სამინისტრო, მიმდინარე წელს შეისყიდის 340 მრავალფუნქციურ მოტობლოკს, რომელიც დაკომპლექტებულია ფრეზი-კულტივატორით, ნიადაგჩამჭიდი თვლებით, მიწის შემომყრელით და კარტოფილის ამომთხრელი აგრეგატით; ასევე, ანალოგიურ 32 მოტობლოკს, ოღონდ სეგმენტურთათებიანი საცელით, 39 ცალ მოტობლოკს – კარტოფილის სარგავი აგრეგატით და 77 ცალ მოტობლოკის მისაბმელ ურიკას.
სამინისტროს ინფორმაციით, 2008-2014 წლებში ფერმერებზე გაცემული იქნა 1200 ერთეული მრავალფუნქციური მოტობლოკი. „იმის გათვალისწინებით, რომ დღეისათვის რეგიონში ირიცხება 55 ათასი ფერმერი, მცირე სამექანიზაციო საშუალებებზე მზარდი მოთხოვნა დაკმაყოფილებულია მხოლოდ 2,18 %–ით“.
ტექნიკის განაწილების წესის შემუშავებასა და ბენეფიციართა შერჩევას მათი განცხადებებისა და წარმოდგენილი სიების (მუნიციპალიტეტის გამგეობები, ბათუმის მერია) საფუძველზე, განახორციელებს აჭარის ავტონომიური რესპუბლიკის სოფლის მეურნეობის სამინისტროს შესაბამისი კომისია.
ტექნიკა ფერმერებსა და აგრომეწარმეებზე გაიცემა თანაგადახდის პრინციპით, პროგრამის ფარგლებში შესყიდული საქონელის ღირებულების 30 %–ის ბიუჯეტის შესაბამის ანგარიშზე გადახდის შემდეგ.
აჭარის მთვრობის მიერ დამტკიცებულ პროგრამაში აღნიშნულია, რომ „2014 წელს მოსახლეობაზე მიწოდებული იქნა 360 ერთეული სხვადასხვა აგრეგატებით დაკომპლექტებული მოტობლოკი. მისი მეშვეობით მოსახლეობამ აგროვადებში დაამუშავა 540 ჰა-ზე მეტი სავარგული. ცოცხალი გამწევი ძალის შემცირების გამო მოსახლეობის ინტერესი აღნიშნული მოტობლოკებისადმი ძალზე დიდია, ამასთან ფერმერებმა მოტობლოკებს ნიადაგის დამუშავებასთან ერთად მცირე სასოფლო-სამეურნეო ტვირთების ტრანსპორტირების ფუნქციაც დააკისრა და აქედან გამომდინარე გაჩნდა მოთხოვნილება მოტობლოკის მისაბმელ ურიკებზე. რაც გათვალისწინებული იქნა 2015 წლის ქვეპროგრამაში“.
აჭარის სოფლის მეურნეობის სამინისტრო პროგრამის მომდევნო წლებში გაგრძელებასაც გეგმავს. 2015–2018 წლებისათვის რეგიონის ფერმერებზე მიწოდებული იქნება 1600 მოტობლოკი და 250-მდე ტვირთსაზიდი ურიკა, რასაც აჭარის ბიუჯეტიდან 6 700 000 ლარი დასჭირდება.
ტურიზმის საერთაშორისო გამოფენის ოფიციალურ გახსნას სტამბოლში აჭარის მთავრობის თავმჯდომარე არჩილ ხაბაძე დაესწრო. ახალ სარეკლამო- საინფორმაციო მასალების გაცნობასთან ერთად აჭარის სტენდთან მისულ სტუმრებს შეუძლიათ ქართული ღვინის დაგემოვნება და რეგიონის ფოლკლორული სიმღერების მოსმენა.
„EMITT-2015“ უკვე 18 წელია იმართება და ერთ-ერთი ყველაზე მასშტაბური ტურისტული გამოფენაა რეგიონში. გამოფენაზე წარმოდგენილია 60-მდე ქვეყანა და მას 130 000-მდე ტურიზმის სფეროს პროფესიონალი თუ მოგზაურობით დაინტერესებული ვიზიტორი სტუმრობს. აღნიშნულ გამოფენაში აჭარის ტურიზმისა და კურორტების დეპარტამენტი ყოველწლიურად მონაწილეობს.
ფინანსთა და ეკონომიკის სამინისტრო ეკონომიკური ექსპერტის ორი შტატგარეშე თანამშრომელსა და ექსპერტთა ჯგუფის ხელმძღვანელის (ერთი შტატგარეშე) ვაკანსიაზე აცხადებს კონკურსს.
ეკონომიკური ობსერვატორიის მთავარი მიზანი ეკონომიკური კვლევებისა და ანალიზის წარმოება, რეგიონის სოციალურ-ეკონომიკური განვითარების პროცესების მონიტორინგი და შესაბამისი რეკომენდაციების შემუშავების საფუძველზე, რეგიონის მთავრობისთვის ეფექტური ექსპერტულ-ანალიტიკური დახმარების გაწევაა.
კვირაში ორჯერ, პარასკევსა და კვირას სრულდება ავიარეისი მოსკოვის მიმართულებით. ბილეთის ფასი, 22 იანვრის სავალუტო კურსის მდგომარეობით, 537, 90 ლარია. რეისს ავიაკომპანია „აირზენა“ ასრულებს.
ასევე კვირაში ორჯერ, პარასკევსა და კვირას ასრულებს „აირზენა“ ავიარეისს თბილისის მიმართულებით. ბილეთის ფასი 131 ლარია.
ბათუმის აეროპორტიდან სრულდება კიდევ ერთი, ღამის რეისი მინსკის მიმართულებით, ოთხშაბათსა და პარასკევს. რეისს ავიაკომპანია „ბელავია“ ასრულებს. ბილეთის საწყისი ფასი 447 ლარია, თუმცა ბათუმის აეროპორტის საინფორმაციო სამსახურის წარმომადგენლის, ირმა გოგიტიძის განმარტებით, ბათუმიდან მინსკის მიმართულებით პირველ თებერვალს ბოლო რეისი შესრულდება, შემდეგ კი ფრენა მაისიდან განახლდება.
რა მიმართულებით დაემატება ავიარეისები ზაფხულში, ამის შესახებ აეროპორტში დაზუსტებული ინფორმაცია ჯერ არ აქვთ.
როგორც სამოქალაქო ავიაციის სააგენტოში აცხადებენ, ერთი წლის განმავლობაში ბათუმის საერთაშორისო აეროპორტი გასულ წელთან შედარებით 2,15%-ით მეტ მგზავრს მოემსახურა, ამ მონაცემში შედის როგორც უცხოელი, ისე ქართველი მგზავრები.
2014 წელს ბათუმის აეროპორტში შემოსული უცხოელი ტურისტების სტატისტიკა შემდეგნაირად ნაწილდება: რუსეთი, უკრაინა, თურქეთი, პოლონეთი და ისრაელი, ბელორუსია.
16 მარტამდე ალიოშა ბაკურიძე თანამდებობაზე რჩება, თუმცა იგი ამჟამად ბიულეტენზე იმყოფება, უნივერსიტეტის რექტორის მოვალეობას კი მისი მოადგილე სასწავლო დარგში, ირაკლი ბარამიძე შეასრულებს.
ალიოშა ბაკურიძე ბათუმის შოთა რუსთაველის უნივერსიტეტის რექტორია 2008 წლიდან. მან აკადემიურ საბჭოს თანამდებობიდან გათავისუფლების თხოვნით 20 იანვარს მიმართა და მიზეზად ჯანმრთელობის მდგომარეობა დაასახელა.
„გვახსოვს ყველას დიასამიძის ბავშვის უგზო-უკვლოდ გაქრობა, რომელიც დღემდე გამოუძიებელია, ახლა ერთი კვირის განმავლობაში ერთმანეთის მსგავსი ორი დანაშაული მოხდა: დაუწვეს მანქანა ბიზნესმენ ფარცვანიას, გუშინ კიდევ მანქანა დაუწვეს მანჯავიძეს. კრიმინალს არა აქვს პარტიულობა, ეს ეხება ყველას. ჩვენ როცა წავედით ხელისუფლებიდან, დავტოვეთ ქალაქი აღჭურვილი იმ ვიდეოსაშუალებებით, რომლითაც ძალიან იოლად შეიძლება გაიხსნას ესა თუ ის დანაშაული, მაგრამ სამწუხაროდ ამას ვერ ვხდავთ. ეს არ არის 90-იანი წლები, უკან ვერ დავბრუნდებით. მე ვერ დავდებ სამართალდამცავებს ბრალს, მაგრამ ბევრი საკითხი ეჭვს ბადებს, შეიძლება გარკვეულ დამნაშავეებს ჰყავთ მფარველები რაღაც დონეზე, ამას პასუხი უნდა გასცენ კომპეტენტურმა პირებმა“ – განაცხადა ომარ მეგრელიძემ.
კითხვაზე, რა არის მისთვის ცნობილი დათო მანჯავიძის მანქანის დაწვასთან და „ნაციონალურ მოძრაობას“ შორის კავშირზე [დათო მანჯავიძემ ჟურნალისტებთან განაცხადა, რომ მომხდარს გივი თარგამაძესთან მეგობრობას უკავშირებს], ომარ მეგრელიძემ განაცხადა, რომ ამ ინფორმაციას ვერ დაადასტურებს:
„მე ტელევიიზით მოვისმინე ეს ინფორმაცია, ამას ვერც უარვყოფ, ვერც დავადასტურებ, შეიძლება ასეც იყოს, რადგან ამ ადამიანმა ასე თქვა, მაგრამ ეჭვის დონეზე მე ვერ ვიტყვი ვერაფერს“ – აღნიშნა მან.
„უკვე გამოცხადდა კონკურსი, რეგისტრაციის ვადა განისაზღვრა 2015 წლის 23 თებერვლიდან. რეგისტრაციის ვადის გასვლის შემდეგ, 16 მარტს, ჩატარდება რექტორის არჩევნები“ – განაცხადა ბათუმის შოთა რუსთაველის უნივერსიტეტის რექტორის მოადგილემ, ირაკლი ბარამიძემ. მისი თქმით, ალიოშა ბაკურიძე ამჟამად ბიულეტენზე იმყოფება ჯანმრთელობის მდგომარეობის გამო, მისი ბიულეტენზე ყოფნის დროს რექტორის მოვალეობას შეასრულებს უნივერსიტეტის რექტორის მოადგილე სასწავლო დარგში, მისი არყოფნის შემთხვევაში კი – რექტორის მოადგილე სამეცნიერო დარგში.
უნივერსიტეტის რექტორი აირჩევა აკადემიური საბჭოს სიითი შემადგენლობის უმრავლესობით, ფარული კენჭისყრით, 4 წლის ვადით. რექტორის არჩევნების ჩატარებას უზრუნველყოფს საუნივერსიტეტო საარჩევნო კომისია.
უნივერსიტეტის რექტორმა ალიოშა ბაკურიძემ აკადემიურ საბჭოს თანამდებობიდან გათავისუფლების თხოვნით 20 იანვარს მიმართა.
ბათუმელი სულიკო ქამადაძე უფროსი მექანიკოსია. ის ოთხი თვეა რაც ბერძნულ გემზე _ „ასტერისი“ _ მუშაობს, თუმცა კუთვნილი ანაზღაურება დღემდე არ მიუღია.
„გემი ბერძნულ კომპანია „ვლადიმარინის“ ეკუთვნის. წინასაახალწლოდ ვთხოვეთ გემის მფლობელს, რომ ხელფასები დაერიცხა. დაგვპირდა, თუმცა დანაპირები არ შეასრულა. ექვს იანვარს გემზე ამოვიდა კომპანიის აგენტი ორ ადგილობრივთან ერთად და მე და ზაზა ჩუგოშვილს იარაღის მუქარით გემი დაგვატოვებინეს. ოთხი ქართველი კი ადგილზე დატოვეს და იძულების წესით ამუშავებდნენ.
გემზე ცხრა-ათი მილიონი დოლარის ღირებულების საწვავი იყო და მისი სხვა გემზე გადატვირთვა დაიწყეს. იარაღის მუქარით გემიდან ჩამოგვყარეს, მე ორჯერ ჩამარტყეს გულის არეში იარაღი, რის გამოც საავადმყოფოში გადაყვანა დამჭირდა. იქედან დავუკავშირდით პოლიციას და დახმარება ვთხოვეთ, თუმცა რეაგირება არ ჰქონია. პოლიციაში ვიღაც სამხედრო მოვიდა და აქეთ დაგვემუქრა“.
სულიკო ქამადაძე ამბობს, რომ პოლიციიდან ის და ზაზა ჩუგოშვილი პატარა სასტუმროს მსგავს შენობაში გადაიყვანეს და ჩაკეტეს: „დღეში ერთხელ მოჰქონდათ საკვები. ახალი წლის დღეებში კი საერთოდ არ გამოჩენილან. 19 იანვარს მოვიდნენ და პირდაპირ აეროპორტში წაგვიყვანეს“.
ამ დროისთვის, „ვლადიმარინის“ ოთხ გემზე 20 ქართველი იმყოფება. ერთ-ერთ მათგანს, გელა ჩოჩორაშვილს „ბათუმელები“ ტელეფონით დაუკავშირდა. ჩოჩორაშვილის თქმით, ქართველები ამ დროისთვის მიტოვებულ გემზე იმყოფებიან და სახლში დაბრუნებას ელოდებიან:
„ახლა ოთხი გემი დგას აქ და 20 ქართველი ვართ სულ. ხელფასი არც ერთს არ გვაქვს დარიცხული, რომ სამშობლოში დაბრუნება შევძლოთ. საგარეო საქმეთა სამინისტრო საქმის კურსშია და დახმარებას გვპირდებიან. კომპანიას რამდენიმე თვის ხელფასი აქვს ჩვენთვის გადასახდელი. თვის ბოლომდე უნდა მოგვარდეს ეს პრობლემა, თუ არა, მაშინ ბილეთების ფული მაინც დაგვჭირდება, რომ საქართველოში დაბრუნება შევძლოთ“ – ამბობს მეზღვაური.
სულიკო ქამადაძე გემზე 31 წელია მუშაობს. როგორც ის ამბობს, მსგავსი შემთხვევა დღემდე არ ჰქონია. „ამ კომპანიასთან მანამდე არ მქონია შეხება, თუმცა ინფორმაცია გადავამოწმე და გემის არასანდოობაზე არავის არაფერი უთქვამს“.
ამ კვირაში, 19 იანვარს, ბათუმში ბათუმელი ბიზნესმენის, ირაკლი ფარცვანიას „ტოიტას“ ჯიპი დაიწვა. შემთხვევა დემეტრე თავდადებულისა და რუსთაველის ქუჩების კუთხეში მოხდა. ფაქტზე გამოძიება მიმდინარეობს.
„თუ ავტომობილი ხუთ წელზე მეტი ხნისაა, მისი მომსახურება უნდა დაიდოს ტენდერზე – ამას ითვალსწინებს კანონი. ამ ეტაპზე უმაღლეს საბჭოს ორი მანქანა აქვს ასეთი, რომლებიც, კანონის შესაბამისად, დაძველებულია.
პრეისკურანტს უმაღლესი საბჭო განსაზღვრავს იმ კომპანიების პრეისკურანტის მიხედვით, რაც კომპანიებს აქვთ და ეს თანხა, რა თქმა უნდა, არ არის ორი მანქანის რემონტისათვის გამოყოფილი თანხა.
8 ათასი ლარი არის თანხა, რომელიც უმაღლესმა საბჭომ სავარაუდო, შესაძლო მომსახურებისათვის დადო. ჩვენ იმედი გვაქვს, რომ ეს თანხა შემოთავაზებების დროს შემცირდება – ეს ერთი. მეორეც – შესაძლებელია ამ თანხის დახარჯვა [რვა ათასი ლარი] არ გახდეს საჭირო ერთი წლის განმავლობაში, თუ კი ავტომობილებს ეს ნაწილები არ დასჭირდებათ, მაგრამ იმდენად რამდენადაც ძველი მანქანებია, უმაღლესმა საბჭომ გამოაცხადა ტენდერი, კანონის შესაბამისად“ – განმარტა ბესარიონ შერვაშიძემ „ბათუმელებთან“.
მისი თქმით, თუ კი 2015 წლის მანძილზე მანქანების ის ნაწილები გაფუჭდება, რომელთა გარემონტება 8 ათასზე მეტი ლარი ჯდება, უმაღლესი საბჭო მიიღებს გადაწყვეტილებას, ღირს ამ თანხის დახარჯვა თუ არა, ამჯერად კი ხელშეკრულება რვა ათას ლარზე მეტ თანხაზე არ დაიდება.
ტენდერი აჭარის უმაღლესმა საბჭომ 15 იანვარს გამოაცხადა.
კონკურსში მონაწილეობისათვის განცხადების წარდგენა, კანდიდატის მიერ უნდა მოხდეს ელექტრონულად, საჯარო სამსახურის ბიუროს მიერ ადმინისტრირებულ ვებ გვერდზე – www. hr.gov.ge. განცხადების მიღების ბოლო ვადაა მიმდინარე წლის 24 იანვარი.
კონკურსში მონაწილე კანდიდატი უნდა იყოს საქართველოს ქმედუნარიანი მოქალაქე 21 წლის ასაკიდან, უნდა ჰქონდეს უმაღლესი განათლება და ფლობდეს სახელმწიფო ენას. კონკურსში მონაწილე მსურველებმა სხვა მოთხოვნები იხილეთ საჯარო სამსახურის ბიუროს ვებგვერდზე.
შინაგან საქმეთა სამინისტროს ცნობით, რუინთან მოჰამადამინი თეირანის ინტერპოლის ძებნილი პირების მონაცემთა ბაზაში მას შემდეგ იყო შეყვანილი, რაც მის მიერ საქართველოში ჩადენილი მკვლელობის გამო ინტერპოლის ეროვნულმა ცენტრალურმა ბიურომ საქართველოში ინფორმაცია გაავრცელა.
თეირანის ინტერპოლიდან მიღებული ოფიციალური წერილის თანახმად, დანაშაულის ჩადენის შემდეგ ირანის სასაზღვრო ჩანაწერებში რუინთან მოჰამადამინის შესვლის ფაქტი არ დაფიქსირებულა. წერილში საუბარია, რომ ბრალდებული შესაძლოა ირანში უკანონოდ შესულიყო, ამიტომ რუინთან მოჰამადამინის საქმე, დაბადების ადგილის მიხედვით, ქალაქ გამიშანის ადგილობრივ პოლიციას გადაეცა, რათა მისი იდენტიფიკაციის მიზნით ფარული ღონისძიებები განეხორციელებინათ.
ადგილობრივი პოლიციის მიერ მოწოდებული ინფორმაციის თანახმად, რუინთან მოჰამადამინმა კიდევ ერთი, მცირეწლოვანი ბიჭის მკვლელობა ჩაიდინა. ირანელმა სამართალდამცველებმა იგი დანაშაულის ჩადენიდან რამდენიმე საათში დააპატიმრეს. რუინთან მოჰამადამინი ამჟამად პატიმრობაში იმყოფება.
ინტერპოლის ეროვნულმა ცენტრალურმა ბიურომ საქართველოში რუინთან მოჰამადამინზე ინტერპოლის წითელი ცირკულარით ძებნა 2013 წლის 24 ოქტომბერს გამოაცხადა, ხოლო 2013 წლის 16 დეკემბერს ბათუმის საქალაქო სასამართლომ რუინთან მოჰამადამინი მარიამ კოჩალიძის მკვლელობაში დამნაშავედ ცნო და მას უვადო პატიმრობა მიუსაჯა.
მარიამის მკვლელობაში ბრალდებული დანაშაულის ჩადენას აღიარებს. კონსულის ინფორმაციით კი, მას ირანში სიკვდილით დასჯა ელოდება. როგორც „ბათუმელებს“ მოგვიანებით განუმარტეს, ბრალდებულს სიკვდილით იმ შემთხვევაში დასჯიან, თუ ამას მოკლული ბავშვების ოჯახის წევრები მოითხოვენ.
დღესვე გაავრცელა განცხადება საქართველოს მთავარმა პროკურატურამ.
2013 წლის 16 დეკემბრის გადაწყვეტილებით, მარიამ კოჩალიძის მკვლელობაში ბრალდებულს ბათუმის საქალაქო სასამართლომ უვადოდ თავისუფლების აღკვეთა მიუსაჯა.
ვაჟა ვერულიძე: გუშინ საბჭო გეგმის გარეშე შეიკრიბა. ორი საკითხი იყო სულ, ერთი მობილობის საკითხი, მეორე – რექტორის პოზიცია იმასთან დაკავშირებით, რომ მას ჯანმრთელობის მდგომარეობის გამო აღარ შეუძლია გააგრძელოს მუშაობა. მან გვითხრა, რომ მის მკურნალობას სჭირდება უფრო მეტი დრო, ვიდრე სამი თვეა, ამიტომ რექტორმა გამორიცხა ბიულეტენის აღების შესაძლებლობა. მან აღნიშნა, რომ უნივერსიტეტს ახლა ყველაზე მეტად სჭირდება რექტორი, რომელიც მუდმივად იქნება აქ, რადგან უნივერსიტეტი ელოდება აკრედიტაციას. მან ასევე თქვა, რომ ასეთ დროს რექტორის ფაქტორი არის ძალიან მნიშვნელოანი, ამიტომ გადაწყვეტილება, რომელიც მან მიიღო და რომელზეც დიდი ხანია ფიქრობს, არის გასაზიარებელი საბჭოს მხრიდან.
თქვენთვის პირადად როგორია რექტორის არგუმენტები, თქვენ რას აპირებთ, დააკმაყოფილებთ რექტორის განცხადებას?
საბჭოს ერთ-ერთმა წევრმა სხდომაზე თქვა, რომ თუ ეს რექტორის საბოლოო გადაწყვეტილებაა, უპრიანი იქნება დაინიშნოს არჩევნები. მე ვკითხე ბატონ ალიოშას, ეს იყო თუ არა მისი საბოლოო გადაწყვეტილება, რადგან მესამეჯერ ხდება, როცა რექტორი ითხოვს უფლებამოსილების შეჩერებას. მან დამიდასტურა, რომ ეს არის საბოლოო გადაწყვეტილება. ის მაქსიმალურად ცდილობდა საბჭოს წევრების დარწმუნებას, რომ ეს იყო ყველაზე სწორი გადაწყვეტილება.
რაზე შეთანხმდით საბჭოს წევრები?
ხვალ შეიკრიბება საბჭო და ვიმსჯელებთ, ანუ პროცესი დასრულებული არ არის. საბჭოს ჯერ არც საკონკურსო პირობები გამოუცხადებია.
გუშინ რატომ არ მიიღეთ საბჭოს წევრებმა გადაწყვეტილება რექტორის განცხადებასთან დაკავშირებით?
საათზე მეტ ხანს ვისმენდით ბატონი ალიოშას მოტივაციას, თუ რატომ გადაწყვიტა ასე. ხანგრძლივი საუბრის შემდეგ საბჭო დაიშალა და პირადად მე დამრჩა შთაბეჭდილება, რომ შეთავაზება ყველასთვის გასაგები გახდა. დამატებითი მსჯელობა აღარ გამართულა, ბატონი ალიოშაც გადაიღალა. ვფიქრობ, რომ ბატონმა ალიოშამ მოახერხა საბჭოს დარწმუნება მისი პოზიციის სისწორეში.
არ იქნებოდა სწორი გუშინვე მიგვეღო გადაწყვეტილება, უნივერსიტეტი ახლა დიდი გამოწვევის წინაშეა, დიდი კონკურენციაა, წელს უნივერსიტეტმა უნდა გაიაროს აკრედიტაცია, ამიტომ რექტორის კანდიდატების კრიტერიუმების განსაზღვრის, ან როდის გამოცხადდეს და ჩატარდეს არჩევნები, ისე რომ უნივერსიტეტმა მინიმალური ზიანი მიიღოს, ამის განხილვის დრო გუშინ არ იყო.
გუშინ დღის პირველ ნახევარში „ბათუმელების“ ჟურნალისტი რექტორს შეუთანხმდა ინტერვიუზე, დღეს რექტორს უნდა ესაუბრა უნივერსიტეტის 2015 წლის სტრატეგიული განვითარების გეგმაზე, დღის მეორე ნახვარში კი რიგგარეშე საბჭოს სხდომა მოიწვია და უფლებამოსილების შეჩერება ითხოვა. როგორ ფიქრობთ, როცა ინტერვიუზე დაგვთანხმდა, მას გადაწყვეტილი ჰქონდა წასვლა?
სიმართლე გითხრათ, ეს ჩემთვისაც გაუგებარია. ამ კითხვაზე პასუხი დღეს არ მაქვს.
ავადობის აქტიური გამოვლენის მიზნით სკრინინგი ჩაუტარდა 43 206 სკოლისა და საბავშვო ბაღის აღსაზრდელს;
C ჰეპატიტის დიაგნოსტირერება ჩაუტარდა 3 000 ბენეფიციარს;
ფარისებრი ჯირკვლის პათოლოგიებზე გამოკვლეულ იქნა 1 314 ორსული;
კიბოსა და კიბოსწინა დაავადებების დიაგნოსტიკა ჩაუტარდა 1 707 ბენეფიციარს.
104 სოფლის ექიმს გაეზარდა შრომის ანაზღაურება, მთაში _ 300 ლარით, ბარში _ 150 ლარით;
ხულოს, შუახევისა და ქედის მუნიციპალიტეტების სოფლის ექიმებისათვის შეძენილ იქნა 21 ავტომანქანა.
მოსახლეობის უფასო სამედიცინო გამოკვლევები ჩატარდა აჭარის 5 მუნიციპალიტეტის 17 სოფელში, 5 – ჯერ ბათუმში;
ჩატარდა სისხლის უანგარო დონაციის 8 აქცია, ლეიკემიით დაავადებული ბავშვების დასახმარებლად და სისხლის ბანკის შესავსებად;
თურქეთის რესპუბლიკაში სტაჟირებაზე გაიგზავნა სამედიცინო ფაკულტეტის 7 კურსდამთავრებული და 1 მოქმედი ექიმი კვალიფიკაციის ასამაღლებელი კურსის გასავლელად.
2014 წელს სამინისტროს პროგრამული ბიუჯეტი 6 049 339 ლარი იყო, საზ. ჯანდაცვის პროგრამული ბიუჯეტი – 351 548 ლარი, დასაქმების სააგენტოს პროგრამული ბიუჯეტი – 12 400 ლარი.
ლილი მორჩაძე: „ საშინელი ფაქტი მოხდა, აუცილებლად უნდაგამოიძიონ ეს ფაქტი. ჩვენი აქ დგომა არის პროტესტი იმ საშინელი ტრაგედიების მიმართ, რაც ქვეყანაში ხდება“
ნინო ბარამიძე: „ჩემი მოქალაქეობრივი ვალია, რომ აქ ვიდგეთ. ამაზე საშინელი აღარ ვიცი რა უნდა დაგვემართოს. არ მესმის იმ ადამიანების, რომლებიც ახლა სახლში ზიან“.
ნარგიზ გიორგაძე: „ის რაც მოხდა, ორივე ხელისუფლების სირცხვილია, ყოფილისაც და მოქმედისაც. ორივეს დიდი პასუხისმგებლობა ეკისრება. ვაზაგაშვილის ტრაგედია ყველა ოჯახის ტრაგედიაა. დაუცველობს განცდა გამიჩნდა უკვე“.
ბადრი ცინცქილაძე: „აქ ვდგავარ როგორც მოქალაქე და გამოვხატავ სოლიდარობას ვაზაგაშვილის ოჯახის მიმართ. ეს არის ცინიზმი. გვინდა საკუთარი შვილის საფლავებზე დაგაკლავთ და ისე მოგექცევით, როგორც გვინდაო. ეს არის ხელისუფლების გამოწვევა და თუ ხელისუფლება ამ ყველაფერს სათანადოდ არ უპასუხებს, მისთვის ძალიან ცუდი იქნება. ეს არის შედეგი იმ არაპროფესიონალური და არასამართლებრივი მიდგომისა, რასაც ხელისუფლება ავლენს ყველაფრის მიმართ. ადამიანებმა ვერ დაიბრუნეს დაკარგული ქონება, ვერ აღადგინეს სამართლიანობა. ყველა ის მოლოდინი, რაც ჰქონდათ ადამიანებს ხელისუფლების ცვლილების შემდეგ, გაქრა. სამართალდამცავებში ის ხალხი დარჩა, ვინც გუშინ დანაშაული ჩაიდინა. ყველამ პასუხი უნდა აგოს ამ ტრაგედიაზე“.
თემურ კახიძე: „ეს არის უსამართლობა და ცინიზმის მწვერვალი. ვფიქრობ, ეს ყველა ჩვენგანის ბრალია, რადგან ხელისუფლება იქამდე მივა, სადამდეც საზოგადოება მიუშვებს. სამოქალაქო საზოგადოება თავის ადგილზე უნდა დადგეს“.
დავით ჩხარტიშვილი: „ჩვენც ამ შოკირებული საზოგადოების ნაწილი ვართ, რომელსაც სურს, რომ არ განმეორდეს მომავალში მსგავსი რამ“.
იური ვაზაგაშვილი 20 იანვარს კასპის რაიონში, სოფელ ყარაფილაში, შვილის, ზურაბ ვაზაგაშვილის სასაფლაოსთან მომხდარი აფეთქებისას დაიღუპა. ვაზაგაშვილის გარდაცვალების ფაქტზე მთავარმა პროკურატურამ გამოძიება სისხლის სამართლის კოდექსის 109-ე მუხლით [რაც გულისხმობს განზრახ მკვლელობას დამამძიმებელ გარემოებაში] დაიწყო.
იური ვაზაგაშვილი შვილის, 2006 წლის 2 მაისს თბილისში, ”დინამოს” ყოფილი კორტების ტერიტორიაზე, სპეცოპერაციის დროს მოკლული ზურაბ ვაზაგაშვილის და ალექსანდრე ხუბულოვის მკვლელობის ფაქტის ხელახალ გამოძიებას ითხოვდა.
დავის საგანია „საქართველოს საარჩევნო კოდექსის” ის ნორმები, რომელთა თანახმადაც, ადგილობრივი თვითმმართველობის არჩევნებში მერობისა და გამგებლობის კანდიდატის წარდგენის უფლება აქვს მხოლოდ პოლიტიკურ პარტიას და საარჩევნო ბლოკს.
მოსარჩელეებს მიაჩნიათ, რომ ისინი მოკლებულნი არიან შესაძლებლობას, იყვნენ ხუთკაციანი საინიციატივო ჯგუფის წევრები და დაასახელონ ქალაქ თბილისის მერობის კანდიდატი ან იყვნენ დასახელებული ასეთი საინიციატივო ჯგუფის მიერ.
მათი აზრით, საინიციატივო ჯგუფის მიერ დასახელებული კანდიდატის წარდგენა ამომრჩეველს აძლევს შესაძლებლობას, არჩევით თანამდებობაზე იყოლიოს პირი, რომელიც თავისუფალი იქნება პარტიული ვალდებულებებისგან. ამიტომაც საინიციატივო ჯგუფს მიაჩნია, რომ მათ უნდა ჰქონდეთ მერობის კანდიდატის დასახელების უფლება. მათი აზრით, ეს შეზღუდვა საქართველოს კონსტიტუციის 28-ე და 29-ე მუხლს ეწინააღმდეგება [სახელმწიფო თანამდებობის დაკავების უფლება].
მოქალაქეების უფლებებს სასამართლოში საქართველოს ახალგაზრდა იურისტთა ასოციაცია და სამართლიანი არჩევნები წარმოადგენენ.
რექტორი უფლებამოსილების შეწყვეტას საბჭოს წევრებს სთხოვს, მიზეზად კი ჯანმრთელობის მდგომარეობას ასახელებს. რექტორის პირადი მობილური ტელეფონის ნომერი, რომლითაც გუშინ სარგებლობდა, დღეს გამორთულია. “ბათუმელებმა” მასთან დაკავშირება ვერ მოახერხა.
ბათუმის შოთა რუსთაველის სახელმწიფო უნივერსიტეტის რექტორის პირველი მოადგილე ირაკლი ბარამიძე ამჟამად თბილისში იყოფება, ის საქართველოს პრეზიდენტს ხვდება. გიორგი მარგველაშვილს დღეს უნივერსიტეტის რექტორებთან აქვს შეხვედრა. ამ შეხვედრას ბათუმის უნივერსიტეტიდან რექტორის პირველი მოადგილე ესწრება.
“ბათუმელების” ინფორმაციით უნივერსიტეტის აკადემიური საბჭო 22 ან 23 იანვარს შეიკრიბება და მიიღებს გადაწყვეტილებას, შეუჩერდება თუ არა რექტორს უფლებამოსილება.
ალეკო ბაკურიძე ბათუმის შოთა რუსთაველის უნივერსიტეტის რექტორია 2008 წლიდან. უნივერსიტეტის რექტორმა გადადგომის შესახებ აკადემიურ საბჭოს 2014 წელსაც მიმართა, თუმცა საბჭომ რექტორის თხოვნა არ დააკმაყოფილა.
დოკუმენტაცია მიიღება 2015 წლის 6 თებერვლიდან – 11 თებერვლის ჩათვლით; კრედიტების აღიარება მოხდება 2015 წლის 12-13 თებერვალს; სტუდენტებს აღიარებული კრედიტების გაცნობა 2015 წლის 16 თებერვალს შეეძლებათ.
სხვა უმაღლესი სასწავლებლებიდან ბსუ-ში გადმოსვლის მსურველებმა უნდა წარმოადგინონ შემდეგი საბუთები:
განცხადება; პირადობის დამადასტურებელი მოწმობის ასლი; სრული ზოგადი განათლების მიღების დამადასტურებელი დოკუმენტის ასლი; სასწავლო ბარათის დამოწმებული ასლი/აკადემიური ცნობა სტუდენტის მიერ ათვისებული კრედიტების შესახებ; საგანმანათლებლო დაწესებულებაში ჩარიცხვის ბრძანების დამოწმებული ასლი; უცხო ქვეყანაში მიღებული განათლების აღიარების დამადასტურებელი დოკუმენტის ასლი (ასეთის არსებობის შემთხვევაში).
საბუთების მიღება იწარმოებს 2015 წლის 6 თებერვლიდან 11 თებერვლის ჩათვლით.
უნივერსიტეტში დაიწყო შიდა მობილობის – ფაკულტეტის შეცვლისა და აღდგენის წესით ჩარიცხვის პროცესიც. შიდა მობილობით დანტერესებულ სტუდენტებს დოკუმენტაციის წარდგენა უნივერსიტეტის კანცელარიაში შეუძლიათ 2015 წლის 26 იანვრიდან 30 იანვრის ჩათვლით. კრედიტების აღიარება მოხდება 2015 წლის 2 თებერვლიდან 4 თებერვლის ჩათვლით; სტუდენტებისათვის აღიარებული კრედიტების გაცნობა მოხდება 2015 წლის 5 თებერვალს.
ბსუ–ში აღდგენის წესით ჩარიცხვის მსურველმა სტატუსშეჩერებულმა/სტატუსშეწყველილმა პირებმა უნდა წარმოადგინონ შემდეგი საბუთები:
განცხადება; პირადობის მოწმობის ასლი; სტუდენტის სასწავლო ბარათის დამოწმებული ასლი/აკადემიური ცნობა სტუდენტის მიერ ათვისებული კრედიტების შესახებ; სტუდენტის სტატუსის შეჩერების/შეწყვეტის ბრძანების ასლი.
ფაკულტეტის შეცვლის მსურველმა ბსუ–ს სტუდენტმა უნდა წარმოადგინოს შემდეგი საბუთები:
განცხადება; პირადობის დამადასტურებელი მოწმობის ასლი; სტუდენტის სასწავლო ბარათის დამოწმებული ასლი/აკადემიური ცნობა სტუდენტის მიერ ათვისებული კრედიტების შესახებ; ცნობა სტუდენტის სტატუსის შესახებ.
ფინანსური დავალიანების გამო სტატუსშეწყვეტილი/სტატუსშეჩერებული პირის აღდგენის წესით ჩარიცხვა განხორციელდება მხოლოდ იმ შემთხვევაში, როცა აღდგენის წესით ჩარიცხვის მსურველი სრულად დაფარავს ფინანსურ დავალიანებას – აღნიშნულია უნივერსიტეტის ვებგვერდზე გამოქვეყნებულ განცხადებაში.
ძალიან დიდი, უდიდესი, გენიალური, აუცილებლად წასაკითხი წიგნია „ნუ მოკლავ ჯაფარას“. ისეთი წიგნია, მის უდიდესობაში არავის რომ არ შეეპარება ეჭვი. ანუ გემოვნება ლიტერატურაში, ისევე, როგორც ყველაფერში, მაინც სუბიექტური რამაა, მაგრამ გვჯერა, არ არსებობს ადამიანი, რომელიც იტყვის, რომ „ჯაფარა“ არ არის დიდი და ღირებული წიგნი. ყოველ შემთხვევაში, ასეთ ადამიანს ჩვენ არ ვიცნობთ.
ამ წიგნის არსიყვარული, უბრალოდ, შეუძლებელია. არც გულგრილად დარჩენაა მთლად შესაძლებელი. „ჯაფარას“ ხალხი, პატარა ქალაქის ბინადრები პირველივე გვერდებიდან დასახლდებიან თქვენს გულებში, გაგახსენებენ დიდი ხნის დავიწყებულ ამბებს და სამუდამოდ იქ დარჩებიან, თავიანთი სიხარულით, სირთულეებით, მორალური დილემებით…
„ნუ მოკლავ ჯაფარას“ მთელი ამბავი ერთი პატარა, ამერიკული ქალაქის ცხოვრების ამბებია, რომელსაც პატარა გოგონა, ჭყიტა გვიამბობს. ჭყიტა ყვება თავის ოჯახზე, მეზობლებზე, ნაცნობებზე ამბებს ყველასთვის გასაგები, პატარა გოგოს ენით, მაგრამ უნდა იცოდეთ, ეს რა ამბებია. უნდა იცოდეთ, რა ქარიშხლები დაატრიალა ამ წიგნმა და რა გადატრიალებები მოახდინა.
ეს წიგნი მაშინ დაიწერა, როცა აფროამერიკელების პრობლემა ჯერ კიდევ ძალიან მწვავედ იდგა ამერიკაში. ჰარპერ ლიმ, წიგნის ავტორმა, შესანიშნავმა ქალმა კი ამ დაძაბულ ვითარებაში გვიამბო თავისი ბავშვობის ამბები და ამ გზით თქვა, რომ სამართალი, უფლებები, კანონი, წესრიგი, სახელმწიფო ყველასთვის ერთია, მიუხედავად კანის ფერისა და რასობრივი და ეთნიკური კუთვნილებისა. თქვა, რომ თეთრკანიანები იყვნენ საოცრად, განურჩევლად უსამართლოები. თქვა, რომ არავის არა აქვს უფლება, დაჩაგროს მეორე ადამიანი და გამოიყენოს მისი მძიმე მდგომარეობა. კიდევ ბევრი რამე თქვა ჭყიტამ, ბევრი ხარბად დასამახსოვრებელი რამ.
„ჯაფარა“ არ არის მეორე „ბიძია თომას ქოხი“. ის არ ქადაგებს მხოლოდ თანასწორობას. ეს წიგნი სიყვარულის ყველაზე კარგი სახელმძღვანელოა. და არა მხოლოდ სიყვარულის, სამართლიანობის. სამართლიანობა ისეთი საკამათო ცნებაა, ხშირად ალბათ ყველას ეპარება ეჭვი, სამართლიანად იქცევა თუ არა. საკმარისია, ჯაფარა წაიკითხოთ და ყველა კითხვაზე იპოვით პასუხს, ყველა ეჭვი გაქრება.
ჭყიტას მამა, ატიკუს ფინჩი კი, ყველაზე მაგარი მამაა, რომელზეც კი ოდესმე წიგნი დაწერილა. მამა, რომელიც ვერც მაგრად დარბის, ვერც კუნთებით დაიკვეხნის, დიდად არც ენის მოჩლექა უყვარს, მაგრამ იცით რატომ არ უჩლექს თავის შვილებს ენას? იმიტომ, რომ ჭყიტა და ჯემი, მიუხედავად მათი მცირე ასაკისა, ზუსტად ისეთივე სრულუფლებიანი ადამიანები არიან, როგორც თავად ადვოკატი, ყველასათვის პატივცემული ატიკუს ფინჩი. იმიტომ, რომ არ შეიძლება, ბავშვები გააჩუმო, მოატყუო, რამე დაუმალო, ყველაფერი არ აუხსნა. ატიკუსი არის მამა, რომელზეც ყველა მშობელმა უნდა წაიკითხოს. ატიკუსი მსოფლიოში ყველაზე სამართლიანი კაცია, იმიტომ, რომ იცის – არ შეიძლება ადამიანების განსჯა. არ შეიძლება ვინმეს დამცირება. არ შეიძლება, ქვეყანაზე სიკეთემ აღარ იარსებოს. არ შეიძლება, დახმარება შეგვეძლოს და არ დავეხმაროთ. არ შეიძლება, არავითარ შემთხვევაში არ შეიძლება, ადამიანებს იმედი მოვუსპოთ და ცილი დავწამოთ, არ შეიძლება, მოვკლათ უწყინარი ჯაფარა.
უნივერსიტეტის აკადემიური საბჭო ალეკო ბაკურიძემ 20 იანვარს მოიწვია. საბჭოს წევრის, მალხაზ ნაკაშიძის ინფორმაციით, რექტორმა უფლებამოსილების ვადამდე შეწყვეტის მიზეზად ჯანმრთელობის მდგომარეობა დაასახელა.
“ალბათ უახლოეს ორ დღეში გაიმართება სხდომა. ვინაიდან მოვალეობის შესრულების, ახალი არჩევნების გამოცხადების, საკვალიფიკაციო პირობების შესახებ საკითხები მოითხოვდა დაზუსტებას, დღეს არ იქნა მიღებული საბოლოო გადაწყვეტილება”, – აღნიშნა მალხაზ ნაკაშიძემ “ბათუმელებთან”.
ალეკო ბაკურიძე ბათუმის შოთა რუსთაველის უნივერსიტეტის რექტორია 2008 წლიდან. უნივერისტეტის რექტორმა გადადგომის შესახებ აკადემიურ საბჭოს 2014 წელსაც მიმართა, თუმცა საბჭომ რექტორის თხოვნა არ დააკმაყოფილა.
ქალბატონო სვეტლანა, თქვენ „ფეისბუკის“ გვერდზე გააზიარეთ ბიზნესმენ ლევან ვასაძის მოსაზრება, არასამთავრობო ორგანიზაციებისთვის უცხოური დაფინანსების შეზღუდვასთან დაკავშირებით. ეთანხმებით ლევან ვასაძეს თუ აპროტესტებთ?
ვიზიარებ და იმიტომ. რომ არ ვიზიარებდე, რატომ გავავრცელებდი.
შეგიძლიათ უფრო დაგვიკონკრეტოთ, რას იზიარებთ?
ვასაძე ამბობს, რომ აუცილებლად მისაღებია კანონი არასამთავრობო ორგანიზაციების უცხოური დაფინანსებასთან დაკავშირებით. საერთოდ, მე თუ მკითხავთ, მომხრე ვარ რომ სახელმწიფომ იზრუნოს გრანტებზე, რადგან სახელმწიფოზე უკეთესად არავინ არ იცის რა სჭირდება ქვეყანას.
თქვენი აზრით, არასამთავრობო ორგანიზაციები სახელმწიფომ უნდა დააფინანსოს?
მე ასე მიმაჩნია.
ბიუჯეტიდან დაფინანსებული ორგანიზაციები როგორ გააკონტროლებენ ხელისუფლებას?
რადგან უცხოური დაფინანსებაა, ის უფრო თავისუფალია?! მე მიმაჩნია, რომ მაინც სახელმწიფო აკონტროლებს.
ქალბატონო სვეტლანა, თქვენ წლების განმავლობაში იყავით არასამთავრობო ორგანიზაციის წარმომადგენელი, ურთიერთობა გქონდათ დონორ ორგანიზაციებთან, მათ შორის საერთაშორისო საქველმოქმედო ორგანიზაცია „კარიტასთან“, რომელიც გეხმარებოდათ ღამის თავშესაფრის შენახვაში, ამის მიუხედავად, მაინც ფიქრობთ, რომ უცხოეთიდან დაფინანსებული ორგანიზაციები ქვეყნისთვის საფრთხეა?
1993 წლიდან არსებობს ჩემი ორგანიზაცია და ჩემს ორგანიზაციას ერთი დოლარი არ აქვს გრანტის სახით მიღებული. ფართი მქონდა სახელმწიფოსგან უსასყიდლოდ გადმოცემული და ამ ფართს ვაქირავებდი. შენობის ნაწილი გადავეცი „კარიტასს“, რომელმაც გახსნა ღამის თავშესაფარი უსახლკარო ადამიანებისთვის. ახლა მე ვარ „სამარიტელთა ქისა“-ს კოორდინატორიც, რომელიც საქართველოში ბავშვებისთვის საჩუქრებს აგზავნის და ჩვენ ვარიგებთ.
მე არ ვამბობ, რომ ყველა საერთაშორისო ორგანიზაცია ქვეყნისთვის საშიშია, რა სისულელეა. მაგრამ არის ასეთებიც.
რომელ ორგანიზაციას გულისხმობთ, შეგიძლიათ დააკონკრეტოთ?
მაგას ვერ დაგისახელებთ, რადგან რომ დავასახელო, მაშინ ხელში უნდა გქონდეს რაიმე საბუთი.
იმაშიც იზიარებთ ლევან ვასაძის მოსაზრებას, რომ ეს უცხოური ორგანიზაციები „ძირს უთხრისოჯახს, ტრადიციასდაწესიერებას“?
ყველაზე არ არის ლაპარაკი, ვიმეორებ. რომ დავაკონკრეტო, ხელში უნდა მქონდეს დამადასტურებელი საბუთი.
თუ არ არსებობს დოკუმენტები, ფაქტები, მაშინ რაზე დაყრდნობით საუბრობთ დონორი ორგანიზაციების მტრობაზე?
მე პრემიერ-მინისტრის ირაკლი ღარიბაშვილის გამოთქმას უფრო დავეთანხმე, ვიდრე ვასაძის, სადაც პრემიერი ამბობს, რომ უცხოეთიდან დაფინანსებული არასამთავრობო ორგანიზაციებიის ნაწილი ქვეყნის მტრები არიანო და არიან ასეთები.
თქვენ პირადად მოსმენილი გაქვთ ირაკლი ღარიბაშვილი ეს ციტატა?
მე პირადად არა, ვასაძის ნათქვამს დავეყრდენი და ვენდე.
თქვენ ხელისუფლების წარმომადგენელი ხართ, თუ იცით, საქართველოს ბიუჯეტში რა პროცენტს შეადგენს უცხოური გრანტების წილი?
„შეხვედრის მიზანია შედგეს კონსტრუქციული დიალოგი მხარეებს შორის. ამ შემთხვევაში მხარეები არიან მეთევზეები და სახელმწიფო სტრუქტურები, კერძოდ სანაპირო დაცვის სამსახური, გარემოს დაცვის ზედამხედველობის დეპარტამენტი და საზღვაო ტრანსპორტის სააგენტო. ეს ის სტრუქტურებია, რომლებიც გამოსცემენ ბრძანებებს და არიან ამ ბრძანების შესრულებაზე პასუხისმგებელნი. კომუნიკაცია სახელმწიფო სტრუქტურებსა და მეთევზეებს შორის არის დაბალი.
საზღვაო ტრანსპორტის სააგენტო გამოსცემს ბრძანებებს, მაგრამ ამ ბრძანებებში არის ისეთი სამაშველო საშუალებების აღჭურვილობა, რომელთა შეძენა ამ ეტაპისთვის მეთევზეებს უჭირთ,“ – ამბობს შეხვედრის ერთ-ერთი მომხსენებელი „ტრადიციულ მეთევზეთა ასოციაციის თავმჯდომარე“ დავით ბაგრატიონი.
შეხვედრაზე მეთევზეებმა თავიანთი პრობლემების შესახებ ისაუბრეს. ძირითადად ისინი ახალ რეგულაციებს აპროტესტებდნენ, რომლის მიხედვითაც ნავზე რაციები და სამაშველო აღჭურვილობები უნდა ჰქონდეთ. მეთევზეთა თქმით, მათ ამის შეძენის საშუალება არ აქვთ.
„ორი დღის წინ დამაჯარიმეს, ფანარი არ მქონდა. ღამის განათება ნავზე კი მაქვს, მაგრამ გულზე უნდა გქონდესო. 300 ლარით დამაჯარიმა სანაპირო დაცვამ, მაგრამ ხელი არ მოვაწერე და გადახდასაც არ ვაპირებ,“ – ამბობს მეთევზე ჯიმშერ ტეტემაძე.
გარდა ამ პრობლემისა, შეხვედრაზე დაისვა ნავების რეგისტრაციის საკითხი. მეთევზეთა თქმით, ნავის რეგისტრაცია ყოველ წელს თავიდანაა საჭირო, რაც მათთვის დამატებითი ხარჯია.
საზღვაო ტრანსპორტის სააგენტოს წარმომადგენელთა თქმით, რეგულაციები მეთევზეთა უსაფრთხოებისთვის შემოიღეს.
„ეს ყველაფერი იმისთვის კეთდება, რომ ნაოსნობის უსაფრთხოება დარეგულირდეს. როდესაც კანონი შედიოდა ძალაში, ეს იყო 2013 წლის 15 დეკემბერი, ყველასთან არ დავრეკეთ, მაგრამ მეთევზეთა წარმომადგენლებს ვესაუბრეთ. ტერიტორიების მიხედვით შევარჩიეთ. ისინი მოვიწვიეთ, ვინც შეძლებდა ინფორმაციის მიწოდებას მეთევზეებისთვის. იმ დროისთვის წინააღმდეგობა არავის გაუწევია. გარდამავალი დებულებების სახით იყო შესული და ძალაში შედის ორი წლის შემდეგ, ანუ 2016 წლის დეკემბერში. მივეცით საკმაო დრო, რომ მომზადებულიყვნენ მეთევზეები. მინიმალური მოთხოვნები დავუწესეთ და ამაზეც პრეტენზია აქვს. სამაშველო ჟილეტები და რაცია, რაც ადამიანის სიცოცხლესთან დაკავშირებული აღჭურვილობაა,“ – ამბობს საზღვაო ტრანსპორტის სააგენტოს გემების რეგისტრაციის სამმართველოს უფროსი სოფიო გოგიძე.
მისივე თქმით მიმდინარე წელს ნავების რეგისტრაციის საკითხიც გამარტივდა, კერძოდ ნიჩბიანი ნავების რეგისტრაცია უფასო გახდა.
„ნიჩბიან ნავებთან დაკავშირებით ჩვენ უკვე შემოვიღეთ უფასო მომსახურება. გავითვალისწინეთ მათი ეკონომიკური მდგომარეობა. ყოველწლიურად კეთდება იმიტომ, რომ ამას კანონი გვავალდებულებს. რეგისტრაციის განახლება ნიშნავს შემოწმებას, არის თუ არა მცურავი საშუალება ტექნიკურად გამართული. ანუ ისევ უსაფრთხოების თვალსაზრისით კეთდება. მოვიდნენ წარმომადგენლები სააგენტოში, დავილაპარაკებთ და ვნახავთ რამდენადაც შესაძლებელი იქნება მათი თხოვნის დაკმაყოფილება,“- ამბობს სოფიო გოგიძე.
მეთევზეთა და სახელმწიფო სტრუქტურების წარმომადგენელთა შეხვედრა პროექტ „საქართველოში ტრადიციულ მეთევზეთა ინტერესების დაცვის“ ფარგლებში გაიმართა. პროექტის ფინანსური მხარდამჭერი ევროკომისიაა.
საბავშვო ბაღი ამ დროისთვის დახურულია, შენობის კედლებზე წარმოქმნილი ბზარების გამო. არის თუ არა შენობის კედლებზე გაჩენილი ბზარები საშიში, ამას ექსპერტიზა დაადგენს. ექსპერტიზის დასკვნა, როგორც საბავშვო ბაღების გაერთიანებაში აცხადებენ, ათ დღეში გახდება ცნობილი.
საბავშვო ბაღში 36 ადამიანია დასაქმებული. იმ შემთხვევაში, თუკი საბავშვო ბაღში აღმზრდელობითი პროცესი რამდენიმე თვის განმავლობაში შეჩერდება, ბაღის თანამშრომლები კუთვნილ ანაზღაურებას მაინც მიიღებენ:
„ამ ბაღის ბედი სამხარაულის ექსპერტიზის ეროვნული ბიურის დასკვნის შემდეგ გადაწყდება. თუკი უარყოფითი დასკვნა დაიდება, ამის შემდეგ აღსაზრდელებს მიმდებარე საბავშვო ბაღებში გადავანაწილებთ. თანამშრომლებს კი, შრომის კოდექსის თანახმად, ეკუთვნით ხელფასი და მიიღებენ, თუნდაც ბაღი ერთი წლის განმავლობაში იყოს გახურული“- აცხადებს ბაღების გაერთიანების ხელმძღვანელი ნატალია ზაქარეიშვილი.
27-ე საბავშვო ბაღი ექვსჯგუფიანია და მასში 200-მდე აღსაზრდელი ირიცხება.
საბავშვო ბაღი ბათუმში, ლერმონტოვის ქუჩაზე მდებარეობს. 2013 წელს ბაღის მშენებლობაზე, ერთ მილიონ ლარზე მეტი დაიხარჯა.
როცა ჩვენმა ფრაქციამ თქვენი ერთწლიანი საქმიანობის შედეგები განიხილა, დიდი ბზარი და სხვაობა აღმოაჩინა მოსახლეობის მოლოდინსა და რეალობას შორის.
ასლან ტუნაძე
დავიწყოთ იმით, როცა 2014 წლის ბიუჯეტი შეადგინეთ და თქვენი უცოდინრობით თუ გამოუცდელობით, ხულოს მუნიციპალიტეტმა ოთხი მილიონით ნაკლები დაფინანსება მიიღო. მაშინ ერთი ვაი-ვიში ატეხეს არასამთავრობოებმა, ინფორმირებული მოსახლეობის ნაწილმა და რამდენჯერ მოგიხდათ თავის მართლება, რომ ეს ასე არ იყო…. სამწუხაროდ, ფაქტი ფაქტად დარჩა, მუნიციპალიტეტი თქვენი მეთაურობით მზად არ აღმოჩნდა პრიორიტეტებით გათვალისწინებული დიდი პროექტების განსახორციელებლად, ცუდი მენეჯმენტის გამო 2014 წლის ბიუჯეტით გათვალისწინებული პროექტების მნიშვნელოვანი ნაწილი ვერ შესრულდა და მილიონრვაასიათასზე მეტი ლარი ასათვისებელი დარჩა, რამაც, ცხადია 2015 წლის ბიუჯეტზეც უარყოფითი გავლენა მოახდინა და იგი დაახლოებით ,,სამი მილიონით შემცირდა“, რასაც თქვენ არ აღიარებთ და ჯიუტად იძახით, არაფერი დაკარგულაო.
ცუდია, თუ ეს ფაქტი მართლა ასე გგონიათ, კიდევ უფრო დასანანი ის არის, თუ ხვდებით, რომ ხულოს მუნიციპალიტეტმა გამგეობის ცუდი მუშაობის გამო მილიონები დაჰკარგა და თქვენ მაინც ცრუობთ: არ დაგვიკარგავსო!!! აქვე ჩნდება ლოგიკური კითხავა: როცა გამგეობა ვერ ითვისებს სახელმწიფოს მიერ დაფინანსებულ პროექტებს და წლის ბოლოს მილიონობით ნაშთი რჩება ბიუჯეტში, მაშინ რისთვის გასცემთ პრემიებს 100%-ით ყველა თანამშრომელს?! (არჩევნებში ,,წარმატებული“ მუშაობისთვის ხომ არა?) იმისთვის ხომ არა ბოლო წლებში უსახურმა და უკანონო მშენებლობებმა რომ იმატა? სანამ გამგეობა კადრების ,,როტაციით“ იყო დაკავებული, ყველამ, ვისაც სურვილი და შესაძლებლობა ჰქონდა, ისე ჭრა და ისე კერა, როგორც მისი გემოვნება გასწვდებოდა…. თქვენ კი ჯერაც არ გეტყობათ არჩევნების ეიფორიიდან გამოფხიზლება.
ხულოს გამგებლობა უკიდურესად რთული საქმეა, ამიტომ იყო, რომ დამოუკიდებლობის 24 წლიან პერიოდში ოც პიროვნებას მოუხდა ამ თანამდებობაზე თავისი შესაძლებლობების გამოცდა, ამათგან ორმა-სამმა თუ გადალახა ორ წლიანი ზღვარი, დანარჩენებმა ოთხი თვიდან 15 თვემდე თუ მიატანეს. თქვენ ერთი გამგებლობის ვადა ამოწურეთ უკვე და კიდევ თითქმის სამი წელი გაქვთ დარჩენილი უფლებამოსილების ამოწურვამდე. თუ დაფიქრებულხართ, რა რთული ეტაპები დაგრჩა გასვლელი?! ასეთი დასწყისით კი გაგიჭირდებათ ამ მარათონის გავლა იმიტომ, რომ ხულოელი ამომრჩეველი არ გაპატიებს იმ თავნებობებს და ამბიციებს, რაც უკვე გამოავლინეთ ამ ერთ წელიწადში…
იმაზე აღარაფერს ვამბობთ, ,,ერთი წელია რომ ფიქრობთ“ უსახლკაროდ დარჩენილი მრავალსულიანი ოჯახის დახმარებაზე! ან დახმარების სათხოვნელად მოსულ მოქალაქეებს რომ არხეინად ისტუმრებთ უარით: ,,მე გამგებლობაზე კენჭის ყრას აღარ ვაპირებო“. ე.ი. ქვეცნობიერად ეუბნებით, თქვენი მხარდაჭერა აღარ მჭირდებაო!!! ეს ყველაფერი წვეთწვეთობით ამცირებს ისედაც გაძარცვულ თქვენს რეიტინგს და ეჭვიანობის, უნდობლობის მორევში გითრევთ თანდათან.
მოსახლეობის მოთმინების ფიალაში ბოლო წვეთის ფუნქცია შესარულა თქვენს მიერ ჩატარებულმა საჯარო მოხელეთა შესარჩევმა ე.წ. კონკურსმა, სადაც ყველა თქვენმა უარყოფითმა ხასიათმა, პოლიტიკურმა თავხედობამ და შურისგების მანიამ მოიყარა თავი. თქვენთვის პოლიტიკურ ოპონენტებად მიჩნეულ და გამგებლის არჩევნებში მეტოქის მომხრე კონკურსანტებს ფსიქოლიგიური ტერორი მოუწყე და ლამის ეშაფოტზე გაატარე, შეურაცხყე და ადამიანური ღირსება შეულახე. რამდენიმე კონკრეტული ფაქტი რომ არ გაგახსენოთ, მკითხველი სწორად ვერ გაიგებს ჩვენ შეფასებებს…
დიდაჭარის ადმინისტრაციულ ერთეულში გამგებლის წარმომადგენლის პოზიციაზე კონკურსში მონაწილეობდა ასლან ხოზრევანიძე, წინა მოწვევის საკრებულოს ერთ-ერთი კომისიის წარმატებული (ენჯეოებმა მისი მუშაობა შეაფასეს და კომპიუტერით დააჯილდოვეს) თავმჯდომარე, მანამდე სკოლების დირექტორთა კონკურსში გამარჯვებული დირექტორი, თემის რწმუნებული და ა.შ. ასლანმა მეორე ეტაპი გადალახა და 4,1 ქულა მოაგროვა, პოზიციაზე დარჩა კონკურენტის გარეშე. შენმა ,,სოვბესედნიკების’’ კომისიამ კი 2,5 ქულით შეაფასა იგი და გააგდო კონკურსიდან, ,,ვერ გადალახა’’ – პოზიცია ვაკანტური დატოვა. ასლანი შენი კონკურენტის მხარდამჭერი ყოფილა და ამიტომ(!!!) ამას ჩვენში პოლიტიკურ თავხედობას ვეძახით, სამართლებრივად თანამდებობის ბოროტად გამოყენებას. მარტო ამ ერთი ფაქტის იურიდიულ, პოლიტიკურ, ზნეობრივ და პროფესიულ შეფასებას, გაზეთის ერთი ნომერიც არ ეყოფა, თუმცა მკითხველისთვის ყველაფერი აშკარაა, ვისთან გვაქვს საქმე!
მეორე მაგალითი, ერთ-ერთ პოზიციაზე 8 კონკურენტი გავიდა მე-3 ეტაპზე, აქედან სამი არ გამოცხადდა(!!!) გასუბრებაზე, 4-მა ,,ვერ გადალახა“ გასუბრება, ავტომატურად დარჩა ერთი, ვინც ტესტირებაში მიიღო 3,9 ქულა, გასაუბრებაში-3,5 სულ 7,4. ვინც ,,ვერ გადალახა“, ტესტირებაში ჰქონდა 5,3 ქულა, გასუბრებაში დაუწერეთ 2,8 და ,,ვერ გადალახა“. აქ უარყოფილია ტესტირების შედეგები და უპირატესობა მინიჭებული აქვს გასუბრებას. თუ ეს ასე არ არის, შევაჯამოთ 5,3+ 2,8 = 8,1 ამან ,,ვერ გადალახა“ და 7,4-მა გადალახა და თანაც პირველ ადგილზე გავიდა. ე.ი. რა გამოდის, შენმა ,,სოვბესედნიკებმა“, თქვენი მითითებით, არასასურველი კონკურსანტები ხელოვნურად გაანეიტრალეს. ასეთი 12 ფაქტი ფიქსირდება ე.წ. საკონკურსო-საატესტაციო კომისის შემაჯამებელ ოქმში, რაც უზნეობის თვალსაჩინო მაგალითია.
ბატონო ბესიკ! რა შინაარსობრივი განსხვავებაა ,,სტიქიის შედეგად დაზარალებულთა აღრიცხავა-შესწავლის განყოფილების უფროსსა“ და ,,სტიქიით დაზარალებულთა აღრიცხვა-შესწავლის განყოფილების უფროსს“ შორის? კონკურსანტს რომ ამის მეტ შეკითხვას ვერ უნახავ და ,,სტიქიის შედეგად დაზარალებულთა“ სწორია თუ ,,სტიქიით დაზარალებულთა“ ამაზე აუგებ პოლიტიკას, ამას ჰქვია ფსიქოლოგიური ტერორი ,,მოწინააღმდეგის“ მიმართ, ამას ჰქვია დაცინვა ოპონენტზე, ამას ჰქვია შურისძიება კონკურენტზე, რომელიც შენთან ერთად კენჭს იყრიდა გამგებლის თანამდებობაზე. ამ კონკურსმა თვალი აუხილა ხულოელებს, რა ნექტარითაც ხარ მოწამლული-მუნიციპალიტეტის ბიუჯეტი კლანურ-გვაროვნულ ყულაბად მიგაჩნია და გამგეობა საკუთარ კოოპერატივად.
ერთ თემასაც რომ ხაზი არ გავუსვათ, მართალი არ ვიქნებით ,,გაერთიანებული დემოკრატიული მოძრაობის“ მხარდამჭერთა წინაშე. ასეთი უსახური საახალწლო ნაძვის ხე ბოლო 25 წელია ხულოს არ ახსოვს. ადრე აჭარის ტელევიზია პირდაპირ ჩართვას აკეთებდა ხულოდან, აჭარის ა.რ. მთავრობის ხელმძღვანელობა აქედან ულოცავდა ახალ წელს და ესალმებოდა მთელ საქართველოს, სადაც თითქმის ყველა მუნიციპალიტეტში ცხოვრობს ხულოელი ეკომიგრანტი. ზეიმიც ამ ტრადიციის შესაფერისი და შესაბამისი იმართებოდა… არა და ,,ნაძვის ხის“ შესაძენად 17 ათასი ლარის გამოყოფაზე თანხმობა მოგცათ საკრებულომ, ასევე საკრებულომ თანხმობა მოგცა გარკვეული რაოდენობის თანხის გამოყოფაზე საშემოდგომო დღესასწაულის ჩასატარებლად. ვერც ერთს თავი ვერ მოაბით. თუ რომელიმე ჟურნალისტი გკითხავს მოსახლეობის სატკივარზე ,,მოგზავნილის“ იარლიყს აწეპებ, ყველგან მოწინააღმდეგე და მოქიშპე გელანდება, ასეთი უსაფუძვლო ეჭვები, ფობიები კი სახელმწიფოებრივი აზროვნების დეფიციტს გიქმნის, რაც, სამწუხაროდ, თქვენს მიერ გადადგმულ ყოველ ნაბიჯს და საჯარო განცხადებას აშკარად ეტყობა.
მე გთავაზობთ, დროულად დაიწყოთ კონსტიტუციურ ჩარჩოებში მოვალეობის შესრულება, სრულად გაითავისოთ თქვენი თანამდებობრივი პასუხისმგებლობა და აღარ იძალადოთ ოპონენტებსა და მათი ოჯახის წევრებზე, ნუ შეურაცხყოფთ ჟურნალისტებს, დროზე გაეცი საჯარო ინფორმაცია და თქვენი ამბიციებით ნუ დააზარალებთ მუნიციპალიტეტის ბიუჯეტს და პრესტიჟს. ყოველ წუთს გახსოვდეთ, რომ თქვენ ხართ ხულოს მოსახლეობის დაქირავებული მოსამსახურე. განურჩევლად იმისა, მხარი დაგიჭირა თუ არა არჩევნებში, ყური მიუგდე მათ სატკივარს, აჩვენე რომ სამართლიანობა გზას იკვლევს ქვეყანაში. გახსოვდეთ! თქვენი აგრესიული ამბიცია და მიკერძოება, ძალადობა კონკურენტებზე ნაცოინალური მმართველობის გაგრძელებაა და უსასრულოდ გაგრძელდება ეს ბაკქანალია თუ შენი კალიბრის და წონის კარიერისტები კვლავ მოვლენ ხელისუფლებაში…
საკრებულოში, უმრავლესობაშიც საბედნიეროდ, ბევრია ისეთი წევრი, რომელიც ჯანსაღად აფასებს მოვლენებს და ადეკვატური დასკვნები გამოაქვს თქვენი ,,უწყინარი ეშმაკობებიდან“… და თუ ასე ფიქრობთ მუნიციპალიტეტის მართვის გაგრძელებას, გარწმუნებთ, თქვენი პასუხისმგებლობის საკითხი მალე დადგება საკრებულოს განხილვის დღის წესრიგში!!!
„ასევე, მქონდა მოლაპარაკებები ლონდონში რამდენიმე ბათუმელი მხატვრის გამოფენის ორგანიზებასთან დაკავშირებით, რომელიც 2015 წლის მაისის ბოლო კვირას უნდა გაიმართოს.“
აკაკი ძნელაძის განცხადებით, მხატვართა ვინაობა ჯერჯერობით უცნობია: „მხატვრებს, დიდ ბრიტანეთში საქართველოს საელჩო და ბრიტანულ – ქართული პალატა შეარჩევს“.
ირანული მედიის ინფორმაციით, მკვლელობაში ეჭვმიტანილი ირანელმა სამართალდამცავებმა ქვეყნის ჩრდილოეთით, გომიშანის ოლქში დააკავეს. ინტერნეტგამოცემაზე დაყრდნობით, მუჰამადინ როოინთანი ირანში რვა წლის ბიჭის მკვლელობაშიცაა ეჭვმიტანილი. 29 წლის როოინთანი ჩადენილ მკვლელობებს აღიარებს.
შს სამინისტროს პრესსამსახურში აცხადებენ, რომ ირანის მოქალაქის დაკავებაზე ინფორმაციას დაზუსტების შემდეგ მოგვაწვდიან.
მკვლელობაში ეჭვმიტანილი ინტერპოლის მიერ წელიწად-ნახევრის განმავლობაში იძებნებოდა.
საქმე ეხება გარემოს დაცვისა და ბუნებრივი რესურსების სამმართველოს ადმინისტრაციული სამსახურის თანამშრომლის სამსახურიდან გათავისუფლების სასამართლო პროცესს.
ქალბატონის მიმართ განხორციელდა სექსუალური ძალადობა, რის შემდეგაც ის სამსახურიდან გაათავისუფლეს. დღეს სასამართლო პროცესზე წარდგენილი იქნება სახალხო დამცველის რეკომენდაცია, სადაც დადასტურებულია ძალადობის ფაქტი. ქალბატონს „საერთაშორისო გამჭვირვალობა – საქართველო“ და საია იცავს.
„გასულ წელს ბათუმის მერიამ ხახულის ქუჩაზე არსებული არხის გაწმენდა დაიწყო, თუმცა არხი მხოლოდ სანახევროდ იქნა გაწმენდილი. არხი ბოლო რამდენიმე წელია არ გაწმენდილა, რის გამოც ძლიერი წვიმის დროს მოსახლეობას პრობლემები ექმნება“.
დავით ბერიძის თქმით, სანიაღვრე არხთან დაკავშირებით მერიის კეთილმოწყობის სამსახურმა არსებულ კითხვებზე პასუხი უნდა გასცეს: „არხის არც დასაწყისი ნაწილი გაწმინდეს და არც ბოლო, მხოლოდ შუაში, ძალიან პატარა მონაკვეთი იქნა გაწმენდილი. თუკი იყო ამისთვის თანხა გამოყოფილი, რატომ არ მოხდა არხის სრულყოფილი გაწმენდა? რამდენი დაიხარჯა ამაზე, ინფორმაცია არ მომაწოდეს“ _ განაცხადა ორგანიზაციის ხელმძღვანელმა.
დავით ბერიძის თქმით, ხახულის ქუჩაზე მცხოვრები მოსახლეობა სანიაღვრე არხის გამო უახლოეს დღეებში მერიის წინ აქციის მოწყობას გეგმავს.
„ჩემი შვილი გასულ წელს დააპატიმრეს. რადგან პრობაციონერი იყო და სასჯელს იხდიდა, ამიტომ მიიტანეს მასზე ეჭვი. მოწმეები არასწორად დაკითხეს, ცემეს და დააშინეს“- ამბობს, ბრალდებულის დედა თამარ პაპიძე.
ის, რომ მოწმეები სასამართლო პროცესზე კანონდარღვევით დაკითხეს, ამას ბრალდებულის ადვოკატი რამინ პაპიძეც ადასტურებს:
„ფაქტობრივად, ამ პირის დაკავება, ბრალის წარდგენა და გამამტყუნებელი განაჩენის გამოტანა უკანონოდ მოხდა. ხელვაჩაურის რაიონულმა სასამართლომ გამოიტანა გამამტყუნებელი განაჩენი, რომლის მიხედვით გიორგი პაპიძე დამნაშავედ ცნეს ქურდობაში, ჯგუფთან ერთად. გამამტყუნებელი განაჩენი მთლიანად დაეფუძნა ამავე საქმეში ორი მსჯავრდებული პირის ჩვენებებს. ამ პირების მიმართ გაფორმდა საპროცესო შეთანხმება“.
ადვოკატის განცხადებით, სასამართლომ არ გაითვალისწინა ის გარემოება, რომ ეს ორი მსჯავრდებული სასამართლო პროცესზე აცხადებდა, რომ დანაშაულის ადგილზე გიორგი პაპიძე არ უნახავთ:
„გარდა ამისა, სასამართლომ დაარღვია სსსკ-ით დადგენილი მოწმეების დაკითხვის წესი. კანონის მიხედვით, მოწმეები ერთმანეთის დაკითხვას არ უნდა ესწრებოდნენ. ბრალდებულის, მოწმეებისა და დაზარალებულის დაკითხვა ხდება ცალ-ცალკე. ამ საქმეზე კი, მოწმეები ერთმანეთის ჩვენებებს ისმენდნენ“-განაცხადა ადვოკატმა.
რამინ პაპიძის განცხადებით, სასამართლომ ასევე არ გაითვალისწინა ყველაზე მნიშვნელოვანი დეტალი საქმეში: „როცა ბრალდებულის ამოცნობის პროცესი ჩატარდა, ამოცნობის დროს ერთ-ერთმა ბრალდებულმა, ასამბაძემ, განაცხადა, რომ გიორგი პაპიძე მას პოლიციის ადმინისტრაციის შენობაში აჩვენეს. ეს დეტალი ამოცნობის ოქმში შეტანილია. ასამაბაძე ჩემთან საუბარშიც ადასტურებდა, რომ ის არ იცნობდა ბრალდებულ პაპიძეს და მასთან არანაირი შეხება არ ჰქონია“.
გიორგი პაპიძის საქმე საქართველოს უზენაეს სასამართლოშია გადაგზავნილი.
„ჩვენ გვინდა, რომ უზენაესმა სასამართლომ გულდასმით შეისწავლოს საკასაციო საჩივარი და იქ მოყვანილი გარემოებები. ჩვენ მივუთითეთ ყველა იმ დარღვევაზე, რაც იყო დაშვებული განაჩენის გამოტანამდე, მოვითხოვთ მოწმეების ხელმეორედ დაკითხვას“.
ამ დროისთვის გიორგი პაპიძე სასჯელს ქუთაისის მეორე სასჯელაღსრულების დაწესებულებაში იხდის.
სასამართლო განჩინებაში აღნიშნულია, რომ ბათუმის №1 საავადმყოფოს გაკოტრების მოთხოვნით, ქუთაისის საქალაქო სასამართლოს განცხადებით, საავადმყოფოს დირექტორმა, ლაშა მიქელაძემ 2014 წლის 17 დეკემბერს მიმართა.
განჩინების მიხედვით, შპს „ბათუმის №1 საავადმყოფო“-ს დღეის მდგომარეობით გააჩნია კრედიტორული დავალიანება 1 328 137 ლარი, საიდანაც 1 087 109 ლარი წარმოადგენს საბიუჯეტო დავალიანებას, ხოლო საზოგადოების აქტივები შეადგენს 1 224 893 ლარს.
ამასთან, აღსრულების ეროვნული ბიუროს წარმოებაშია №1 საავადმყოფოს მიმართ 25,047,3 ლარის მოთხოვნა („ავერსი გეოფარმას“, „პსპ ფარმას“, „ჰეკატეს“ დავალიანებები), აქედან გამომდინარე საზოგადოების ანგარიშები დაყადაღებულია, რის გამოც შეუძლებელია დებიტორების მიმართ დავების წარმოება. ამასთან, დებიტორების უმეტესი ნაწილი მოთხოვნას არ აღიარებს, ნაწილი კი ხანდაზმულია.
სასამართლომ, „გადახდისუუნარობის საქმის წარმოების შესახებ“ კანონის შესაბამისად, შპს „ბათუმის №1 საავადმყოფოს“ გაკოტრების საქმე წარმოებაში მიიღო. მეურვედ აღსრულების ეროვნული ბიურო დაინიშნა.
მოვალეს (საავადმყოფოს) აეკრძალა ნებისმიერი გარიგების დადება ან/და დადებული გარიგების შეწყვეტა მეურვის თანხმობის გარეშე, ხოლო მეურვესთან შეუთანხმებლობის შემთხვევაში – სასამართლოს თანხმობის გარეშე. ნებისმიერი კრედიტორი კი უფლებამოსილია წარუდგინოს სასამართლოს თავისი მოთხოვნები ვალის წარმოშობის საფუძვლის მითითებით.
განჩინებით შეჩერდა საავადმყოფოს წინააღმდეგ დაწყებული იძულებითი აღსრულების ყველა ღონისძიება და აიკრძალა ახლის დაწყება. ასევე შეჩერდა ვალების გადახდა და პროცენტების, პირგასამტეხლოს, საურავების (მათ შორის, საგადასახადოსი) დარიცხვა/გადახდა.
მეურვე ვალდებულია მოამზადოს კრედიტორთა კრება და კრედიტორთა კომიტეტის სხდომა თავისი უფლებამოსილების ვადის განმავლობაში. კრედიტორებს უნდა განემარტოთ, რომ სასამართლოს განჩინების გამოქვეყნებიდან 20 დღის განმავლობაში მოვალის მიმართ არსებული თავიანთი მოთხოვნები წარუდგინონ მეურვესა და სასამართლოს.
ბათუმის ხელოვნების უნივერსიტეტი
ბათუმის პირველი საავადმყოფო 2011 წლიდან, ფაქტობრივად, რესპუბლიკურ საავადმყოფოს შეუერთდა. პირველი საავადმყოფოს გარემონტებულ შენობაში აჭარის მთავრობა უნდა გადასულიყო, თუმცა საბოლოოდ შენობაში ხელოვნების უნივერსიტეტი განთავსდა.
ქუთაისის სასამართლომ კიდევ ერთი – შპს ,,ქობულეთის რაიონული საავადმყოფოს’’ გაკოტრების წარმოების საქმე გახსნა.
განჩინებაში აღნიშნულია, რომ 2015 წლის 5 იანვარს შპს ,,ქობულეთის რაიონული საავადმყოფოს’’ სახელით სასამართლოს განცხადებით მომართა დირექტორმა ირაკლი ცეცხლაძემ და აღნიშნა, რომ შპს ,,ქობულეთის რაიონული საავადმყოფო’’ წარმოადგენს აჭარის ავტონომიური რესპუბლიკის 100%იანი წილობირივ მონაწილეობით არსებულ საწარმოს.
საავადმყოფო არ ფუნქციონირებს 2011 წლიდან, საზოგადოებას გააჩნია კრედიტორული დავალიანება 1 924 528 ლარის ოდენობით, რომელთაგან 1 476 645 ლარი წარმოადგენს უზრუნველყოფილ კრედიტორულ დავალიანებას (საბიუჯეტო დავალიანებას). საზოგადოების აქტივები შეადგენს 749 937 ლარს. აღსრულების ეროვნული ბიუროს წარმოებაშია შპს ,,ქობულეთის რაიონული საავადმყოფოს’’ მიმართ 1 476 645 ლარის მოთხოვნა, რის გამოც საზოგადოების ანგარიშები დაყადაღებულია, აღნიშნულის გამო კი შეუძლებელია დებიტორების მიმართ დავების წარმოება. ამასთან დებიტორების უმეტესი ნაწილი მოთხოვნას არ აღიარებს, ნაწილი კი ხანდაზმულია.
ბათუმის №1 და ქობულეთის რაიონული საავადმყოფოების კრედიტორთა პირველი კრება 2015 წლის 23 თებერვალსაა დანიშნული ქუთაისის საქალაქო სასამართლოს შენობაში.
აგატა კრისტის ბრწყინვალე, გენიალური ნაწარმოებების შემდეგ გვეგონა, ასეთ წიგნებს ვეღარასდროს ვეღარავინ დაწერდა. და ერთ დღესაც, გამოჩნდა ახალნათარგმნი დეტექტივი, „წამოდექით მიცვალებულებო“ და „წადი სწრაფად, დაბრუნდი გვიან“. ეს იყო ყველა დეტექტიური რომანისგან აბსოლუტურად განსხვავებული და, ამავე დროს, კლასიკური დეტექტივის ყველა საჭირო ატრიბუტის მატარებელი წიგნები, თავისი გვამებით, თითქოს მისტიკური გარემოთი, სუნთქვისშემკვრელი დაძაბულობით, მოულოდნელი კვანძის გახსნებით… ეს იყო წიგნები, რომლებიც თამამად შეიძლება, ძალიან, თავბრუდამხვევად შეგიყვარდეთ. გენიალური, ჭკვიანური დეტექტივები, შუა საუკუნეების ისტორიის, ძველი ხელნაწერების, ლიტერატურის ზედმიწევნით ცოდნით…
ამ საოცრებების ავტორი ჩვენთვის უცნობი სახელი და გვარი იყო – ფრედ ვარგასი. აფერუმ, შენს კაცობასო, ვთქვით და მომდევნო ახალი წიგნი „წადი სწრაფად, დაბრუნდი გვიან“ გადავშალეთ. აქაც იგივე _ ისტორია, არქეოლოგია, ჩახლართული მკვლელობები და რაც მთავარია, საოცრად კოლორიტული გმირები. ვარგასის დეტექტივების მთავარი ღირსება ესაა – კომისარი ადამსბერგი, დანგლარი, ისტორიკოსი „მოციქულები“ და სხვა მუდმივი პერსონაჟები საოცრად გამორჩეულები და დახვეწილები არიან. სრულყოფილები, თითქოს მკვეთრი ფერებით დახატულები, ხასიათის ძალიან გამოკვეთილი შტრიხებით. ამ ბოლო რომანის შემდეგ უკვე შეუძლებელი იყო, მეტი არ გაგვეგო ფრედ ვარგასზე და წარმოიდგინეთ, რომ ფრედერიკი სინამდვილეში ფრედერიკა აღმოჩნდა, სასიამოვნო, ქერა ფრანგი ქალი. ძლიერი, ჭკვიანი, საოცარი, გენიალური ქალი, რომლის დეტექტივები აუცილებლად ყველამ უნდა წაიკითხოს. ყველამ უნდა ამოხსნას მისი თავსატეხები, ყველამ უნდა გამოსცადოს ადამსბერგის ჩიხები. გარდა თავსატეხებისა და ლაბირინთებისა, კიდევ სამი რამაა შესანიშნავი ვარგასის წიგნებში – საფრანგეთი, პარიზი, სენა. საოცარი ქვეყნის ყოველდღიური ყოფა, ეს ლეგენდარული ფრანგი კაცები და ქალები, რომლებსაც ლამის მთელი მსოფლიო რაღაც განსაკუთრებულ რასად მიიჩნევს, აქ კი ზუსტად ისეთები არიან, როგორებიც ქალები და კაცები მთელ მსოფლიოში – თავიანთი ტკივილით, სასაცილო სიტუაციებით, დაუძლეველი ადიქციებითა და გატეხილი გულებით.
ფრედერიკა კი ცხოვრობს თავის საფრანგეთში, მოჭუტული თვალებით აკვირდება ადამიანებს ქუჩებში და მათ ბნელ მხარეებზე ფანტაზიორობს, მერე ამ ფანტაზიებს თავის უკიდეგანო ცოდნას ურევს (ის მედიევისტი და ცნობილი არქეოლოგია), და წერს და წერს გენიალურ, გადასარევ, ინტელექტუალურ, მაგრამ თან ცოტა სასაცილო, ირონიულ წიგნებს. წარმატებები, ფრედერიკა!
სამართალდამცველებმა დაკავებულის პირადი ჩხრეკისას 50 აბი ნარკოტიკული საშუალება „ექსტაზი“ ამოიღეს, რომლის საერთო წონა ექსპერტიზის დასკვნით 14,836 გრ-ია და 0,6 გრ მეტამფეტამინს შეიცავს. დაკავებულის პირადი ჩხრეკისას ასევე ამოღებულია 20,481 გრ გამომშრალი მარიხუანა.
გამოძიება დიდი ოდენობით ნარკოტიკული საშუალების უკანონო შეძენა-შენახვის და საქართველოში დიდი ოდენობით ნარკოტიკული საშუალების უკანონოდ შემოტანის ფაქტზე მიმდინარეობს (საქართველოს სსკ-ის 260-ე მუხლის მე-2 ნაწილის „ა“ ქვეპუნქტით და 262-ე მუხლის მე-2 ნაწილის „ა“ ქვეპუნქტით).
2014 წლის დეკემბრისთვის, 2013 წლის დეკემბერთან შედარებით, შრომისუნარიანი ასაკის მამაკაცისთვის საარსებო მინიმუმი გაზრდილია 4,3 ლარით, ხოლო საშუალო ოჯახის საარსებო მინიმუმი გაზრდილია 7,2 ლარით. თუმცა, იმავე სტატისტიკური მონაცემებით გაძვირებულია სამომხმარებლო ბაზარიც.
სტატისტიკის ეროვნული სამსახურის მონაცემებით ოჯახების (ტიპების მიხედვით) საარსებო მინიმუმმა 2014 წლის დეკემბერში შეადგინა:
ერთსულიანი ოჯახისთვის – 141,2 ლარი [137,4 ლარი იყო 2013 წლის დეკემბერში];
ორსულიანი ოჯახისთვის – 225,9 ლარი [219,8 ლარი];
სამსულიანი ოჯახისთვის – 254,2 ლარი [247,3];
ოთხსულიანი ოჯახისთვის – 282,4 ლარი [274,7];
ხუთსულიანი ოჯახისთვის – 317,7 ლარი [309,1];
ექვს და მეტსულიანი ოჯახებისთვის – 375,6 ლარი [365,4 ლარი].
საქართველოში, ზოგადად, სტატისტიკის მიმართ ნდობის ხარისხი კვლავ დაბალია, ამასთან, საკამათო თემად რჩება საარსებო მინიმუმის განსაზღვრის წესიც.
სტატისტიკის ეროვნული სამსახური მიუთითებს, რომ ის 2004 წლიდან საარსებო მინიმუმის მაჩვენებლებს ანგარიშობს იმ მინიმალური სასურსათო კალათის მიხედვით, რომელიც განსაზღვრულია და დადგენილია ,,საკვებ ნივთიერებებსა და ენერგიაზე ორგანიზმის ფიზიოლოგიური მოთხოვნილებებისა და საარსებო მინიმუმის განსაზღვრისათვის საჭირო სასურსათო კალათის შემადგენლობის ნორმებისა და ნორმატივების დამტკიცების შესახებ” საქართველოს შრომის, ჯანმრთელობისა და სოციალური დაცვის მინისტრის 2003 წლის 8 მაისის N111/ნ ბრძანების შესაბამისად.
ტურიზმის საერთაშორისო გამოფენის ოფიციალურ გახსნას სტამბოლში აჭარის მთავრობის თავმჯდომარე არჩილ ხაბაძე დაესწრო. ახალ სარეკლამო- საინფორმაციო მასალების გაცნობასთან ერთად აჭარის სტენდთან მისულ სტუმრებს შეუძლიათ ქართული ღვინის დაგემოვნება და რეგიონის ფოლკლორული სიმღერების მოსმენა. 
„უკვე გამოცხადდა კონკურსი, რეგისტრაციის ვადა განისაზღვრა 2015 წლის 23 თებერვლიდან. რეგისტრაციის ვადის გასვლის შემდეგ, 16 მარტს, ჩატარდება რექტორის არჩევნები“ – განაცხადა ბათუმის შოთა რუსთაველის უნივერსიტეტის რექტორის მოადგილემ, 
