სიახლეები

ღორჯომის მოსახლეობა ჰესების მშენებარე კომპანიას სასამართლოში უჩივის

24.04.2015 • 1857
ღორჯომის მოსახლეობა ჰესების მშენებარე კომპანიას სასამართლოში უჩივის

 

მოსარჩელები და მათი უფლებების დამცველი

 

მოსახლეობის ინტერესებს ახალგაზრდა იურისტთა ასოციაციის აჭარის ფილიალის იურისტები იცავენ. სარჩელი ახალგაზრდა იურისტთა ასოციაციის წარმომადგენლებმა ბათუმის საქალაქო სასამართლოში შეიტანეს, თუმცა ბათუმის საქალაქო სასამართლოს მოსამართლე ლაშა თავართქილაძემ გადაწყვიტა, რომ ეს საქმე თბილისის საქალაქო სასამართლომ უნდა განიხილოს, რადგან მოპასუხე – ამ შემთხვევაში საქართველოს ეკონომიკისა და მდგრადი განვითარების სამინისტრო თბილისში არსებობს.

სასამართლო პროცესის დაწყებამდე

სასამართლო დარბაზი დღეს სავსე იყო, პროცესზე დასასწრებად სოფლის მოსახლეობა ღორჯომიდან ბათუმში  ჩამოვიდა, საიას იურისტებმა მოპასუხის შუამდგომლობაზე – საქმე ბათუმის საქალაქო სასამართლომ კი არა თბილისის საქალაქო სასამარლომ უნდა განიხილოს, განაცხადეს, რომ მაღალმთიან აჭარაში მცხოვრები მოსახლეობისთვის ტერიტორიული სიშორე ბარიერს წარმოადგენს, რადგან შორი მანძილის გამო ისინი სასამართლო პროცესზე თბილისში დასწრებას ვერ მოახერხებენ.

„ ჩვენი სიცოცხლის უფლებას საფრთხე ექმნება აქ, აჭარაში, მაშინ როცა კომპანია ჰესებს აჭარაში აშენებს, მოსახლეობაც აქ ვზარალდებით და რატომ უნდა განიხილოს ეს საქმე მოსამართლემ თბილისში?“- იკითხა სასამართლო დარბაზში  ერთ-ერთმა მოსარჩელემ.

მოსახლეობა სასამართლოს იმ აქტების ბათილად ცნობას ითხოვს, რის საფუძველზეც სახელმწიფომ ნორვეგიულ კომპანიას მაღალმთიან აჭარაში ჰესების მშენებლობის უფლება მისცა.

სასამართლო პროცესს მოპასუხეები – კომპანიისა და ეკონიმიკის სამინისტროს წარმომადგენლები ესწრებოდნენ.


მოპასუხეები

გადაბეჭდვის წესი


ასევე: