Batumelebi

2014 წლის 11 იანვარს კულტურული მემკვიდრეობის ძეგლის უნებართვო ხელყოფისათვის საზოგადოება „ბათომის“ დამფუძნებელმა, შოთა გუჯაბიძემ საპატრულო პოლიციას მიმართა რეაგირებისათვის. შსს-ში აცხადებენ, რომ ამ დრომდე მიმდინარეობს მოკვლევა.

წმ. ბარბარეს ეკლესიის სააღრიცხვო ბარათში აღნიშნულია, რომ შენობა მე-19-20 საუკუნეების მიჯნაზეა აგებული და ამ ადგილას მდებარე ძველი ჰოსპიტალის შენობების დანგრევის შემდეგ (1990 – იანი წწ.) ეკლესიამ ქალაქგეგმარების თვალსაზრისითაც შეიძინა მნიშვნელობა, როგორც ძველი განაშენიანების ნაწილმა.

ბატონო იასინ, რა განათლება გაქვთ?

დაწყებითი და საშუალო განათლება სტამბოლში, საუნივერსიტეტო განათლება კი ანკარაში, დედაქალაქში მივიღე. ანკარის ახლო აღმოსავლეთის ტექნიკური უნივერსიტეტის პოლიტიკური მეცნიერებისა და საერთაშორისო ურთიერთობების ფაკულტეტი მაქვს დამთავრებული. უნივერსიტეტის დასრულების შემდეგ გავიარე სამხედრო სავალდებულო სამსახური. შემდეგ ჩავაბარე გამოცდა საგარეო საქმეთა სამინისტროში და ვმუშაობდი ახლოაღმოსავლეთის დეპარტამენტში ატაშეს თანამდებობაზე, რის შემდეგაც გადავედი არაბეთში ვიცე-კონსულად. ამის შემდეგ მალაიზიაში თურქეთის საელჩოში ელჩის მოადგილედ ვმუშაობდი. ანკარაში საგარეო საქმეთა სამინისტროში ორი წელი ვიმუშავე ტექნოლოგიების დეპარტამენტში, მალაიზიაში დავასრულე ასევე მაგისტრატურა საერთაშორისო ურთერთობების განხრით. 2014 წლის სექტემბერში ჩამოვედი ბათუმში, დავინიშნე თურქეთის გენერალური კონსულის თანამდებობაზე. ვიცი ინგლისური, დავიწყე ქართულის სწავლა. იმედია, უახლოეს მომავალში შევძლებ ქართულად საუბარს.

ქართულის სწავლა ბათუმში ჩამოსვლის შემდეგ გადაწყვიტეთ?

როცა გავიგე აქ უნდა ჩამოვსულიყავი, დავიწყე ქართულის სწავლა. როგორც კი ჩამოვედი, დავიწყე კერძოდ მეცადინეობა.

გაცნობითი ხასითის შეხვედრების შემდეგ, რასაც თქვენ ამ დღეებში მართავდით, როგორია თქვენი შთაბეჭდილებები, რამ მიიქცია თქვენი ყურადღება?

ჩვენი პორთფელი მოიცავს თითქმის ყველა სფეროს. აქედან გამომდინარე მე ვხვდები როგორც პოლიტიკოსებსა და საქმიან წრეებს, ბიზნესმენებს, ასევე კულტურის მოღვაწეებს, ხელოვნების სფეროს წარმომადგენლებს. შეხვედრების შემდეგ გამოიკვეთა თანამშრომლობის სფეროები, მომავალი წლიდან ვაპირებ უფრო კონკრეტული ნაბიჯების გადადგმას.

საკონსულოს მოვალეობაა ჩვენი მოქალაქეების უფლებებისა და ინტერესების დაცვა, უნდა დავიცვათ საკონსულო ოლქში შემავალ ტერიტოროებზე დასაქმებული ან იქ მყოფი ადამიანები. ამასთან ორ ქვეყანას შორის კულტურის, ეკონომიკის, სოციალურ სფეროებში, ჩვენი წვლილის შეტანას შევეცდებით.

რა წვლილზე საუბრობთ, რაიმე კონკრეტული პროექტები გაქვთ?

ახლო მომავალში ვგეგმავთ მედიის წარმომადგენლებისთვის პრესტურის მოწყობას. ბათუმის შოთა რუსთაველის სახელმწიფო უნივერსიტეტისა და ანკარის ახლო აღმოსავლეთის უნივერსიტეტის;  ქუთაისის აკაკი წერეთლის სახელობის სახელმწიფო უნივერსიტეტისა და სტამბულის ბოაზიჩის უნივერსიტეტის; ასევე საზღვაო აკადემიასა და რიზეს საზღვაო სასწავლებელს შორის თანამშრომლობის გაღრმავებას. ვგეგმავთ მთავრობის თავმჯდომარისა და მთავრობის წევრებისათვის ვიზიტის მოწყობას თურქეთში. ვიმუშავებთ ასევე სასაზღვრო მიმოსვლის პროცედურის გამარტივებისთვის, რომ თურქეთიდან უფრო მეტი ტურისტისა და ინვესტორის მოზიდვა მოხერხდეს. მოვაწყობთ ქართველი და თურქი მხატვრების გამოფენებს…

აჭარის უმაღლესი საბჭოს თავმჯდომარემ გთხოვათ ყურადღება მიგექციათ სარფის საბაჟოსთან დაკავშირებულ პრობლემებზე. თუ გაქვთ უკვე ინფორმაცია, რა სახის პრობლემებზე იყო საუბარი?

ფიზიკური პრობლემებია, განსაკუთრებით ჩვენს მხარეს. ერთ მხარეს მთაა, მეორე მხარეს – ზღვა. ტერიტორია ვიწროა და უნდა გაფართოვდეს. საქართველოსა და თურქეთის სასაზღვრო უწყებების ხელმძღვანელობამ გასულ კვირას ანტალიაში გამართეს შეხვედრა, ამ შეხვედრაზე მიიღეს გადაწყვეტილებები არსებული მდგომარეობის გაუმჯობესებასთან დაკავშირებით. ვიმედოვნებ, ახლო მომავალში იქ არსებული სიტუაცია უკეთესობისკენ შეიცვლება.

ალტერნატიულ გადასასვლელზეც მინდა გკითხოთ, წლებია ამაზე არის საუბარი, თუმცა რეალურად არაფერი გაკეთებულა. მითია თუ აქვს რამე პერსპექტივა ამ პროექტს?

ორივე მხარეს სურს, რომ ეს პროექტი განხორციელდეს. როგორც ჩემთვის ცნობილია, ტექნიკური სამუშაო გრძელდება, მაგრამ მხოლოდ შენობა-ნაგებობა არ არის საკმარისი იმისთვის, რომ გაიხსნას გამსვლელი პუნქტი, იქ ინფრასტრუქტურის მოწყობაა საჭირო, რაც დაკავშირებულია დიდ ხარჯებთან.

გქონდათ თუ არა თურქ ბიზნესმენებთან შეხვედრა, რომლებმაც ბათუმში დიდი ინვესტიცია განახორციელეს. რას ამბობენ ისინი, არის ბათუმში ხელსაყრელი საინვესტიციო პირობები?

უმრავლესობას ახალ სავიზო რეგულაციებთან დაკავშირებით აქვთ პრობლემები. მათი შეფასებით ბოლო პერიოდში ეკონომიკური აქტივობა ცოტა შენელებულია. მათ აქვთ სურვილი, რომ გაიზარდოს ინვესტიცია.

მე ვიცი რამდენიმე ბიზნესმენი, რომლებმაც თქვეს, რომ ეცდებიან თურქეთის პრეზიდენტის დახმარებით დაუკავშირდნენ საქართველოს პრემიერს და მიაწვდინონ მთავრობის ზეწოლის შესახებ ინფორმაცია. თქვენამდე მოვიდა მსგავსი ინფორმაცია?

თუკი არსებობს რაიმე პრობლემა, ჩვენი საელჩო აუცილებლად ერთვება ამაში _ ვხვდებით კოლეგებს. ჩვენ საქართველოსთან გაგვაჩნია კეთილმეზობლური ურთიერთობა, ჩვენ შორის მოუგვარებელი პრობლემა არ არსებობს.

ბათუმში ოჯახთან ერთად ჩამოხვედით?

დიახ, მეუღლესთან ერთად. ჩვენი პროფესია, ასე ვთქვათ, ოჯახური პროფესიაა, ჩემთან ერთად მუშაობს ჩემი მეუღლე. მას დამთავრებული აქვს ხელოვნების ფაკულტეტი, ხელოვნების მასწავლებელია. ის კულტურულ სფეროებზე მუშაობისას მეხმარება. ორივეს ძალიან მოგვეწონა და უკვე შეგვიყვარდა ბათუმი. დარწმუნებული ვარ, ჩვენს ცხოვრებაში აქ გატარებული წლები იქნება ბედნიერი.

და ბოლოს, თურქეთის პრეზიდენტის, ერდოღანის განცხადებაზეც მინდა გკითხოთ, საქართველოში დიდი აჟიოტაჟი იყო ატეხილი იმაზე, რომ მან თითქოს ასეთი რამ თქვა: `მეუბნებოდნენ, რომ ქართველი ვარ, მეტიც, ერთმა ადამიანმა კიდევ უფრო სიბინძურე თქვა, რომ მე სომეხი ვარ~. მართლა გააკეთა მან მსგავსი განცხადება?

ეს ნამდვილად იყო თარგმანის პრობლემა ანუ გაუგებრობა მოხდა. ის არის რიზედან, ამიტომ მან ამ რეგიონის გეოგრაფია ძალიან კარგად იცის. მას არ უთქვამს ისეთი რამ, რაც გულისხმობდა შეურაცხყოფას.

ლექციაზე ფემინისტური იდეების დასავლური ისტორია დაკავშირებული იყო ქართულ სინამდვილესთან – “სრულიად არასწორია აზრი იმის შესახებ, რომ ფემინიზმი და ქალთა მოძრაობა, ქალთა საკითხები, გენდერული პრობლემები დასავლეთიდან არის შემოტანილი და აი ამ ქართულ უმანკო სხეულში ჩაკერებული – ეს ასე არ არის. მართალია ამ იდეებს, ქალის უფლებებს, ფემინიზმს საქართველოში არა აქვს ისეთი მრავალსაუკუნოვანი ისტორია, როგორც დასავლეთში, მაგრამ ორი-სამი საუკუნის ისტორია ნამდვილად აქვს, ამიტომ ჩემი ლექციის მეორე ნაწილში, შევეცდები გაგაცნოთ ის ძირითადი იდეები და ადამინები, რომელბიც საქართველოში ფემინისტურ იდეებს ემსახურებოდნენ, ხელს უწყობდნენ ამ იდეების გავლით საზოგადოებისთვის პროგრესის და განვითარების შეთავაზებას და გარკვეულ შედეგებს მიაღწიეს კიდეც ზოგიერთ დარგში.

აჭარის საგანგებო და გადაუდებელი სიტუაციების მართვის სააგენტოს ხელმძღვანელის, მამუკა თურმანიძის თქმით 18-19 ოქტომბერს მოსალოდნელია ტემპერატურის მკვეთრი კლება და შტორმი 4-დან 6 ბალამდე. მისივე თქმით შტორმი დღეს დღეს ხუთ საათზე უკვე დაიწყო და იგი ორ ბალს გასცდა. პროგნოზის მიხედვით ბათუმში მთელი ღამე იწვიმებს.

“გემები უკვე დაბრუნდნენ ღია ზღვიდან და შემოვიდნენ იახტკლუბში. მზადყოფნაში ვართ ყველა, გაფრთხილებული გვყაცვს მუნიციპალიტეტები – ხულო, ქედა, შუახევი. მთაში მოსალოდნელია მოვიდეს ნალექი თოვლჭყაპის სახით და შეიძლება ითქვას შევდივართ ზამთრის ფაზაში. ვართ განსაკუთრებულ რეჟიმში, თუმცა საგაგნგებო სიტუაცია გამოცხადებული არ არის” – ამბობს მამუკა თურმანიძე.

 პირველი გამოფენა სახელწოდებით “სხვა”, 4 ნოემბერს მოეწყობა. გამოფენაზე წარმოდგენილი იქნება იმ ადამიანების ნამუშევრები რომლებიც, პარალელურად თავიანთი ძირითადი საქმიანობისა (რომელიც ხელოვნებას არ უკავშირდება), ქმნიან ხელოვნების ნიმუშებს.

შემდეგ გამოფენაზე სახელწოდებით – “ახალი”, რომელიც 9 ნოემბერს მოეწყობა, წარმოდგენილი იქნება ახალგაზრდა ხელოვანების ნამუშევრები (ინსტალაციები, ფერწერული თუ გრაფიკული ნამუშევრები) თანამედროვე არატრადიციულ მიმდინარეობებში.

მესამე გამოფენა სახელწოდებით ამაღელვე, 14 ნოემბერს მოეწყობა და მასზე ბათუმის ფსიქონევროლოგიური საავდმყოფოს პაცენტების ნამუშევრები გამოიფინება.

ჯერ-ჯერობით არ სახელდება გამოფენების ზუსტი ადგილმდებარეობა. გამოფენების დაწყებამდე პროექტის ფეისბუქ გვერდსა და ბლოგზე გამოქვეყნდება ინფორმაცია იმ ადგილის შესახებ, სადაც უნდა შეიკრიბოს გამოფენის მაყურებელი, რომელთაც უფასო ავტობუსები მოემსახურებათ.

პროექტის ორგანიზატორის, თამარ მასალკინის თქმით პროექტისთვის მოსამზადებელი სამუშაოები უკვე მიმდინარეობს. “პროექტის იდეის ავტორია ნინო მასალკინა. ჩვენი მიზანია ამ გზით მოვახდინოთ თანამედროვე და არატრადიციული ხელოვნების პოპულარიზაცია და არასაგამოგფენო ალტერნატიული სივრცეების საგამოფენო სივრცეებად გამოყენების გზით, შევცვალოთ უკვე არსებული, მოსაწყენი და ერთფეროვანი გამოფენების სტილი” – ამბობს ის.

“გამოფენების ფესტივალი” აჭარის განათლების, კულტურის და სპორტის სამინსიტროს დაფინანსებით ხორციელდება.

 
„გამოძიება სამწუხაროდ გაჭიანურებულია და არ ისჯებიან ის ადამიანები, ვინც ეს ფაქტი ჩაიდინა”, –  საქართველოს სახალხო დამცველმა უჩა ნანუაშვილმა ეს შეფასება ქობულეთში, მუსლიმთა პანსიონის კარზე ღორის თავის მიმაგრების ფაქტზე გააკეთა. 

შეხვედრას დასავლეთ საქართველოს მუფტი ჯემალ პაქსაზე ესწრება.   

მხარეებმა ადგილობრივი ბიუჯეტის ფორმირებისა და აღსრულების საკითხი განიხილეს. ასევე ისაუბრეს პროგრამული ბიუჯეტის თემასა და მთავარი ფინანსური დოკუმენტის შედგენის პროცესში მოსახლეობის მაქსიმალურ ჩართულობის შესახებ.

დავით ბალაძემ სტუმრებს აჭარის პროგრამული ბიუჯეტის დაგეგმვის დეტალები გააცნო. მინისტრის განცხადებით, მნიშვნელოვანია, რომ რეგიონის ბიუჯეტის დაგეგმვის პროცესში უკვე აქტიურად არის ჩართული მოსახლეობა,რაც კიდევ უფრო ზრდის ბიუჯეტის გამჭვირვალობას. 

შეხვედრაზე აჭარის ფინანსთა და ეკონომიკის სამინისტრომ მიწვევა მიიღო საქართველოს ადგილობრივი თვითმმართველობის ფინანსისტთა ასოციაციის რიგით მეშვიდე ყრილობაზე, რომელსაც წელს ბათუმი 18-19 ოქტომბერს პიაცას მოედანზე უმასპინძლებს. 

ქართულმა მხარე ასევე ოფიციალური მიწვევით ამერიკის შეერთებულ შტატებში, ქალაქ ფილადელფიაში, 2015 წლის მაისში დაგეგმილ ამერიკისა და კანადის ფინანსისტთა ასოციაციის ყრილობას დაესწრება.

შეხვედრას საერთაშორისო ფინანსური ექსპერტები, სხვადასხვა ქალაქებისა და მუნიციპალიტეტების გამგებლები და ფინანსური დირექტორები ესწრებოდნენ.

უფასო სამედიცინო აქცია 11:00 საათზე დაიწყება. კონსულტაციებს ბათუმის რეფერალური ჰოსპიტალის წამყვანი სპეციალისტები ჩაატარებენ. პედიატრის, ნეონატოლოგის, ბავშვთა ნევროლოგის, ონკოლოგის, ენდოკრინოლოგის, ქირურგის, უროლოგის, ტრავმატოლოგის, ბავშვთა ტრავმატოლოგის, ბავშვთა ორთოპედის, ანგიოქირურგის, კარდიოლოგის, კარდიოექოსკოპისტის და მეანგინეკოლოგის უფასო კონსულტაციების მიღება ადგილობრივ მოსახლეობას მთელი დღის განმავლობაში შეეძლება.

მაღალმთიან აჭარას გერმანიიდან მოწვეული კარდიოქირურგი, პროფესორი ალექსანდრე ჯონიც ეწვევა.

სამედიცინო აქციას აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს და ბათუმის რეფერალური ჰოსპიტალის წარმომადგენლები დაესწრებიან.

პრეზენტაციაზე წარდგენილი იქნება ვახტანგ ჯავახაძის, ზურაბ ზოიძისა და ლაშა გახარიას შემოქმედება და ბიოგრაფია.

რვა გაკვეთილის გარდა „ლიტერატურული სკოლის“ მონაწილეებს გონერ ჭეიშვილისა და დათო ტურაშვილის მასტერკლასები ჩაუტარდათ.

ასევე მოეწყო შემოქმედებითი ტური ქუთაისში, ბაგრატისა და გელათის ტაძრების მოსანახულებლად.

პროექტი აჭარის განათლების კულტურისა და სპორტის სამინისტროს ქვეპროგრამის „კულტურული ცხოვრების გააქტიურება სოფლად“ ფარგლებში ხორციელდება.

სამინისტროსთვის გამოყოფილი 24 მილიონი ლარიდან უწყებამ 21 მილიონ 454 ათას 827 ლარის ათვისება მოახერხა და ბიუჯეტის შესრულების მაჩვენებელი 88,5 % განისაზღვრა.

საჯარო სკოლებში ინფრასტრუქტურის მოწესრიგება, ინვენტარით აღჭურვა და სპორტული დარბაზების რეაბილიტაცია, ასევე, სტუდენტთა დახმარების პროგრამა, – ეს ის საკითხებია, რომლებიც გიორგი თავამაიშვილის 9 თვის ანგარიშში მოხვდა. 

მთავრობის თავმჯდომარე აჭარის ჯანდაცვის მინისტრ ნუგზარ სურმანიძისაგან, 15 ოქტომბერს ჯანდაცვის სამინისტროში გამართული სტიქიის შედეგების შემსწავლელი საგანგებო კომისიის სხდომის დეტალებით დაინტერესდა.

„კომისიის სხდომაზე წარმოდგენილი ინფორმაციით,  აღწერილია 2 400 000 ლარის ღირებულების ზარალი. ამაში შედის 280-მდე ოჯახის გამაგრებითი სამუშაოები და ასევე 403 ოჯახის ერთჯერადი მატერიალური დახმარება.  ამასთან საგზაო დეპარტამენტს ჰქონდა წარმოდგენილი  1 71 000 ლარის ღირებულების სამუშაოები. ეს არის გზების და ხიდების რეაბილიტაცია. ამ  სამუშაოებთან დაკავშირებით უნდა შედგეს კონკრეტული  გეგმა,“- თქვა ნუგზარ სურმანიძემ.

 მისივე თქმით, კონკრეტული ღონისძიებების განხორციელება 17 ოქტომბრსი კომიისიის სხდომის შემდეგ დაიწყება. პირველ ეტაპზე დაგეგმილია ერთჯერადი პროგრამული დახმარება და საგზაო დეპარტამენტისთვის თანხების გამოყოფა.

„უკვე დაიწყო ამ მიმართულებით სამუშაოების შესრულება.  ასევე განვიხილავთ 13 ოჯახის საკითხს, რომლებიც საჭიროებს საერთო საცხოვრებელში გადაყვანას. 17 ოქტომბერს ჩამოვყალიბდებით და კონკრეტულად გვეცოდინება რა ფორმით შევთავაზებთ ამ ადამიანებს დახმარებას. სავარაუდოდ  3 000 000 ლარი იქნება ცენტრალური ბიუჯეტიდან გამოყოფილი  და ღონიძიებები დაიწყება მაქსიმუმ 6 დღეში,“ – განაცხადა ნუგზარ სურმანიძემ.

ეკონომიკის მინისტრმა დავით ბალაძემ ორი სამშენებლო კომპანიის „მარი ჯგუფისა“ და შპს „სისთემ ინშაათი“-ისთვის მშენებლობის ვადების გაგრძელებაზე ისაუბრა.

„მშენებლობის ვადები გაუგრძელდა  ორ კომპანიას, ეს არის „სისთემ ინშაათი“ და „მარი ჯგუფი“.  ორივეს მიმართულება არის სასტუმროს ბიზნესის განვითარება. იყო ხარვეზები პროექტთან დაკავშირებით რამაც გამოიწვია პროექტის გადაკეთება და ვადების ცვლილება.  აღნიშნულიდან გამომდინარე მოხდა ერთი კომპანისთვის 6 თვის ვადის მიცემა ხოლო მეორესთვის 4 თვით,“- განაცხადა  დავით ბალაძემ.

აჭარის გარემოს დაცვისა და ბუნებრივი რესურსების სამმართველოს ხელმძღვანელმა ვახტანგ წულაძემ, ადგილობრივი მოსახლეობის მიერ საშეშე ხე-ტყის მომარაგების ხელშეწყობის მიზნით, გზის სარემონტო სამუშაოების განხორციელების შესახებ ისაუბრა.

„წინა წლების სტატისტიკიდან გამომდინარე ნავარაუდებია 95 000 კუბური მეტრის ათვისება. დღეისთვის  32 000 კუბური მეტრი საშეშე მასალაა  ათვისებული. წინა წლებთან შედარებით ეს ციფრი გაზრდილია. შუახევის, ქობულეთის მოიალაღებისთვის გურიის მუნიციპალიტეტიდან გამოიყო 3000 კუბური მეტრი საშეშე მასალა. რაც შეეხება სატყევე გზების  მდგომარეობას,  გეგმარება რაც  წელს იყო  განსახორციელებელი,  1 ოქტომბრის მონაცემებით 80%-ით შესრულებულია,“ -ამბობს ვახტანგ წულაძე.

„კომისიის სხდომაზე როდესაც განვიხილეთ საკითხის ამოღების წინადადება დაისვა. კომისიამ უფლებამოსილება ბიუროს გადასცა რომ მიეღო გადაწყვეტილება. ამის შემდეგ ჩვენ ფრაქციაშიც გვქონდა ამ თემაზე საუბარი. ფრაქციამ ერთხმად დაუჭირა მხარი ამ საკითხის ამოღებას,“- განაცხადა საკრებულოს წევრმა თეიმურაზ ყურაშვილმა.

ბათუმის საკრებულოს თითოეულ იმ წევრთა  უფლებამოსილების განხორციელების ხარჯის დასაფარად, რომლებიც საკრებულოს რიგით წევრებად რჩებიან და საკრებულოში რაიმე თანამდებობა არ უკავით ყოველთვიულად  1000 ლარს იღებენ. საკრებულოში ამ თანხის  1500 ლარამდე გაზრდას გეგმავდნენ.  

საკრებულოს იურისტის სულიკო შვენთიძის განმარტებით, უფლებამოსილების თანხის გაზრდა საკრებულოს წევრების ინიციატივა იყო. მისივე  თქმით ხელფასების გაზრდის საკითხი ქალაქის საზღვრების გაზრდის გამო დადგა.

ამასთან ეს მონაცემები არ შეიცავს კერძო სექტორში განთავსებულ ტურისტთა რიცხვს, სადაც წელს განსაკუთრებული სიმრავლე შეიმჩნეოდა. დეპარტამენტში მიმდინარეობს სტატისტიკური კვლევის ახალ მეთოდოლოგიაზე მუშაობა, რომელიც სამომავლოდ კერძო სექტორსაც მოიცავს.

„2014 წლის იანვარ-სექტემბრის პერიოდში სასტუმროებში დატვირთვის კოეფიციენტმა 48,61%-ს შეადგინა, რაც გასული წლის ანალოგიურ პერიოდთან შედარებით 10,11%-იანი ზრდას მიანიშნებს.

სექტემბრის თვეში დატვირთვის კოეფიციენტი 39,57 %-ს შეადგენდა, რაც გასული წლის სექტემბრის მონაცემებს 7,50 %-ით აღემატება,“ – ნათქვამია აჭარის ტურიზმისა და კურორტების დეპარტამენტის მიერ გავრცელებულ პრესრელიზში.

აღნიშნული სტატისტიკის მიხედვით რაოდენობრივი მაჩვენებლებით ლიდერობს თურქეთი, აზერბაიჯანი, რუსეთი, უკრაინა, სომხეთი და პოლონეთი.

გასულ წელთან შედარებით პროცენტული ზრდის მაჩვენებლებით კი გამოირჩევა სომხეთი (36,6%), პოლონეთი (+29%), აზერბაიჯანი (+29%), რუსეთი (+25,7%), და უკრაინა (+14,3%).

დამატებითი მოკვლევა ჩატარდა საქართველოს შსს-ს საზღვრის დეპარტამენტის მიერ მოწოდებული ინფორმაციის მიხედვით. ბათუმის აეროპორტში საერთაშორისო ფრენებით შემოსულ უცხოელ მგზავრთა რაოდენობა იანვარ-სექტემბრის მონაცემებით 24%-ით გაიზარდა გასულ წელთან შედარებით, ხოლო საზღვაო ტრანსპორტით შემოსულ უცხოელ მგზავრთა რაოდენობაში 4%-იანი ზრდა აღინიშნება.

წლევანდელ სეზონზე ვიზიტორთა რაოდენობის განსაკუთრებული ზრდა დაფიქსირდა ასევე აჭარის ტურიზმის საინფორმაციო ცენტრებში. 2014 წლის იანვარ-სექტემბრის მონაცემებით გასული წლის ანალოგიურ პერიოდთან შედარებით 87,5%-ით მეტმა ვიზიტორმა ისარგებლა ტურიზმის საინფორმაციო ცენტრების მომსახურებით.

გიორგი, პირველ რიგში რის შეცვლას გეგმავთ რადიოში?

რადგან საზოგადოებრივი რადიოა,  აღარ იქნება ისეთი, როგორიც იყო წლების წინ, ანუ მხოლოდ მუსიკალურ-გასართობი და შემეცნებითი. არსებულ პროექტებს დაემატება სოციალური პროექტები. ავიღებთ სხვა საზოგადოებრივი მაუწყებლების, იგივე გერმანიის და ასე შემდეგ მაგალითებს, რა არის პრიორიტეტი, რაზე უნდა ვიმუშაოთ. მუსიკალური მხარე რადიოში იქნება უბრალოდ შეფუთვა.

12-საათიანი ბადე, ვფიქრობთ,  გავყოთ სამ ნაწილად: დილის რვიდან ათამდე იქნება დილის ეთერი, 12-დან  6-მდე  – შემოქმედებითი და სოციალური პროექტები და 6-დან ღამის 12-მდე  – პოლიტიკური თოქ-შოუები, თავისი სტუმრებით, ანალიტიკური მიმოხილვით და ასე შემდეგ.    

არ ვამბობ ჯერ 12-ის შემდეგ ღამის ეთერს, თუმცა სავარაუდოდ, იქაც უნდა იყოს  საინფორმაციო გამოშვება ჩანაწერის სახით მაინც, მიმოხილვა.

ცალკე არის საინფორმაციო სამსახური, რომელიც გამართულია, თუმცა რაღაც დეტალებს სჭირდება შეცვლა და რესურსის დამატებაც. საინფორმაციოს 11 გამოშვება აქვს ახლა,  ეს შეიძლება გაიზარდოს, მაგრამ იმ შემთხვევაში, თუ რესურსი ცოტათი მაინც მოემატა. ეს არის პირველი ეტაპი.   

შემდეგ ალბათ იმაზე წავა მუშაობა, რომ ცნობადობა აღდგეს აჭარის რადიოს და სიხშირე გაუმჯობესდეს. ამაზე გვექნება კონსულტაცია, რომ ეს რაც შეიძლება მალე მოხერხდეს, რადგან  მაღალმთიან აჭარას ნაკლები ხარისხით მიეწოდებოდა სიხშირე, ამინდის ცვალებადობასთან ერთად, მაგრამ ეს უკვე ყველას ერთად, ტელევიზიის საზრუნავიცაა, რომ რაღაცნაერად მოხერხდეს, რომ მიწოდების ხარისხი გაუმჯობესდეს.

არის იდეა, რომ განხორციელდეს მინიმუმ ორი ტელეხიდი, რის დროსაც რადიოსა და ტელევიზიაში ერთდოულად გავა გადაცემა.  ეს არ არის იდეა ჰაერში, ამის პრეცედენტი ჰქონდა აჭარის ტელევიზიას და რადიოს. შემეცნებითი, პოლიტიკური, ან სოციალური პროექტი შეიძლება გადაიცეს ტელეხიდით.  

შეხვდით უკვე თანამშრომლებს? გქონდათ პირველი თათბირი?

საერთო თათბირი არ გვქონია ჯერ, თუმცა თანამშრომლებს, საინფორმაციო, სპორტულ, შემოქმედებით ჯგუფებს, პოლიტიკური თოქ-შოუების და მუსიკალურ წამყვანებს შევხვდი.

რამდენი ადამიანი მუშაობს აჭარის რადიოში?

ამ დროისათვის მუშაობს 28 ადამიანი, თუმცა საინფორმაციო ძალიან დატვირთულ რეჟიმში მუშაობს, შესაბამისად არის გადასახალისებელი.

საკადრო ცვლილებებს უნდა ელოდნენ რადიოში?

საკადრო ცვლილებები არ არის მიზანი. აქ არის  რესურსი, რომლის განვითარებაც შეიძლება. პირიქით, შეიძლება მოთხოვნა გაჩნდეს ახალი კადრების,  ეს იქნება სტაჟიორების სახით თუ  პროფესონალი ჟურნალისტების სახით, ამას უკვე დრო გვჩვენებს. უნდა დაიწეროს პროექტები, ჩამოყალიბდეს, რომ განვიხილოთ. გამოსაცვლელია ტიხრები, ქუდები, სრული შეფუთვა, მაგრამ ეს უკვე ახალი წლის შემდეგ მოხდება, როცა ალბათ ბიუჯეტშიც მოხდება ცვლილებები.

მინდა მთელი გუნი ჩაერთოს საქმიანობაში. მე ვფიქრობ, რომ სამი თვის განმავლობაში უკვე პირველი ნაბიჯები იქნება გადადგმული, რასაც ფურცელზე კი არა, თვითონ დაინახავენ თანამშრომლებიც, საზოგადოებრივი მაუწყებელიც და ისინიც, ვისაც აინტერესებს რადიოს ბედი.  ინტენსიურად დავიწყებთ მუშაობს. 

აჭარის ტურიზმისა და კურორტების დეპარტამენტის ინფორმაციით 2014 წლის იანვრიდან დღემდე 26 გემია შემოსული, რის შედეგადაც რეგიონს 14 720-მდე უცხოელი ესტუმრა. გასული წლის ანალოგიურ პერიოდში აჭარაში 16 გემი იყო შემუსული 5162 მგზავრით. დღევანდელი მონაცემებით 2013 წელთან შედარებით საკრუიზო ტურიზმის მიმართულებით რეგიონში 3-ჯერ მეტი ტურისტია შემოსული – ინფორმაციას ამის შესახებ აჭარის ტურიზმის დეპარტამენტი ავრცელებს.

აჭარის ტურიზმისა და კურორტების დეპარტამენტის ინფორმაციით საკრუიზო ტურიზმის სტატისტიკა ბოლო წლებია ზრდის ტენდენციით გამოირჩევა. თუკი 2012 წელს 10-მდე საკრუიზო ხომალდის სტუმრობდა რეგიონს, 2013 წელს მისი რიცხვი 16-მდე გაიზარდა, 2014 წელს კი 30-მდე საკრუიზო გემი შემოვიდა. წლევანდელ სეზონზე საკრუიზო სტატისტიკაში ტურისტების რიცხობრივი ზრდის მაღალი მაჩვენებელი განაპირობა მსხვილი საკრუიზო ხომალდების სტუმრობამ. საკრუიზო ლაინერებიდან განსაკუთრებული სიდიდით გამოირჩეოდა “RIVIERA” (1150 ტურისტი + 750 ეკიპაჟის წევრი, 24 ივლისი), “Seven Seas Mariner” (750 ტურისტი + 445 ეკიპაჟის წევრი, 14 აგვისტო), “Prinsendam” (800 ტურისტი + 400 ეკიპაჟის წევრი, 13 ოქტომბერი) და “Thomson Celebration” (1250 ტურისტი + 550 ეკიპაჟის წევრი ,15 ოქტომბერი).

ლექციების ელექტრონულ ვერსიას იხილავთ დაავადებათ კონტროლის და საზოგადოებრივი ჯანმრთელობის ეროვნული ცენტრის ვებგვედზე და ცენტრის ფეისბუქგვერდზე.  

ლექციებზე ყურადღება გამახვილებული იქნება ინფექციის გადაცემის გზების, მკურნალობის, პრევენციის და კონტროლის საკითხებზე, პერსონალური დამცავი ხელსაწყოების (PPE) გამოყენების ჩათვლით.  

შეხვედრა გაიმართება აჭარის საზოგადოებრივი ჯანდაცვის ცენტრის საკონფერენციო დარბაზში.

ჰემორაგიული ცხელებებით მიმდინარე დაავადებები მსოფლიოში ფართოდ გავრცელებული დაავადებებია. მათ ახასიათებთ ეპიდემიები, რაც ჯანდაცვის პრობლემას წარმოადგენს, მისი ეპიდემიური პოტენციალის, მაღალი ლეტალობის, ასევე დაავადების მკურნალობასთან და პრევენციასთან დაკავშირებული სირთულეების გამო.

მიმდინარე წელს დასავლეთ აფრიკაში დაფიქსირდა ებოლას აფეთქება, ასევე საქართველოში მოიმატა ყირიმ-კონგოს ჰემორაგიული ცხელების შემთხვევებმა.

პოლიციის კაპიტანმა თქვა, რომ ბრალდებული ო. ძ. აწყობდა ქურდულ გარჩევებს და შემჩნეული იყო დანაშაულის ჩადენაში. კიდევ ორ დაკავებულზე თქვა, რომ მათი ზედმეტი სახელებია- „ხოჯა“ და „ბოლია“ და ისინი ქურდული მენტალობით, გავლენით სარგებლობენ. „ახალგაზრდები მათ ჭკუას ეკითხებიან“. მ.თ-ს. შესახებ თქვა, რომ ქურდული სამყაროს წევრი, „ძველი ბიჭია“. გ. თ-ს შესახებ მარტო ის თქვა, რომ იგი ნასამართლევია.

ადვოკატმა დავით ჯაფარიძემ მოწმე პოლიციელს ჰკითხა, რა მტკიცებულებების საფუძველზე ამბობს ის ადამიანებზე, რომ ქურდი და გამომძალველია. რაზეც პოლიციელმა უპასუხა: `შესწავლილი გვაქვს. პრაქტიკაზე და გამოცდილებაზე დაყრდობით ვიცი, რომ ეს ასეა“.

ერთ-ერთმა ბრალდებულმა მოსამართლეს უთხრა, რომ დავით ხოზრევანიძემ ის დააკავა ბათუმში, ავტოსადგურის მიმდებარე ტერიტორიაზე, წაიყვანა პოლიციის განყოფილებაში და სცემა. „ამ პოლიციელმა დამაკავა, მცემა და მაგინა“, _ თქვა ბრალდებულმა. პოლიციელმა ეს ფაქტი უარყო. ბრალდებული დეტალების შეხსენებას ცდილობდა, დარბაზში მხსდომები ახმაურდნენ. მოსამართლემ ორი მოქალაქე სასამართლოდან გააძევა და მანდატურს უბრძანა, ისინი არც მომდევნო პროცესზე არ შეუშვან დარბაზში.

„თქვენ იცით რას ნიშნავს ქურდული გარჩევის არსი?“, – ეს კიდევ ერთი ბრალდებულის კითხვა იყო მოწმის მისამართით დასმული. მოწმე პოლიციელმა დაახლოებით ასეთი განმარტება გააკეთა: `კი, ეს არის კრიმინალური გარჩევა, დაუწერელი კანონის წესებით. კანონიერი ქურდის ინსტიტუტი შეიქმნა გასულ საუკუნეში და ეს არის კონტროლი კრიმინალურ საქციელზე, ქურდები ფულს სძალავენ ხალხს“.

„თქვენ ხართ შინაგან საქმეთა სამინისტროს ოპერატიული მუშაკი, მე მეცოდება ჩემი ქვეყანა თქვენნაირების ხელში, თუ შეგიძლია დაასახელე, რა საქმეები გამირჩევია, სად ან ვის გამოვძალე ფული და ამ ყველაფერს თუ ხედავდი, რატომ არ მაკავებდი? თუ იცი, რომ მე ხალხს ფულს ვძალავდი და ქურდულ გარჩევებს ვაწყობდი, ერთი ვიდეო რატომ არ გადაიღეთ?“ – პატიმრის ამ კითხვას ჯერ პროკურორ შოთა ხორავას პროტესტი მოჰყვა, მერე დარბაზში მყოფი ადამიანების ხმაური და ბოლოს მოწმემ თქვა, რომ ამ კითხვას ვერ უპასუხებდა, რადგან „საიდუმლოა“.

ქურდების საქმეზე სასამართლოში სამი სახელმწიფო ბრალმდებელი გამოდის: საქმეს პროკურორები – შოთა ხორავა, რამაზ შანიძე და ლევან მურვანიძე იძიებენ. ამ სასამართლო სხდომას მხოლოდ შოთა ხორავა ესწრებოდა.

კანონიერი ქურდობისა და გამოძალვის ბრალდებით დაკავებული ხუთივე პატიმარი თავს უდანაშაულოდ მიიჩნევს. ერთ-ერთი მათგანი ამბობს, რომ აჭარის მთავარი სამმართველოს უფროსმა დავით თამაზაშვილმა ის სცემა. კიდევ ერთი პატიმარი შიმშილობს, ერთმაც მუცელი სამართებლით დაისერა იმის გამო, რომ, როგორც თვითონ ამბობს, მის საქმეს უსამართლოდ იძიებენ. საქმეში ორი დაზარალებულია, რომლებიც პროკურორების მოთხოვნით დახურულ სასამართლო პროცესზე დაკითხეს.

ლაშა ადამია

„ბათუმის თვითმართველობა თუ მიიღებს  ხელფასების მატების გადაწყვეტილებას, პროცესები განვითარდება ისე, რომ  აჭარის მაშტაბით ყველა მუნიციპალიტეტი გაზრდის ხელფასებს. ჯობს მოსახლეობას დაანახონ აქტიური ქმედებები, იმუშაონ ქალაქის გადასარჩენად, რადგანაც დღეს ბათუმი დაემსგავსა მკვდარ ქალაქს“ –  განაცხადა ლაშა ადამიამ.

ლაშა ადამიას განცხადებას ბათუმის საკრებულოს მაჟორიტარი დეპუტატი, ირაკლი მიქელაძე გამოეხმაურა. მისი თქმით ეს საკითხი ჯერ-ჯერობით გადაწყვეტილი არ არის.

ირაკლი მიქელაძე

„მე  ვურჩევ მას [ლაშა ადამიას] თვითონაც რომ არ შევიდეს შეცდომაში და საზოგადოებაც არ შეიყვანოს შეცდომაში, კარგად  გაეცნოს  ბიუჯეტს, მისი დაგეგმარების პროცესს და ამის შემდეგ  ისაუბროს ხარვეზებზე.

სამოქმედო  ტერიტორია ძალიან გაზრდილია, სწორედ აქედან გამომდინარე, ბათუმის საკრებულომ  მისცა საკუთარ თავს  იმაზე ფიქრის  უფლება, რომ  იქნებ გაგვეზარდა  ხარჯები. აქ არის საუბარი სატელოფონო ხარჯებზე, საწვავის,  მოსახლეობასთან შეხვედრის ხარჯებზე  და ა.შ. კიდევ ერთხელ ხაზგასმით  მინდა ვთქვა, გადაწყვეტილი არაფერი არ არის“ -განაცხადა ირაკლი მიქელაძემ.

ხელფასის გაზრდის ინიციატივა საკრებულოს წევრებს ეკუთვნით. საკითხის მხარდაჭერის შემთხვევაში საკრებულოს წევრის ყოველთვიური ანაზღაურება 1000-დან 1500 ლარამდე გაიზრდება.

„გამოფენის მიზანია შეიქმნას სივრცეში ვირჯინია ვულფისეული „საკუთარი ოთახი“, სადაც მოისმენთ იმ ქალების მონათხრობს, რომლებიც პირადად გახდნენ გენდერული ძალადობის მსხვერპლნი. ჩვენი სურვილია, მათი გამოცდილება პრობლემის ახლებურად გააზრების, კვლევისა და განსჯის საგნად იქცეს. 

ტრადიციული ქართული სუფრით შთაგონებულებს, გვსურს მეტაფორულ მაგიდაზე მოვათავსოთ ის, რაც იქ არასოდეს გვხვდება – გენდერული ძალადობის მსხვერპლთა ისტორიები. თუმცა ჩვენთვის სუფრა მხოლოდ მკაცრი ტრადიციებისა და აკრძალვების ადგილი არ არის – ეს გახლავთ იმპროვიზებული პერფორმანსი, სადაც ადამიანს შეუძლია თავისუფლად გამოხატოს ღრმა პიროვნული გრძნობები, იყოს კრეატიული, მხიარული და იმედიანი. სუფრის ნორმატიული და ამავე დროს, შემოქმედებითი ბუნება გვაძლევს საშუალებას უხილავი თვალსაჩინოდ ვაქციოთ და უკეთ დავინახოთ ჩვენი როლი მსხვერპლ ქალთა მძიმე ხვედრის მიჩუმათების პროცესში“ – აღნიშნულია პრესრელიზში.

“საკუთარი სუფრა” მხატვარ თამუნა ჭაბაშვილის (საქართველო/ნიდერლანდები), ანთროპოლოგ აგნეშკა დუდრაკის (პოლონეთი/შვეიცარია), არასამთავრობო ორგანიზაცია „ძალადობისაგან დაცვის ეროვნული ქსელი“ (საქართველო) და თვითდახმარების ჯგუფი „გესმით ქალის ხმა?“ – მუშაობის შედეგია.  ასევე, გამოფენა უმასპინძლებს ელიზა პროშჩუკის (პოლონეთი) ხმოვან ინსტალაციას.

შემოთავაზებული ინსტალაციები და ვიდეომასალა მომზადდა ძალადობის მსხვერპლ ქალებთან ჩაწერილი ინტერვიუების საფუძველზე. გარდა ამისა, თვითდახმარების ჯგუფის, „გესმით ქალის ხმა?“ წევრთა ინიციატვით, წარმოდგენილი იქნება მათი ხელით შექმნილი, მათი ცხოვრებისეული გამოცდილების ამსახველი ნივთები და მათ მიერ დაწერილი ზღაპრები.

გამოფენის გახსნაზე ნაჩვენები იქნება ბექა წიქარიშვილის და ვატო ჯორკოშვილის მიერ გადაღებული დოკუმენტური ფილმი “ობიექტი 8”; (ადამიანის უფლებების სწავლებისა და მონიტორინგის ცენტრი(EMC). ფილმში განხილულია უსახლკარო ქალების პრობლემა საქართველოში.   

პროექტის ინიციატორები არიან თამარ ჭაბაშვილი და აგნეშკა დუდრაკი.
სუფრის ინსტალაციის ავტორი: თამარ ჭაბაშვილი
ვიდეოინსტალაციის ავტორი: აგნეშკა დუდრაკი
ხმოვანი ინსტალაციის ავტორები: აგნეშკა დუდრაკი, ელიზა პროშჩუკი.

პროექტი განხორციელდა მონდრიანის ფონდისა (ნიდერლანდები) და ჰაინრიჰ ბიოლის ფონდის სამხრეთ-რეგიონალური ბიუროს (საქართველო) ფინანსური მხარდაჭერით.

გამოფენის გახსნა: 18 ოქტომბერი, 17:00
დოკუმეტური ფილმი ჩვენება “ობიექტი 8“ : 18 ოქტომბერი 18:00

თანამედროვე ხელოვნების სივრცე, ზ. გამსახურდიასN1/5, ბათუმი, საქართველო

გამოფენა გასტანს 18 ოქტომბრიდან – 30 ოქტომბრამდე.

დისკუსიის მომხსენებლები არიან სამართლის დოქტორი, ასოცირებული პროფესორი, კონსტიტუციონალისტი მალხაზ ნაკაშიძე და ახალგაზრდა იურისტთა ასოციაციის იურისტი გიორგი ხიმშიაშვილი.

შეხვედრაზე მოწვეულნი არიან არასამთავრობო ორგანიზაციები, საარჩევნო ადმინისტრაცია, სტუდენტები და მედიაორგანიზაციები.

დასწრება თავისუფალია.

„მეტრო ჯორჯიას“ ფეისბუქგვერდზე განთავსებული ინფორმაციის თანახმად, რეისები შესრულდება 08:00, 10:00, 12:00, 15:00, 17:00, 20:00 და 24:00 საათზე, როგორც ბათუმიდან, ისე თბილისიდან. მგზავრობის საშუალო ხანგძლივობა ექვსი საათია. „მეტროს“ ერთ ავტობუსს 50 მგზავრის გადაყვანა შეუძლია.

მგზავრობის ფასი ერთი თვის მანძილზე, აქციის ფარგლებში, 10 ლარი იქნება. როგორც „ბათუმელებს“ „მეტრო ჯორჯიას“ ოფისში განუცხადეს, ფასის ცვლილება ერთი თვის შემდეგ მოხდება და იგი სავარაუდოდ 20 ლარზე მეტი არ იქნება. მგზავრებს ავტობუსში ექნებათ უფასო ინტერნეტი, ჩაი და ყავა.

ავტობუსი ბათუმიდან  ახალი ავტოსადგურიდან გავა (მის: გოგოლის 1), ხოლო თბილისიდან ორთაჭალის ავტოსადგურიდან (მის: გულიას 1).

ბათუმიდან თბილისამდე და პირიქით, მგზავრობის ფასი სამარშუტო ტაქსით საშუალოდ 20 ლარია.

ბატონო ავთანდილ, გასულ წელს გლეხებმა მანდარინისთვის გათვალისწინებული სუბსიდია ვერ აითვისეს. წელს როგორ ემზადებით სეზონისთვის, რა შეიცვლება?

შარშანდელი პრობლემების გათვალისწინებით მომზადებულია განკარგულების პროექტი, რომელიც გადაგზავნილია საქართველოს მთავრობაში. ჩვენ განვიხილეთ საბაჟოსთან, შემოსავლებთან, სტანდარტული მანდარინის სუბსიდირებასთან დაკავშირებული პრობლემები. ამ ყველაფრის გადაწყვეტაში თუ არ ჩაერია ცენტრალური ხელისუფლება, მხოლოდ ჩვენ ვერაფერს შევცვლით. მთავარი მიზეზი იმისა, რის გამოც მოსახლეობამ სუბსიდია ვერ მიიღო, იყო ის, რომ ექსპორტის შესახებ დოკუმენტები არ იყო შესაბამისად აღრიცხული _ არ იყო აღრიცხული რეალური ოდენობა, რაც ექსპორტზე გავიდა. მაგალითად, უკრაინაში გადიოდა მანქანა 30-35-ტონიანი საქონლით და დეკლარაციაში ფორმდებოდა 20 ტონა, რადგან მეტის დატვირთვა არ შეიძლებოდა. ამან გამოიწვია ის, რომ ვისი პროდუქტიც დაურეგისტრირებელ წონაში მოხდა, დაფინანსება ვერ მიიღეს. ჩვენ გვაქვს მოსაზრებები ამ პრობლემის გადაჭრასთან დაკავშირებით, მაგრამ ჩვენი ფიქრი პრობლემას ვერ აგვარებს, სხვამ უნდა მიიღოს განკარგულება და ამიტომ, შეთანხმებულად ვმუშაობთ. ვფიქრობთ, ერთსა და იმავე მანქანაზე გაკეთდეს ორი დეკლარაცია, ვთქვათ, ერთი 20-ტონიანი და მეორე – 35-ტონიანი.

ასეთი გადაწყვეტილება კანონის ფარგლებში როგორ მოექცევა?

ზუსტად ამის გამოა, რომ განკარგულების მიღებაა საჭირო, როგორც იყო მაგალითად ყურძენზე. იმ შემთხვევაში ეძლეოდა შემსყიდველს სუბსიდირება 35 თეთრი, თუ კილოგრამ რქაწითელზე გადაიხდიდა ერთ ლარს. ასევე იქნება მანდარინზეც: თუ შემსყიდველი გადაიხდის 40 თეთრს, მას დაემატება 15 თეთრი, ანუ მყიდველს გამოუვა 55 თეთრი.

ახლა მიმდინარეობს შემოსავლების სამსახურთან და საბაჟოსთან მოლაპარაკება, რომ ეს განხორციელდეს. ისინი სწავლობენ ამ საკითხს, რადგან ასეთი გამოცდილება არ ჰქონდათ. ეს უნდა მოგვარდეს პირველი ნოემბრისთვის მაინც.

როგორც ვიცით, გლეხებმა სუბსიდია ვერ მიიღეს დოკუმენტის არ ქონის გამო, ამ პრობლემას ასახელებდა სოფლის მეურნეობის სამინისტროც. წელს რას აკეთებს სამინისტრო იმისთვის, რომ ეს საკითხი  დღის წესრიგში აღარ დადგეს?

ამის მოგვარებას შევძლებთ მხოლოდ პრესის დახმარებით. ჩვენ ამისთვის ყველაფერს ვაკეთებთ, მაგრამ მოსახლეობა თუ არ იაქტიურებს და თავის საქმეს თავად არ მიხედავს, ძალიან რთული იქნება. დოკუმენტების წარმოება აუცილებელია _ ვისაც აბარებს გლეხი მანდარინს, უნდა ჩაიწეროს მისი სახელი, გვარი და მანქანის ნომერი. რა პრობლემაა ამის გაკეთება? _ შარშან ვიყენებდით ჩვეულებრივ შესყიდვის აქტს. წელს ჩვენ გავაკეთეთ შესყიდვის აქტის ფორმა. ეს იქნება სამგვერდიანი დოკუმენტი, რომელიც დანომრილი იქნება რაიონების მიხედვით. დოკუმენტში უნდა ჩაიწეროს გამყიდველის, ასვე მყიდველის სახელი და გვარი. დოკუმენტს დაამოწმებს გამგებლის წარმომადგენელი. საბაჟო სამსახურები ამ აქტის გარეშე საქონელს არ გაატარებენ, ჩვენთან კი თავს მოიყრის საბაჟოდან გადმოგზავნილი ინფორმაცია, თუ რა ოდენობის ტვირთი გავიდა. სხვანაირად აღრიცხვა ვერ მოხერხდება.

გასულ წელს ბევრი გლეხი ამბობდა, რომ დოკუმენტი არ ჰქონდა, რადგან შემსყიდველმა არ გასცა…

ახლა მყიდველი იქნება დაინტერესებული, რომ გასცეს დოკუმენტი, რადგან ამ შემთხვევაში მას შეძენილი პროდუქტი 15 თეთრით გაუიაფდება. 40 თეთრი უნდა იყოს მინიმალური ფასი და სახელმწიფოც 15 თეთრს დაუმატებს. თუ ამ დოკუმენტს არ გასცემს შემსყიდველი, მაშინ თავად გადაუხდის გლეხს 15 თეთრით მეტს. რატომ არ უნდა გასცეს გამყიდველმა დოკუმენტი, ამის გაგება ჩემთვის რთულია _ გადასახადებისგან გათავისუფლებულია. სახელმწიფო ორივე მხარეს ეხმარება _ გამყიდველსაც და შემსყიდველსაც. ვფიქრობთ, სტანდარტულზე იქნება სუბსიდირება 15 თეთრი. მანდარინის ფასი მსოფლიო ბაზარზე არ არის იმდენად მაღალი, რომ სუბსიდირების გარეშე კონკურენციას გაუძლოს. ახლაც, სანამ ჩვენ მანდარინის მოკრეფას დავიწყებთ, მივიღეთ ინფორმაცია, რომ თურქეთიდან 90 თეთრად შემოაქვთ მანდარინი, ადგილობრივი კი 1 ლარი ღირს.

დღეს მივიღე საბაჟო სამსახურიდან ინფორმაცია, რომ ათასი ტონა მანდარინის შემოტანაზე აქვს აზერბაიჯანს განაცხადი გაკეთებული, იყიდა ტრაპიზონში, გაიარა საქართველოზე ტრანზიტი… არ გვაქვს უფლება არ გავატაროთ.

წელს აქცენტები უკრაინის ბაზარზე გაკეთდება?

მანდარინი უკრაინის ბაზარზე წელსაც შევა. ცოტა ხნის წინ უკრაინიდან დელეგაცია გვყავდა და გარდა აღმოსავლეთ უკრაინისა, ყველგან ჩვეულებრივად მიდის ცხოვრება. მე თვითონ ვიყავი უკრაინაში, როცა იქ ომი იყო. დნეპროპეტროვსკის ოლქში არაფერი იგრნობოდა და იქედან 10 კილომეტრში ომი იყო. გასულ წელს 12 ათასი ტონა გავიტანეთ კავკასიის ქვეყნებში, რაც ჩვენთვის ცოტა არ არის. გარდა ამისა, 14 ათასი ტონა რუსეთის ბაზარზეც გავიტანეთ. წელს უფრო ადრე დავიწყეთ თანამშრომლობა ამ კუთხით. რუსეთს მთელი ევროპისთვის აქვს დაკეტილი ბაზარი. ამიტომ ერთადერთი მიმწოდებელი ვიქნებით ჩვენ და თურქეთი. რუსულ ბაზარზე ჩვენი მანდარინი უფრო იაფი იქნება, ვიდრე თურქეთის.

წელს 70-75 ათას ტონა მანდარინს ველოდებით, არასტანდარტულის ჩათვლით.  გასულ წელს არასტანდარტულზე მუშაობდა ერთი გადამამუშავებელი ქარხანა ქობულეთში, წელს იმავე წარმადობის მეორე გადამამუშავებელი დაემატა. სამომავლოდ მსგავსი ქარხნის გახსნა ხელვაჩაურში სოფელ ახალსოფელშიც იგეგმება. გასული წელი უხმოსავლიანი იყო და ქობულეთმა მიიღო 13 ათასი ტონა არასტანდარტული. წელს ათზე მეტი არ იქნება არასტანდარტული.

ცვლილებები იქნება იმ კუთხითაც, რომ ექსპორტიორი დოკუმენტების მოსაწესრიგებლად ბათუმში აღარ ივლის – ქობულეთში იმუშავებს მეორე ჯგუფი, რომელიც გასცემს წარმოშობისა და ფიტოსანიტარულ შემოწმებაზე სერტიფიკატს.

სუბსიდირებისთვის წელს ბიუჯეტი რამდენი იქნება?

ერთი მილიონი იქნება არასტანდარტულზე, რაც ნიშნავს, რომ 10 ათასი ტონა იქნება დაფინანსებული. ერთი კილოგრამის ღირებულება 10 თეთრია. წელს ნაკლებია მოსავალი და ხარისხია უკეთესი, ამიტომ მეტი არც იქნება საჭირო.