ბათუმის მერიის ადმინისტრაციის ხელმძღვანელის თანამდებობაზე თემურ კახიძე დაინიშნა. ყოფილმა ხელმძღვანელმა ნუკრი დეკანაძემ კი სამსახურიდან გათავისუფლების თაობაზე განცხადება ორი დღის წინ დაწერა, ამის შესახებ მან „ბათუმელებს“ სატელეფონო საუბარში დაუდასტურა: „ ჩემი სურვილით წავედი“.
მერიის პრეს-სამსახურის ინფორმაციით, ნუკრი დეკანაძე ადმინისტრაციის უფროსის მოადგილედ გადაიყვანეს.
ბათუმის მერიის ახალი ადმინისტრაციის უფროსი თემურ კახიძე 2007-2010 წლებში ბათუმის საკრებულოს წევრი, „ნაციონალური მოძრაობის“ ფრაქციის წევრი და საკრებულოს საფინანსო-საბიუჯეტო კომისიის თავმჯდომარე იყო. შემდეგ ის ბათუმის მერიის ორგანიზაციის „ბათუმის სანდასუფთავების“ დირექტორად მუშაობდა. ბოლო პერიოდში კი ჩეხეთის რესპუბლიკის საგარეო საქმეთა სამინისტროს განვითარების ფონდის – „ბათუმის ახალგაზრდების განვითარების ხელშეწყობა“ პროექტის დირექტორი იყო.
