„ორი საათი მთავრობის სახლთან ვიდექით და ველოდით. მერე გვითხრეს პრემიერს პროტოკოლი აქვს გაწერილიო, ამიტომაც ვერ მოვახერხეთ მასთან შეხვედრა. დაუცველად ვგრძნობთ თავს, ჩვენი პრობლემა არავის აინტერესებს, ამიტომ თვითმმართველობის არჩევნებს ბოიკოტს ვუცხადებთ” – ამბობს ოთარ იაკობაძე.
მისივე თქმით, ისინი კვლავ აგრძელებენ მშვიდობიან ბრძოლას, ღურტასა და დიდაჭარას შორის არსებულ ხევში ჰესის მშენებლობის წინააღმდეგ. რამდენიმე დღეში კი ღია წერილით მიმართავენ საქართველოს მთავრობას.