Batumelebi | ახალი არასამთავრობო ორგანიზაცია ახალი არასამთავრობო ორგანიზაცია – Batumelebi
RU | GE  

ახალი არასამთავრობო ორგანიზაცია

 

 

დღეს ბათუმში სასტუმრო ინტურისტში ახალი არასამთავრობო ორგანიზაცია „ახალგაზრდა მოქალაქის“ პრეზენტაცია გაიმართა. ორგანზაცია იურიდიულად 28 თებერვალს დაფუძნდა და ამჟამად 50-მდე სტუდენტია გაერთიანებული.

 

 

ორგანიზაციის თავმჯდომარის განმარტებით „ყველა ახალგაზრდას უნდა მიეცეს საქმის კეთების შესაძლებლობა“, ორგანიზაცია კი მიზნად ისახავს ახალგაზრდების ამ მიმართულებით გააქტიურებას.

 

ორგანიზაცია სტუდენტებსა და 30 წლამდე ახალგაზრდებს სთავაზობს თანამშრომლობას, პროექტების ერთად შემუშავებას.

 

დღესვე ორგანიზაციამ მემორანდუმი გააფორმა „შეზღუდული შესაძლებლობების მქონე პირათა უფლებებისათვის“ ორგანიზაციასთან. ისინი ერთად აპირებენ პროექტის „შშმ პირები მოქმედებაში“ განხორციელებას. აღნიშნული პროექტი 21 მარტს დაიწყება და აჭარის სპორტისა და ახალგაზრდობის დეპარტამენტის ფინანსური მხარდაჭერით განხორციელდება.

 

 

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი