დღეს საკრებულოს რიგგარეშე სხდომა გაიმართა, რომელზეც მხოლოდ ერთი საკითხი განიხილეს. საკრებულომ მერიის 2014 წლის სახლმწიფო შესყიდვების გეგმაში ცვლილება შეიტანა.
ცვლილების თანახმად, ნინოშვილის ქუჩაზე მთავარი სანიაღვრე კოლექტორის მშენებლობის სამუშაოების შესყიდვა 508.950 ლარის ფარგლებში, ელექტრონული ტენდერის ნაცვლად გამარტივებული ელექტრონული ტენდერის საშუალებით განხორციელდება.
როგორც სხდომაზე მერიის საფინანსო–ეკონომიკური სამსახურის უფროსმა არჩილ ვანაძემ განაცხადა – “დაჩქარებული ელქტრონული ტენდერის გამოცხადების მიზანი, სამუშაოების ტურისტული სეზონის დაწყებამდე დასრულებაა”.
საკითხს საკრებულოს წევრებმა ერთხმად დაუჭირეს მხარი.
