Batumelebi | დაუბეგრავი მინიმუმი და ხარვეზები ვებ-გვერდზე დაუბეგრავი მინიმუმი და ხარვეზები ვებ-გვერდზე – Batumelebi
RU | GE  

დაუბეგრავი მინიმუმი და ხარვეზები ვებ-გვერდზე

 

პირველი აპრილიდან დღემდე, შემოსავლების სამსახურში, საქართველოს მასშტაბით 200 ათასზე მეტი დეკლარაციაა რეგისტრირებული. აქედან საბანკო დაწესებულებებს მიმართა 56 ათასმა ადამიანმა, დანარჩენებმა კი ვებ გვერდის საშუალებით გაიარეს რეგისტრაცია.

 

 

დარეგისტრირებული ადამიანების მესამედს თანხა უკვე ჩაერიცხათ – “ჩვენ კანონმდებლობით გვაქვს გათვალისწინებული, რომ ეს თანხები  სამი თვის განმავლობაში, ეტაპობრივად ჩავრიცხოთ. თანხების ჩარიცხვა უკვე დავიწყეთ და ვცდილობთ ამ სამი თვის ვადაში ჩავეტიოთ”  – ამბობს შემოსავლების სამსახურის, საზოგადოებასთან ურთიერთობის სამსახური, ხატია მოისწრაფიშვილი.

წინასწარი გათვლებით შემოსავლების სამსახური 600 ათასი ადამიანის რეგისტრაციას ელოდება. თუმცა ზუსტი რაოდენობა 31 დეკემბერს, პროცესის დასრულების შემდეგ იქნება ცნობილი. 31 დეკემბერი რეგისტრაციის ბოლო დღეა.


შემოსავლების სამსახურში ამბობენ, რომ სისტემას ხარვეზი არ ჰქონია და მათთან არც ერთი საჩივარი არ შესულა. 


დაანონსებული გვაქვს და ველოდებით დაახლოებით 600 000 ადამიანს, მაგრამ ეს გვეცოდინება მას შემდეგ რაც პროცესი დასრულდება, პროცესი კი შეიძლება დასრულდეს 31 დეკემბერსაც. ანუ 31 დეკემბრამდე აქვს მოქალაქეს უფლება რომ 2013 წელს ხელფასის სახით დაერიცხა 6000 ლარზე ნაკლები, რომ დარეგისტრირდეს და მოითხოვოს დაუბეგრავი მინიმუმი.

 

შემოსავლების სამსახურში ამბობენ, რომ სისტემა შეფერხების გარეშე მუშაობს – “ველოდით რომ დიდი მოთხოვნა იქნებოდა, მაგრამ მიუხედავად ამისა სისტემამ იმუშავა სრულიად გამართულად, არ ყოფილა არც ერთი საჩივარი. არის შემთხვევები, როცა ამბობენს რომ აი, მე მეკუთვნის და პროგრამა მეუბნება რომ არ მეკუთვნის – ჩვენ ამ ყველაფერს სისტემურად ვხედავთ, გადავამოწმეთ ყოველი შემთხვევა და აღმოჩნდა, რომ რეალურად არ ეკუთვნოდათ” – ამბობს ხატია მოისწრაფიშვილი.

 

ერთ–ერთი ოპერატორის თქმით, დღეს დილიდან ხარვეზია პროგრამაში, რის გამოც რამდენიმე ადამიანის რეგისტრაცია ხვალისთვის გადაიდო.

 

შემოსავლების სამსახურის ოფიციალურ ვებ-გვერდზე კი განთავსებულია განცხადება: “ელექტრონული სერვისები მიუწვდომელი იქნება 4 აპრილის 21:00 საათიდან 00:00 საათამდე”.

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"