გადაღებული.
ამ წელს საბაჟოზე სარეაბილიტაციო სამუშაოები ჩატარდა და ამისათვის სახელმწიფო ბიუჯეტიდან 778 884 ლარი დაიხარჯა.
სატენდერო დოკუმენტაციის მიხედვით, აღნიშნული თანხა დაიხარჯა „საბაჟო გამშვები პუნქტი „სარფის“ ადმინისტრაციული შენობის სხვადასხვა სახის სარემონტო სამუშაოებისათვის“.
სარეაბილიტაციო სამუშაოების ჩატარების შემდეგ, სარფის საბაჟოს ტერიტორიდან ცოტა ხნით ვედროები აიღეს. თუმცა შემდეგ ისევ დააბრუნეს.
2024 წელს ვედროები სარფის საბაჟოზე ისევ დაბრუნდა. მხოლოდ შეიცვალა ვედროების ფორმა და ფერები.
2026 წელს სარფის საბაჟო-გამშვებ პუნქტზე ვედროები და 10 ლიტრიანი გადაჭრილი წყლის ბოთლები გამრავლდა.
ეს ფოტოები 2026 წლის იანვარშია გადაღებული. ვედროები იდგა როგორც პასპორტ კონტროლამდე არსებულ ზონაში, ასევე უშუალოდ საბაჟოს გასასვლელში.
ბოლო ფოტო კი ორი დღის წინაა გადაღებული.
შემოსავლების სამსახურს, რომელიც პასუხისმგებლია სარფის საბაჟოს გამართულად მუშაობაზე, 2021 წლიდან დღემდე 3 ხელმძღვანელი შეეცვალა.
2019-2025 წლებში შემოსავლების სამსახურის უფროსი იყო ლევან კაკავა, 2023 წლიდან 2026 წლის 27 აპრილამდე შემოსავლების სამსახურის უფროსის პოზიცია ეკავა ირაკლი (დაჩი) ბერაიას, ხოლო 2026 წლის 27 აპრილში შემოსავლების სამსახურის უფროსად მიხეილ მაღლაკელიძე დაინიშნა.
2026 წლის ივნისის მდგომარეობით, ვერცერთმა ხელმძღვანელმა პრობლემის მოგვარება ვერ შეძლო.
„ბათუმელებმა“ შემოსავლების სამსახურს მიმართა შემდეგი კითხვებით.
დავინტერესდით, 2021 წლიდან დღემდე, რატომ დგას სარფის სასაზღვრო გამშვებ პუნქტზე [საბაჟოზე] პლასტმასის ვედროები. თუ რაიმე პრობლემა არსებობდა, 2023 წელს, როდესაც რეაბილიტაცია ჩატარდა, რატომ ვერ აღმოიფხვრა ეს პრობლემა?
მიმდინარე წელს იგეგმება თუ არა საბაჟო გამშვები პუნქტის რეაბილიტაცია? და თუ იგეგმება, როდის დაიწყება?
„ამ წუთასაც მიმდინარეობს სარემონტო სამუშაოები. წყლის გაჟონვის კერა უნდა აღმოიფხვრას და უნდა გარემონტდეს. სპეციალური ტექნიკური ჯგუფი მუშაობს ამასთან დაკავშირებით და ეს პრობლემა აღარ იქნება,“ – გვითხრეს შემოსავლების სამსახურში დღეს, 2026 წლის 15 ივნისს.
მთავარია გჯეროდეს – ახალი შესაძლებლობების, საკუთარი გზის და შემოქმედებითი ძალის. სწორედ ამ რწმენით პრემია „ელისოს“ ერთგული მხარდამჭერია თიბისი.
ნატო ვაჩნაძის ფონდის ორგანიზებით კინოდაჯილდოება „ელისო“ წელს მესამედ გაიმართა კინოკონკურსის მიზანია ქართული კინემატოგრაფის განვითარების ხელშეწყობა და თანამედროვე კინემატოგრაფისტების მხარდაჭერა.
კინოპრემია „ელისო“ 2026 წლის გამარჯვებული კინემატოგრაფისტები, ტრადიციულად 14 ივნისს გურჯაანში, ნატო ვაჩნაძის სახლ-მუზეუმში გამოვლინდნენ.
ქართველი და საერთაშორისო კინოპროფესიონალებისგან შემდგარმა ჟიურიმ, რომლის შემადგენლობაშიც იყვნენ – ანგელა შანელეკი, თეო ხატიაშვილი, მალგორჟატა შუმოვსკა, გიორგი შველიძე, ლეა გლობი – გამოავლინა 2026 წლის გამარჯვებულები:
საუკეთესო ფილმი | „ხმელი ფოთოლი“, რეჟისორი ალექსანდრე კობერიძე.
საუკეთესო რეჟისორი | თამარ კალანდაძე, ჟულიენ პებრელი „ქართლის ცხოვრება“.
სპეციალური აღნიშვნა საუკეთესო რეჟისორი | ქეთევან ვაშაგაშვილი „ცხრათვიანი კონტრაქტი“.
საუკეთესო მსახიობი | ნინი იაშვილი ,,ქალაქის ხმაური’’.
სპეციალური აღნიშვნა საუკეთესო მსახიობი | ტატო ოქრიაშვილი, საბა წიკლაური, რატი აბრამიშვილი „მილი“
საუკეთესო ოპერატორი | შალვა სოყურაშვილი „მილი“.
საუკეთესო მონტაჟი | ანკა გუჯაბიძე, ლევან ბუთხუზი „თემორე’’.
საუკეთესო კინომუსიკა | კოტე კალანდაძე „არავინ არ ჩანს“.
დაჯილდოების ცერემონიაზე, „ნატო ვაჩნაძის ფონდის“ სახელობის პრემიის ლაურეატად დასახელდა ნათელა გრიგალაშვილი ქართულ ფოტოგრაფიაში შეტანილი განსაკუთრებული წვლილისთვის.
შეგახსენებთ, რომ წლევანდელ კონკურსში განიხილებოდა 2025 წელს გამოსული სრულმეტრაჟიანი მხატვრული და სრულმეტრაჟიანი დოკუმენტური ქართული პროდუქციის ან კო-პროდუქციის ფილმები და ნატო ვაჩნაძის ფონდის გადაწყვეტილებით წელს დაემატა საუკეთესო კინომუსიკის (ორიგინალური მუსიკა) ნომინაცია.
თიბისი, მრავალწლიანი გამოცდილებით, აქტიურად უჭერს მხარს კულტურულ პროექტებს, რომლებიც ემსახურება ეროვნული ღირებულებების შენარჩუნებას, ქართული ხელოვნების განვითარებასა და კულტურული მემკვიდრეობის პოპულარიზაციას. თიბისი მხარდამჭერია თბილისის, ბათუმისა და ქუთაისის კინოფესტივალების, ასევე გასულ წელს ქართველ დამოუკიდებელ კინემატოგრაფისტებთან თანამშრომლობით, საქართველოს 10 ქალაქში უმასპინძლა პროექტს „კინო გზაზე“, რომელიც რეგიონებში ღია კინოჩვენებების სერიას აერთიანებდა.
განათლების სამინისტრომ „ღირებულებითი განათლების პროგრამაში“ ჩართული სასულიერო პირები და მოსწავლეები მადლობის სიგელებით დააჯილდოვა.
სამინისტროს ინფორმაციით, საპატრიარქოს სასულიერო პირებს 141 სკოლაში 175 კლუბი აქვთ გახსნილი, „სექტემბრიდან კი ისინი ახალ კლუბებს გახსნიან და ამ მიზნით 129 სასულიერო პირი გადამზადდა“, – წერს სამინისტრო.
მათივე ინფორმაციით, კლუბებში 4 375 მოსწავლეა ჩართული.
სამინისტროს განცხადებით, პროგრამაში ჩართული არიან აფხაზეთის ოკუპირებულ ტერიტორიაზე და უცხოეთში მცხოვრები ახალგაზრდებიც.
სამინისტროს მტკიცებით, აღნიშნული პროგრამა „ხელს უწყობს მოსწავლეებში პასუხისმგებლობის, პატივისცემის, მოქალაქეობრივი ცნობიერებისა და სამშობლოს სიყვარულის განმტკიცებას“.
___________________
განათლების რეფორმა:
ივანიშვილის „ძალიან ღირებული რჩევების“ შედეგები განათლების რეფორმაში
______________
მთავარი ფოტო: სამინისტროს მიერ დაჯილდოებული სასულიერო პირები.
Lawyer Shota Tutberidze was first issued an administrative offence report by Georgia’s Ministry of Internal Affairs and was later fined 4,000 GEL by Judge Davit Makaridze over a comment he posted under a social media post by Georgian Dream Parliament member Nino Tsilosani.
The fine was imposed under Article 173¹⁶ of Georgia’s Code of Administrative Offences, which concerns verbal insult, abusive language, offensive harassment, or other insulting actions directed at a state-political office holder, political official, public servant, person equated with a public servant, and/or civil servant in connection with the performance of their official duties or professional activities (except in cases covered by Georgia’s Criminal Code).
Article 173¹⁶ was added to Georgia’s Code of Administrative Offences in February 2025 following mass protests across the country, and since then has been increasingly used against activists, citizens, journalists, politicians and others. Many of the cases have involved social media posts and comments. Some individuals have been fined, while others have been sentenced to administrative detention.
The offence is punishable by a fine ranging from 1,500 to 4,000 GEL or administrative detention for up to 45 days.
Tsilosani’s original post concerned a visit by members of the Georgian Dream Parliament to Canada.
In the comment cited in the case, Tutberidze addressed Tsilosani as “Niniko” – a colloquial form of her first name used sarcastically – and made a profane remark asking whether she would again face intense criticism during the trip, or whether the delegation would “just visit the zoo and come back.”
Sandro Kepashvili, an inspector for special assignments at the Ministry of Internal Affairs, stated that Shota Tutberidze had insulted Nino Tsilosani.
In addition to Article 173¹⁶, in May 2026 the Georgian Dream authorities announced the creation of a special unit within the Ministry of Internal Affairs called the Division for Combating Hate Speech, which began operating on June 1.
According to the authorities, the division’s function is to monitor and proactively identify publicly disseminated statements on social media and in the media that are considered insulting, degrading to human dignity, or otherwise contain signs of administrative offences under Georgia’s Code of Administrative Offences.
The new division is also described as allowing oversight of social media posts and comments even when they are directed at private citizens and not public or political figures, a scope that was not covered under Article 173¹⁶ alone.
The creation of the division was met with public criticism and sarcasm, with some mocking it as the “scroll-screening division.”
News agency Interpressnews reported that the Division for Combating Hate Speech said that, since its establishment 15 days ago, it has submitted up to 60 cases to the common courts. Of these, preparatory hearings have been scheduled in 30 cases, while seven cases have already been concluded with final decisions.
“The first case hearing was completed on June 11, 2026, by the Bolnisi District Court, although the decision has not yet been announced. As for the first ruling delivered in these cases, it was announced on June 12, 2026, by the Oni Magistrate Court,” Interpressnews quoted the Division as saying.
Until June 15, the first publicly known case linked to the unit was a case of musician Maia Darsmelidze. She anounced that she was reported by Georgian Dream supporter Nino Jgharkava over posts published on Facebook.
According to Darsmelidze, she was contacted by the Hate Speech Prevention Division and notified of a court hearing scheduled for July 10.
„ზამლეთში იშლება ისტორიული „თამარ მეფის ხიდი“. კერძოდ, კიდეებზე დაბზარულია ქვები და იშლება, არსებობს ისტორიული ძეგლის განადგურების საშიშროება. საშიშია ასევე ტურისტებისთვის და ნებისმიერი ხიდზე გამვლელისთვის. იქნებ შეძლონ მისი გამაგრება“, – გვწერს მოქალაქე სოფელ ზამლეთიდან.
იმის დასადასტურებლად, რომ უძველესი ისტორიული ხიდი, რომელსაც კულტურული მემკვიდრეობის სტატუსი აქვს, მორყეულია და შესაძლოა დაიშალოს კიდეც, მოქალაქემ ვიდეო მტკიცებულებაც გამოუგზავნა „ბათუმელებს“.
„ბათუმელები“ დაუკავშირდა შუახევის მერიას და ჰკითხა, თუ აქვთ ხიდის მდგომარეობა შესწავლილი და თუ აპირებს მერია შესაბამისი ზომების მიღებას, ისტორიული ძეგლის გადასარჩენად?
ჩვენი შეკითხვების პასუხად შუახევის მერიის პრესსამსახურიდან მოგვწერეს, რომ ზამლეთის, იგივე ფურტიოს ხიდს, რეაბილიტაცია 2012 წელს ჩაუტარდა.
„მიმდინარე წლის 13 ივნისს, მონიტორინგის ჯგუფმა შუახევის მუნიციპალიტეტში განახორციელა ძეგლების მონიტორინგი, რომლის ფარგლებში ძეგლისთვის საფრთხის შემცველი დაზიანება არ დაფიქსირებულა.
დამატებით, ჯგუფი გავა ხვალ [ანუ 16 ივნისს], მათ შორის კონსტრუქტორი და ადგილზე მოხდება ხიდის დათვალიერება-შემოწმება“, – მოგვწერეს შუახევის მერიიდან.
„ბათუმელები“ დავუკავშირდით აჭარის კულტურული მემკვიდრეობის დაცვის სააგენტოსაც, საიდანაც ზუსტად იგივე ტექსტი მოგვწერეს.
ფურტიოს თაღოვანი ხიდი, სავარაუდოდ, XI-XII საუკუნეებს განეკუთვნება. მისი ძირითადი ნაწილის სიგრძეა 35 მეტრი. მაქსიმალური სიგანე ნაპირებზე აღწევს 3.35 მეტრს.
წყაროების მიხედვით, ხიდი აკავშირებდა სხალთის ხეობაში არსებულ ძველ გზებს აჭარისწყლის ხეობაში გამავალ გზებთან. ამ ხიდზე გადიოდა სხალთის ხეობიდან ზღვისპირეთისკენ (ბათუმისკენ) მიმავალი საქარავნო გზა.
აჭარის რეგიონში, ჯამში, სულ 25 ქვის თაღოვანი ხიდია აღმოჩენილი, აქედან რამდენიმე დანგრეულია.
აჭარაში დღეს ხალხურ ზეპირ სიტყვიერებაში ასეთ ხიდებს თამარის ხიდებს ეძახიან – ლეგენდების თანახმად ხიდები თამარ მეფეს აუშენებია. თუმცა მკვლევარები ასე არ მიიჩნევენ.
_____________
თაღოვანი ხიდების შესახებ მეტი ინფორმაცია:
________________
მთავარი ფოტო: „თამარის ხიდი“ ზამლეთში/ფოტო: „ბათუმელების“ არქივი.
გამოცდების ეროვნული ცენტრის ინფორმაციით, 2026 წლის ეროვნული გამოცდები 2 ივლისს დაიწყება.
ცენტრის ინფორმაციით, აბიტურიენტები პირველ გამოცდას ქართულ ენასა და ლიტერატურაში ჩააბარებენ. 22 ივლისს ერთიანი ეროვნული გამოცდები ფიზიკის გამოცდით დასრულდება.
ივლისიდან დაიწყება სხვა გამოცდებიც.
მაგალითად, 5 ივლისიდან დაიწყება მასწავლებლის საგნობრივი გამოცდები. 17 ივლისს ჩატარდება სტუდენტთა საგრანტო კონკურსი, მაგისტრანტობის კანდიდატები კი საერთო სამაგისტრო გამოცდას 23 და 24 ივლისს ჩააბარებენ.
„გამოცდის თარიღი, გამოცდაზე გამოცხადების დრო და საგამოცდო ცენტრის მისამართი მითითებული იქნება საგამოცდო ბარათზე. ინფორმაცია კონკრეტული დროის შესახებ, თუ როდიდან შეძლებენ გამოსაცდელები საკუთარი სარეგისტრაციო გვერდიდან ბარათების ამობეჭდვას, შეფასებისა და გამოცდების ეროვნული ცენტრის ოფიციალურ ვებგვერდზე გამოქვეყნდება“- წერა ნაეკი.
ამავე წყაროს ინფორმაციით, 2026 წელს საგამოცდო ცენტრები გაიხსნება თბილისში, ბათუმში, ზუგდიდში, ქუთაისში, ფოთში, ახალციხეში, გორში, ოზურგეთში, რუსთავში, თელავში, ხულოსა და ამბროლაურში.
________________
მთავარი ფოტო: „ბათუმელების“ არქივი.
შინაგან საქმეთა სამინისტროს ცნობით, მარნეულში დიდი ოდენობით ქონების მიღების მიზნით გამოძალვის ბრალდებით არასრულწლოვანი დააკავეს.
„გამოძიებით დადგინდა, რომ ბრალდებული, თანასკოლელს 2025 წლის სექტემბრიდან, დაშინებითა და ფიზიკური ანგარიშსწორების მუქარით სისტემატურად სძალავდა ფულს და ძვირფასეულობას. ასევე, დგინდება, რომ აღნიშნულმა მოსწავლემ დაკავებულს სხვადასხვა დროს 1 350 ლარი და 10 000 ლარის ღირებულების ოქროს სამკაულები გადასცა“ – წერს შსს.
პოლიციამ არასრულწლოვანი ბრალდებულის სახით დააკავა.
გამოძიება სისხლის სამართლის კოდექსის 181-ე მუხლით მიმდინარეობს, რაც 7 წლამდე ვადით თავისუფლების აღკვეთას ითვალისწინებს.
ბათუმის მერიის ინფორმაციით, 5 ივლისამდე ჩაიკეტა მოძრაობა მელიქიშვილის ქუჩის დასაწყისში – რუსთაველისა და ნინოშვილის ქუჩებს შორის მონაკვეთში.
„საგზაო ინფრასტრუქტურის სარეაბილიტაციო სამუშაოების გამო, 15 ივნისიდან 5 ივლისამდე სატრანსპორტო მოძრაობა შეიზღუდება პეტრე მელიქიშვილის ქუჩაზე, შოთა რუსთაველის ქუჩიდან ეგნატე ნინოშვილის ქუჩამდე მონაკვეთში.
შეზღუდვა დაკავშირებულია ქვაფენილიანი ქუჩების რეაბილიტაციის მიმდინარე პროექტთან“ – წერს ბათუმის მერია.
„ბათუმელები“ მერიის საქალაქო ინფრასტრუქტურისა და კეთილმოწყობის სამმართველოს დაუკავშირდა – თუ რომელი კომპანია ახორციელებს სამუშაოებს და იყო თუ არა გამოცხადებული ტენდერი. სამმართველოს პასუხს, მიღების შემთხვევაში, აქვე მოგაწვდით.
ბათუმში ქვაფენილიანი ქუჩების „საკითხის მოგვარებაზე“ ქალაქის მერიამ საუბარი 2016 წელს დაიწყო, ქვაფენილების აყრა კი – 2022 წელს.
კიევ-პეჩერის ლავრიდან უძველესი ხატები და სიწმინდეები გაიტანეს – ამის შესახებ უკრაინის მართლმადიდებელი ეკლესიის ეპისკოპოსმა აბრამმა ფეისბუქზე გაავრცელა განცხადება.
მისი თქმით, ლავრიდან დროულად შეძლეს გატანა ლიტურგიკული ნივთების, უძველესი ხატებისა და სხვა ნივთების, რომლებიც არა მხოლოდ საეკლესიო, არამედ ეროვნულ და საყოველთაო ღირებულებას წარმოადგენს.
უკრაინის მართლმადიდებლური ეკლესიის წინამძღვარმა, მიტროპოლიტმა ეპიფანემ კიევ-პეჩერის ლავრაზე რუსეთის თავდასხმას „კაცობრიობის წინააღმდეგ ჩადენილი კიდევ ერთ დანაშაული“ უწოდა.
რუსეთმა 15 ივნისს, გამთენიისას მიიტანა კიევზე იერიში დრონებითა და რაკეტებით. შეტევის სამიზნე გახდა კიევ-პეჩერის ლავრა, მართლმადიდებლური სამყაროს ერთ-ერთი უმნიშვნელოვანესი ცენტრი. ხანძრის შედეგად ცეცხლი გაუჩნდა მიძინების ტაძარს. ხანძარი ამჟამად ლიკვიდირებულია.
უკრაინის საგარეო საქმეთა მინისტრმა, ანდრეი სიბიჰამ, რუსეთის დარტყმას X-ზე ბარბაროსობა უწოდა.
„პუტინი ამ კვირაში დიდი შვიდეულისა და ევროპის საბჭოს სამიტებს გზავნილს უგზავნის: ის დიპლომატიის ნაცვლად ტერორზე დებს ფსონს.
მოვუწოდებ დიდი შვიდეულისა და ევროპის ლიდერებს, კარგად გაიგონ ეს გზავნილი და უზრუნველყონ სათანადო რეაგირება: უკრაინისთვის უფრო ძლიერი საჰაერო თავდაცვა და აგრესორზე ზეწოლა.
რუსეთის მიერ 60-ზე მეტი რაკეტისა და ასობით დრონის გამოყენებით განხორციელებული მასიური თავდასხმის შედეგად კიევში მინიმუმ 4 მშვიდობიანი მოქალაქე დაიღუპა და თითქმის 30 დაშავდა.
მსხვერპლი დაფიქსირდა უკრაინაში დნეპრის, ხარკოვის, დონეცკის, სუმის, ნიკოლაევის, ზაპოროჟიესა და სხვა რეგიონებში.
როგორც 21-ე საუკუნის ყველაზე საშინელი ბარბაროსი, პუტინი კონკრეტულად უნიკალურ რელიგიურ და კულტურულ ძეგლებს ესხმის თავს.
რუსებმა მძიმედ დააზიანეს კიევის პეჩერის ლავრა; დაბომბეს ისტორიული ალექსანდრე დოვჟენკოს კინოსტუდია, გაანადგურეს უკრაინის უდიდესი და უძველესი კოსტიუმების კოლექცია; დაბომბეს ხარკოვის ხელოვნების მუზეუმი და დნეპრის ორგანისა და კამერული მუსიკის სახლი.
რუსეთს არ აქვს გამართლება ადამიანების ნგრევისთვის, საცხოვრებელი ტერიტორიების დაბომბვისთვის და უკრაინული კულტურის განადგურებისთვის. მან პასუხი უნდა აგოს ჩადენილ დანაშაულებზე“ – წერს სიბიჰა X-ზე.
შპს „ბათუმის წყლის“ ინფორმაციით, დღეს 15 ივნისს, წყლის მიწოდება შეუწყდება ფრიდონ ხალვაშის გამზირზე მცხოვრებ მოქალაქეებს.
წყლის მიწოდება ასევე შეუწყდება ფრიდონ ხალვაშის გამზირის შესახვევებსა და ჩიხებში, ასევე განთიადსა და ბუკნარში მცხოვრებლებს.
„ბათუმის წყლის“ ინფორმაციით, წყლის შეფერხებით მიწოდების მიზეზი „უხვად მოსული ნალექის შედეგად სათავე ნაგებობაზე შექმნილი ავარიული მდგომარეობაა“.
წყალმომარაგება შეიზღუდება 15 ივნისის 18:00 საათამდე.
უკრაინის შეიარაღებული ძალების გენერალური შტაბის დღევანდელი მონაცემებით, ომის დაწყებიდან 2026 წლის 15 ივნისამდე პერიოდში, რუსეთის არმიის საბრძოლო დანაკარგი არის:
უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.
უკრაინის სამხედრო დანაკარგებზე სტატისტიკური ინფორმაცია 2026 წლის 25 თებერვლის შემდეგ აღარ განუახლებია რუსეთს.
რუსეთის თავდაცვის სამინისტროს მიერ ტელეგრამ არხზე ბოლოს გავრცელებული მონაცემებით, ომის დაწყებიდან 2026 წლის 25 თებერვლამდე პერიოდში სულ განადგურებულია უკრაინის:
ეს ის მონაცემებია, რომელსაც უკრაინა და რუსეთი ოფიციალურად ავრცელებენ, თუმცა ომის პირობებში შეუძლებელია ზუსტად გადამოწმება, რამდენად შეესაბამება მხარეების მიერ გავრცელებული ინფორმაცია დანაკარგების შესახებ რეალურ რიცხვებს.
ამასთან, აღნიშნულ მონაცემებთან ერთად რუსეთის თავდაცვა, უკრაინის და რუსეთის არმიის ცოცხალი ძალის საერთო დანაკარგების შესახებ სტატისტიკას არ აქვეყნებს. უკრაინის არმიის ცოცხალი ძალის დანაკარგების შესახებ მონაცემებს არ აქვეყნებს არც უკრაინა.
—
რუსეთი უკრაინაში 2022 წლის 24 თებერვალს გამთენიისას შეიჭრა და სრულმასშტაბიანი ომი დაიწყო.
ამავე თემაზე:
15 ივნისის ღამით რუსეთმა კიევზე ბალისტიკური რაკეტებით მასობრივი იერიში მიიტანა. თავდასხმის შედეგად, დედაქალაქში სულ მცირე ოთხი ადამიანი დაიღუპა და 23 დაშავდა, მათ შორის ბავშვი და ორსული ქალი. დაზიანდა რამდენიმე მაღალსართულიანი შენობა.
ვრცლად: კიევ-პეჩერის ლავრაში ხანძარი გაჩნდა რუსეთის სარაკეტო დარტყმების შედეგად
EU ივლისში უკრაინასთან და მოლდოვასთან დარჩენილი კლასტერების გახსნასაც გეგმავს
https://batumelebi.netgazeti.ge/slideshow/620625/
15 ივნისს „კავეა გრანდ მოლში“ ლანა ღოღობერიძის ფილმის, „დედა და შვილი ან ღამე არ არის არასოდეს ბოლომდე ბნელი“ ჩვენება გაიმართება.
ჩვენება დაიწყება 16:30 საათზე, დასწრება უფასოა.
მისამართი: „კავეა გრანდ მოლი“, შერიფ ხიმშიაშვილის 29.
ლანა ღოღობერიძის ეს ფილმი 2023 წელს ბერლინალეს ფორუმის სექციაზე აჩვენეს. ფილმის რეჟისორი და მთხრობელი, ლანა ღოღობერიძე იხსენებს დედას, ნუცა ღოღობერიძეს, პირველ რეჟისორ ქალს საქართველოში, რომელმაც მეუღლის დახვრეტამდე 3 ფილმის გადაღება მოასწრო, 1937 წელს კი ბოლშევიკურმა რეჟიმმა 10 წლით გადაასახლა.
დოკუმენტურ ფილმში ნახავთ, თუ როგორ იპოვა რეჟისორმა რეჟისორის დედის ნამუშევრები მოსკოვის საცავებში და როგორ აჩუქა მეორე სიცოცხლე ათეული წლების შემდეგ ხალხის მტრად შერაცხილი ხელოვანის კინომემკვიდრეობას.
ნუცას საკონცენტრაციო ბანაკებში გატარებული წლები და ზოგადად, დედასთან განშორების ტკივილი ლანა ღოღობერიძის, როგორც კინო, ისე სამწერლო შემოქმედების ორგანული ნაწილი გახდა.
ჩვენება Georgian Film Institute და 3003 Film Production ხელშეწყობით იმართება.
რეტროსპექტივის პარტნიორი „Cavea Grand Mall“ -ია
ბათუმის მერია შინდისის ქუჩაზე, #9- ის მიმდებარედ მცირე ზომის მიწის ნაკვეთის გაყიდვას უპირობო აუქციონით გეგმავს. ამ საკითხზე საკრებულომაც იმსჯელა და 29 მაიისს სხდომაზე კითხვების გარეშე დაამტკიცა ის.
საზოგადოებას კი კითხვები ნამდვილად აქვს და აინტერესებს როგორ პოულობს მერია დაინტერესებული მშენებლებისთვის გასაყიდ მიწის ნაკვეთებს, როცა საბაშვო ბაღის ასაშენებლად ადგილს 2 წელია ეძებს და ვერ პოულობს.
150 კვ.მეტრი შესაძლოა საბავშვო ბაღის მშენებლობისთვის საკმარისი არ ყოფილყო, თუმცა საკმარისი ნამდვილად იქნებოდა მომიჯნავედ არსებული 1152 კვ.მეტრი, რომელიც მერიამ გაყიდა 2022 წელს.
განკარგულების პროექტის მიხედვით გასაყიდი მიწის ნაკვეთის საწყისი ფასი 62 500 ლარი იქნება. საწყისი ფასის მიხედვით 1.კვ მერის ფასი 413 ლარი გამოდის. თუ ქონება ელეტრონულ აუქციონზე კონკურენციის პირობებში არ გაიყიდა და დიდი ალბათობით ის იაფად გაიყიდება, რადგან არასასოფლო-სამეურნეო მიწის ნაკვეთის მომიჯნავედ არსებული მუნიციპალური საკუთრება უკვე გაყიდულია და მას მშენებელი ბიზნესმენი ბექა თვალაძე ფლობს. ამიტომაც შესაძლოა სწორედ ის იყოს დაინტერესებული მიმდებარედ არსებული მცირე ზომის ტერიტორიის შესყიდვით.
29 მაისის საკრებულოს სხდომაზე საპროვატიზებო ობიეტების ნუსხაში კიდევ ერთი მცირე ზომის მიწის ნაკვეთი დაამატეს, ვარშანიძის ქუჩაზე მერიას აუქციონზე №70-ის
მიმდებარედ მერიას აუქციონზე 48 კვ.მეტრი გააქვს.
440 000 ლარი ავანსად გაცემულია, მაგრამ საბავშვო ბაღის მშენებლობა „ოცნების ქალაქში“ ჯერ არ დაწყებულა
14 ივნისი საქართველოში შეზღუდული შესაძლებლობის მქონე პირთა უფლებების დაცვის დღეა. ამ დღეს, სოციალური სამართლიანობის ცენტრი კიდევ ერთხელ აჯამებს თემის წევრთა უფლებრივ მდგომარეობასა და იმ გამოწვევებს, რომლებიც წლების გასვლასთან ერთად, არათუ არ უმჯობესდება, არამედ გარკვეული მიმართულებებით უარესდება კიდეც.
სოციალური სამართლიანობის ცენტრის შეფასებით საქართველოსთვის გაეროს შშმ პირთა უფლებების კონვენციის ძალაში შესვლიდან 12 წლის თავზე, მთავრობამ ვერ შეძლო, ქვეყანაში ის ძირითადი პრინციპები და პარადიგმები დაენერგა, რომელსაც კონვენციის შინაარსი ეფუძნება.
მიუხედავად იმისა, რომ წლებია, თემი სამედიცინოდან სოციალურ და ადამიანის უფლებებზე დაფუძნებულ მოდელზე გადასვლას ელოდება, ეს პროცესი წლების განმავლობაში ფერხდება და შშმ პირთა შეფასება და მათ მიმართ პოლიტიკის განხორციელება კვლავ დიაგნოზებს ეფუძნება, რაც მათი ინდივიდუალური საჭიროებების დანახვის შესაძლებლობას ფაქტობრივად გამორიცხავს.
გამოწვევას წარმოადგენს შშმ პირთა სოციალური დაცვისა და დამოუკიდებელი ცხოვრების გარანტირების სფეროც, რაც მათ ღირსეულ ცხოვრებაში მნიშვნელოვნად უშლის ხელს. მიუხედავად შშმ პირთა სოციალური პაკეტის ყოველწლიური ზრდისა, თემის წევრთა მნიშვნელოვანი ნაწილი კვლავ საარსებო მინიმუმზე ნაკლებ სოციალურ პაკეტს იღებს.
კერძოდ, მიმდინარე წელს მკვეთრად გამოხატული შშმ სტატუსის მქონე პირები და შშმ ბავშვები თვეში 470 ლარს იღებენ, მნიშვნელოვნად გამოხატული შშმ სტატუსის მქონე პირები – 250 ლარს, ხოლო ზომიერად გამოხატული შშმ სტატუსის მქონე პირები – 210 ლარს, მაშინ, როდესაც, საარსებო მინიმუმი, რომლის ადეკვატურობაც, თავის მხრივ, მნიშვნელოვანი კითხვის ნიშნის ქვეშ დგას, 2025 წლის ბოლოსთვის 283 ლარს უტოლდებოდა.
აღნიშნულის ფონზე, შშმ პირთა დასაქმების, გაძლიერებისა და სერვისებით უზრუნველყოფის მიმართულება კვლავ დიდ პრობლემას წარმოადგენს. მაგალითისთვის, სახალხო დამცველის ანგარიშის მიხედვით, გამოწვევას წარმოადგენს თემის წევრთა საჭიროებებზე მორგებული სახელმწიფო სერვისების არასაკმარისობა, მომსახურებების გეოგრაფიული დაფარვა, მომლოდინეთა რიგები და კონვენციურ პრინციპებზე დაფუძნებული საცხოვრისის სერვისების სიმწირე.
„საზოგადოებამ ჯანდაცვისა და სოციალური დაცვის კუთხით შშმ პირთა საჭიროებებისა და მათ წინაშე არსებული გამოწვევების შესახებ განსაკუთრებით ნათლად დიუშენის კუნთოვანი დისტროფიის მქონე ბავშვებისა და მათი მშობლების პროტესტისას შეიტყო. ცალსახად მნიშვნელოვანია, რომ ეს პროცესი ბავშვების გამარჯვებით დასრულდა, თუმცა, ისიც ცხადია, რომ მთავრობის მხრიდან სასიცოცხლოდ მნიშვნელოვანი მედიკამენტების შემოტანის გადაწყვეტილებას არა აღმასრულებელი ხელისუფლების მხრიდან მყისიერი და ემპათიაზე დაფუძნებული რეაგირება, არამედ მშობლების მხრიდან თავგანწირული ბრძოლა და საზოგადოების უპრეცედენტო მობილიზაცია უძღოდა წინ.“ – ნათქბამია ორგანიზაციის ანგარიშში.
„სოციალური სამართლიანობის ცენტრის ინფორმაციით შშმ პირთა დამოუკიდებელი ცხოვრების უზრუნველმყოფ ერთ-ერთ მთავარ მექანიზმს პერსონალური ასისტენტის სერვისი წარმოადგენს, რომელიც მუნიციპალურ დონეზე ჯერ კიდევ 2025 წლის 1 იანვრიდან უნდა ამოქმედებულიყო. თუმცა, დათქმულ დროს სერვისი 64-დან მხოლოდ 8 მუნიციპალიტეტში, ხოლო წლის განმავლობაში, ჯამში 30 მუნიციპალიტეტში ამოქმედდა:
„როგორც ჩანს, იქაც კი, სადაც პროგრამა ამუშავდა, გამოყოფილი კვოტები საკმაოდ მცირეა, რადგან, 2026 წლის თებერვლის მდგომარეობით, ქვეყნის მასშტაბით სერვისში სულ 604 შშმ პირი იყო ჩართული, ხოლო იმავე პერიოდისთვის, სოციალური მომსახურების სააგენტოს სოციალური პაკეტის მიმღები 134 522 შშმ პირი ჰყავდა აღრიცხული. მიუხედავად ამხელა სხვაობისა, საჭიროებების წინასწარი შესწავლის არარსებობის გამო, ის, თუ თემის წევრთა რა ნაწილს სჭირდება და არ გააჩნია პერსონალური ასისტენტის მხარდაჭერა, კვლავ ბუნდოვანია.
სამოქალაქო საზოგადოებაზე თავდასხმის პირობებში, მნიშვნელოვნად გართულდა შშმ პირთა წარმომადგენლობითი და თემის უფლებებზე მომუშავე ორგანიზაციების ოპერირებაც. ერთი მხრივ, საკანონმდებლო ცვლილებებმა ეს ორგანიზაციები უცხო ქვეყნების „ინტერესების გამტარებლებად“ და „აგენტებად“ გამოაცხადა, ხოლო უცხო ქვეყნის დახმარება მთლიანად მთავრობის ნებას დაუქვემდებარა. შექმნილი ვითარებიდან გამომდინარე, არაერთმა ორგანიზაციამ მუშაობა შეაჩერა ან შეწყვიტა, ხოლო დარჩენილთაგან უდიდეს ნაწილს ღირსების შემლახველ რეესტრში რეგისტრაცია ან/და გრანტის გამოყენებაზე თანხმობის მისაღებად მთავრობისთვის მიმართვა დასჭირდა.“
ორგანიზაციის შეფასებით ამგვარი კონტექსტის პარალელურად, კიდევ უფრო მეტად პრობლემური ხდება როგორც ცენტრალურ, ისე მუნიციპალურ დონეზე გადაწყვეტილების მიღების პროცესში შშმ პირთა და მათი წარმომადგენელი ორგანიზაციების მონაწილეობა. ზოგიერთ უწყებაში ასეთი პლატფორმები საერთოდ არ არსებობს, ზოგიერთ მათგანში კი შეხვედრები იშვიათად ტარდება. სახალხო დამცველის ანგარიშის მიხედვით, მნიშვნელოვანი უკუსვლით ხასიათდება მუნიციპალურ დონეზე არსებული მექანიზმები – მათ უმეტესობაში თემატური ადგილობრივი საბჭოები ფორმალურად შექმნილია, თუმცა გამოწვევაა მათი ეფექტიანი ფუნქციონირება და გადაწყვეტილების მიღების პროცესზე რეალური გავლენის მოხდენის შესაძლებლობა.
„უკანასკნელ პერიოდში განსაკუთრებით მწვავედ გამოიკვეთა ფსიქიკური ჯანმრთელობის სფეროში არსებული გამოწვევები. სოციალური სამართლიანობის ცენტრი, ისევე, როგორც ამ სფეროში მომუშავე არაერთი აქტორი, წლების განმავლობაში ითხოვდა ადამიანის უფლებებზე დაფუძნებული პოლიტიკის შემუშავებასა და განხორციელებას. თუმცა, პოლიტიკის დოკუმენტების ფორმალურად არსებობის მიუხედავად, შექმნილი მდგომარეობა არსებითად არ იცვლება. კერძოდ, კვლავ მნიშვნელოვანი პრობლემაა ფსიქიკური ჯანმრთელობის ხარისხიან სერვისებზე წვდომა და სტაციონარული დაწესებულებების რეალური დეინსტიტუციონალიზაცია.“
ამასთან, ისტორიულად მწვავე პრობლემებს „ქართული ოცნების“ მიერ უკანასკნელ თვეებში მიღებული საკანონმდებლო ცვლილებები დაემატა, რომლითაც მან, ერთი მხრივ, „ფსიქიკური ჯანმრთელობის პრობლემის მქონე, ალკოჰოლიზმით, ნარკომანიით ან/და ტოქსიკომანიით დაავადებულ პირთა ერთიანი საინფორმაციო ბაზის“ შექმნა დააანონსა, ხოლო, მეორე მხრივ, სისხლის სამართლის სფეროში „პროცესუუნარობის“ ცნება დაამკვიდრა. ეს საკანონმდებლო ცვლილებები ერთმნიშვნელოვნად ეწინააღმდეგება ადამიანის უფლებათა საერთაშორისო სტანდარტებს და ქმედუნარიანობის რეფორმის შინაარსს, რომელიც სახელმწიფოში წლების წინ განხორციელდა და თავისი შინაარსით არსებითად პროგრესულ ნაბიჯად მიიჩნეოდა, მათ შორის, გლობალური მასშტაბით.
სამწუხაროდ, შშმ ადამიანების უფლებებისა და ქმედუნარიანობის ეჭვქვეშ დაყენება მხოლოდ საკანონმდებლო ცვლილებებით არ მოხდა. „ქართული ოცნება“ ფსიქიკურ ჯანმრთელობას, როგორ ოპონენტებზე თავდასხმის იარაღს, ისე იყენებს და ამით კიდევ უფრო მეტად უწყობს ხელს ფსიქოსოციალური საჭიროების მქონე ადამიანების მიმართ სტიგმისა და დისკრიმინაციის შემცველ დამოკიდებულებებს. ამ მხრივ, კიდევ უფრო შემაშფოთებელია პროტესტის მონაწილე შშმ პირების – დუტა ჯავახიშვილისა და დავით პაპაშვილის, მიმართ გზის გადაკეტვის საქმის წარმოებისას სასამართლოს მიერ ექიმებისა (რომელთა კომპეტენციაშიც არ შედიოდა ამგვარ საკითხებზე მსჯელობა) და ლევან სამხარაულის სახელობის ექსპერტიზის ეროვნული ბიუროს (დუტა ჯავახიშვილის შემთხვევაში) წარმომადგენლის გამოკითხვა. გამოკითხვა იმის დადგენას ისახავდა მიზნად, თუ რამდენად „აცნობიერებდა“ შშმ პირი ჩადენილ „ქმედებას“. ამგვარი გადაწყვეტილება, მხოლოდ იმის გამო, რომ ადამიანს შშმ პირის სტატუსი აქვს, არა მხოლოდ დისკრიმინაციულია და ადამიანის უფლებებს ეწინააღმდეგება, არამედ ქმნის საშიშ პრეცედენტს, რომ სტატუსის მქონე ნებისმიერი ადამიანის წინააღმდეგ, დასჯის მიზნით, შესაძლოა ამგვარი მიდგომა იქნას გამოყენებული.
ყოველივე ზემოაღნიშნულიდან გამომდინარე, ნათელია, რომ სახელმწიფომ ვერ მოახერხა, შშმ პირებისათვის მიეცა ღირსეული და დამოუკიდებელი ცხოვრების შესაძლებლობა, სადაც მათი ინდივიდუალური საჭიროებები იქნებოდა გათვალისწინებული, ხოლო მათ წინაშე არსებული ბარიერები – დაძლეული. მეტიც, ადამიანის უფლებების კრიზისის პირობებში, ისეთი საკითხები, როგორიცაა, ფსიქიკური ჯანმრთელობა, „ქართული ოცნების“ ხელში დევნის დამატებით იარაღად ყალიბდება.
გარემოს ეროვნული სააგენტოს აჭარის რეგიონული ჰიდრომეტეოროლოგიური ობსერვატორიის ინფორმაციით, 14 ივნისის 21 საათიდან 15 ივნისის 21 საათამდე ბათუმსა და მთლიანად აჭარაში მოსალოდნელია დროგამოშვებით ღრუბლიანობის მომატება, ღამით და დილით ელჭექის ხასიათის წვიმა, დღის მეორე ნახევრიდან უმეტესად უნალექოდ.
იქროლებს დასავლეთის მიმართულების ქარი 10-15 მეტრი წამში.
ჰაერის ტემპერატურა სანაპირო ზოლსა და მთიან მუნიციპალიტეტებში:
მაღალმთიან ზონაში:
ზღვის ღელვა 3-4 ბალი იქნება, ზღვის წყლის ტემპერატურა +23 გრადუსია.
სინოპტიკოსების ცნობით, 16 და 17 ივნისს აჭარაში მოსალოდნელია უმეტესად უნალექო ამინდი.
ავტოსაგზაო შემთხვევა მოხდა დღეს, 14 ივნისს, ბათუმში.
ფრიდონ ხალვაშის გამზირზე ერთმანეთს ორი ავტომანქანა შეეჯახა.
ავარიის შედეგად დაიღუპა ერთი ადამიანი. „ბათუმელების“ ინფორმაციით დაღუპული კაცი მგზავრი იყო.
შსს-ს ინფორმაციით ფაქტზე დაწყებულია გამოძიება სისხლის სამართლის კოდექსის 276-ე მუხლით.
უკრაინის შეიარაღებული ძალების გენერალური შტაბის დღევანდელი მონაცემებით, ომის დაწყებიდან 2026 წლის 14 ივნისამდე პერიოდში, რუსეთის არმიის საბრძოლო დანაკარგი არის:
უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.
უკრაინის სამხედრო დანაკარგებზე სტატისტიკური ინფორმაცია 2026 წლის 25 თებერვლის შემდეგ აღარ განუახლებია რუსეთს.
რუსეთის თავდაცვის სამინისტროს მიერ ტელეგრამ არხზე ბოლოს გავრცელებული მონაცემებით, ომის დაწყებიდან 2026 წლის 25 თებერვლამდე პერიოდში სულ განადგურებულია უკრაინის:
ეს ის მონაცემებია, რომელსაც უკრაინა და რუსეთი ოფიციალურად ავრცელებენ, თუმცა ომის პირობებში შეუძლებელია ზუსტად გადამოწმება, რამდენად შეესაბამება მხარეების მიერ გავრცელებული ინფორმაცია დანაკარგების შესახებ რეალურ რიცხვებს.
ამასთან, აღნიშნულ მონაცემებთან ერთად რუსეთის თავდაცვა, უკრაინის და რუსეთის არმიის ცოცხალი ძალის საერთო დანაკარგების შესახებ სტატისტიკას არ აქვეყნებს. უკრაინის არმიის ცოცხალი ძალის დანაკარგების შესახებ მონაცემებს არ აქვეყნებს არც უკრაინა.
—
რუსეთი უკრაინაში 2022 წლის 24 თებერვალს გამთენიისას შეიჭრა და სრულმასშტაბიანი ომი დაიწყო.
ამავე თემაზე:
უკრაინის და მოლდოვის EU-ში გაწევრიანების მოლაპარაკებები 15 ივნისს გაიხსნება
„გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა.“ – საქართველოს იურისტთა ასოციაცია [საია] 2026 წლის 13 ივნისს ტელეკომპანია „პირველის“ გადაცემაში „ნოდარ მელაძის შაბათი“ გასულ სიუჟეტს ეხმიანება, რომელშიც ჩანს პოლიციის ადმინისტრაციულ შენობაში დაკავებული მოქალაქეებისგან ინფორმაციის მიღების მიზნით ჯგუფურად განხორციელებული წამება, დამამცირებელი ან არაადამიანური მოპყრობა.
„ასეთი სისტემის მოქმედებებში მკაფიო ქცევის მოდელად ჩამოყალიბდა ძალადობრივი და დამამცირებელი ქმედებების ვიდეოგადაღება, რაც არაერთ შემთხვევაში თავად ძალადობის პროცესის თანმდევ ელემენტს წარმოადგენს.
აღნიშნული პრაქტიკა, სავარაუდოდ, ემსახურებოდა იმ პირების დაშინებასა და შანტაჟს, რომელთა მიმართაც სხვადასხვა სახის ძალადობრივ და ღირსების შემლახავ ქმედებებს ახორციელებენ. ამასთან მიუთითებს იმაზე, რომ მოძალადე პოლიციელებს სისტემის მხრიდან შესაძლოა ჰქონდეთ დაუსჯელობის გარანტიები.“ – ნათქვამია განცხადებაში.
საია თავის განცხადებაში ხაზს უსვამს ასევე იმ გარემოებას, რომ როგორც სიუჟეტიდან ირკვევა სისასტიკეს პოლიციის თანამშრომლები თავად იღებდნენ და შიდა ჩათებში ავრცელებდნენ. ამასთან ირკვევა, რომ გავრცელებული კადრების გარდა არსებობს პოლიციელების მხრიდან განხორციელებული ძალადობის სხვა კადრებიც.
საია ამ განცხადებებით მწვავედ კრიტიკულად აფასებს ასევე სხვა მსგავსი ტიპის ქმედებებს პოლიციის მხრიდან:
„როგორც საზოგადოებისთვის ცნობილია, 2024-2025 წლებში მშვიდობიანი საპროტესტო აქციების წინააღმდეგ საპოლიციო ძალადობის, წამების და არაადამიანური მოპყრობის ფაქტები სისტემატური და მასშტაბური იყო. ამას ადასტურებს როგორც სამოქალაქო საზოგადოების ორგანიზაციების ერთობლივი დოკუმენტირება, ასევე საქართველოს სახალხო დამცველის ანგარიში და საერთაშორისო მექანიზმების, მაგალითად CPT-ს ანგარიში.
საქართველოს სახალხო დამცველის მიერ 2025 წელს გამოქვეყნებული ანგარიშის მიხედვით, 2024 წლის 28 ნოემბრიდან 3-4 დეკემბრის ღამის ჩათვლით და 6-7 დეკემბრის ღამეს მშვიდობიანი საპროტესტო აქციების უკანონო დაშლისას, ასევე, 2025 წლის 2 თებერვალს განსაკუთრებულ დავალებათა დეპარტამენტის წევრების მხრიდან სავარაუდო წამებას, არაადამიანურ და დამამცირებელ მოპყრობას დაექვემდებარა თითქმის ყველა დაკავებული.
ანგარიშის მიხედვით, ამ თარიღებში სახალხო დამცველის აპარატის მიერ მონახულებული 343 ადამიანიდან 242 (70.5%) იყო სავარაუდო არასათანადო მოპყრობის მსხვერპლი. ძალადობა სისტემური იყო ასევე 2024 წლის გაზაფხულზე მიმდინარე აქციების მონაწილეთა მიმართ.
საიას განმარტებით CPT-ს ანგარიში, ასევე, ხაზს უსვამს 2024 წლის ნოემბერ-დეკემბერში საპოლიციო ძალადობის შესახებ მიღებული ინფორმაციის სიმრავლეს:
„კომიტეტის მიხედვით, გამოკითხული პირები, რომლებიც ცალ-ცალკე გამოიკითხნენ და, შესაბამისად, არ ჰქონდათ შესაძლებლობა ერთმანეთთან შეეთანხმებინათ თავიანთი ჩვენებები, მიუთითებდნენ პოლიციის ქცევის მკაფიო მოდელებზე. კომიტეტი ასევე ხაზს უსვამს, რომ მათ მიერ მიღებული ინფორმაცია სრულ თანხვედრაში იყო იმ დაზიანებებთან, რომლებიც უშუალოდ ნახეს და ასევე, დაზიანებებთან, რომლებიც დროებითი მოთავსების იზოლატორის ექიმებს ჰქონდათ აღრიცხული. “
საია მიმოიხილავს სხვადასხვა შემთხვევებს:
ამასთან, ცოტა ხნის წინ გავრცელებულმა კადრებმა გორში პოლიციელების მხრიდან ორ პირზე ჯგუფური ძალადობის შესახებ, კიდევ ერთხელ შეგვახსენა, რომ საპოლიციო ძალადობა არ არის ექსკლუზიურად გამოხატვის ან შეკრების თავისუფლებით სარგებლობასთან დაკავშირებული პრაქტიკა.
სიუჟეტში ასევე გავრცელდა ინფორმაცია იმასთან დაკავშირებით, რომ აღკვეთის ღონისძების სახით შეფარდებული პატიმრობა გირაოთი შეცვალა, იმ პოლიციელს, რომელიც მამის გაუპატიურებით ემუქრებოდა არასრულწლოვანს. მიუხედავად იმისა, რომ მომხდარს სხვა პოლიციელებიც ესწრებოდნენ და ჰქონდათ ინფორმაცია, პროკურატურამ მხოლოდ ერთ პირს წარუდგინა ბრალი სამსახურებრივი უფლებამოსილების გადამეტების ფაქტზე.
ამასთან, სიუჟეტში გაჟღერდა, რომ აღკვეთის ღონისძიების ცვლილება ეფუძნებოდა დაზარალებულის ნოტარიულ თანხმობას, თუმცა გაურკვეველია რა გახდა დაზარალებულის მხრიდან ამგვარი თანხმობის წარდგენის საფუძველი. მით უფრო იმის ფონზე, რომ წარსულში დაზარალებულის წარმომადგენელი აცხადებდა, რომ მას გარკვეული პირები მიუგზავნეს, იმ მიზნით, რომ გაურკვეველი სამართლებრივი პროცედურებით გაეხმო ბრალდებულის მიმართ არსებული პრეტენზია.
საყურადღებოა, რომ საიას სისხლის სამართლის პროცესების მონიტორინგის არაერთი ანგარიში ცხადჰყოფს, რომ უმრავლეს შემთხვევაში აღკვეთის ღონისძიების გადასინჯვას აქვს ფორმალური ხასიათი და როგორც წესი პატიმრობა არ იცვლება. მიუხედავად ძალადობის ასეთი მასშტაბურობისა, სახელმწიფო, ფასადური მართლმსაჯულების გარდა, არაფერს აკეთებს სისტემურ და სტრუქტურულ დონეზე საპოლიციო ძალადობასთან ბრძოლისთვის.
საიას შეფასებით საპოლიციო ძალადობის დაუსჯელობისა და წახალისების პრობლემა საქართველოში შემდეგ საკითხებს მოიცავს:
უშუალოდ, დამნაშვეთა და მათ ხელმძღვანელთა დაუსჯელობა – 2024 წლის მასშტაბურ საპოლიციო ძალადობაზე დღემდე, მხოლოდ 5 ადამიანს აქვს ბრალი წაყენებული.6 ჯერ კიდევ არ მიცემულა პასუხისმგებლობაში არც ერთი მაღალჩინოსანი, რომელთაც საპოლიცოო ღონისძიებების დაგეგმვა და მათზე ზედამხედველობა ევალდებოდათ.
დანაშაულთა არასათანადო კვალიფიკაცია – როგორც წესი, საპოლიციო ძალადობის შემთხვევები, მათი სიმძიმის მიუხედავად, 333-ე მუხლად კვალიფიცირდება (სამსახურებრივი უფლებამოსილების გადამეტება), მაშინ, როდესაც მათი რეალური კვალიფიკაცია 1441 და 1443. მუხლებს [წამება და დამამცირებელი ან არაადამიანური მოპყრობა] შეესაბამება. 333-ე მუხლით მიმდინარეობს გამოძიება 2024 წლის სისტემურ წამებასთან დაკავშირებითაც. ამ სახის დანაშაულთა არასათანადო კვალიფიკაციაზე უკვე წლებია საუბრობს ევროპის საბჭოს მინისტრთა კომიტეტი ციცაბაძის ჯგუფის საქმეების აღსრულების ნაწილში.
გამოძიების ინსტიტუციური დამოუკიდებლიბა – საპოლიციო ძალადობის გამოძიება მიუკერძოებლობისა და დამოუკიდებლობის მნიშვნელოვანი გამოწვევებით ხასიათდება. ამ მიზნით შექმნილი დამოუკიდებელი უწყება, სპეციალური საგამოძიებო სამსახური, მიუხედავად ევროპის საბჭოს მინისტრთა კომიტეტის კრიტიკისა, ქართულმა ოცნებამ გასულ წელს გააუქმა.8 მართალია, ეს უწყება არსებობის პერიოდშიც რეალური დამოუკიდებლობის მნიშვნელოვანი პრობლემებით ხასიათდებოდა, თუმცა მისი საერთოდ გაუქმება კიდევ ერთხელ უსვამს ხაზს სახელმწიფოს მიერ ადამიანის უფლებათა ევროპული სასამართლოს გადაწყვეტილებების აღსრულებასთნ დაკავშირებული ვალდებულებების უგულებელყოფას.
ძალადობის პრევენციის ზომების არასებობა – მინისტრთა კომიტეტი უკვე წლებია საქართველოს ასევე მოუწოდებს საპოლიციო ძალადობის პრევენციის ზომების დანერგვისკენ, მათ შორის, პოლიციელთათვის მოქალაქეებთან ინტერაქციის ვიდეო და აუდიოდოკუმენტირების ვალდებულებების საკანონმდებლო დონეზე გათვალისწინებისკენ, ასევე, პოლიციელების საიდენტიფიკაციო ნიშნებით აღჭურვისკენ. ამ ვალდებულებების უგულებელყოფით სახელმწიფო საპოლიციო ძალადობის დაუსჯელობისთვის ნოყიერ ნიადაგს ქმნის და ახალისებს მას.
აშკარაა, რომ სახელმწიფოს ძალისხმევა საპოლიციო ძალადობის პრევენციისა და დასჯისკენ მიმართული არ არის. მაშინ, როდესაც წლებია უგულვებელყოფილია მინისტრთა კომიტეტის ზემოთ ნახსენები რეკომენდაციები, რომლებიც ადამიანის უფლებათა ევროპული სასამართლოს გადაწყვეტილებებიდან გამომდინარეობს, სახელმწიფო აქტიურად მუშაობს უფლებების შემზღუდველი კანონმდებლობის შექმნაზე. მაგალითად, 2024 წლის 3 აპრილიდან 2026 წლის 20 თებერვლამდე პერიოდში საკანონმდებლო ორგანოში დაინიციირდა და დაჩქარებული წესით მიიღეს 304 კანონი, რომლებიც საპოლიციო ძალადობის წინააღმდეგ ბრძოლის, სამხრე კამერების გამოყენების ვალდებულების შემოღების, სპეციალური საშუალებების გამოყენების მკაფიო რეგულირების ნაცვლად სამოქალაქო და პოლიტიკური უფლებების შეზღუდვას და ავტორიტარული ძალაუფლების განმტკიცებას ემსახურებოდა.
2026 წლოს 12 ივნისს, გადაცემის ანონსის გავცელების შემდგომ, შსს-ს მიერ გამოქვეყნებული განცხადების მიხედვით: “საქმე ეხება 2022 წლის ზაფხულში, აჭარის რეგიონში, ქობულეთში, მივლინებით მყოფი, იმერეთის პოლიციის დეპარტამენტის სამ თანამშრომელს, რომლებმაც ჩაიდინეს კადრებში ასახული დანაშაული.
აღნიშნული დანაშაული გამოვლინდა მიმდინარე წლის თებერვლის თვეში საქართველოს შინაგან საქმეთა სამინისტროს გენერალური ინსპექციის მიერ, საიდანაც გადაგზავნილი მასალების საფუძველზე დაიწყო გამოძიება და 2026 წლის 23 თებერვალს საქართველოს პროკურატურის მიერ სამივე პოლიციელი დაკავებულ იქნა ბრალდებულის სახით.”
ამავე განცხადებაში შინაგან საქმეთა სამინისტრო მედიის წარმომადგენლებს მის მიმართ მიზანმიმართულ დისკრედიტაციაში სდებს ბრალს, მაშინ, როდესაც ბოლო პერიოდში თავად პოლიციელების მხრიდან ჩადენილი სავარაუდო დანაშაულების არაერთი ფაქტი გავრცელდა. ამის საპასუხოდ, საპოლიციო ძალებში ძალადობის პრევენციისა და ამ შემთხვევებზე ადეკვატური რეაგირების შესახებ ძალოვან უწყებებს საზოგადოებისთვის გამჭვირვალე და სრულყოფილი ინფორმაცია არ მიუწოდებიათ.
საიას შეფასებით შინაგან საქმეთა სამინისტროს მიერ გავრცელებული განცხადება არ ცვლის საქართველოში საპოლოციო ძალადობის და ამ შემთხვევის სისტემურ ხასიათს და ზემოთ განხილული მნიშვნელოვანი სისტემური პრობლემების ფონზე, ამ შემთხვევაშიც ღია რჩება მნიშვნელოვან შეკითხვები დამნაშავეთა პასუხისმგებლობასთან და დაზარალებულთა მდგომარეობასთან დაკავშირებით. კერძოდ:
- რატომ დასჭირდა დამნაშავეთა გამოვლენას და სისხლისსამართლებრივ დევნას 3 წელზე მეტი?
- რატომ ვერ ხედავს საქართველოს პროკურატურა მომხდარში წამება/დამამცირებელი ან არაადამიანური მოპყრობის ნიშნებს?
- რეპორტაჟის მიხედვით, მოძალადე პოლიციელები ძალადობის ამსახველ ვიდეოკადრებს ჯგუფურ ჩატებში აზიარებდნენ. რატომ არის დევნა დაწყებული მხოლოდ 3 პოლიციელის მიმართ და რატომ არ დადგა ამ მიმოწერის წევრი სხვა პოლიციელების პასუხისმგებლობის საკითხი?
- იმუშავა თუ არა გამოძიებამ ხელმძღვანელი პირების სავარაუდო ბრალეულობის დადასტურების ან გამორიცხვის მიმართულებით? რატომ არ დამდგარა მათი პასუხისმგებლობის საკითხი და ინფორმირებულები იყვნენ თუ არა ისინი განხორციელებული ძალადობის და ჯგუფური ჩატის არსებობის შესახებ?
- რა დახმარება გაეწიათ დაზარალებულებს. ხომ არ იქნა ასეთი მოპყრობით მოპოვებული ჩვენებები გამოყენებული მათ წინააღმდეგ?
საიას შეფასებით, სისტემური წამებისა და არასათანადო მოპყრობის ფაქტების მიმართ სახელმწიფოს მიდგომები ასეთი ფაქტების ნორმალიზებისა და მათთვის ხელსაყრელი პირობების შექმნისკენაა მიმართული. ასეთ ვითარებაში, ცალკეულ პოლიციელთა მიმართ სისხლისსამართლებრივი დევნის დაწყება მხოლოდ ფასადურ ქმედებად შეიძლება შეფასდეს.
„ეს არის მწამებელი პოლიციელებისთვის სამართლებრივი თავშესაფრის მიცემა, ან სამართლებრივი გადარჩენა, ან მოძალადე სისტემის სამართლებრივი გადარჩენის ოპერაცია“, – განაცხადა იურისტმა მაია მწარიაშვილმა დღეს, 13 ივნისს „ნოდარ მელაძის შაბათის“ ეთერში. მას ქობულეთის პოლიციის შენობაში, პოლიციელების მხრიდან დაკავებულებზე ძალადობის კადრების შეფასება სთხოვეს.
პროკურატურამ მწამებელი პოლიციელების წინააღმდეგ გამოძიება სამსახურებრივი უფლებამოსილების გადამეტების მუხლით დაიწყო. მაია მწარიაშვილის შეფასებით, სწორედ ეს არის პოლიციელებისთვის „სამართლებრივი თავშესაფარი“.
„საქმე ეხება 2022 წლის ზაფხულში, ქობულეთში, მივლინებით მყოფი, იმერეთის პოლიციის დეპარტამენტის სამ თანამშრომელს, რომლებმაც ჩაიდინეს კადრებში ასახული დანაშაული. ეს კადრები ტელეკომპანია „პირველმა“, კერძოდ „ნოდარ მელაძის შაბათმა“ გაასაჯაროვა.
გადაცემის ანონსის შემდეგ დღეს, დილით, პოლიციამ გაავრცელა განცხადება, რომ აღნიშნული დანაშაული გამოვლინდა მიმდინარე წლის თებერვალში, საქართველოს შინაგან საქმეთა სამინისტროს გენერალური ინსპექციის მიერ, საიდანაც გადაგზავნილი მასალების საფუძველზე დაიწყო გამოძიება და 2026 წლის 23 თებერვალს საქართველოს პროკურატურის მიერ სამივე პოლიციელი დაკავებულ იქნა ბრალდებულის სახით“.
მაია მწარიაშვილის შეფასებით, ეს არის პასუხისმგებლობისგან დაცლილი განცხადება:
„არ აქვს მნიშვნელობა, ვინ არის მსხვერპლი, როდესაც ამას ჩადის სახელმწიფოს წარმომადგენელი და პოლიციელი კონკრეტულად, ეს არის მიზნით განსაზღვრული დანაშაული. არაერთხელ მითქვამს – წამება არ არის მხოლოდ ის, როდესაც ცოცხალ ადამიანს ფრჩხილებს აძრობენ. წამება არის ძლიერი ფიზიკური და ფსიქიკური ძალადობა, ტანჯვა, მათ შორის, რომლის ამოცანაც არის ნებისმიერი ინფორმაციის მიღება, ჩვენების მიღება. ანგარიშსწორება გარკვეული ქმედებებისთვის, მისი ან სხვისი ქმედებებისთვის.
ეს კლასიკური წამებაა. ნებისმიერ სტუდენტს, რომელიც სამართლის ანა-ბანაში ერკვევა, რომ ჰკითხოთ, გეტყვით, რომ ეს [რაც კადრებში ჩანს] არის კლასიკური წამება. წამებას კლასიკური გეგებით ვერ ჩაიდენს მოქალაქე, აქ სუბიექტი ყოველთვის არის სახელმწიფოს წარმომადგენელი და კონკრეტულად პოლიციელი.“
შინაგან საქმეთა სამინისტრო ადასტურებს ტელეკომპანია „პირველის“ მიერ გავრცელებულ ვიდეოკადრების ავთენტურობას. კადრებში ჩანს, რომ განყოფილებაში არაერთი პოლიციელი დაკავებულ პირებზე ჯგუფურად ძალადობს. შსს-ს განცხადებით, ფაქტი 2022 წელს მოხდა, თუმცა დანაშაული მხოლოდ 2026 წლის თებერვალში გამოვლინდა, ანუ 4 წლის შემდეგ, რაც დამატებით კითხვებს აჩენს.
გადაცემის მსვლელობისას ეთერში გაუშვეს ასევე კადრები მზია ამაღლობელის საქმიდან, სადაც ჩანს, როგორ აგინებს და ემუქრება მას ბათუმის პოლიციის მაშინდელი უფროსი ირაკლი დგებუაძე. მზია ამაღლობელმა მისი მხრიდან განხორციელებულ ძალადობასა და ზეწოლაზე უამბო, როგორც სახალხო დამცველს, ასევე სასამართლოს.
ირაკლი დგებუაძეს ძალადობაში ადანაშაულებდა ასევე არაერთი სხვა დაკავებული მოქალაქეც, მათ შორის საპროტესტო აქციების მონაწილეებიც.
გარემოს დაცვის საერთაშორისო დღესთან დაკავშირებული კვირეული, კომპანია „აჭარისწყალი ჯორჯიამ“, ტრადიციულად, შუახევი ჰესის არეალში მცხოვრებ მოსახლეობასთან ერთად აღნიშნა.
კვირეულის ფარგლებში კომპანიის წარმომადგენლები ამჯერად სხალთის საჯარო სკოლასა და საბავშვო ბაღს ეწვივნენ, სადაც მოსწავლეებსა და პედაგოგებს ქაღალდისა და პლასტიკის ნარჩენების სეპარირებული შეგროვებისთვის განკუთვნილი ურნები გადასცეს და პირობაც დადეს, რომ უზრუნველყოფენ შეგროვებული დახარისხებული ნარჩენების გატანასა და შესაბამის გადამამუშავებელ პუნქტებში ტრანსპორტირებას.
„ჩვენი მიზანია ბავშვებთან ერთად ვისაუბროთ გარემოს დაცვის მნიშვნელობაზე, ნარჩენების დახარისხებაზე და მის გადამუშავებაზე. გვინდა ბავშვებს ვუთხრათ, რომ პატარა ნაბიჯებს ძალიან დიდი მნიშვნელობა აქვს. შესაბამისად, ჩვენ მათ გადავეცით ქაღალდის და პლასტიკის ურნები, რათა თავიანთ სკოლაში შეაგროვონ ნარჩენები, ჩვენი კომპანია კი უზრუნველყოფს შეგროვებული ნარჩენების მიტანას შესაბამის პუნქტამდე, სადაც მოხდება მათი გადამუშავება.
მიგვაჩნია, რომ მსგავს შეხვედრებს, ცნობიერების ამაღლებას და პატარა უნარ-ჩვევების გამომუშავებას დიდი მნიშვნელობა აქვს გარემოს დაცვის კუთხით“ – განაცხადა ნინო გაგუამ, კომპანიის გარემოსდაცვით რეგულაციებთან შესაბამისობის ხელმძღვანელმა.
2026 წლის გარემოს დაცვის დღის მთავარი თემა იყო კლიმატის ცვლილებასთან ბრძოლა, კამპანიის მთავარი გზავნილი კი იყო – #NowForClimate („ახლა კლიმატისთვის“).
ვიზიტის ფარგლებში, კომპანიის წარმომადგენლებმა მოსწავლეებისთვის სწორედ ამ გზავნილსა და კამპანიასთან დაკავშირებული ინტერაქტიული პრეზენტაცია ჩაატარეს. შეხვედრაზე განიხილეს ისეთი მნიშვნელოვანი საკითხები, როგორიცაა კლიმატის ცვლილება, განახლებადი ენერგიის განვითარება, ნარჩენების მართვა, ჰაერისა და წყლის დაბინძურება, ტყეების დაცვა, ბიომრავალფეროვნების შენარჩუნება და ბუნებრივი რესურსების მაღალი პასუხისმგებლობით გამოყენება.
„ჩვენი სკოლა უკვე მრავალი წელია წარმატებით თანამშრომლობს კომპანია „აჭარისწყალი ჯორჯიასთან“ სხვადასხვა გარემოსდაცვითი და საგანმანათლებლო ინიციატივის ფარგლებში. განსაკუთრებით აღსანიშნავია სკოლის ტერიტორიის გამწვანების პროექტი, რის ფარგლებშიც კომპანიამ სკოლას ნერგები გადასცა, ხოლო მათი დარგვის პროცესში ჩვენი მოსწავლეები აქტიურად იყვნენ ჩართულნი“ – ამბობს სხალთას საჯარო სკოლის დირექტორი, თემურ შაინიძე.
მისივე თქმით, გარემოს დაცვის კვირეულის ფარგლებში ჩატარებული ეს შეხვედრაც საინტერესო და ინტერაქტიული იყო:
„მოსწავლეებმა მიიღეს მნიშვნელოვანი ინფორმაცია გარემოს დაცვის, ნარჩენების მართვისა და კლიმატის ცვლილების საკითხებზე, ამავდროულად თავადაც აქტიურად მონაწილეობდნენ დისკუსიებში და საკუთარ მოსაზრებებს გვიზიარებდნენ. დისკუსიის მიმდინარეობის კი დაგეგმეს, მომავალში რა აქტივობებს განახორციელებენ გარემოსდაცვითი მიმართულებით“ – ამბობს სხალთის საჯარო სკოლის დირექტორი.
საინფორმაციო შეხვედრას ესწრებოდნენ: ენერგო კომპანიის აღმასრულებელი დირექტორი, შუახევი ჰესის ხელმძღვანელი და მიმართულების მენეჯერები.
„აჭარისწყალი ჯორჯია“ გარემოს დაცვასა და მდგრად განვითარებას კომპანიის საქმიანობის ერთ-ერთ პრიორიტეტად მიიჩნევს და ადგილობრივ მოსახლეობასთან თანამშრომლობით რეგულარულად ახორციელებს გარემოსდაცვით და საგანმანათლებლო ინიციატივებს.
ბათუმში, გიორგი ბრწყინვალეს #63-ში მცხოვრებ მოქალაქეებს: ანზორ ძირკვაძესა და ლამარა აბაშიძეს მერიამ კომერციულ საკუთრებამდე მისასვლელი გაუყიდა. კომერციული ფართობების მესაკუთრეები აცხადებენ, რომ მერიამ ისინი აჭარის ფინანსთა მინისტრის მოადგილის, გიორგი მანველიძის ოჯახის ბიზნესპარტნიორის სასარგებლოდ დაჩაგრა.
გაყიდული მუნიციპალური ქონებისთვის დავა უფრო და უფრო მწვავდება.
„ბათუმელებმა“ ამ თემაზე 22 მაისს გამოაქვეყნა ვრცელი სტატია და ვიდეო მასალაც.
ახლახან კომერციული ფართობების მესაკუთრეებს სარჩელი ჩაჰბარდათ – მათ სასამართლოში უჩივიან.
„სარჩელი ჩამბარდა. ჩემი მაღაზიის შესასვლელის მყიდველი ამბობს, რომ მისი ქონებით ვსარგებლობ და 2900 ლარი უნდა გადავუხადო თვეში. ჯამში ჩემთვის 43 500 ლარის დაკისრებას და ანგარიშების დაყადაღებას ითხოვს. სარჩელში წერს, რომ შეიძლება დავა 3 წელი არ დასრულდეს და მისი ქონება ამ წლებში დაგროვილ ვალს არ ეყოფა, ამიტომ ქონება და ანგარიშებიც დაუყადაღეთო“, – გვიყვება ანზორ ძირკვაძე.
დავის საგანია მცირე ზომის რამდენიმე ფართობი, ჯამში 128 კვ.მეტრი, რომელიც მერიამ ელექტრონულ აუქციონზე გაიტანა და გაყიდა. ამ გადაწყვეტილებით მესაკუთრეებს კომერციულ ფართობებამდე მისასვლელის გარეშე რომ ტოვებდა, მერიამ ამის შესახებ კარგად იცოდა.
სასამართლო სარჩელის პარალელურად საქმეში ჩაერთო ბათუმის მუნიციპალური ინსპექციაც – კომერციული ფართობის მესაკუთრე ანზორ ძირკვაძე ადმინისტრაციულ სხდომაზე დაიბარეს და შეატყობინეს, რომ უპირებენ დაჯარიმებას და შესაძლოა საურავიც დააკისრონ. 11 ივნისს, მუნიციპალურმა ინსპექციამ ის ადმინისტრაციულ განხილვაზე დაიბარა.
საქმე ისაა, რომ 2019 წელს, ანზორ ძირკვაძემ თავის საკუთრების კედლის მიჯნაზე, მერიასთან შეთანხმებით მოაწყო ფართობი და როგორც თვითონ ამბობს, შუშები ჩასვა უნებართვოდ. ანზორ ძირკვაძის თქმით, რადგან ადგილი „არაფხიზელ მდგომარეობაში მყოფი პირების“ თავშეყრის ადგილად იქცა, მეზობლები ბრაზობდნენ, ამიტომაც იძულებული გახდა ეს სივრცე შუშის ვიტრაჟით შეეფუთა.
„მეზობლები წუხდნენ და მეუბნებოდნენ ასეთი რა თანხა დაგეხარჯება, ეს რომ მოაგვაროო. დანაგვიანებული იყო ადგილი და იყო ხმაურიც, ამიტომაც ჩავსვი ვიტრაჟი. შეთანხმებული ესკიზიდან 1 სანტიმეტრი გადაცდომაც კი არ მაქვს, არც სიმაღლე, არც სიგანე. ბაწარიც კი გავავლე, არაფერი გადამიჭარბებია“, – ამბობს ანზორ ძირკვაძე.
ანზორ ძირკვაძის თქმით, 2019 წელს ჩადენილ დარღვევაზე მერიამ პასუხი ექვსი წლის, ანუ მას შემდეგ მოსთხოვა, რაც ამ ადგილით მშენებელი კომპანიების მესაკუთრე ბექა თვალაძე დაინტერესდა და დაჰპირდა მას, რომ „ჯარიმებით აავსებდა“:
„გვითხრა, თქვენზე იმდენ ჯარიმას გამოვაწერინებ აქეთ შემეხვეწებით, რომ თქვენი ფართობი ვიყიდოო“ – ამბობს ანზორ ძირკვაძე.
ანზორ ძირკვაძემ მუნიციპალურ ინსპექციას განუმარტა, რომ ადგილი, სადაც მან დამატებითი ფართობი მოაწყო, მერიამ უკვე სხვაზე გაყიდა. სწორედ ამიტომ არ შეუძლია სხვის ტერიტორიაზე ვიტრაჟის დემონტაჟი. მით უფრო, რომ ამჟამინდელ მესაკუთრესთან აქვს კონფლიქტი და დაძაბულობა.
„ერთადერთი დარღვევა მაქვს ის, რომ შუშა ჩავსვი, აგიხსენით რატომაც. რაც შეეხება მითითებას, მიჩივის ეს კაცი ყველაფერზე – მართალია, ასმათ ასამბაძეა მფლობელი, მაგრამ ჩვენ მისი სიძე, ბექა თვალაძე დაგვემუქრა. თუ მე იქ ნგრევას დავიწყებ, შეიძლება უფრო გამწვავდეს სიტუაცია, კონფლიქტი მოხდეს. ჯერ სასამართლოშია ამ ადგილის საქმე, როცა გადაწყდება, შესაბამისად ვიმოქმედებ“, – უთხრა ანზორ ძირკვაძემ მუნიციპალურ ინსპექციას სხდომაზე, 11 ივნისს.
როგორც ჩანს, მცირე ზომის მიწის ნაკვეთების ფაქტობრივ მყიდველს, ბექა თვალაძეს იმედი ჰქონდა, რომ მეზობლად არსებული კომერციული ფართობების მესაკუთრეებს მარტივად და იაფად დაათმობინებდა კერძო საკუთრებას, შემდეგ კი, ამ ადგილზე მიწის ნაკვეთების გაერთიანების შედეგად, კორპუსის მშენებლობის ნებართვის მიღებაზე დაიწყებდა ზრუნვას.
მაგრამ უარი მიიღო, როგორც ძირკვაძისგან, ისე აბაშიძისგან.
როგორც ამას კომერციული ფართობების მესაკუთრეები გვიყვებიან, უარის შემდეგ ბექა თვალაძე მუქარებზე გადავიდა, შემდეგ კი, რაც მუქარამ არ გაჭრა და არც მუნიციპალური ინსპექციის ჩართულობამ, მყიდველი 128 კვ.მეტრით სარგებლობის საფასურს სასამართლოს წესით ითხოვს.
სარჩელის მიხედვით, ანზორ ძირკვაძემ მყიდველს თვეში 2900 ლარი უნდა გადაუხადოს. სარჩელში აღნიშნულია, რომ 2025 წლის თებერვლიდან 2026 წლის მაისამდე სარგებლობის საფასურის სახით მოსარჩელე ჯამში 43 500 ლარის გადახდას ითხოვს.
კომერციული ფართობების მესაკუთრეები, რომლებიც უკვე 15 წელზე მეტია სარგებლობენ მერიის მიერ გაყიდული ფართობებით, დანებებას არ აპირებენ და არ გამორიცხავენ, რომ მერიას სასამართლოში უჩივლონ.
„მერიის უკანონო ქმედებების გამო ზიანი ადგება ჩემს მარწმუნებელს, ამიტომ არ არის გამორიცხული მერიის წინააღმდეგ შევიტანოთ სარჩელი. ანზორ ძირკვაძეს მიმართული ჰქონდა მერიისთვის, იმ ფართობის საკუთრებად აღიარებისთვის, მაგრამ არ უღიარეს. რეალურად, ეს ადგილი ერთადერთი შესასვლელია ძირკვაძის კერძო საკუთრებაში. ქუჩაში გამვლელი გლეხი რომ გააჩერო, გეტყვის, რომ ამის გაკეთება არ შეიძლებოდა. როგორ შეიძლება კაცს კერძო ქონების შესასვლელი გაუყიდო?“ – ამბობს კომერციული ფართობების მესაკუთრეების ადვოკატი ირაკლი შავაძე.
სარჩელში ასევე ვკითხულობთ, რომ მოსარჩელე მხარე სასამართლოს სთხოვს ყადაღა დაედოს ანზორ ძირკვაძის ანგარიშებს იმისთვის, რომ თუ ძირკვაძე კომერციულ ფართობს გაასხვისებს, მოსარჩელე სარგებლის გარეშე არ დარჩეს.
საჯარო რეესტრის ამონაწერის მიხედვით, მერიამ 2024 წელს ანზორ ძირკვაძის საკუთრების წინ 41 კვ. მეტრი და 64 კვ.მეტრი მიწის ნაკვეთები გაასხვისა. მისი მეზობლის, ლამარა აბაშიძის კომერციული ფართობის წინ კი – 23 კვ.მეტრი. ეს ჯამში 128 კვ.მეტრია.
ეს ნაკვეთები ანზორ ძირკვაძეს და ლამარა აბაშიძე 15 წელზე მეტია სარგებლობაში აქვთ. მერიას მისი საკუთრებაში დაკანონებაც მოსთხოვეს, იმ კანონის შესაბამისად, რომელიც თვითნებურად დაკავებული ფართობების საკუთრებაში დარეგისტრირებას ითვალისწინებს.
ადვოკატი ირაკლი შავაძე დარწმუნებულია, რომ ბექა თვალაძე [სადაო მიწის ნაკვეთის ოფიციალური მყიდველის სიძე] მერიასთან ერთად მოქმედებს:
„შეუძლებელი იყო მერიას გაეყიდა, თუ არ იქნებოდნენ წინასწარ შეთანხმებული მასთან, ვინც აუქციონზე ეს მიწა იყიდა და რატომ? – ეს ქონება რეალურად მდებარეობს ფეხით მოსიარულეთა ტროტუარსა და ჩემი მარწმუნებლის საკუთრების კედლის მიჯნაზე. მისი გასხვისება ჯერ ერთი იმიტომ არ შეიძლებოდა, რომ საკუთრების უფლება მოიცავს არა მხოლოდ საკუთრების ქონას, არამედ თავის თავში მოიცავს საკუთრებით სარგებლობას და ფლობას, ანუ, ეს არის ერთადერთი ფეხით მისასვლელი გზა.
ამ მცირე ზომის ნაკვეთების გაყიდვით საკუთრების უფლება დაირღვა, კონსტიტუციით გარანტირებული მე-19 მუხლი. ფაქტობრივად, მიწის ფართობის სიმცირიდან გამომდინარე, მოქალაქე იქ ვერაფერს ვერ ააშენებდა და ვერც ჩადგამდა. იქ რომ რაიმე ჩადგა, შესასვლელს უნდა მოაშორო.
ადამიანის უფლებათა ევროპული კონვენციით დაცულია საკუთრების უფლება. ამ შემთხვევაში ბათუმის მერიამ ქონება გაასხვისა ისე, რომ საკუთრების უფლებით სარგებლობა შეუზღუდა ჩემს მარწმუნებელს და ფაქტობრივად მოახდინა დანაშაულის პროვოცირებაც.
ასეთი რამ ბუნებაში არ ხდება, რომ კომერციული ფართობი გაქვს წლების მანძილზე საკუთრებაში და შესასვლელი 40 კვადრატი გაგიყიდონ, შემდეგ ვიღაცამ ამისთვის ფული მოგთხოვოს… შეთანხმებული იყო, სხვა შემთხვევაში არ იყიდდა.
ვინც ამას ყიდულობდა და ამხელა თანხა გადაიხადა ამ მცირე მიწის ნაკვეთებში, დარწმუნებული იყო, რომ შემდგომში ბათუმის მერია აიძულებდა ჩემს მარწმუნებელს დაეთმო საკუთრების უფლება, შემდეგ კი გასცემდნენ კორპუსის მშენებლობის ნებართვას“, – განმარტავს ადვოკატი.
„ბათუმელებმა“ ამჯერადაც სცადა ბექა თვალაძესთან დაკავშირება, მან ჩვენს სატელეფონო ზარებს ისევ არ უპასუხა, სამაგიეროდ დაგვიკავშირდა ასმათ არძენაძის ადვოკატი, ნათია გოგიჩაიშვილი.
ადვოკატის განმარტებით, მან როგორც კეთილსინდისიერი მყიდველის ადვოკატმა, კომერციული ფართობების მესაკუთრეებთან მოლაპარაკება არაერთხელ სცადა, თუმცა ისინი „უკმაყოფილო დარჩნენ შეთავაზებული კოეფიციენტით“ და მიუხედავად არაერთი მცდელობისა „დადებითი უკუკავშირი მოლაპარაკების არცერთ დეტალთან დაკავშირებით არ დაუფიქსირებიათ“.
„შეთავაზება წერილობითაც კი არის გადაგზავნილი ბატონ ანზორთან. დაახლოებით ხუთი თვის განმავლობაში ვცდილობდით მორიგებით დაგვესრულებინა, ორივე მხარის ინტერესი გათვალისწინებული ყოფილიყო, თუმცა უშედეგოდ. შეთავაზებული კოეფიციენტი მათთვის მიუღებელი იყო. ჩართული იყო არაერთი წარმომადგენელი ბატონი ანზორის მხრიდან. ვინაიდან მხარესთან შეუძლებელია მოლაპარაკებაზე საუბარი და ჩვენ გვსურს საკუთარი უძრავი ქონებით მოვახდინოთ გარკვეული ბიზნესინტერესების გათვალისწინება – ეს პროექტი იქნება თუ სხვა რაიმე სახის ბიზნესი, ვითხოვდით აღნიშნული ფართობის გამოთავისუფლებას.
2024 წლის მიწურულს მივმართეთ ბათუმის საქალაქო სასამართლოს უკანონო მფლობელობიდან ნივთის გამოთხოვის თაობაზე, ვინაიდან ბატონი ანზორი დღემდე სარგებლობს აღნიშნული ნივთით.
დაახლოებით ერთი თვის უკან, ბათუმის საქალაქო სასამართლოში შევიტანეთ დამატებითი სარჩელი, სადაც ვითხოვთ საიჯარო ქირის გადახდას. აუდიტორული დასკვნა ერთვის სარჩელს – რის საფუძველზე და რა გაანგარიშებით ვითხოვთ აღნიშნულ თანხას.
რაც შეეხება ქალბატონ ლამარას, სასამართლოს მივმართეთ 2026 წლის 27 მაისს და ვითხოვთ უკანონო მფლობელობიდან ნივთის გამოთხოვასა და საიჯარო ქირის გადახდას, ვინაიდან მხარეს ადგება ზიანი. ის ვერ სარგებლობს თავის საკუთრებაში რიცხული უძრავი ქონებით“.
ადვოკატის ინფორმაციით, მოლაპარაკება სცადეს მას შემდეგაც, როცა მათთვის ცნობილი გახდა, რომ ანზორ ძირკვაძემ და ლამარა აბაშიძემ მიმართეს სასამართლოს სარჩელით, რომლითაც ითხოვდნენ ნასყიდობის ხელშეკრულების ბათილობას.
„ბათუმის საქალაქო სასამართლომ დააკმაყოფილა ჩვენი მოთხოვნა უკანონო მფლობელობიდან ნივთის გამოთხოვის თაობაზე. ის ქუთაისის სააპელაციო სასამართლოში გაასაჩივრა ანზორ ძირკვაძემ. ქუთაისის სააპელაციო სასამართლოს სამოქალაქო საქმეთა პალატამ ძალაში დატოვა ბათუმის საქალაქო სასამართლოს გადაწყვეტილება. ჩვენთვის ცნობილია, რომ გასაჩივრებულია უზენაეს სასამართლოში და ველოდებით გადაწყვეტილებას“, – ამბობს ნათია გოგიჩაიშვილი.
ადვოკატს ვკითხეთ, თუ იცოდა ასმათ არძენაძემ, როგორი იყო მის მიერ უკვე შესყიდული ნაკვეთების კონფიგურაცია და დაინტერესდა თუ არა მიწის შესყიდვამდე მომიჯნავედ არსებული კომერციული ფართობების მეპატრონეების პოზიციით.
„აუქციონი ჩვენზე დამოკიდებული არ არის, ის იდება გარკვეული პირობებით და ვადით. დროში შეზღუდული ვიყავით, როცა მივიღეთ გადაწყვეტილება“, – განგვიმარტა ნათია გოგიჩაიშვილმა.
ბათუმის ბულვარის გასწვრივ მცირე ზომის მიწის ნაკვეთები პლაჟზე მაღალი კონკურენციის პირობებში გაასხვისეს, გონიო კვარიათში, მახინჯაურში და მწვანე კონცხზე კი აუქციონები უმეტესად ჩაიშალა.
ბათუმის მერიამ გონიოში, მახინჯაურისა და მწვანე კონცხის პლაჟებზე მცირე ზომის ადგილები კომერციული საქმიანობებისთვის საიჯარო წესით გასასხვისებლად 3 ივნისს გაიტანა ელექტრონულ აუქციონზე. გასხვისდა მხოლოდ რამდენიმე მათგანი, უმეტესწილად აუქციონები არ შედგა იმის გამო, რომ მონაწილეობა არავინ მიიღო.
ეს ჩავარდნა სავარაუდოდ ფასებმა განაპირობა, თუმცა პირველად არ ხდება, როცა მერიას პლაჟების სეზონური სარგებლობისთვის გასასხვისებლად განმეორებითი აუქციონების გამართვა სჭირდება.
გასხვისებულებს შორის კი დაფიქსირდა მაღალი კონკურენციის შემთხვევაც. კერძოდ მერიამ გონიოს პლაჟზე 400 კვ.მეტრი საწყისი ფასით 6135 ლარად გაიტანა აუქციონზე, თუმცა ის 76-ე ბიჯით 20 195 ლარად გასხვისდა, ბიჯის ოდენობა 185 ლარი იყო.
გამარჯვებულს უფლება ეძლევა პლაჟის კონკრეტული მონაკვეთზე 4 თვის გაანმავლობაში განათავსოს საპლაჟე ინფრაქტრუქტურა და განახორციელოს კომერციული საქმიანობა.
აუქციონების გაცილებით მცირე ნაწილი არ შედგა ბათუმის ბულვარში. ბულვარის გასწვრივ პლაჟზე მცირე ზომის მიწის ნაკვეთების საიჯარო წესით ასათვისებლად აუქციონები ბულვარის ადმნისტრაციამ გამოაცხადა.
ბათუმის ბულვარში, არდაგანის ტბის გასწვრივ, ფეხბურთის სტადიონის წინ მდებარე 800 კვ მეტრი პლაჟზე ბულვარის ადმინისტრაციამ 2026 წლის პირველ ნოემბრამდე ვადით 66 680 ლარად გაასხვისა.
ბულვარის გაწვრივ პლაჟზე მცირე ზომის ადგილები მეტწილად მაღალი კონკურენციის პირობებში გასხვისდა. მაგალითად 525 კვ მეტრი პლაჟზე კონსტანტინე გამსახურდიას ქუჩის გასწვრივ ბულვარის ადმინისტრაციამ ელექტრონულ აუქციონზე 10 616 ლარად გაიტანა, რომელიც 64-ე ბიჯით 30 968 ლარად გასხვისდა, 2026 წლის პირველ ნოემბრამდე ვადით. ვაჭრობის ბიჯი 318 ლარი იყო, საწყისი ფასი 21 104 ლარი. ელექტრონულ ვაჭრობაში სამი მსურველი უწევდა ერთმანეთს კონკურენციას, საბოლოოდ ეს ადგილი 27-ე ბიჯით გასხვისდა. ფასი 45 000 ლარით გაიზარდა.
რესტორან აჭარული სახლის გასწვრივ 900 კვ. მეტრი კი რომელიც საწყისი ფასით 110 322 ლარად გაიტანეს აუქციონზე კონკურენციის პირობებში 193 072 ლარად გაასხვისეს, 2026 წლის პირველ ნომებრამდე.
ანბანის კოშკის მარჯვენა მხარეს 1491 კვ.მეტრი ერთი ბიჯით 55 379 ლარად გააასხვისეს პირველ ნოემბრამდე ვადით.
ამ სეზონზე ბათუმში ერთი შეზლონგის ფასი მაქსიმუმ 10 ლარი, ქოლგის – 5 ლარი იქნება. ბათუმის პლაჟების სარგებლობის უფლებით გასხვისების პირობების მიხედვით, წელს ბათუმში ერთი შეზლონგის ღირებულება არ უნდა აღემატებოდეს 10 ლარს, ხოლო ერთი ქოლგის ღირებულება არ უნდა აღემატებოდეს 5 ლარს.
გარდა ამისა, გასხვისების პირობების მიხედვით, მოიჯარე ვალდებულია შეზლონგები განათავსოს სანაპირო ზოლზე თანაბარპროპორციულად.
ვის შეხვდება ადგილები ბათუმის ბულვარში – ქონების იჯარით გასხვისება დაწყებულია
უკრაინის შეიარაღებული ძალების გენერალური შტაბის დღევანდელი მონაცემებით, ომის დაწყებიდან 2026 წლის 13 ივნისამდე პერიოდში, რუსეთის არმიის საბრძოლო დანაკარგი არის:
უკრაინის გენერალური შტაბის განცხადებით, საომარი მოქმედებების მაღალი ინტენსივობის გამო მონაცემები იცვლება.
უკრაინის სამხედრო დანაკარგებზე სტატისტიკური ინფორმაცია 2026 წლის 25 თებერვლის შემდეგ აღარ განუახლებია რუსეთს.
რუსეთის თავდაცვის სამინისტროს მიერ ტელეგრამ არხზე ბოლოს გავრცელებული მონაცემებით, ომის დაწყებიდან 2026 წლის 25 თებერვლამდე პერიოდში სულ განადგურებულია უკრაინის:
ეს ის მონაცემებია, რომელსაც უკრაინა და რუსეთი ოფიციალურად ავრცელებენ, თუმცა ომის პირობებში შეუძლებელია ზუსტად გადამოწმება, რამდენად შეესაბამება მხარეების მიერ გავრცელებული ინფორმაცია დანაკარგების შესახებ რეალურ რიცხვებს.
ამასთან, აღნიშნულ მონაცემებთან ერთად რუსეთის თავდაცვა, უკრაინის და რუსეთის არმიის ცოცხალი ძალის საერთო დანაკარგების შესახებ სტატისტიკას არ აქვეყნებს. უკრაინის არმიის ცოცხალი ძალის დანაკარგების შესახებ მონაცემებს არ აქვეყნებს არც უკრაინა.
—
რუსეთი უკრაინაში 2022 წლის 24 თებერვალს გამთენიისას შეიჭრა და სრულმასშტაბიანი ომი დაიწყო.
ამავე თემაზე:
უკრაინის და მოლდოვის EU-ში გაწევრიანების მოლაპარაკებები 15 ივნისს გაიხსნება
თურქეთი შავიზღვისპირეთში მასშტაბური სარკინიგზო პროექტის განხორციელებას გეგმავს.
სამსუნიდან სარფამდე აშენდება მაღალსიჩქარიანი სარკინიგზო ხაზი, რომელიც მგზავრობის დროს მნიშვნელოვნად შეამცირებს.
„სამსუნი-ტრაბზონი-სარფის მაღალსიჩქარიანი მატარებლის რკინიგზის პროექტი ტრაბზონსა და სამსუნს შორის მგზავრობის დროს 2 საათამდე შეამცირებს. ჩვენ დავაკავშირებთ ჩვენს ყველა ქალაქს სამსუნს; მათ შორის ორდუს, გირესუნს, ტრაბზონს, რიზეს და ართვინს,“ – თქვა თურქეთის ტრანსპორტისა და ინფრასტრუქტურის მინისტრმა აბდულკადირ ურალოღლუმ ტრაბზონში სამი კვირის წინ გამართულ შეხვედრაზე.
მინისტრმა ვრცლად ისაუბრა დაგეგმილ პროექტზე. მისი თქმით, ახალი სარკინიგზო ხაზის საშუალებით ისტორიაში პირველად, შესაძლებელი გახდება შავი ზღვის სანაპიროზე მდებარე ქალაქები ერთმანეთს რკინიგზით დაუკავშირდეს.
გეგმის თანახმად, მატარებლის ბოლო სადგური თურქეთის მხარეს, სარფის სასაზღვრო გამშვებ პუნქტთან იქნება.
თურქეთის ტრანსპორტისა და ინფრასტრუქტურის მინისტრის განცხადებით, ახალი პროექტი შავი ზღვის სანაპიროზე მდებარე ქალაქებს ერთმანეთს დააკავშირებს და ცენტრალურ ანატოლიასთან ინტეგრირებულ სატრანსპორტო ქსელს შექმნის.
პროექტის პირველი ფაზა, მოიცავს ცენტრალურ ანატოლიაში სარკინიგზო ხაზის მშენებლობას.
მინისტრის ინფორმაციით, ამჟამად დაწყებულია ანკარა-ქირიქალე-ჩორუმი-სამსუნის მაღალსიჩქარიან სარკინიგზო ხაზის მშენებლობა.
კერძოდ, მიმდინარეობს სამუშაოები ქირიქალესა და ჩორუმს შორის 120 კილომეტრიანი ხაზის ასაშენებლად.
ოფიციალური ინფორმაციით, 2026 წელს დაგეგმილია ტენდერის ჩატარება ჩორუმი-სამსუნის მონაკვეთზე.
რაც შეეხება სამსუნი-ორდუ-გირესუნი-ტრაბზონი-რიზე-ართვინი-სარფის მონაკვეთს, ამ ეტაპზე ცნობილია, რომ სარკინიგზო ხაზის სიგრძე 513 კილომეტრია. ამ ხაზზე 14 სადგური იქნება. პროექტი საათში 250 კილომეტრის სიჩქარის მიღწევაზეა გათვლილი.
თურქეთის ტრანსპორტისა და ინფრასტრუქტურის მინისტრის ცნობით, „პროექტი წელიწადში 12 მილიონი მგზავრის და 14 მილიონი ტონა ტვირთის გადაზიდვას გულისხმობს. აშენდება მრავალი გვირაბი და ვიადუკი. აღნიშნული პროექტი 2026 წლის საინვესტიციო პროგრამაში წინასწარი კვლევისა და დიზაინის სამუშაოების დასაწყებად იყო შემოთავაზებული“.
ოფიციალური ცნობა, თუ როდის დაიწყება უშუალოდ სამშენებლო სამუშაოები, ჯერჯერობით, გაცხადებული არაა.
„ქართულმა ოცნებამ“ ჩინეთი ჯერ სტრატეგიულ პარტნიორად გამოაცხადა, შემდეგ კი ვიზიტებს მოუხშირა ამ ქვეყანაში.
არაერთი ვიზიტით იმყოფებოდა „ოცნების“ განათლების მინისტრი გივი მიქანაძეც კომუნისტურ ჩინეთში. ბოლო ვიზიტი ივნისის დასაწყისში ჰქონდა და პრესრელიზების მეშვეობით გვამცნო, რომ საქართველოსა და ჩინეთის უმაღლეს საგანმანათლებლო დაწესებულებებს შორის თანამშრომლობის გაღრმავების პერსპექტივები განიხილა.
მიქანაძის აზრით, ჩინეთთან გაფორმებული პარტნიორული ურთიერთობები ქართველ ახალგაზრდებს მისცემს „უნიკალურ შესაძლებლობებს“ მიიღონ ცოდნა, გამოცდილება და გაიღრმაონ პროფესიული უნარები.
რას ნიშნავს დასავლეთთან ურთიერთობების დაზიანების შემდეგ, ჩინეთთან აქტიური თანამშრომლობა და როგორ შეიძლება აისახოს ამ ურთიერთობების შედეგები განათლების თავისუფლებაზე? – ამ თემაზე „ბათუმელები“ ილიას სახელმწიფო უნივერსიტეტის პროფესორს, გიორგი ხიშტოვანს ესაუბრა.
ჩემი აზრით, ორი ფაქტორი უნდა გავითვალისწინოთ აუცილებლად. პირველი ის, რომ ჩინეთი არის ძალიან განვითარებული სახელმწიფოა და უმაღლეს სასწავლებლებშიც აქვთ განათლების ძალიან მაღალი ხარისხი. ამიტომ ამ მხრივ, ნამდვილად შეუძლია საქართველოს საგანმანათლებლო სისტემას, რომ ნახოს სარგებელი ამ თანამშრომლობით.
მაგრამ მეორე ფაქტორია აქ გასათვალისწინებელი. ის, თუ რა ფორმები აქვს ჩინურ უმაღლეს განათლებას. ჩვენ ვიცით, რომ ის თავისუფალი ლიბერალური საგანმანათლებლო სისტემა, რომელიც ჩვენთან არსებობს, გულისხმობს თანამშრომლობას ევროპასთან.
ჩინური მოდელი კი უფრო მეტად დაფუძნებულია კონტროლზე, სტუდენტებისთვის სიტყვის თავისუფლების შეზღუდვაზე, გამოხატვის თავისუფლების შეზღუდვაზე. ამიტომაც, ამ ნაწილში ცხადია არსებობს რისკები. რადგან ჩვენ აქამდე ვთანამშრომლობდით ევროპასთან ჯერ Tempus-ის, შემდეგ Erasmus-ის, ახლა Erasmus+-ის პროგრამების საშუალებით და ვუახლოვდებოდით ევროპულ საგანმანათლებლო სისტემას, ვცდილობდით, თავსებადი ყოფილიყო ჩვენი სისტემა ევროპულთან, რომ გამარტივებულიყო ჩვენი სტუდენტების წასვლა ევროპაში და ჩვენი განათლების აღიარება.
ცხადია, ჩინეთისგანაც შეიძლება იხეიროს სტუდენტმა, მიეცეს შესაძლებლობა გაცვლითი პროგრამების საშუალებით ცოდნის გაღრმავების, მაგრამ ამან შესაძლოა გამოიწვიოს ევროპული მიდგომების ჩანაცვლება ჩინურით, რაც დაგვაშორებს ევროპულ საგანმანათლებლო სისტემას – ეს არის პირველი რისკი.
უნივერსიტეტები, რომლებიც ისედაც არ გამოირჩევიან მაღალი ავტონომიით, აკადემიური თავისუფლების ხარისხით და დღეს მეტად იზღუდება ეს თავისუფლება, მომავალში კიდევ უფრო მეტად იქნებიან მოქცეული პარტიული სახელმწიფოს დიქტატის ქვეშ.
ამ მხრივ „ქართულ ოცნებას“, შეიძლება ითქვას, გაცხადებული მიზანი აქვს, რომ საქართველოს განათლების სისტემა მიემსგავსოს ჩინურს. ამის უკან იგულისხმება ის, რომ ქართული უმაღლესი განათლება და უნივერსიტეტი არ იყოს თავისუფალი აზროვნების კერა.
უმაღლეს სასწავლებელში არ იყოს აკადემიური თავისუფლება, ლექტორს არ შეეძლოს იმის კვლევა და სწავლება, რაც მას აინტერესებს. ამიტომ შემთხვევითი არ არის ჩინეთში მოხშირებული ვიზიტები. ეს სასურველი მოდელია მათთვის.
რას გულისხმობს ეს მოდელი? მაგალითად, ავიღოთ ე.წ დიპლომატიური უნივერსიტეტის შექმნის ინიციატივა, რაც გულისხმობს იმას, რომ სამეცნიერო საგანმანათლებლო პროგრამები პირდაპირ სახელმწიფო სტრუქტურის ქვეშ იქნება მოქცეული.
ახლო მომავალში მივიღებთ სიტუაციას, როდესაც პოლიტიკური მეცნიერებები, დიპლომატია, საერთაშორისო ურთიერთობები აღარ ისწავლება თსუ-ში ან სხვა უნივერსიტეტებში და მხოლოდ ამ უნივერსიტეტის ქვეშ შეეძლება სტუდენტს ამ პროფესიის მიღება.
ყველას, ვისაც მოუნდება ისწავლოს და გახდეს დიპლომატი, პოლიტიკის მკვლევარი, საერთაშორისო ურთიერთობის სპეციალისტი, სახელმწიფო უწყების ქვეშ არსებულ უნივერსიტეტში მიიღებს განათლებას. ეს არის ჩინური მოდელი.
მაგალითად, ჩინეთში ასეთი უნივერსიტეტი მეცნიერებათა აკადემიის ქვეშ არის მოქცეული და აქაც, არის მცდელობა, რომ კრიტიკული მიმართულებები იყოს მონოპოლიზებული ისეთი სასწავლებლების მხრიდან, რომლებიც უშუალოდ ექვემდებარებიან სახელმწიფო უწყებას და ეს სახელმწიფო უწყება გაიგივებულია პარტია „ოცნებასთან“.
ამიტომ, ჩინეთი არის კარგი მაგალითი – ჩვენც ასეთ, სახელმწიფო დომინაციაზე დაფუძნებულ უმაღლეს განათლების სისტემას მივიღებთ.
კი, „ოცნების“ რეფორმა ამ მხრივ მიესადაგება ჩინურ მოდელს და პროპაგანდასაც მარტივად შეუძლია „დაასაბუთოს“, რომ აი, ჩინეთი წარმატებული სახელმწიფოა.
თუ გათვალისწინებთ იმასაც, რომ „ქართულმა ოცნებამ“ ფაქტობრივად ვერანაირ რეალურ თანამშრომლობაზე ვერ დაიყოლია ჩინეთი, ამდენი მცდელობის მიუხედავად, განათლების სფერო შეიძლება იყოს უკანასკნელი შანსი, რასაც შეიძლება „ოცნება“ ჩაეჭიდოს ამ ურთიერთობაში.
ჩინური რბილი ძალის დემონსტრირებაა თუნდაც საგანმანათლებლო სფეროში გავლენების გაფართოება, გაცვლითი პროგრამები და ასე შემდეგ.
შესაბამისად, „ქართულმა ოცნებამ“ ჩინეთის მხრიდან რბილი ძალის გატარების სურვილის პარალელურად, შესაძლოა მსოფლიოს აჩვენოს, რომ ჩინეთთან სერიოზული თანამშრომლობა აქვს დაწყებული.
ბოლო ორი წელია „ქართულმა ოცნებამ“ აჩვენა საქართველოს მოსახლეობას, რომ მისთვის ადამიანის უფლებები, სიტყვის თავისუფლება, პრესის თავისუფლება, პოლიტიკური პლურალიზმი, დემოკრატია არ არის მნიშვნელოვანი ღირებულება.
აქედან გამომდინარე, ძალიან თავსებადია ის, რასაც ჩინეთი აკეთებს ჩინეთში და ის, რასაც „ოცნება“ აკეთებს საქართველოში. აბსოლუტურად არ არის გასაკვირი, რომ ეს ორი – ჩინეთის კომუნისტური პარტია და „ქართული ოცნება“ – თანხვედრაშია.
ამიტომაც არის „ქართული ოცნების“ რეფორმის მიზანი, საბოლოოდ დაამყაროს სრული კონტროლი უმაღლესი განათლების სისტემაზე. ჯერჯერობით ეს შეეხო სახელმწიფო უნივერსიტეტებს, თუმცა ნაწილობრივ კერძო უნივერსიტეტებსაც, რადგან ფაქტობრივად, სახელმწიფო განუსაზღვრავს კერძო უნივერსიტეტებს რამდენი უცხოელი სტუდენტი მიიღოს და საბოლოოდ, ჩემი ვარაუდით, სახელმწიფო განსაზღვრავს იმასაც, ვინ, სად და რა შინაარსით ასწავლოს.
ეს არის „ქართული ოცნების“ გაცხადებული პოლიტიკა. მათი ყველა ქმედება ამისკენ მიდის.
„მინდა, რომ ჩემს შვილებს სახლი ჰქონდეთ, მეტს არაფერს არ ვითხოვ,“ – ამბობს 30 წლის ირმა მამულაძე. იგი მარტოხელა დედაა, 4 მცირეწლოვანი შვილი ჰყავს და ბათუმში, ბარაკული ტიპის სახლში ცხოვრობს.
ირმა მამულაძე ბინას ითხოვს. იგი რამდენჯერმე იყო ბათუმში გამართულ აქციაზე, სადაც უსახლკაროებმა ბინა მოითხოვეს. მარტოხელა დედის თქმით, 4 შვილთან ერთად მერიასთან მისულ დედასაც კი არ შეხვდა ბათუმის მერი. გაუგებარია, რატომ იქცევა ასე ბათუმის მერიო – წუხს ირმა მამულაძე და ბარაკში შევყავართ – ვიწრო და ღარიბულად მოწყობილ მისაღებში შესვლისთანავე მძაფრად იგრძნობა ნესტის სუნი.
ბარაკი, სადაც ოჯახი ცხოვრობს, ბათუმში, ლერმონტოვის ქუჩაზე მდებარეობს, ბათუმის მერიის ერთ-ერთი ადმინისტრაციული შენობიდან ორ ნაბიჯში. აქ რამდენიმე ოჯახი წლებია ბარაკში ცხოვრობს.
ირმა მამულაძე გვიყვება, რომ მეოთხე შვილის გაჩენის შემდეგ იძულებული გახდა, მოძალადე ქმრის ოჯახიდან წამოსულიყო და ბებიასთან დაბრუნებულიყო, ბარაკებში.
ირმა მამულაძე ჩვენს წინ ჯდება დივანზე. დედასთან სხდებიან შვილებიც, ერთ-ერთი მათგანი მიყვება, ჩემს თოჯინასაც მარიამი ჰქვია, ანუ ჩემი სახელი, ყველაზე პატარა დაიკო საბავშვო ბაღშია და საღამოს ერთად უნდა მივაკითხოთ, ბებია კი, სტუმრად არის წასულიო.
ოჯახის შემოსავლის წყარო სოციალური შემწეობაა – თვეში 1050 ლარი, ამას ემატება მარტოხელა დედის პენსია. ირმა მამულაძე ამბობს, რომ ჯანმრთელობის პრობლემის გამო მას შშმ პირის სტატუსი აქვს და თვეში 250 ლარს იღებს:
„აქედან 200 ლარი უკვე დავხარჯე გუშინ წამლებში, 50 ლარი დამრჩა, რა ვიყიდო?“ – კითხულობს ირმა მამულაძე და წამლების შეფუთვას გვაჩვენებს.
„ღარიბი ვინცაა და დახმარება სჭირდება, მართლა რომ გადასცენ ბინა და დაეხმარონ, არ შეიძლება?“ – გვეკითხება მარტოხელა დედა და სამზარეულოსაც გვაჩვენებს: დღესაც სასადილოდან მოვიტანეთ სადილი, მაცივარი კი გაფუჭებულია, წლებია კარადად ვიყენებთო.
„მთავრობა არაფერში არ დამხმარებია, მხოლოდ სოციალურს ვიღებ. მამაჩემი მეხმარებოდა, ხანდახან ჯართს გაყიდდა, ან ფქვილის ტომრებს დაცლიდა… მამაჩემიც გარდაიცვალა ამ წლის დასაწყისში, სიმსივნე ჰქონდა, მე ვუვლიდი.
ბავშვების მამა კი, არათუ ალიმენტს იხდის, ბავშვებს საერთოდ არ ნახულობს… ჩემი ერთი ძმა „ოცნების ქალაქშია“, მეორე – ციხეში. ეს ბარაკი ბებიას ეკუთვნის, აქ არც იცხოვრება, სავსეა აქაურობა ნესტით და ნაგვით… მეც აქ დავიბადე, ამ ბარაკში, როდის აშენდა, არ ვიცი,“ – ამბობს ირმა მამულაძე და ვიწრო გასასვლელიდან ჯერ საერთო, მოუწესრიგებელ ეზოში გავყავართ: ნახეთ, არსად არაა ბავშვებისთვის სათამაშო ადგილიო, მერე ბარაკში სახელდახელოდ მოწყობილ აბაზანას გვაჩვენებს. ირმა მამულაძე გვიხსნის, რომ სამზარეულოში აცხელებს წყალს და ის შეაქვს აბაზანაში.
„ესეც ჩვენი საძინებელია, რომელსაც ფანჯარაც არ აქვს, მხოლოდ ვიწრო ღრიჭოა… როცა წვიმს, კიდევ უფრო საშინლად დგება ნესტის სუნი. მე და ჩემი შვილები, ხუთივე, ამ ერთ ოთახში ვიძინებთ 2 საწოლზე, კარადა არ გვაქვს, მეორე ოთახში ბებია იძინებს და სათავსოა,“ – გვიყვება ირმა მამულაძე.
„არ მყოფნის საჭმელზე ფული, ბავშვებს ხან ტკბილეული უნდათ, ხან ნაყინი. დედა ნაყინი მინდაო და ვერ ვყიდულობ, სხვებმა ჭამონ და ჩემმა შვილებმა უყურონ?
დილით ავდგები და ესენი მიმყავს ბაღში და სკოლაში, მერე მოვლა სჭირდებათ, მუშაობას ვერ ვახერხებ. მე-9 კლასი დავამთავრე და მეტი არ მისწავლია. მინდა, რომ ჩემმა შვილებმა ისწავლონ. 18 წლისა დავოჯახდი,“ – გვიყვება ირმა მამულაძე.
„მე მასწავლებელი გამოვალ,“ – გვეუბნება ირმას უფროსი შვილი.
„შუათანა პირველ კლასში რომ გავუშვი, უფროსი გოგოს დაპატარავებული ტანსაცმელი ჩავაცვი, სად მრჩება ტანსაცმლის ფული?
ვისაც ბინა აქვს, იმას ეხმარებიან და ჩემს შვილებს სასადილოდან მოტანილ საჭმელს ვაჭმევ, იმიტომ არის ხალხი აჯანყებული, არ გავჩერდებით, სანამ ბინებს არ მივიღებთ. მთელი სასადილოს ხალხი ვიყავით მერიასთან მისული,“ – გვითხრა ირმა მამულაძემ.
აჭარის ტურისტული პროდუქტების განვითარების სააგენტო „საზღვაო ტურისტული სეზონის“ გახსნის ორდღიანი ფესტივალის „ზაფხული იწყება აქ“ ფარგლებში მოწვეულ 16 DJ-სა და მუსიკალურ ჯგუფს ჰონორარის სახით ჯამში 144 ათას 500 ლარს გადაუხდის.
აქედან „ურსას“ – 30 ათასი ლარი, „კახაბერი და ხანუმები“ – 25 ათასი, „სინთეზი“ – 20 ათასი, „მიქსტურა“ – 16 ათასი, New one – 13 ათასი ლარი და ა.შ.
აჭარის სააგენტომ ექსკლუზიური უფლებამოსილების საფუძველზე, ჰონორარების ტენდერის გარეშე გადახდის თანხმობისთვის სახელმწიფო შესყიდვების სააგენტოს განაცხადით უკვე მიმართა.
ფესტივალის ჩატარება 2026 წლის 20-21 ივნისს არის დაგეგმილი, თუმცა „თარიღი შეიძლება გადატანილ იქნეს ამინდის გათვალისწინებით“.
„აჭარაში ზაფხულის ტურისტული სეზონის ოფიციალურად გახსნისა და დაანონსების მიზნით ქალაქ ბათუმში მიმდინარე წლის 20-21 ივნისს ჩატარდება ფესტივალი „ზაფხული იწყება აქ“.
ზაფხულის ფესტივალი ერთ-ერთი ყველაზე მასშტაბური და ფერადი ფესტივალია, რომელიც უკვე წლებია იმართება ბათუმში, ანბანის კოშკისა და საოცრებათა პარკის მიმდებარედ.
ორდღიანი ფესტივალის მუსიკალური ნაწილი გათვლილია სხვადასხვა ასაკისა და მუსიკალური გემოვნების ადამიანებზე, იქნება მრავალფეროვანი მუსიკალური პროგრამა“, – წერია „ექსკლუზიური უფლების ფარგლებში გამარტივებული შესყიდვის განხორციელების შესახებ“ სააგენტოს დირექტორის ბრძანებაში.
ამავე ბრძანებით ირკვევა, რომ შემსრულებლები „სააგენტოს მიერ ორგანიზებულ გასულ ფესტივალებში მონაწილე შემსრულებლების გამოსვლაზე მაყურებელთა სიმრავლითა და საზოგადოების მხრიდან მოწონების, აგრეთვე მათი შემოქმედების, რეპერტუარის, მაღალი რეიტინგისა და ცნობადობის გათვალისწინებით“ შეარჩიეს.
DJ Chiki [არჩილ დავითაძე] – ჰონორარი 2 000 ლარი [საკონცერტო შესრულება]
DJ Nugo [ნუგზარ ხიმშიაშვილი] – 2 000 ლარი [1 საათიანი პროგრამა]
DJ ბენე [გიორგი ცინცაძე] – 2 000 ლარი [2-სააათიანი პროგრამა]
DJ Guri de sal [გური სალუქვაძე] – მომსახურების ღირებულება 4 000 ლარი [ღონისძიების მუსიკალური გაფორმება, 2-სააათიანი პროგრამა].
Ocean drive – ჰონორარი 3 000 ლარი
Latino orchestra – 3 000 ლარი
4up – 3 000 ლარი [40 წუთიანი პროგრამა]
Why not – 3 000 ლარი [40 წუთი]
La fiesta – 3 000 ლარი [40 წუთი]
Emotion – 4 500 ლარი [მუსიკალური გაფორმება, 40 წუთიანი პროგრამა]
„სინთეზი“ – 20 000 ლარი [6 ადამიანის ჰონორარი, ტრანსპორტის, ღამისთევის, კვების ხარჯები; 1-საათიანი პროგრამა]
„მიქსტურა“ – 16 000 ლარი [5 ადამიანის ჰონორარი, ტრანსპორტის, ღამისთევის, კვების ხარჯები]
„ურსა“ – 30 000 ლარი [5 ადამიანის ჰონორარი, ტრანსპორტის, ღამისთევის, კვების ხარჯები; 1-საათიანი პროგრამა]
კახაბერი და ხანუმები – 25 000 ლარი [ჰონორარი, ტრანსპორტირება, სასტუმრო, კვება]
¼ და ლინდა ადამია – 10 000 ლარი [5 ადამიანის ჰონორარი, ტრანსპორტის, ღამისთევის, კვების ხარჯები; 1-საათიანი პროგრამა]
New one – 13 000 ლარი [5 ადამიანის ჰონორარი, ტრანსპორტის, ღამისთევის, კვების ხარჯები]
ჰონორარების ოდენობები აღებულია იმ ინვოისებიდან, რომლებიც აჭარის ტურისტული პროდუქტების განვითარების სააგენტომ სახელმწიფო შესყიდვების სააგენტოს გადაუგზავნა.
შესყიდვების სააგენტოში საკითხის განხილვის საბოლოო თარიღად 2026 წლის 16 ივნისია დაფიქსირებული.
თიბისი ბიზნესის მხარდაჭერით, მაისში, შვიდი სხვადასხვა თემატიკის შეხვედრა გაიმართა. ბიზნესების წარმომადგენლებს შესაძლებლობა ჰქონდათ, სფეროს ექსპერტებისგან მათთვის საინტერესო საკითხებზე მიეღოთ ამომწურავი ინფორმაცია.
პირველი ტრენინგი პრობლემების სისტემური გადაჭრის თემატიკას დაეთმო. ინტერაქციულ ვორქშოფზე, მონაწილეებმა რეალურ პრობლემებზე იმუშავეს და ისწავლეს, როგორ უნდა იპოვონ ძირეული მიზეზები და მიიღონ სწორი გადაწყვეტილებები.
მეორე შეხვედრის თემას ფინანსების მართვის 10 ოქროს წესი წარმოადგენდა და მას Amadeo-ს დამფუძნებელი, გიორგი ჩუგოშვილი უძღვებოდა.
მესამე შეხვედრა ციფრული მარკეტინგის თემატიკაზე ჩატარდა. ალექსანდრე ჩომახიძემ აუდიტორიას მეტას განახლებების და ალგორითმის ცვლილებების შესახებ მიაწოდა ინფორმაცია და მათ ციფრული მარკეტინგის მიმართულებით საინტერესო და სასარგებლო რჩევები გაუზიარა.
მაისის თვის ტრენინგები ასევე შეეხო საცალო ქსელებში შესვლის სტრატეგიას, საგადასახადო სიახლეებს და ხარჯების მართვის თემებსაც. მეწარმეებს შესაძლებლობა ჰქონდათ სფეროს ექსპერტებისგან მიეღოთ ინფორმაცია ხარჯების ეფექტურად მართვისა და სწორი ფინანსური სტრუქტურის ჩამოყალიბების შესახებ.
თიბისის ბიზნესგანათლების პროგრამა გრძელდება. ივნისის თვის ტრენინგებზე რეგისტრაცია დაწყებულია და მასში ჩართვა თიბისის ბიზნესმომხმარებლებს წინასწარი რეგისტრაციით შეუძლიათ, ბმულზე: https://tbcbank.ge/ka/business/education , სადაც კურსების შესახებ დეტალური ინფორმაციის მიღებაცაა შესაძლებელი.
ტრენინგებზე დასწრება თავისუფალია და ის ბიზნესგანათლების ხელმისაწვდომობასთან ერთად, ბიზნესის წარმომადგენლებისთვის უახლესი და სასარგებლო ინფორმაციის გაზიარებას ისახავს მიზნად.
„ქართული ოცნების“ ორი დეპუტატი, გიორგი ჭყონია და ვიქტორ ჯაფარიძე საბაჟო-გამშვებ პუნქტებთან მოწყობილი ლიცენზირებულ TIR PARK-ებს ფლობენ.
„საერთაშორისო გამჭვირვალობა საქართველოს“ კვლევის თანახმად, დეპუტატი გიორგი ჭყონია სარფის საბაჟო გამშვებ პუნქტთან, ბათუმში, აფსაროსის გზატკეცილის #2-ში მოწყობილი TIR PARK-ის, შპს „ფიგოილის“ 50% წილის მფლობელია.
გიორგი ჭყონია „ქართული ოცნების” მსხვილი შემწირველია.
შპს „ფიგოილთან“ დაკავშირებულმა პირებმა, „ქართულ ოცნებას“ და სალომე ზურაბიშვილს, 2014 წლიდან დღემდე, ჯამში 797, 000 ლარი შესწირეს.
კიდევ ერთ დეპუტატთან, ვიქტორ ჯაფარიძის სახელთანაა დაკავშირებული წითელ ხიდთან არსებული TIR PARK-ი.
„წითელ ხიდის საბაჟო გამშვებ პუნქტთან, მარნეულის მუნიციპალიტეტის სოფელ ლეჟბადინში მოწყობილი TIR PARK-ის, შპს „ტირ პარკ მარნეული 2014-ის” ყოფილი მეწილეები არიან „ხალხის ძალის“ და პროპაგანდისტული არხის, „პოსტივის“ დამფუძნებლის, საქართველოს არალეგიტიმური პარლამენტის წევრის, ვიქტორ ჯაფარიძის მეუღლე ნათია ხვისტანი და მათ ოჯახთან დაახლოებული ბიზნესმენი – ოთარ ჩართოლანი.
ორივემ, 2016-2018 წლებში, როდესაც ამ კომპანიის წილებს ფლობდნენ, „ქართულ ოცნებას“ და სალომე ზურაბიშვილს, 208 000 ლარი შესწირეს,“ – ნათქვამია „საერთაშორისო გამჭვირვალობა საქართველოს“ კვლევაში.
კვლევის მიხედვით, საბაჟო-გამშვებ პუნქტებთან მოწყობილი 8 ლიცენზირებული TIR PARK-ის მოქმედი და ყოფილი მეწილეები და დირექტორები „ქართული ოცნების“ წარმომადგენლები და მათთან დაკავშირებული პირები არიან. მათ „ქართულ ოცნებას“ და მმართველი პარტიის მიერ მხარდაჭერილ საპრეზიდენტო კანდიდატს, სალომე ზურაბიშვილს, 2014 წლიდან დღემდე, ჯამში 1 991 000 ლარი შესწირეს.
გარდა „ქართული ოცნების“ დეპუტატებისა, ლიცენზირებულ ტირ პარკებს ფლობენ პარტია „ქართული ოცნების“ სხვა მსხვილი შემწირველებიც.
„გუგუთის (სოფელ პატარა დმანისში) და სადახლოს საავტომობილო (სოფელ სადახლოში) საბაჟო გამშვებ პუნქტებთან მოწყობილი TIR PARK-ების, შპს „გუგუთი ვერტექსის” და შპს „პარკ ვერტექსის” მეწილეები და ხელმძღვანელი არიან თბილისის მერთან, კახა კალაძესთან და სანქცირებულ ყოფილ შინაგან საქმეთა მინისტრთან, ვახტანგ გომელაურთან დაახლოებული ბიზნესმენები, ძმები გიორგი და რომან აბრამიშვილები.
მათ, 2018 წლიდან დღემდე, „ქართულ ოცნებას“ და სალომე ზურაბიშვილს, 774 000 ლარი შესწირეს.
ლაგოდეხის საბაჟო გამშვებ პუნქტთან, სოფელ მაწიმში მოწყობილი TIR PARK-ის, შპს „ნიუ ჯორჯიას” 30% წილის ყოფილი მფლობელია, „ქართული ოცნების“ აქტიური მხარდამჭერი და მათთან დაახლოებული ბიზნესმენი, მინდია საბანაძე, რომელმაც 2016-2017 წლებში, ამ კომპანიაში 30% ფლობის დროს, „ქართულ ოცნებას“ 100 000 ლარი შესწირა“, – ნათქვამია „საერთაშორისო გამჭვირვალობა საქართველოს“ კვლევაში.
საქართველოში სულ 35 ლიცენზირებული TIR PARK-ია და ისინი 9 საბაჟო გამშვები პუნქტის – სარფის, ყაზბეგის, წითელი ხიდის, სადახლოს (საავტომობილო), ლაგოდეხის, გუგუთის, ნინოწმინდას, ვალესა და კარწახის, მიმდებარედ არის მოწყობილი.
საქართველოს მთავრობის გადაწყვეტილებით, 2014 წლიდან საბაჟო გამშვებ პუნქტებთან არსებული რიგების მოწესრიგების და შეფერხებების თავიდან აცილების მიზნით, სატვირთო ავტომობილი, იმის მიუხედავად, ცარიელია ის თუ დატვირთული, საბაჟო გამშვებ პუნქტში გამოცხადებამდე ვალდებულია განთავსდეს სახელმწიფო საზღვრებთან არსებულ იმ ავტოსადგომებში, ე.წ TIR PARK-ებში, რომლებიც ლიცენზირებულნი არიან შემოსავლების სამსახურის მიერ და ჩართულნი არიან ავტოსატრასნპორტო საშუალებების რიგების მართვის ელექტრონულ სისტემაში.
ამ TIR PARK-ების მომსახურების საფასური ერთეულ ტრაილერზე შეადგენს 80 ლარს, რის სანაცვლოდ ისინი არანაირ სერვის არ იღებენ, გარდა რიგის მართვის მომსახურებისა. ამ საფასურის გადაუხდელობის შემთხვევაში, სატვირთო ავტომობილების მძღოლებს ეკრძალებათ სახელმწიფო საზღვრისკენ მოძრაობა და შემდგომში საზღვრის გადაკვეთა, რასაც საპატრულო პოლიციის მორიგე ეკიპაჟები მუდმივად აკონტროლებენ.
„ტავ ჯორჯიას“ ინფორმაციით, 2026 წლის 25 ივნისიდან, თბილისისა და ბათუმის საერთაშორისო აეროპორტებს შორის რეგულარული ფრენები იწყება.
აღნიშნული მიმართულებით რეისებს კვირაში ოთხჯერ, ავიაკომპანია „ჯორჯიან ეარვეისი“ შეასრულებს.
„ზაფხულის სანავიგაციო სეზონის განმავლობაში, თბილისი-ბათუმი-თბილისის საჰაერო ხაზზე ფრენები ყოველ სამშაბათს, ხუთშაბათს, შაბათსა და კვირას, Boeing 737 ტიპის ხომალდით შესრულდება.
თბილისის საერთაშორისო აეროპორტიდან აღნიშნულ დღეებში რეისები 09:00-ზე განხორციელდება, ბათუმიდან კი 19:30-ზე. ფრენის ხანგრძლივობა 45 წუთს შეადგენს,“ – აცხადებენ „ტავ ჯორჯიაში“.
„ჯორჯიან ეარვეისის“ ოფიციალურ ვებგვერდზე განახლებული ინფორმაციით თბილისი-ბათუმის რეისზე ბილეთის ფასი ერთი მიმართულებით 108 ევროდან [დაახლოებით 331 ლარიდან] იწყება. [შენიშვნა: განახლებამდე ამავე ვებგვერდზე ფასი 132 ევრო-დან იყო მითითებული]
19-20-21 ივნისს, თბილისი რეგიონში ყველაზე მასშტაბურ ტექნოლოგიურ ღონისძიებას – Global Tech Weekend Tbilisi 2026-ს უკვე მეორედ უმასპინძლებს.
თიბისი, როგორც რეგიონის წამყვანი ტექნოლოგიური კომპანია, წელსაც GTWT-ს მთავარი სპონსორია. გვჯერა, ვქმნით ინოვაციას – სწორედ, ამიტომ ვუჭერთ მხარს წამოწყებებს, სადაც ახალი იდეები, ტექნოლოგიები და შესაძლებლობები იბადება.
200-ზე მეტი სპიკერი, 300-ზე მეტი ინვესტორი, 10 ათასზე მეტი სტუმარი – ეს არის შეხვედრების, ლექციების, ვორქშოფების, კონფერენციებისა და კულტურული ღონისძიებების სერია, სადაც თავს მოიყრიან მსოფლიოს წამყვანი ტექ პროფესიონალები.
Global Tech Weekend Tbilisi 2026-ის მთავარი მისიაა, გააერთიანოს რეგიონის საუკეთესო ტექ პროფესიონალები და შექმნას მოძრაობა, რომლის ფარგლებშიც, კავკასიისა და ცენტრალური აზიის წამყვან ტექნოლოგიურ კომპანიებსა და ადამიანებს ექნებათ შესაძლებლობა, გაიცნონ ერთმანეთი და ერთად აღმოაჩინონ ახალი შესაძლებლობები.
ღონისძიების მასშტაბურობიდან და მრავალფეროვნებიდან გამომდინარე, აქტივობები თბილისის მასშტაბით სხვადასხვა ლოკაციებზე ჩატარდება. 20 ივნისს კი, მთავარი ღონისძიება Factory Tbilisi-ში გაიმართება, სადაც 5 სცენა და არაერთი საინტერესო ამბავი დაგხვდებათ.
Google, Apple, Revolut, Nike, Fuckup Nights – ეს მოკლე ჩამონათვალია იმ ბრენდებისა, რომელთა წარმომადგენლებსაც გლობალ ტექ ვიქენდის სცენებზე შეხვდებით. სპიკერებს შორის, რა თქმა უნდა, იქნებიან თიბისელები:
არჩილ ვარდიძე – თიბისის დიზაინის მთავარი ოფიცერი;
გიორგი კინწურაშვილი – ეკოსისტემის ინოვაციების ლიდერი;
გუგა ბურდული – ციფრული ანალიტიკის ლიდერი;
ალექსანდრე შაფათავა – ეჯაილ ქოუჩი.
Global Tech Weekend Tbilisi 2026-ზე დასწრება შეუძლია ნებისმიერ მსურველს, ვისაც ტექნოლოგიები და მასთან დაკავშირებული ციფრული სფეროები აინტერესებს და სურს, ინდუსტრიის წამყვანი პროფესიონალების მოსმენისა და გაცნობის შესაძლებლობა ჰქონდეს. ბილეთების შესაძენად, ისარგებლეთ ბმულით – Global Tech Weekend | Tbilisi.
