დღეს, 25 აპრილს, 12 საათზე ოზურგეთის მუნიციპალიტეტის სოფელ ლაითურში მცხოვრებმა აჭარიდან ჩასახლებულმა ეკომიგრანტებმა, საპროტესტო აქცია გამართეს. ისინი ხელისუფლებას დანაპირების შესრულებას სთხოვენ.
მოსახლეობა სოფლის ინფრასტრუქტურის მოწესრიგებას, სოფელში ბუნებრივი აირის გაყვანას, მიწების გლეხებისთვის გადაცემას და გზების მოწესრიგებას მოითხოვს.
„ამ მოთხოვნების შეუსრულებლობის შემთხვევაში, მოსახლეობა მასშტაბურ აქციებს კიდევ გამართავს. თუ საჭირო გახდება დედაქალაქშიც კი წავალთ“- აცხადებენ, აქციაში მონაწილე სოფლის მაცხოვრებლები.
