Batumelebi | ვინ რა წიგნებს უშვებს ბათუმში სახეტიალოდ ვინ რა წიგნებს უშვებს ბათუმში სახეტიალოდ – Batumelebi
RU | GE  

ვინ რა წიგნებს უშვებს ბათუმში სახეტიალოდ

 

 

„მოხეტიალე წიგნების“ იდეას ბათუმშიც გამოუჩნდნენ მხარდამჭერები. ფეისბუქზე გამოჩნდა გვერდი – „ბათუმში მოხეტიალე წიგნები“, სადაც მოკლე ინსტრუქციაცაა მოცემული, თუ როგორ უნდა გაუშვა რჩეული წიგნი „სახეტიალოდ“. გვერდს უკვე ოთხასამდე ადამიანი იწონებს.  

 

 არსებობს ორი პირობა მათთვის, ვინც მოხეტიალე წიგნს იპოვის: მათ წიგნი აუცილებლად უნდა წაიკითხონ, შემდეგ კი სხვა ადგილზე დატოვონ, სადაც წიგნი ახალ მკითხველს დაელოდება.

 

დღეს დილიდან „ფეისბუქზე“ ბათუმელი მომხმარებლები ავრცელებენ იმ წიგნების ფოტოებს, რომლებიც შეიძლება ბათუმში, ნებისმიერ ადგილას იპოვოთ.

 

მაღაზიის – „წიგნების ბათუმში“მენეჯერი, ირაკლი ბაკურიძე ჯეკ კერუაკის „გზაზე“ უშვებს ბათუმში სახეტიალოდ.

 

ამავე მაღაზიის დირექტორმა,  ბლოგერმა მარი კორინთელმა ქალაქში სახეტიალოდ  დიანა ამფიმიადის „პირადი კულინარია“ და ასტრიდ ლინდგრენის „სახურავის ბინადარი კარლსონი“ გაუშვა.

 

მკითხველმა თეო ბერიძემ ნოდარ დუმბაძის „მარადისობის კანონი.“

 

გაზეთ „ბათუმელების“ ჟურნალისტი, მანანა ქველიაშვილი ამელი ნოტომის „მოკალი მამა“-ს უშვებს ახალი მკითხველების საპოვნელად.

 

 ბათუმში „მოხეტიალე წიგნების“ ჯგუფის წევრებს ამ ბმულზე შეგიძლიათ შეურთდეთ ფეისბუქზე. აქციაში ჩართვა ნებისმიერ მოქალაქეს შეუძლია. 

 

მოხეტიალე წიგნების იდეის ერთ–ერთი ავტორი მწერალი ჯაბა ზარქუაა, მან სოციალურ ქსელ facebook–ზე გვერდი გააკეთა, რათა საკუთარი იდეა სხვებისთვის გაეზიარებინა, ერთ დღეში გვერდს უკვე 17 000–ზე მეტი მოწონება აქვს. 

 

თქვენ შეგიძლიათ დატოვოთ წიგნი ქუჩაში, კაფეში, ტრანსპორტში და სხვა ნებისმიერ ადგილზე. მოხეტიალე წიგნების facebook–გვერდზე გათავისუფლებული წიგნების სია მატულობს. 

 

ნეტგაზეთის მასალების სხვა გამოცემებში გადაბეჭდვის წესი
ნანა კვაჭაძე