დღეს, 24 აპრილს, ბათუმში ბელარუსის პრეზიდენტის ალექსანდრე ლუკაშენკო ჩამოვიდა.
ბელარუსის ოფიციალურ დელეგაციას აჭარის მთავრობის თავმჯდომარე არჩილ ხაბაძე, მთავრობის წევრები და ბათუმის მერი გიორგი ერმაკოვი დახვდნენ.
ვიზიტის ფარგლებში დღეს დაგეგმილია შეხვედრა აჭარის მთავრობის თავმჯდომარესთან. ასევე, სასტუმრო „შერატონში“ გამართულ ცერემონიაზე ხელი მოეწერება ბრესტისა და ბათუმის დამეგობრების ხელშეკრულებას.
ბელარუსის პრეზიდენტის 3-დღიანი ოფიციალური ვიზიტი ბათუმში სტუმრობით დასრულდება.
საქართველოს მთავრობის პრესსამსახურის ცნობით, მთავრობა ბელარუსში ოფიციალური ვიზიტით გამგზავრებას გეგმავს. შესაბამისი მიწვევა პრემიერმა ირაკლი ღარიბაშვილმა პრეზიდენტ ალექსანდრე ლუკაშენკოსგან გუშინ, თბილისში მიიღო.
