Batumelebi | პოლიციის დღე ბათუმში პოლიციის დღე ბათუმში – Batumelebi
RU | GE  

პოლიციის დღე ბათუმში

 

 ბათუმის ბულვარში, ანბანის კოშკის მიმდებარე ტერიტორიაზე პოლიციის დღის აღსანიშნავად ემზადებიან.

 

 

შს სამინისტროს ინფორმაციით ოფიციალური საზეიმო ღონისძიებას დაესწრებიან საქართველოს პრემიერ-მინისტრი ირაკლი ღარიბაშვილი, შინაგან საქმეთა მინისტრი ალექსანდრე ჭიკაიძე, საქართველოს მთავრობის წევრები, პარლამენტის თავმჯდომარე, პარლამენტის წევრები, საქართველოში აკრედიტებული დიპლომატიური კორპუსის წარმომადგენლები და ოფიციალური დელეგაციები პარტნიორი ქვეყნებიდან.

 

ღონისძიების დაწყება 14:00 საათზეა დაგეგმილი.

 

დაგეგმილია ასევე, ირაკლი ღარიბაშილის სიტყვით გამოსვლა და პოლიციელების დააჯილდოება.

 

ალექსანდრე ჭიკაიძე და ირაკლი ღარიბაშვილი დაათვალიერებენ საგამოფენო სივრცეს, რომელიც ანბანის კოშკის მიმდებარე ტერიტორიაზეა მოწყობილი.

 

შს სამინისტროს დანაყოფებმა  ავტოპარკი, ტექნიკა, იარაღები და საბრძოლო ჯავშანტექნიკა გამოფინეს. საზღვაო პოლიციას გამოფენილი აქვს ვერტმფრენი, რომელიც გამოიყენება სამაშველო ოპერაციებში და მთიან რეგიონებში გადასაადგილებლად.

 

საღამოს დაგეგმილია ბენდ „ნიუტონის“ კონცერტი.

ნეტგაზეთის მასალების სხვა გამოცემებში გადაბეჭდვის წესი
ნათია როყვა