Batumelebi | ბათუმში საკრებულოს წევრების ხელფასების ზრდა გააპროტესტეს ბათუმში საკრებულოს წევრების ხელფასების ზრდა გააპროტესტეს – Batumelebi
RU | GE  

ბათუმში საკრებულოს წევრების ხელფასების ზრდა გააპროტესტეს

 

დღეს, 15 ოქტომბერს, არასამთავრობო ორგანიზაციამ – „ახალგაზრდული ინიციატივა მომავალი საქართველოსთვის“ – ბრიფინგი გამართა.  ორგანიზაციის წარმომადგენელის თქმით, თუ  თვითმართველობის დეპუტატებს ხელფასი 500 ლარით გაეზრდებათ, ბათუმელებს თვითმართველობის შენახვა დამატებით 150 000 ლარი დაუჯდებათ.

ლაშა ადამია

„ბათუმის თვითმართველობა თუ მიიღებს  ხელფასების მატების გადაწყვეტილებას, პროცესები განვითარდება ისე, რომ  აჭარის მაშტაბით ყველა მუნიციპალიტეტი გაზრდის ხელფასებს. ჯობს მოსახლეობას დაანახონ აქტიური ქმედებები, იმუშაონ ქალაქის გადასარჩენად, რადგანაც დღეს ბათუმი დაემსგავსა მკვდარ ქალაქს“ –  განაცხადა ლაშა ადამიამ.

ლაშა ადამიას განცხადებას ბათუმის საკრებულოს მაჟორიტარი დეპუტატი, ირაკლი მიქელაძე გამოეხმაურა. მისი თქმით ეს საკითხი ჯერ-ჯერობით გადაწყვეტილი არ არის.

ირაკლი მიქელაძე

„მე  ვურჩევ მას [ლაშა ადამიას] თვითონაც რომ არ შევიდეს შეცდომაში და საზოგადოებაც არ შეიყვანოს შეცდომაში, კარგად  გაეცნოს  ბიუჯეტს, მისი დაგეგმარების პროცესს და ამის შემდეგ  ისაუბროს ხარვეზებზე.

სამოქმედო  ტერიტორია ძალიან გაზრდილია, სწორედ აქედან გამომდინარე, ბათუმის საკრებულომ  მისცა საკუთარ თავს  იმაზე ფიქრის  უფლება, რომ  იქნებ გაგვეზარდა  ხარჯები. აქ არის საუბარი სატელოფონო ხარჯებზე, საწვავის,  მოსახლეობასთან შეხვედრის ხარჯებზე  და ა.შ. კიდევ ერთხელ ხაზგასმით  მინდა ვთქვა, გადაწყვეტილი არაფერი არ არის“ -განაცხადა ირაკლი მიქელაძემ.

ხელფასის გაზრდის ინიციატივა საკრებულოს წევრებს ეკუთვნით. საკითხის მხარდაჭერის შემთხვევაში საკრებულოს წევრის ყოველთვიური ანაზღაურება 1000-დან 1500 ლარამდე გაიზრდება.

ნეტგაზეთის მასალების სხვა გამოცემებში გადაბეჭდვის წესი
მოხალისე , თაკო ათაბაგი