Batumelebi | ბრესტი და ბათუმი დამეგობრდნენ ბრესტი და ბათუმი დამეგობრდნენ – Batumelebi
RU | GE  

ბრესტი და ბათუმი დამეგობრდნენ

 

დღეს სასტუმრო „შერატონში“ ბელარუსის რესპუბლიკის პრეზიდენტის ალექსანდრე ლუკაშენკოს აჭარაში ვიზიტის ფარგლებში, ბათუმისა და ბრესტის დაძმობილების ხელშეკრულებას მოეწერა ხელი. ხელმოწერის ცერემონიალს საქართველოს პრეზიდენტი გიორგი მარგველაშვილიც ესწრებოდა.

 

ხელშეკრულებას ხელი ბათუმის მერმა გიორგი ერმაკოვმა და ბრესტის მერმა  ალექსანდრე როგაჩუკმა მოაწერეს.


ბრესტი ბელორუსის სამხრეთ-დასავლეთ ნაწილში მდებარეობს. ვიკიპედიას ცნობით, ქალაქის მოსახლეობა 322 ათასს აღემატება. 

დაძმობილების ხელშეკრულების ხელმოწერის ცერემონიამდე ალექსანდრე ლუკაშენკო აჭარის მთავრობის თავმჯდომარეს არჩილ ხაბაძეს შეხვდა.  შეხვედრას აჭარის მთავრობის წევრები ესწრებოდნენ.

დღევანდელი ვიზიტის ფარგლებში დაგეგმილი იყო ბელარუსის დელეგაციის წევრების, საქართველოს ვიცე-პრემიერ გიორგი კვირიკაშვილისა და აჭარის სოფლის მეურნეობის მინისტრის ზაურ ფუტკარაძის მიერ  ქობულეთში არსებული აგროსერვისცენტრის სანერგე მეურნეობის მონახულება, თუმცა პროგრამაში შეტანილი ცვლილებების გამო ქობულეთში წასვლა აღარ მოხერხდა. პროგრამაში ცვლილების გამო ბელარუსის ოფიციალურმა დელეგაციამ ვერც ბათუმის ბოტანიკური ბაღის დათვალიერება ვერ მოახერხა. 

ბელარუსის პრეზიდენტი საქართველოში სამდღიანი ვიზიტით იმყოფებოდა. ვიზიტის ფარგლებში ალექსანდრე ლუკაშენკო საქართველოს პრეზიდენტ გიორგი მარგველაშვილს, პრემიერ-მინისტრ ირაკლი ღარიბაშვილსა და საქართველოს პატრიარქ ილია მეორეს შეხვდა. 


ნეტგაზეთის მასალების სხვა გამოცემებში გადაბეჭდვის წესი
" ბათუმელები"