დღეს ბათუმის #28 საჯარო სკოლის ოცამდე მოსწავლე, ფერიის მზრუნველობამოკლებულ ბავშვთა სახლს ესტუმრა და ბავშვთა სახლის აღსაზრდელებს, წიგნიერების დღესთან დაკავშირებით წიგნები, საკანცელარიო ნივთები და ტკბილეული გადასცა.
სკოლის მოსწავლეებმა ერთი კვირის განმავლობაში მოაგროვეს მაკულატურა, ჩააბარეს და აღებული ფულით ბავშვთა სახლის აღსაზრდელებისთვის იყიდეს საჩუქრები. მოსწავლეები ბავშვთა სახლში გაკვეთილების შემდეგ ავიდნენ და რამდენიმე საათს გაჩერდნენ.
საქველმოქმედო აქციის ერთ-ერთი ორგანიზატორი სამოქალაქოს მასწავლებელი ირმა ცინცაცძე იყო.
