Batumelebi | ახალგაზრდა მხატვრების ნამუშევრები წიგნად გამოიცემა ახალგაზრდა მხატვრების ნამუშევრები წიგნად გამოიცემა – Batumelebi
RU | GE  

ახალგაზრდა მხატვრების ნამუშევრები წიგნად გამოიცემა

 

ხელვაჩაურის ახალგაზრდობის ცენტრი ახალგაზრდა დამწყები და მოყვარული მხატვრების ნამუშევრებს  წიგნად გამოსცემს. ახალგაზრდობის ცენტრთან არსებული არტ კლუბის ფარგლებში,  28 აპრილს  ახალგაზრდა მხატვრების ნახატების გამოფენა მოეწყობა. 

 

გამოფენაში მონაწილეობის უფლება 13 დან 25 წლამდე ასაკის იმ მოზარდებსა და ახალგაზრდებს აქვთ, რომლებიც ხელვაჩაურის ტერიტორიაზე ცხოვრობენ.  გამოფენის შემდეგ  ახალგაზრდობის ცენტრის ინიციატივით გამოიცემა “ახალგაზრდა დამწყები და მოყვარული მხატვრების ნამუშევრების წიგნი” რომელშიც შევა გამოფენის თითოეული მონაწილის ნამუშევრებიდან შერჩეული ერთი ნახატი.

 

პრეზენტაციის შემდეგ  წიგნები საჩუქრად გადაეცემათ ნახატების ავტორებს და სხვა მსურველებს.  მხავტრებმა გამოფენისათვის თავიანთი ნახატები  ახალგაზრდობის ცენტრში 15 აპრილამდე უნდა წარადგინონ.  

ნეტგაზეთის მასალების სხვა გამოცემებში გადაბეჭდვის წესი
"ბათუმელები"