Batumelebi | იმუნიზაცია ბათუმის სახელმწიფო უნივერსიტეტის სტუდენტებისთვის იმუნიზაცია ბათუმის სახელმწიფო უნივერსიტეტის სტუდენტებისთვის – Batumelebi
RU | GE  

იმუნიზაცია ბათუმის სახელმწიფო უნივერსიტეტის სტუდენტებისთვის

 

ევროპის იმუნიზაციის კვირეულთან დაკავშირებით ბათუმის სახელმწიფო უნივერსიტეტში წითელას, წითურასა და ყბაყურაზე სტუდენტების აცრები უტარდებათ.

1985-2000 წლებში დაბადებულ ბენეფიციარები სამკომპონენტიანი ვაქცინით წითელაზე, წითურასა და ყბაყურაზე აიცრებიან. 

”ჩვენ მუნიციპალიტეტების დონეზე შევხვდით იმუნიზაციის  სახელმწიფო პროგრამის მიმწოდებელ იურიდიულ და ფიზიკურ პირებს, რომლებთანაც განვიხილეთ სხვადასხვა პრობლემატური საკითხები ზოგადად ვაქცინაციასთან დაკავშირებით. გუშინ და დღეს უნივერსიტეტის სტუდენტებს ჩავუტარეთ არაგეგმიური აცრები წითელაზე” – ამბობს საზოგადოებრივი ჯანდაცვის ცენტრის დირექტორის მოადგილე ნინო ნიჟარაძე.  

გარდა ამ კონტიგენტისა, აიცრებიან 2001 – 2009 წლებში დაბადებული ბავშვები, რომლებიც არიან აუცრელები ან არასრულად აცრილი, სამედიცინო პერსონალი და დაავადებულთან კონტაქტში მყოფი ადამიანები.

აცრა წითელაზე მთელი წლის განმავლობაში გაგრძელდება და იგი უფასოა.

უნივერსიტეტში აქამდე 60-მდე სტუდენტი აიცრა, მსურველების სიაში 200-მდე სტუდენტია.


ნეტგაზეთის მასალების სხვა გამოცემებში გადაბეჭდვის წესი
" ბათუმელები"