Batumelebi | ბათუმიდან თბილისამდე 10 ლარად – „მეტრო ჯორჯიას“ აქცია ბათუმიდან თბილისამდე 10 ლარად – „მეტრო ჯორჯიას“ აქცია – Batumelebi
RU | GE  

ბათუმიდან თბილისამდე 10 ლარად – „მეტრო ჯორჯიას“ აქცია

 

20 ოქტომბრიდან ბათუმი – თბილისის და თბილისი-ბათუმის მიმართულებით კომპანია „მეტრო ჯორჯია“ იწყებს მგზავრების გადაყვანას ავტობუსით. 

 

„მეტრო ჯორჯიას“ ფეისბუქგვერდზე განთავსებული ინფორმაციის თანახმად, რეისები შესრულდება  08:00, 10:00, 12:00, 15:00, 17:00, 20:00 და 24:00 საათზე, როგორც ბათუმიდან, ისე თბილისიდან. მგზავრობის საშუალო ხანგძლივობა ექვსი საათია. „მეტროს“ ერთ ავტობუსს 50 მგზავრის გადაყვანა შეუძლია.  

 

მგზავრობის ფასი ერთი თვის მანძილზე, აქციის ფარგლებში, 10 ლარი იქნება. როგორც „ბათუმელებს“ „მეტრო ჯორჯიას“ ოფისში განუცხადეს, ფასის ცვლილება ერთი თვის შემდეგ მოხდება და იგი სავარაუდოდ 20 ლარზე მეტი არ იქნება. მგზავრებს ავტობუსში ექნებათ უფასო ინტერნეტი, ჩაი და ყავა.

 

ავტობუსი ბათუმიდან  ახალი ავტოსადგურიდან გავა (მის: გოგოლის 1), ხოლო თბილისიდან ორთაჭალის ავტოსადგურიდან (მის: გულიას 1).  

 

ბათუმიდან თბილისამდე და პირიქით, მგზავრობის ფასი სამარშუტო ტაქსით საშუალოდ 20 ლარს შეადგენს. 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"