19 ოქტომბერს, შუახევის კულტურის ცენტრში პროექტი – “ლიტერატურული სკოლის” შემაჯამებელი პრეზენტაცია გაიმართება.
პრეზენტაციაზე წარდგენილი იქნება ვახტანგ ჯავახაძის, ზურაბ ზოიძისა და ლაშა გახარიას შემოქმედება და ბიოგრაფია.
რვა გაკვეთილის გარდა „ლიტერატურული სკოლის“ მონაწილეებს გონერ ჭეიშვილისა და დათო ტურაშვილის მასტერკლასები ჩაუტარდათ.
ასევე მოეწყო შემოქმედებითი ტური ქუთაისში, ბაგრატისა და გელათის ტაძრების მოსანახულებლად.
პროექტი აჭარის განათლების კულტურისა და სპორტის სამინისტროს ქვეპროგრამის „კულტურული ცხოვრების გააქტიურება სოფლად“ ფარგლებში ხორციელდება.
