2014 წლის 17 ოქტომბერს აჭარის განათლების, კულტურისა და სპორტის მინისტრი გიორგი თავამაიშვილი, მინისტრის მოადგილე ვალერი ბერაძე, აჭარის სპორტისა და ახალგაზრდობის საქმეთა დეპარტამენტის წარმომადგენლები, სპორტული საზოგადოება და სტუდენტ-ახალგაზრდები საზეიმოდ დახვდნენ ბარსელონადან დაბრუნებულ Trofeo Malgratense 2014″-ის გამარჯვებულ ჭაბუკ ფეხბურთელთა ნაკრებს, რომლებმაც საუკეთესოდ იასპარეზეს და ჩემპიონები გახდნენ 2003-2004 წელს დაბადებულ სპორტსმენთა ასაკობრივ ჯგუფში.
ტურნირში, ასევე გამოვლინდა საუკეთესო მეკარე ნიკა ქაცარავა და საუკეთესო ფეხბურთელი საბა ზოიძე.
“Trofeo Malgratense 2014” ორგანიზატორებმა აჭარის ჭაბუკ ფეხბურთელთა ნაკრები გუნდი 2015 წელს გასამართ ევროპის გრანდ ლიგის გათამაშებაში მიიწვიეს, სადაც მონაწილეობას ღებულობს ევროპის ისეთი წამყვანი საფეხბურთო კლუბების აკადემიები, როგორიცაა ბარსელონა, მადრიდის ატლეტიკო, მადრიდის რეალი, ამსტერდამის აიაქსი.
