Batumelebi | როდის დაიწყებს მუშაობას ბათუმის ახალი მერი და საკრებულო? როდის დაიწყებს მუშაობას ბათუმის ახალი მერი და საკრებულო? – Batumelebi
ნეტგაზეთი • RU

როდის დაიწყებს მუშაობას ბათუმის ახალი მერი და საკრებულო?

როდის შეიკრიბება ბათუმის ახალი საკრებულო და დაიწყებს მუშაობას ახალი მერი? – თარიღის განსაზღვრა შემაჯამებელი ოქმების მიღებაზეა დამოკიდებული, საარჩევნო დავების განხილვა კი, ჯერ არ დასრულებულა.

კანონმდებლობით განსაზღვრულია ვადები, რა დროში უნდა მიიღოს ცესკომ შემაჯამებელი ოქმი  და ახალი მოწვევის საკრებულოებიც მოიწვიოს.

საია-ს იურისტის, მირზა მამულაძის განმარტებით, ახალი მოწვევის საკრებულოს პირველ სხდომას ცესკო იწვევს არჩევნების შედეგების შეჯამებიდან 30 დღეში. ცესკო ვალდებულია არჩევნების შემაჯამებელი ოქმი მიიღოს კენჭისყრის დღიდან ანუ 30 ოქტომბრიდან 25 დღის ვადაში.

რაც შეეხება ბათუმის მერს, ის ცესკოს შემაჯამებელ ოქმს არ ელოდება – ახლად არჩეული მერი ბათუმის საოლქო კომისიის შემაჯამებელ ოქმს უნდა დაელოდოს. ეს ოქმი კომისიამ კენჭისყრის დღიდან, ანუ 30 ოქტომბრიდან 2 კვირაში უნდა მიიღოს.

„შემაჯამებელი ოქმის მიღებიდან მე-11 დღეს იწყებს მერი უფლებამოსილების შესრულებას,“ – ამბობს საია-ს იურისტი, მირზა მამულაძე.

ამ დრომდე აჭარის რეგიონში მუშაობას უკვე შეუდგნენ ქობულეთის, ქედის, შუახევისა და ხულოს მერები. არჩევნების მეორე ტურის შედეგების შეჯამებას საოლქო კომისიებისგან მხოლოდ ბათუმისა და ხელვაჩაურის მერები ელიან.

მუშაობა ჯერ არ დაუწყია საკრებულოებს, მათ შორის, მაგალითად, ბათუმში იმის მიუხედავად, რომ პირველივე ტურში აირჩიეს ყველა დეპუტატი, რადგან საკრებულოს პირველ სხდომებს ცესკო იწვევს.

არჩევნების მეორე ტურში ქედის, ხულოსა და ხელვაჩაურის საკრებულოებში აირჩიეს რამდენიმე მაჟორიტარი.

ნეტგაზეთის მასალების სხვა გამოცემებში გადაბეჭდვის წესი
ავტორი