Batumelebi

 

მერიის პრეს-სამსახურის ინფორმაციით, ნუკრი დეკანაძე ადმინისტრაციის უფროსის მოადგილედ გადაიყვანეს.

 

ბათუმის მერიის ახალი ადმინისტრაციის უფროსი თემურ კახიძე 2007-2010 წლებში ბათუმის საკრებულოს წევრი, „ნაციონალური მოძრაობის“ ფრაქციის წევრი და საკრებულოს საფინანსო-საბიუჯეტო კომისიის თავმჯდომარე იყო. შემდეგ ის ბათუმის მერიის ორგანიზაციის „ბათუმის სანდასუფთავების“ დირექტორად მუშაობდა. ბოლო პერიოდში კი ჩეხეთის რესპუბლიკის საგარეო საქმეთა სამინისტროს განვითარების ფონდის – „ბათუმის ახალგაზრდების განვითარების ხელშეწყობა“  პროექტის დირექტორი იყო.

 

„სტუდენტებს  ჩვენი ქვეყნის ჩრდილო ატლანტიკურ მომავალზე, ჩვენს საგარეო პოლიტიკასთან დაკავშირებით ვესაუბრეთ. შეხვედრის მიზანი  გაცნობითი ხასიათისაა. გვინდა გავიგოთ სტუდენტები რას ფიქრობენ თავიანთი ქვეყნის მომავალზე,“ – განაცხადა  საინფორმაციო ცენტრი ნატოსა და ევროკავშირის შესახებ წარმომადგენელმა ირაკლი აბულაძემ.

„აუცილებელია ინტეგრაცია ნატოსა და ევროკავშირში, მაგრამ მე ვფიქრობ კონკრეტული ნაბიჯები უნდა გადადგას პოსტსაბჭოთა რეგიონის ქვეყნებისთვის ამერიკამ და დასავლეთმა,“ – განაცხადა შეხვედრაზე სტუდენტმა მამუკა გოგაძემ.

„ჩვენ უნდა გავხდეთ ნატოსთვის მიმზიდველი პარტნიორი. ნატოს ჭირდება ძლიერი პარტნიორი ჩვენი სახით,“ – განაცხადეს შეხვედრაზე, სადაც  საქართველოს საგარეო პოლიტიკაზე და ბოლო პერიოდში საქართველოსა და მეზობელ ქვეყნებში განვითარებულ მოვლენებზე იმსჯელეს. შეხვედრა ნატოსა და ევროკავშირის შესახებ საინფორმაციო ცენტრისა და აჭარის სპორტისა და ახალგაზრდობის საქმეთა დეპარტამენტის ორგანიზებით  გაიმართა.

 

შეხვედრა ნატოსა და ევროკავშირის შესახებ საინფორმაციო ცენტრისა და აჭარის სპორტისა და ახალგაზრდობის საქმეთა დეპარტამენტის ორგანიზებით გაიმართება. აღნიშნულ ღონისძიებას სტუდენტ-მასწავლებლები დაესწრებიან. შეხვედრაზე ერთობლივად იმსჯელებენ საქართველოს საგარეო პოლიტიკაზე და ბოლო პერიოდში საქართველოსა და მეზობელ ქვეყნებში განვითარებულ მოვლენებზე.

 

მომზადებულია პრესრელიზზე დაყრდნობით.

 

დაფინანსების მიღება აჭარის ტერიტორიაზე მოქმედ აკრედიტებულ უმაღლეს საგანმანათლებლო და სამეცნიერო-კვლევით დაწესებულებებში მომუშავე აკადემიური ხარისხის (მაგისტრი, დოქტორი) ან სამეცნიერო წოდების (მეცნიერებათა კანდიდატი, მეცნიერებათა დოქტორი) მქონე პირებს შეუძლიათ. პროგრამაში მონაწილეობის მიღება შეუძლიათ ასევე იმ  მაგისტრანტებსა და დოქტორანტებს, რომლებიც განაცხადის წარდგენის პერიოდში სწავლობენ აჭარის ა.რ. ტერიტორიაზე მოქმედ რომელიმე  აკრედიტებულ უმაღლეს საგანმანათლებლო დაწესებულებებში.

 

 თითოეულ მონაწილეს მაქსიმუმ  2500 ლარის  მიღება შეუძლია.  ვის დაუფინანსებენ  სამეცნიერო ღონისძიებაში მონაწილეობასთან დაკავშირებული ხარჯებს    ამას  სპეციალურად შექმნილი კომისია ღია კონკურსის საფუძველზე გამოავლენს. 

 

 

დარეგისტრირებული ადამიანების მესამედს თანხა უკვე ჩაერიცხათ – “ჩვენ კანონმდებლობით გვაქვს გათვალისწინებული, რომ ეს თანხები  სამი თვის განმავლობაში, ეტაპობრივად ჩავრიცხოთ. თანხების ჩარიცხვა უკვე დავიწყეთ და ვცდილობთ ამ სამი თვის ვადაში ჩავეტიოთ”  – ამბობს შემოსავლების სამსახურის, საზოგადოებასთან ურთიერთობის სამსახური, ხატია მოისწრაფიშვილი.

წინასწარი გათვლებით შემოსავლების სამსახური 600 ათასი ადამიანის რეგისტრაციას ელოდება. თუმცა ზუსტი რაოდენობა 31 დეკემბერს, პროცესის დასრულების შემდეგ იქნება ცნობილი. 31 დეკემბერი რეგისტრაციის ბოლო დღეა.

შემოსავლების სამსახურში ამბობენ, რომ სისტემას ხარვეზი არ ჰქონია და მათთან არც ერთი საჩივარი არ შესულა. 

დაანონსებული გვაქვს და ველოდებით დაახლოებით 600 000 ადამიანს, მაგრამ ეს გვეცოდინება მას შემდეგ რაც პროცესი დასრულდება, პროცესი კი შეიძლება დასრულდეს 31 დეკემბერსაც. ანუ 31 დეკემბრამდე აქვს მოქალაქეს უფლება რომ 2013 წელს ხელფასის სახით დაერიცხა 6000 ლარზე ნაკლები, რომ დარეგისტრირდეს და მოითხოვოს დაუბეგრავი მინიმუმი.

 

შემოსავლების სამსახურში ამბობენ, რომ სისტემა შეფერხების გარეშე მუშაობს – “ველოდით რომ დიდი მოთხოვნა იქნებოდა, მაგრამ მიუხედავად ამისა სისტემამ იმუშავა სრულიად გამართულად, არ ყოფილა არც ერთი საჩივარი. არის შემთხვევები, როცა ამბობენს რომ აი, მე მეკუთვნის და პროგრამა მეუბნება რომ არ მეკუთვნის – ჩვენ ამ ყველაფერს სისტემურად ვხედავთ, გადავამოწმეთ ყოველი შემთხვევა და აღმოჩნდა, რომ რეალურად არ ეკუთვნოდათ” – ამბობს ხატია მოისწრაფიშვილი.

 

ერთ–ერთი ოპერატორის თქმით, დღეს დილიდან ხარვეზია პროგრამაში, რის გამოც რამდენიმე ადამიანის რეგისტრაცია ხვალისთვის გადაიდო.

 

შემოსავლების სამსახურის ოფიციალურ ვებ-გვერდზე კი განთავსებულია განცხადება: “ელექტრონული სერვისები მიუწვდომელი იქნება 4 აპრილის 21:00 საათიდან 00:00 საათამდე”.

 

 

ნაბიჯი 1

გადადით ამ ბმულზე და შეავსეთ თქვენი პირადი მონაცემები. 

პირადი ნომრის შეყვანის შემდეგ, მომდევნო ველში ავტომატურად გამოჩნდება თქვენი სახელი, გვარი და მისამართი.

გრაფაში: „მობილური“ – ჩაწერეთ მობილური ტელეფონის ნომერი, რომელიც ჩართულია ქსელში და რომელზედაც მიიღებთ სპეციალურ კოდს.

შემდეგ მიუთითეთ თქვენი ელექტრონული ფოსტის მისამართი და დააკლიკეთ “გაგრძელება“–ს.

ნაბიჯი 2

თუ თქვენ გეკუთვნით დაუბეგრავი მინიმუმის დაბრუნება, ავტომატურად გადადიხართ შემდეგ ეტაპზე, სადაც გრაფაში: „ანგარიშის ნომერი“ – ჩაწერთ თქვენს საბანკო ანგარიშს, რომელიც აუცილებლად უნდა გქონდეთ გახსნილი შემდეგი ბანკებიდან ერთ-ერთში:

 

სს ბანკი „რესპუბლიკა“;

 

სს „პრივატბანკი“;

 

სს „თიბისი ბანკი“;

 

სს „საქართველოს ბანკი“;

 

სს „ლიბერთი ბანკი“;

 

სს „ბაზისბანკი“;

 

სს „ქართუ ბანკი“;

 

სს „კორსტანდარტ ბანკი“;

 

სს „ბანკი კონსტანტა“;

 

სს „ფინკა ბანკი საქართველო“

 

თუ ამ ბანკებში არ გაქვთ ანგარიში,  ჩამოთვლილთაგან რომელიმეში მოგიწევთ მისი გახსნა;

 

 

 

(შენიშვნა: თუ თქვენ არ გეკუთვნით დაუბეგრავი მინიმუმის უკან დაბრუნება, ეტაპზე: „საბანკო ანგარიში“ – ვერ გადახვალთ; თუ დარწმუნებული ხართ, რომ აუცილებლად გეკუთვნით თანხა და ვერ აგრძელებთ დეკლარაციის შევსებას, მაშინ უნდა მიმართოთ შემოსავლების სამსახურის უახლოეს სერვისცენტრს)

 

ნაბიჯი 3

 

 

საბანკო ანგარიშის ჩაწერის შემდეგ, გვერდით გრაფაში გამოჩნდება იმ თანხის ოდენობა, რაც უნდა დაგიბრუნდეთ.

 

ამის შემდეგ, მითითებულ ტელეფონის ნომერზე მიღებული კოდი შეგყავთ სპეციალურ გრაფაში: „შეიყვანეთ კოდი“ და თქვენს მიერ დეკლარაციიის შევსება თანხის უკან დაბრუნების მოთხოვნაზე ამით დასრულებულია.

 

 

უკან დასაბრუნებელი თანხა დაგერიცხებათ თქვენს მიერ მითითებულ საბანკო ანგარიშზე.

გაითვალისწინეთ, რომ ელექტრონული სერვისები მიუწვდომელი იქნება 4 აპრილის 21:00 საათიდან 00:00 საათამდე.

ამავე თემაზე: 

 

როგორ დავიბრუნოთ დაუბეგრავი მინიმუმი

1 აპრილიდან დაუბეგრავი მინიმუმის დაბრუნება იწყება

 

ბატონო იოსებ, თქვენ, როგორც ამ უბნის რწმუნებულს, მოსახლეობა ყველაზე ხშირად რა ტიპის პრობლემების მოსაგვარებლად მოგმართავთ?

 

 

რეალურად რომ ვთქვათ, არ არსებობს პრობლემა, რომელიც ამ უბანში არ იყოს. პირველი ის, რომ მიწისქვეშა კომუნიკაციები მოუწესრიგებელია. სანამ ეს პრობლემა არ მოგვარდება, შესაბამისად, ვერც ქუჩები გაკეთდება. ამ პრობლემის მოგვარება უნდა დაიწყოს წელს და დასრულდება 2016-ში. იმედი მაქვს, ჩემი „ჭაობელები“ ცოტას კიდევ გაუძლებენ. გარდა ამისა, ყველაზე მნიშვნელოვანი პრობლემა, რომელიც მოსახლეობას აწუხებს, მძიმე სოციალური მდგომარეობაა – ადამიანები ყველაზე ხშირად სოციალური და ჯანმრთელობის პრობლემების მოსაგვარებლად მოგვმართავენ. რა თქმა უნდა, ჩვენ ამ პრობლემების მოგვარება არ შეგვიძლია, მაგრამ ვცდილობთ, შესაბამის ორგანოებთან გავუწიოთ რეკომენდაცია.

 

 

თქვენ ამ უბანში მაჟორიტარიც იყავით წლების წინ, იგივე პრობლემებია აქტუალური დღესაც, თუ  შეიცვალა პრიორიტეტები?

 

 

პრობლემები თითქმის იგივეა. მოსახლეობა ქუჩების მოწესრიგებას, მოასფალტებას ითხოვს, თუმცა ქუჩას მე ვერ დავაგებ. რთული უბანია, მაგრამ ნელ-ნელა ეს სირთულეები მოგვარდება. განსხვავება კი ის არის, რომ მოსახლეობაში მეტი ნდობა მაქვს და მეტ პასუხისმგებლობას ვგრძნობ.

 

 

ქალაქის ბიუჯეტიდან რა თანხა დაიხარჯა გასულ წელს ამ უბანზე ინფრასტრუქტურის განვითარებისთვის?

 

 

სამ ქუჩაზე – გუდიაშვილზე, გრიბოედოვზე და #23 სკოლის მიმდებარედ დაიგო ასფალტის საფარი. პატარა ქუჩებია, მაგრამ მოსახლეობისთვის ეს ძალიან მნიშვნელოვანია.

 

 

რამდენი განცხადებაა შემოსული მოსახლეობისგან და რა ტიპის საკითხი სჭარბობს?

 

 

იცით ყველაზე დიდი უბედურება რაშია, მიუხედავად იმისა, რომ ამხელა გამგეობაა, ერთი კომპიუტერი გვაქვს და ინტერნეტი ცუდად მუშაობს. ყველაფერი ელექტრონულად მომდის, მაგრამ ვერ ვხსნი დოკუმენტს. ხელზე განცხადებები არ შემოდის. მოქალაქეები თავად მოდიან. წინა თვეში 34-მა მოქალაქემ მოგვმართა, უმეტესობას სჭირდებოდა ერთჯერადი ფინანსური დახმარება და ითხოვდნენ შუამდგომლობას ჯანდაცვის სამინისტროსთან. ჩვენ ვსწავლობთ ოჯახების მდგომარეობას სოციალური თვალსაზრისით და გადავცემთ ჯანდაცვის სამინისტროს ინფორმაციას. ოფისიც გაურემონტებელი გვაქვს, მაგრამ მე ამაზე ფულის ხარჯვას მირჩევნია ერთი ადამიანის ჯანმრთელობას მოხმარდეს ეს თანხა.

 

 

ყველა მოქალაქის თხოვნა დააკმაყოფილეთ?

 

 

არა, რა თქმა უნდა. ალბათ ხუთი პროცენტი. ისეთი, ვისაც წამლისთვის ან ოპერაციისთვის სჭირდებოდა თანხა.

_ თქვენი, როგორც რწმუნებულის როლი რა არის?

 

 

ჩემი უბნის ყველა მცხოვრებლის სატკივარი მაქსიმალურად რომ მივიტანო ხელისუფლებამდე. საუბედუროდ, მერიის ტერიტორიულ ორგანოებს არ აქვთ იმდენი უფლება, რომ ყველა პრობლემის გადაჭრა შეძლონ. ყოველი მეხუთე კაცი გაჭირვებულია და დახმარებას ითხოვს.

 

 

დღეს საკმაოდ ხშირად საუბრობენ იმაზე, რომ კრიმინოგენური მდგომარეობა გაუარესდა ქალაქში, თქვენს უბანში თუ ამჩნევთ ცვლილებებს?

 

 

მნიშვნელოვნად არ შეცვლილა, ერთი შემთხვევა იყო მხოლოდ ქურდობის. ამ უბანს პოლიციის სამი ქვეგანყოფილება იცავს. სასჯელაღსრულებიდან გამოსულ ყველა ყოფილ პატიმარს კი ხელწერილით ვიბარებთ. ასეთი უბანში 22 პირი გვყავს. საუბედუროდ, ყველა უმუშევარია.

 

 

კიდევ რა საკითხები შეგიძლიათ დაასახელოთ, რომელზეც როგორც რწმუნებული მუშაობდით? 

 

 

უბნის პასპორტიზაცია გავაკეთეთ, ყველა სახლი, ქუჩა, მოედანი და სკვერი აღვწერეთ. ბევრი რამეა გასაკეთებელი. მინდა უკეთესი სურათი დავტოვო, როცა წავალ. 

 

 

 

 

ირაკლი ღარიბაშვილმა ხაზი გაუსვა ბათუმის საზღვაო აკადემიის სტრატეგიულ მნიშვნელობას და განაცხადა, რომ ამ სფეროს განვითარება ხელს შეუწყობს საქართველოს ეკონომიკურ წინსვლასა და გაძლიერებას, ამიტომაც სახელმწიფო ყველაფერს აკეთებს, რათა აკადემიას მუდმივი განვითარების საშუალება ჰქონდეს.

 

„ძალიან მნიშვნელოვანია, რომ ევროკავშირმა მოხსნა კითხვები ბათუმის საზღვაო აკადემიაში მიღებულ კვალიფიკაციასთან დაკავშირებით და აღიარა ჩვენი აკადემიის დიპლომი. 

2013 წლის ნოემბერში ევროკავშირის საზღვაო უსაფრთხოების სააგენტომ მიიღო გადაწყვეტილება და ქართველი მეზღვაურები დაბრუნდნენ ევროკავშირის დროშის ქვეშ მცურავ გემებზე. ეს ნამდვილად დიდი წარმატებაა. საბედნიეროდ, ქართველ მეზღვაურებს აღარ მოუწევთ უდიდესი რისკის ფასად საეჭვო გემებზე არალეგალურად მუშაობა“, – თქვა ირაკლი ღარიბაშილმა სიტყვით გამოსვლისას. 

 

 

ცვლილების თანახმად, ნინოშვილის ქუჩაზე მთავარი სანიაღვრე კოლექტორის მშენებლობის სამუშაოების შესყიდვა 508.950 ლარის ფარგლებში, ელექტრონული ტენდერის ნაცვლად გამარტივებული ელექტრონული ტენდერის საშუალებით განხორციელდება.

როგორც სხდომაზე მერიის საფინანსო–ეკონომიკური სამსახურის უფროსმა არჩილ ვანაძემ განაცხადა – “დაჩქარებული ელქტრონული ტენდერის გამოცხადების მიზანი, სამუშაოების ტურისტული სეზონის დაწყებამდე დასრულებაა”.

საკითხს საკრებულოს წევრებმა ერთხმად დაუჭირეს მხარი.

 

 

2014 წლის პირველ კვარ­ტალში ტრან­ზაქციების (უძრავი ქონების რეგისტრაცია, ერთი ადგილიდან მეორეზე გადატანა და ასე შემდეგ) მთლიან რაო­დე­ნო­ბაში 17.3%-ს პირველადი, ხოლო 82.7%-ს მეო­რადი ტრანზაქციები შეადგენდნენ. დაახლო­ებით მსგავსი ტენდენცია დაფიქ­სირდა წინა წლის პირ­ველ კვარტალშიც: 18.7% – პირველადი ტრან­ზაქ­ციები და 81.3% – მეორადი ტრან­ზაქცი­ები.

 

წინა წლის იმავე პერი­ოდთან შედარებით 2014 წლის იანვარ-მარტში პირველადი ტრანზაქციების რაოდენობ 8.5%-ით გაი­ზარდა, თუმცა ამ ტრანზაქციების ხვედრითი წილი ტრან­ზაქციების მთლიან რაოდე­ნობაში 1.4%-ით შემცირდა. ამავე დროს, მეორადი ტრანზაქციების რა­ოდენობა ა.წ. პირ­ველ კვარტალში წინა წლის იმავე პერიოდთან შედარებით 19.0%-ით გაი­ზარ­და.

 

 არსებობს ორი პირობა მათთვის, ვინც მოხეტიალე წიგნს იპოვის: მათ წიგნი აუცილებლად უნდა წაიკითხონ, შემდეგ კი სხვა ადგილზე დატოვონ, სადაც წიგნი ახალ მკითხველს დაელოდება.

 

დღეს დილიდან „ფეისბუქზე“ ბათუმელი მომხმარებლები ავრცელებენ იმ წიგნების ფოტოებს, რომლებიც შეიძლება ბათუმში, ნებისმიერ ადგილას იპოვოთ.

 

მაღაზიის – „წიგნების ბათუმში“მენეჯერი, ირაკლი ბაკურიძე ჯეკ კერუაკის „გზაზე“ უშვებს ბათუმში სახეტიალოდ.

 

ამავე მაღაზიის დირექტორმა,  ბლოგერმა მარი კორინთელმა ქალაქში სახეტიალოდ  დიანა ამფიმიადის „პირადი კულინარია“ და ასტრიდ ლინდგრენის „სახურავის ბინადარი კარლსონი“ გაუშვა.

 

მკითხველმა თეო ბერიძემ ნოდარ დუმბაძის „მარადისობის კანონი.“

 

გაზეთ „ბათუმელების“ ჟურნალისტი, მანანა ქველიაშვილი ამელი ნოტომის „მოკალი მამა“-ს უშვებს ახალი მკითხველების საპოვნელად.

 

 ბათუმში „მოხეტიალე წიგნების“ ჯგუფის წევრებს ამ ბმულზე შეგიძლიათ შეურთდეთ ფეისბუქზე. აქციაში ჩართვა ნებისმიერ მოქალაქეს შეუძლია. 

 

მოხეტიალე წიგნების იდეის ერთ–ერთი ავტორი მწერალი ჯაბა ზარქუაა, მან სოციალურ ქსელ facebook–ზე გვერდი გააკეთა, რათა საკუთარი იდეა სხვებისთვის გაეზიარებინა, ერთ დღეში გვერდს უკვე 17 000–ზე მეტი მოწონება აქვს. 

 

თქვენ შეგიძლიათ დატოვოთ წიგნი ქუჩაში, კაფეში, ტრანსპორტში და სხვა ნებისმიერ ადგილზე. მოხეტიალე წიგნების facebook–გვერდზე გათავისუფლებული წიგნების სია მატულობს. 

 

 

მოხალისეების მიერ მომზადებული სიუჟეტის პრეზენტაცია გაიმართება ხვალ, 2 აპრილს 15:00 საათზე, პრესკაფეში. 
პრეზენტაციის შემდეგ გაიმართება დისკუსია.

 

მომხსენებელი: ანა დიასამიძე – ბათუმის სახელმწიფო უნივერსიტეტის IV კურსის სტუდენტი.

 

დასწრება თავისუფალია.

 

სიუჟეტი და დისკუსია მზადდება „თავისუფალ ჟურნალისტთა სახლის“ პროექტის ფარგლებში – „ახალგაზრდებში დემოკრატიული იდეების პიპულარიზაცია“. პროექტი ხორციელდება „დემოკრატიის მხარდამჭერი ნაციონალური ფონდის“ (NED) მხარდაჭერით.

 

 

ბატონო მამუკა, თუ ესაუბრეთ ქართველ მეზღვაურებს და რა ინფორმაცია გაქვთ?

ჯერჯერობით მეზღვაურებს ტელეფონით ვერ დავუკავშირდი. ვესაუბრე დიდი ბრიტანეთის დროშის დეპარტამენტს, რომლის დროშის ქვეშაც ეს გემი ცურავდა.   მითხრეს, რომ 2013 წლის ბოლოს ამ გემს ჩამოერთვა დიდი ბრიტანეთის დროშა და მიტოვებულია გემთმფლობელის მიერ.  

ეს რუმინული გემია, რომელიც გაკოტრდა. ამ გემზე  ადრე რუმინელი მეზღვაურები იყვნენ, როცა გემი გაკოტრდა დიდი ბრიტანეთის სახელმწიფომ რუმინელი მეზღვაურები სახლში დააბრუნა.

 

როგორ მოხვდენ ქართველები ამ გემზე?

ეს  ამბავი შესასწავლია. სავარაუდოდ ქართველები რომ გემზე ავიდნენ გემი უკვე დროშის გარეშე ცურავდა. ამიტომ საქმე შეიძლება გვქონდეს აფიორასთან. შესაძლოა მეზღვაურები მოატყუეს. ამ ეტაპზე გარკვევის პროცესში ვართ. ქართველი დამსაქმებელი ჯერ არ ფიგურირებს, რამდენადაც მეზღვაურებმა განაცხადეს აღნიშულ გემზე დასაქმება ინტერნეტის საშუალებით მოიძიეს.

 

თუ დაუკავშირდით თურქეთში საქართველოს საელჩოს? რა დახმარებას აღმოუჩენს თქვენი სააგენტო ქართველ მეზღვაურებს?

კონსულტაციები გვაქვს ეკონომიკისა და მდგრადი განვითარების სამინისტროსთან, ვმსჯელობთ როგორ შევძლოთ მეზღვაურების დახმარება. ჩართულია საგარეო საქმეთა სამინისტროს შესაბამისი უწყებები, საქმის ვითარებაშია თურქეთში საქართველოს საელჩოც. ვცდილობთ რაღაც გამოსავალი ვნახოთ.

გემი ამჟამად თურქეთის ქალაქ ისკენდერუნშია გაჩერებული. გვაქვს ინფორმაცია რომ მათ საკვები მარაგი ეწურებათ. ასეთ შემთხვევაში ადგილობრივი ხელისუფლება, პროფკავშირები, არასამთავრობო ორგანიზაციებიც უწევენ მეზღვაურებს დახმარებას. სწორედ ამ საკითხზე მიმდინარეობს კონსულტაცია საზღვაო ტრანსპორტის სააგენტოს ზემდგომ ორგანოსთან ეკონომიკისა და მდგრადი განვითარების სამინისტროსთან. ვფიქრობთ რა ფორმით შეიძლება მეზღვაურების დახმარება, რაც ერთ საათში ვერ გადაწყდება.

 

მსგავსი ფაქტები ხშირად ხდება?

ეს არ არის პირველი შემთხვევა. ბოლო სამი წლის განმავლობაში ათეულობით მსგავსი ფაქტი დაფიქსირდა. მიუხედავად იმისა, რომ ჩვენ კანონმდებლობა არ გვავალდებულებს კერძო დავების მოგვარებას, სახელმწიფოს ინტერესებიდან გამომდინარე, საქართველოში ერთადერთი საზღვაო ადმინისტრაცია ვართ, ამიტომ ჩვენ ადამიანურად და კოლეგიალურად ვალდებულად ვთვლით თავს კანონის ფარგლებში გავუწიოთ დახმარება. თავისთავად ცხადია ჩვენ ხელფასს ვერ გადავუხდით მეზღვაურებს. დანარჩენ საკითხებზე თუ როგორ უნდა დავეხმაროთ ვმუშაობთ.

სააგენტო თუ მუშაობს პრევენციაზე?

სააგენტოში სამი წელია ფუნქციონირებს ცხელი ხაზი: 577 22 16 23. ნებისმიერ მეზღვაურს შეუძლია 24 საათის განმავლობაში დარეკოს და მიიღოს კვალიფიციური, იურიდიული თუ სხვა სახის კონსულტაცია. ასევე მეზღვაურებს ჩვენ დიდი ხანია ვთავაზობთ ვიდრე ხელშეკრულებებს გააფორმებენ უცხოელ გემთმფლობელებთან,  მოვიდნენ  ჩვენთან და ჩვენი იურიდიულ და მეზღვაურთა დეპარტამენტები კვალიფიციურ კონსულტაციას გაუწევენ.

   ჩვენთვის, რომ მოემართათ ჩვენ გავარკვევდით რომ ეს გემი ამოშლილი იყო დროშის რეესტრიდან.  ნებისმიერი საერთაშორისო გემთმფლობელის თუ გემის მონაცემებთან გვაქვს წვდომა.  

მინდა ყველა მეზღვაურს მივმართო ფრთხილად იყვნენ ხელშეკრულების გაფორმების დროს რადგან ხშირია აფიორა.

 

როგორ უნდა დაბრუნდნენ მეზღვაურები სამშობლოში?

მეზღვაურების სახლში დაბრუნების პრობლემა არ დგას. ისინი იმიტომ არ მოდიან, რომ ხალფასი აქვთ ასაღები. როგორც წესი გემის დროშის გარეშე ცურვისა და გაკოტერების დროს ხდება გემის აუქციონზე გაყიდვა, რომელსაც საერთაშორისო აცოციაციის „აი ტი ეს“-ის (ITF, INTERNATIONAL TRANSPORT WORKERS FEDERATION) წარმომადგენლობა აწარმოებს. ამ ამოღებული თანხით კი მეზღვაურებს სახელფასო დავალიანებას უხდიან.

 

 

 

 

 

 

 „ბათუმელებმა“ გასულ კვირას საქართველოს პარლამენტში აჭარის რეგიონის მაჟორიტარ დეპუტატებს ჰკითხა კამპანიის – „ეს შენ გეხება, ისევ გვისმენენ“  შესახებ რა სმენიათ და დაუჭერენ თუ არა მხარს საკანონმდებლო ცვლილებებს ამ კუთხით. 

 

ანზორ ბოლქვაძე, ხულოს მაჟორიტარი დეპუტატი: 

 

 

 

“მე პირველად მესმის თქვენიდან ეს. ძირითადად რას მოქმედებს, რას აკეთებს ეს კამპანია მე არ ვიცი. ყოველ შემთხვევაში, კანონპროექტის ძირითადი არსი არ ვიცი.  არ ჰქონია ჩემთან არავის ამ კანონპროექტზე საუბარი, ამიტომ ვერაფერ სხვა განმარტებას ვერ მოგცემთ ამ კანონპროექტის შესახებ. ვის მიერ არის შემოტანილი,  ვის მიერ არის გაკეთებული, არ ვარ საერთოდ საქმის კურსში.

თუ შემოსულია და განხილვის პროცესი იქნება, ვნახავ, რა როგორ იქნება და გადაწყვეტილებას მივიღებ. რაც არ მინახავს და არ ვიცი, წინასწარ როგორ გითხრათ.

რა თქმა უნდა, უკანონო მოსმენა არ უნდა იყოს… თუ ახლა აუცილებლობას მოითხოვს და ახლა მე ძალოვან სტრუქტურებს ვერ შევეხები, მაგრამ თუ ის რაღაცა სხვა თემაა… კი ბატონო, მაგრამ რიგით გლეხს და ადამიანს და ვიღაცას რაღაცა უსმინო, ეგ არ მოიტანს კარგს ქვეყნისათვის”.

  

ფატი ხალვაში, ქობულეთის მაჟორიტარი დეპუტატი:

 

„ტელევიზიით მინახავს, მაგრამ ვინ არიან, რას წარმოადგენენ, ნამდვილად არ ვიცი. ყველას აქვს თავისი აზრის გამოთქმის უფლება და რამდენად სამართლიანად არის ეგ საკითხები, მე არ ვიცი.

ვიცნობთ თუ არა კანონპროექტს? – არ ვიცი, შეიძლება იურიდიულ კომიტეტს აქვს. ჩვენს კომიტეტში ეგ საკითხი ჯერჯერობით არ შემოსულა.

ზოგადად, რას ვფიქრობ ფარულ მიყურადებასა და უკანონო მოსმენაზე? _ თუკი  სანქცირებულია მოსმენა, სრული უფლება არის. თუკი არის გადაწყვეტილება მიღებული ან რაიმე დანაშაულის ნიშნები იკვეთება და ამაზე მიიღებს სასამართლო გადაწყვეტილებას. მე დარწმუნებული ვარ, რომ უკანონო მოსმენებს ადგილი არ აქვს, იმიტომ, რომ მართლმსაჯულების წინაშე ყველანი თანასწორი ვართ. უკანონოს ჩვენი ხელისუფლება ნამდვილად არაფერს არ დაუშვებს და თუკი იქნება სასამართლოს გადაწყვეტილება იმის თაობაზე, რომ ე.ი. პიროვნებას უნდა მოუსმინონ, ალბათ მოუსმენენ. უკანონო მოსმენების წინააღმდეგი ვარ და დარწმუნებული ვარ, რომ ჩვენ არ დავუშვებთ უკანონო მოსმენებს“.

 

როსტომ ხალვაში, ხელვაჩაურის მაჟორიტარი დეპუტატი:

“ჩემთვის, რასაკვირველია, მიუღებელია მიყურადების პროცესი და არა მგონია, რომ დღეს იყოს. დადასტურება ძალიან რთული თემაა და, საერთოდ, ალბათ კი არა და მიუღებელია. სწორია კამპანია, თუ ვინმე ამას აკეთებს დღესაც.

უშუალოდ კამპანიის შესახებ მსმენია თუ არა? – არ ვარ ჩახედული და ვერ გეტყვით ახლა. თვითონ ფაქტი ფაქტად რჩება – ეს მიუღებელია და არ უნდა იყოს.

დავუჭერთ თუ არა მხარს კანონპროექტს? – არ ვიცი. ის, რომ მოსმენა არ უნდა იყოს, ეს ფაქტია. იმის იქით რა დეტალებია კიდევ, ეს მე კარგად არ ვიცი და აქედან გამომდინარე ვერ გიპასუხებთ. შეიძლება იყოს რამე, რაც მე არ ვიცი და არასწორი პასუხი არ გამომივიდეს”.

 

 

იაშა შერვაშიძე, ქედის მაჟორიტარი დეპუტატი:

 

 

 

 

“ახლა კანონი უნდა იყოს რაც არის და თუ ხდება ის, რასაც უკანონო მოსმენა ჰქვია, მიუღებელია ჩემთვის და საერთოდ მიუღებელი იყო ყოველთვის. რა თქმა უნდა, ეს კამპანია სწორია, რადგან არ უნდა ხდებოდეს მოსმენები. რაც ქვეყნის საშიშროებას არ ეხება, სპეცსამსახურის გარდა არ უნდა ხდებოდეს ჩაწერა.

დავუჭერთ თუ არა  მხარს კანონპროექტს? _ გააჩნია როგორ შემოვა კანონპროექტი. ქვეყნის უსაფრთხოებას რაც ეხება, უშიშროების სამსახურს უნდა ჰქონდეს უფლება, ოღონდ ეს უნდა იყოს იმ კონკრეტულ შემთხვევაში. ჩემი შეხედულება ეგაა. დანარჩენი ახლა, კერძო ბიზნესზე ან ამაზე, ან იმაზე კატეგორიული წინააღმდეგი ვარ ისმინებოდეს“. 

 

 

ომარ მეგრელიძე, შუახევის მაჟორიტარი დეპუტატი:

 

“სამოქალაქო კამპანია, რომელიც რამეს მოიტანს, ყველა მისაღები და მისასალმებელია, რატომაც არა. ძალიან კარგი კამპანიაა, შედეგი ვნახოთ, მომავალი გვიჩვენებს.

ტელეფონების გამორთვის შესახებ არ ვიცოდი, პირველად გავიგე, რას გულისხმობს ეს გამოთიშვა. არა ვარ ჩართული, პირველად მესმის თქვენგან, მაგრამ სოლიდარობის გამოცხადების ფორმაა ალბათ.

ზოგადად ვიცნობ და აუცილებლად დავუჭერ კანონპროექტს მხარს, როცა იქნება გამოტანილი. მოსმენები, რა თქმა უნდა, ამაზრზენია. თუ კონკრეტულ პირზე სამართლებრივი დევნაა და გადაწყვეტილებაა კიდევ ჰო და სხვა შემთხვევაში ეჭვის დონეზე მოსმენა ჩემთვის მიუღებელია”.

 

მურმან დუმბაძე, ბათუმის მაჟორიტარი დეპუტატი:

 

 

 

“უნდა გითხრათ, რომ ჩემი პოზიციები ფაქტობრივად ემთხვევა არასამთავრობო სექტორის პოზიციებს. ბუნებრივია, სახელმწიფოს საკუთარი ინტერესები აქვს და  ყოველთვის იარსებებს მომავალში მოსმენები, ეს არის ნებისმიერ ცივილურ ქვეყანაში დადგენილი წესები და კანონები. სასამართლოს გზით ასეთი რამ შესაძლებელია. მაგრამ ამას რომ მიეცეს მასობრივი ხასიათი და ნებისმიერ ადამიანს მოუსმინონ კანონის მიღმა, ეს ჩემთვის მიუღებელია.

არ ვარ კანონპროექტის დეტალებში გარკვეული, მაგრამ გადაწყვეტილებებს საკითხის კარგად შესწავლის შემდეგ ვიღებ. ადამიანის მოსმენა, მიყურადება ან თვალთვალი არაეთიკურია მორალურად და დაუშვებელი კონსტიტუციურად… გადავხედავ პროექტს და ამის მიხედვით ვიმსჯელებ. მე, მაგალითად, ვიხრები იქითკენ, რომ მიყურადება მოექცეს კანონის ფარგლებში.

 

 

 

„ეს შენ გეხება, ისევ გვისმენენ“ კამპანია მიზნად ისახავს სატელეფონო მოსმენებთან დაკავშირებულ არსებული კანონმდებლობისა და პრაქტიკის შეცვლას; პირადი ცხოვრების ხელშეუხებლობის კონსტიტუციური გარანტიის დაცვას.

არასამთავრობო ორგანიზაციების ჯგუფი ითხოვს კანონით განისაზღვროს, ვისი მოსმენა-თვალთვალი შეიძლება და რა შემთხვევაში.

სწორედ ამ საკითხზე საქართველოს პარლამენტში ზვიად ქორიძის, ლაშა ტუღუშის, ლიკა საჯაიას და დეპუტატ შალვა შავგულიძის ავტორობით ჯერ კიდევ გასული წლის დასაწყისში შევიდა კანონპროექტი, რომელიც ფარული საგამოძიებო მოქმედებისას სამართალდამცავი უწყებების კონტროლს ითვალისწინებს. ეს საკანონმდებლო ინიციატივა შემდგომში იურიდიულ საკითხთა საპარლამენტო კომიტეტმა დაამუშავა. კომიტეტის შემუშავებული პაკეტის მიხედვით, ცვლილებები ოთხ კანონში უნდა შევიდეს: პერსონალური მონაცემების დაცვის შესახებ კანონში, ოპერატიულ-სამძებრო საქმიანობის შესახებ კანონში, სისხლის სამართლის საპროცესო კოდექსში და ელექტრონული კომუნიკაციების შესახებ კანონში.

არასამთავრობო სექტორის ინფორმაციით, ამჟამად სამართალდამცავებს 20 ათასზე მეტი აბონენტის მოსმენა შეუძლიათ ისე, რომ მათ არავინ გააკონტროლებს.

 

 

ორგანიზაციის თავმჯდომარის განმარტებით „ყველა ახალგაზრდას უნდა მიეცეს საქმის კეთების შესაძლებლობა“, ორგანიზაცია კი მიზნად ისახავს ახალგაზრდების ამ მიმართულებით გააქტიურებას.

 

ორგანიზაცია სტუდენტებსა და 30 წლამდე ახალგაზრდებს სთავაზობს თანამშრომლობას, პროექტების ერთად შემუშავებას.

 

დღესვე ორგანიზაციამ მემორანდუმი გააფორმა „შეზღუდული შესაძლებლობების მქონე პირათა უფლებებისათვის“ ორგანიზაციასთან. ისინი ერთად აპირებენ პროექტის „შშმ პირები მოქმედებაში“ განხორციელებას. აღნიშნული პროექტი 21 მარტს დაიწყება და აჭარის სპორტისა და ახალგაზრდობის დეპარტამენტის ფინანსური მხარდაჭერით განხორციელდება.