Batumelebi | ლელა გაფრინდაშვილის ლექცია ”ფემინიზმი და ქალთა უფლებები, მოძრაობა ნაპირიდან ცენტრისკენ” [Audio] ლელა გაფრინდაშვილის ლექცია ”ფემინიზმი და ქალთა უფლებები, მოძრაობა ნაპირიდან ცენტრისკენ” [Audio] – Batumelebi

ლელა გაფრინდაშვილის ლექცია ”ფემინიზმი და ქალთა უფლებები, მოძრაობა ნაპირიდან ცენტრისკენ” [Audio]

 

დღეს, ბათუმის სახელმწიფო უნივერსიტეტში, პროექტის “ვის ეშინია ფემინიზმის?” ფარგლებში დაგეგმილი ლექციების კურსის პირველი ლექცია, ფილოსოფოსმა ლელა გაფრინდაშვილმა წაიკითხა. ლექციის თემა –  “ფემინიზმი და ქალთა უფლებები, მოძრაობა ნაპირიდან ცენტრისკენ”.

ლექციაზე ფემინისტური იდეების დასავლური ისტორია დაკავშირებული იყო ქართულ სინამდვილესთან – “სრულიად არასწორია აზრი იმის შესახებ, რომ ფემინიზმი და ქალთა მოძრაობა, ქალთა საკითხები, გენდერული პრობლემები დასავლეთიდან არის შემოტანილი და აი ამ ქართულ უმანკო სხეულში ჩაკერებული – ეს ასე არ არის. მართალია ამ იდეებს, ქალის უფლებებს, ფემინიზმს საქართველოში არა აქვს ისეთი მრავალსაუკუნოვანი ისტორია, როგორც დასავლეთში, მაგრამ ორი-სამი საუკუნის ისტორია ნამდვილად აქვს, ამიტომ ჩემი ლექციის მეორე ნაწილში, შევეცდები გაგაცნოთ ის ძირითადი იდეები და ადამინები, რომელბიც საქართველოში ფემინისტურ იდეებს ემსახურებოდნენ, ხელს უწყობდნენ ამ იდეების გავლით საზოგადოებისთვის პროგრესის და განვითარების შეთავაზებას და გარკვეულ შედეგებს მიაღწიეს კიდეც ზოგიერთ დარგში.

და ის გარემოება, რომ თანამედროვე საქართველოში, ქალის უფლებებთან დაკავშირებით არ არის სახარბილეო მდგომარეობა, მაგრამ მაინც უფრო პროგრესულია ვიდრე აღმოსავლეთის ქვეყნებსა და საბჭოთა სივრცეში, არის სწორედ იმ საძირკველის დამსახურება, რომელიც ჩვენმა წინამორბედებმა ჩაყარეს ამ იდეის განხორციელებაში” – თქვა ლელა გაფრინდაშვილმა.
სრული ლექციის მოსასმენად გადადით შემდეგ ბმულზე – [Audio]
ნეტგაზეთის მასალების სხვა გამოცემებში გადაბეჭდვის წესი
ია ფრანგიშვილი