ბათუმელები
ქედის საკრებულოს თავმჯდომარის მოადგილე, გურამ ქობულაძე დააკავეს. ის ქედის მუნიციპალიტეტში მიწის საკუთრების აღიარების კომისიის თავმჯდომარე იყო. შინაგან საქმეთა სამინისტროს მიერ გავრცელებული ინფორმაციით სამართალდამცავები მას დიდი ოდენობით ქრთამის აღებას ედავებიან.
ჩაქვში სამგზავრო მატარებელი ავტომობილს შეეჯახა.
აჭარის სამაშველო სამსახურის უფროსის მამუკა თურმანიძის ინფორმაციით „ავტომობილის მძღოლს სარკინიგზო გადასასვლელზე მანქანა ჩაუქრა, რა დროსაც მას სამგზავრო მატარებელი შეეჯახა“.
დღეს, ბათუმის საკრებულოს მცირე დარბაზში „ბათუმის წყლის“ „საქართველოს გაერთიანებული წყალმომარაგების კომპანიაზე“ გადაცემის საკითხს განიხილავდნენ. სპეციალურმა კომისიამ მიიღო გადაწყვეტილება, რომლის თანახმადაც საქართველოს რეგიონული განვითარებისა და ინფრასტრუქტურის მინისტრს მიეცა უფლებამოსილება წყლის სისტემის სარებილიტაციო პროექტების დამფინანსებელთან, გერმანიის რეკონსტრუქციის ბანკთან აწარმოოს მოლაპარაკება „ბათუმის წყლის“ გადაცემის შემთხვევაში წამოწყებული პროექტების გაგრძელებასთან დაკავშირებით.
მიმდინარე ტურისტულ სეზონზე ბათუმის აეროპორტში ჩარტერული რეისების რაოდენობა გაიზრდება. გასულ წელს ჩარტერული ფრენა მხოლოდ პოლონეთის დედაქალაქ ვარშავადან ხორციელდებოდა, წელს კი ვარშავას პოლონეთის კიდევ ორი ქალაქი – კატოვიცე და პოზნანი დაემატება. იქნება რეისები უკრაინიდან და ისრაელიდან. ტურისტები ჩარტერული რეისებით ქუთაისის აეროპორტშიც ჩამოდიან, რომელთა უმეტესობა სწორედ აჭარას სტუმრობს.
თვითმმართველობის არჩევნებში მონაწილეობის მისაღებად ბათუმის 79-ე ოლქში დამოუკიდებელი, უპარტიო კანდიდატი თერთმეტმა საინიციატივო ჯგუფმა დაარეგისტრირა. მათ შორის ყოფილი მინისტრი, სამინისტროებისა და ბათუმის მერიის სამსახურების ყოფილი თანამშრომლები და მმართველი პარტიის სიაში ვერ მოხვედრის გამო გაბრაზებულებიც არიან.
2 ივნისს, 18:00 საათზე, მარიხუანას დეკრიმინალიზაციის მოთხოვნით, ბათუმში ევროპის მოედანზე შეიკრიბებიან.
ბათუმის საკრებულოს სხდომათა დარბაზში მწერალ რამაზ სურმანიძის წიგნის „გრიგოლ ვოლსკი – ცხოვრება და მოღვაწეობა“ პრეზენტაცია გაიმართა.
ბათუმის ბულვარში, ანბანის კოშკის მიმდებარე ტერიტორიაზე პოლიციის დღის აღსანიშნავად ემზადებიან.
დღეს, საქართველოს იუსტიციის მინისტრმა თეა წულუკიანმა ბათუმში, აღსრულების ეროვნული ბიუროს აღსრულების პოლიციის თანამშრომლები დააჯილდოვა.
დღეს, ბათუმის საზღვაო აკადემიის რექტორმა ირაკლი შარაბიძემ შვეიცარულ ფირმა „ტრანსასის“ (Transas) უკრაინის წარმომადგელობასთან ხელშეკრულებას მოაწერა ხელი.
დღეს, 30 მაისს, თურქეთში, ანკარაში, სასტუმრო „შერატონში“ ბათუმელი რეჟისორებისა და ფოტოგრაფების, შოთა გუჯაბიძისა და გიორგი გოგიბერიძის ფოტოგამოფენა – „მოკითხვა ბათუმიდან“ გაიხსნება.
დღეს, 14:00 საათზე, სასტუმრო “ერა პალასში” აჭარის საზოგადოებრივი ჯანდაცვის ცენტრი სკოლების მოსწავლეებისთვის კონფერენციას მოაწყობს.
ხვალ, 31 მაისს „საოცრებათა პარკში“ საზაფხულო სეზონი გახსნისნება. სეზონის ოფიციალური გახსნა საქართველოს მასშტაბით სხვადასხვა ადგილებში ერთდროულად, სხვადასხვა ღონისძიებებით აღინიშნება.
დღეს ბათუმში შეზღუდული შესაძლებლობების მქონე პირების თემაზე მომუშავე არასამთავრობო ორგანიზაციამ ბრიფინგი გამართა და ბათუმელი ავტობუსის მძღოლი უფლებების დარღვევაში დაადანაშაულა.
დღეს ხულოსა და შუახევში აგროსერვისცენტრის საინფორმაციო-საკონსულტაციო სამსახურების რეაბილიტირებული შენობები გაიხსნა.
გახსნის ცერემონიას აჭარის მთავრობის თავმჯდომარე არჩილ ხაბაძე, საქართველოს სოფლის მეურნეობის მინისტრი შალვა ფიფია, აჭარის სოფლის მეურნეობის მინისტრი ზაურ ფუტკარაძე, გაეროს განვითარების პროგრამის ხელმძღვანელის მოადგილე სოფო ქემხაძე, ევროკავშირის პროექტების მენეჯერი სოფლის მეურნეობის განვითარებისა და სურსათის უვნებლობის საკითხებში ხუან ეჩანოვე და გაეროსა და ევროკავშირის წარმომადგენლები ესწრებოდნენ.
“საერთაშორისო გამჭვირვალობა – საქართველომ” ბათუმის მერობის ხუთი კანდიდატის ქონების შესახებ გამოაქვეყნა ინფორმაცია. არასამთავრობო ორგანიზაციის მიერ გამოქვეყნებულ მონაცემებს “ბათუმელები” უცვლელად გთავაზობთ:
2014 წლის 30 მაისს ფონდი, „საერთაშორისო განათლების ცენტრი“ ბათუმის შოთა რუსთაველის სახელობის სახელმწიფო უნივერსიტეტთან თანამშრომლობით, გამართავს აშშ-ის უნივერსიტეტებისა და კოლეჯების გამოფენას, რომელსაც ამავე უნივერსიტეტების კურსდამთავრებულები წარადგენენ. გამოფენა გაიმართება ბათუმის სახელმწიფო უნივერსიტეტის ფოიეში (მის: ბათუმი, ნინოშვილის ქუჩა #35), 14:00–16:00 საათამდე.
ძველ ბათუმში, 16 ქუჩაზე, სადარბაზო კარებისა და ჭიშკრების გამოცვლა-რესტავრაცია მიმდინარეობს. პროექტი ბათუმის განვითარების ფონდის მიერ ხორციელდება. სამუშაოებისათვის 500 000 ლარია გამოყოფილი.
დღეს, 28 მაისს, კოალიცია „ქართულმა ოცნებამ“ ქედაში გამგებლისა და მაჟორიტარული ოლქების კანდიდატები წარადგინა.
29 მაისს, 12 საათზე, დემოკრატიული ჩართულობის ცენტრში საქართველოს აივ დადებით ადამიანთა გაერთიანება „რეალური ხალხი რეალური ხედვა“ გამართავს პრესსკონფერენციას, რომელიც ეძღვნება საზოგადოების ცნობიერების ამაღლებას დროული აივ/ტესტირების მნიშვნელობას. პრესკონფერენციაზე ფართოდ გააშუქებენ რეგიონალურ აქციას „უთხარი მეგობარს“, რომლის ფარგლებშიც, საქართველოს მასშტაბით, აივშიდსის მაღალი გავრცელების ქალაქებში: თბილისში, ბათუმში, ზუგდიდსა და გორში რამდენჯერმე განხორციელდა აივ ტესტირების კვირეული.
დღეს საქართველოს მთავარმა პროკურორმა გიორგი ბადაშვილმა, მოადგილეებთან ერთად, აჭარის პროკურატურის თანამშრომლებს პროფესიული დღე მიულოცა. მთავარმა პროკურორმა აღნიშნა, რომ პროკურორები „ერთგულად ემსახურებიან“ კანონს.
ადგილობრივი თვითმმართველობის არჩევნები საქართველოში 2014 წლის 15 ივნისს ტარდება. არჩევნები ადგილობრივი თვითმმართველობის კოდექსში შესული ცვლილებების მიხედვით ჩატარდება. თვითმმართველობის კოდექსით გათვალისწინებულ ცლილებებზე სამოქალაქო კულტურის საერთაშორისო ცენტრმა დემოკრატიული ჩართულობის ცენტრში მოსახლეობასთან საინფორმაციო შეხვედრა გამართა.
ბათუმის მერიის ზედამხედველობის სამსახურმა თვითმმართველობის არჩევნებში მონაწილე პოლიტიკურ პარტიებს წერილობით აცნობა, რომ იმ შემთხვევაში, თუ კი ისინი არასათანადო ადგილებში განთავსებულ საარჩევნო პლაკატებს არ ჩამოხსნიან, დაჯარიმდებიან. ამის თაობაზე დღეს მერიაში გამართულ ბრიფინგზე ზედამხედველობის სამსახურის უფროსმა, გოჩა ძნელაძემ ისაუბრა.
ორგანიზაცია „Micro-ფონი“ აჭარის ა. რ. განათლების, კულტურის და სპორტის სამინისტროს მხარდაჭერით 2014 წლისთვის, საქართველოში მცხოვრები ხელოვანებისთვის, აცხადებს კონკურსს საჯარო ხელოვნების პროექტში, „ბათუმის ეზოს ამბები“, მონაწილეობის მისაღებად.
დღეს, 28 მაისს ბათუმის ხელოვნების უნივერსიტეტში საერთაშორისო კონფერენცია დაიწყო. კონფერენციის თემაა: “კულტურა და ხელოვნება: ტრადიცია და თანამედროვეობა”. კონფერენციაში გერმანიის, ლატვიის, უკრაინის, რუსეთის, სომხეთისა და საქართველოს უნივერსიტეტების პროფესორ-მასწავლებლები და მკვლევარები მონაწილეობენ.
აჭარის გარემოს დაცვის სამმართველომ აჭარაში ტყის მავნებლებთან ბრძოლისათვის 6 ათასი მწერდამჭერი ხაფანგი შეიძინა. ხაფანგებს ქობულეთის, ხულოსა და შუახევის ტყეებში 25 მაისის შემდეგ განათავსებენ. აჭარის სატყეო სააგენტო ამ გზით წიწვოვანი ხეების მავნებლებისგან დაცვას ცდილობს.
პარტნიორი ორგანიზაციები შეზღუდული შესაძლებლობების მქონე პირთა მშობლების დასახმარებლად ინიციატივით გამოვიდნენ. მათთვის საპენსიო ასაკის შემცირებას ითხოვენ.
<!** Image 1 align="left" width="300" height="512" >
ბათუმის საკრებულოს თავმჯდომარის მოადგილე ვაჟა ვერულიძე არასამთავრობო ორგანიზაცია „საერთაშორისო გამჭვირვალობა საქართველოს“ მისი უფლებების დარღვევაში ადანაშაულებს. ვაჟა ვერულიძე მიიჩნევს, რომ იმ პირების ჩამონათვალში, რომლებიც თვითმმართველობის მიერ გამოცხადებულ ელექტრონულ ტენდერებში საკუთარი ბიზნესინტერესების სასარგებლოდ ხშირად იმარჯვებენ, მისი სახელისა და გვარის მოხსენიებით ორგანიზაციამ მისი უფლებები დაარღვია. საერთაშორისო გამჭვირვალობა საქართველოს ბათუმის ოფისის ხელმძღვანელის მალხაზ ჭკადუას განმარტებით კი, ორგანიზაციის მიერ გავრცელებული ინფორმაცია გადამოწმებულია და ფაქტები სინამდვილეს შეესაბამება.
„ჰილტონ ბათუმის“ მშენებელი კომპანია „ტურინვესტი“, რომელიც ბათუმის ზღვისპირა პარკში 5000 კვ/მეტრ მიწის ნაკვეთს ტურისტული ინფრასტრუქტურის მოწყობის მიზნით ითხოვს, რუსეთის მოქალაქის მიერ ოფშორშია დარეგისტრირებული.
30 მაისს ბათუმის დრამატულ თეატრში პრემიერა გაიმართება. „მაკბეტის“ დამდგმელი რეჟისორი ანდრო ენუქიძეა.
ვირუსული ინფექციის, მენინგიტის გახშირებული შემთხვევების გამო, საჯარო სკოლებში სასწავლო პროცესი, თვის ბოლომდე მხოლოდ პირველიდან მეოთხე კლასების ჩათვლით იქნება შეწყვეტილი.
დამოუკიდებლობის დღე აღნიშნეს აჭარის მაღალმთიანეთში. საზეიმო ღონისძიება ქედაში დილიდან სპორტული შეჯიბრებით დაიწყო. ქედის რესურსცენტრის ორგანიზებით, ქედის სპორტსკოლაში რესპუბლიკური ტურნირი ჩატარდა ფრენბურთში.
საქართველოს დამოუკიდებლობის დღისადმი მიძღვნილი საზეიმო ღონისძიებები, საღამოს გალა კონცერტით დასრულდება.
კონცერტში მონაწილეობენ მუსიკალური ჯგუფები: „ბათუმი“, „დაიმონდსი“, „ნოტა“, „ჯეო პლანეტი“ და მომღერლები: სოფო ხალვაში, ლუკა ზაქარიაძე, სოფო ერგემლიძე, კახა ცისკარიძე და ხანუმები.
დამოუკიდებლობის დღესთან დაკავშირებით ბათუმში საზაფხულო თეატრის მიმდებარე ტერიტორიაზე 14 ახალგაზრდა ერთმანეთს მაგიდის ჩოგბურთში შეეჯიბრა, გამოვლინდა გამარჯვებული სამი გოგო და სამი ბიჭი.
6 მაისის პარკში ჩატარებულ შეჯიბრებაში, მძიმე წონით კატეგორიაში პირველი ადგილი ზურა თავბერიძემ მოიპოვა, 70 წონით კატეგორიაში კი გოგიტა ხიმშიაშვილმა.
ბათუმის ყინულის სასახლეში კი ბავშვთა სხვადასხვა ასაკობრივ კატეგორიაში, საქართველოს ჩემპიონატი ფიგურულ სრიალში ჩატარდა.
საუკეთესო – ეს ის სიტყვაა, რომელიც პირველად მომდის თავში, როდესაც ვიხსენებ ჩემი ცხოვრების გასულ ნახევარ წელიწადს. მართლაც, ეს იყო საუკეთესო დღეები ჩემს ცხოვრებაში, როდესაც ვცხოვრობდი მსოფლიოში საუკეთესო ქალაქში, ვსწავლობდი ფსიქოლოგიის ფაკულტეტზე საუკეთესო უნივერსიტეტში და დროსაც საუკეთესოდ ვატარებდი. უფრო უკეთ რომ გაგარკვიოთ იმაში, თუ რატომ ვიყენებ ერთ წინადადებაში ამდენჯერ სიტყვა „საუკეთესოს“, გეტყვით, რომ გასული ნახევარი წელიწადის განმავლობაში ვცხოვრობდი და ვსწავლობდი ბელგიაში, ქალაქ გენტში, სადაც ერასმუსის გაცვლითი პროგრამით მოვხვდი.
ბათუმის კეთილმოწყობის სამსახური, ბარათაშვილისა და ჭავჭავაძის ქუჩების კვეთაში არსებული სკვერის რეაბილიტაციას იწყებს. სარეაბილიტაციო სამუშაოებისთვის ბიუჯეტიდან 234 ათასი ლარია გამოყოფილი.
