Batumelebi | საზღვაო აკადემიამ 1 მილიონ ლარად სიმულიატორი შეიძინა საზღვაო აკადემიამ 1 მილიონ ლარად სიმულიატორი შეიძინა – Batumelebi
RU | GE  

საზღვაო აკადემიამ 1 მილიონ ლარად სიმულიატორი შეიძინა

 

დღეს, ბათუმის საზღვაო აკადემიის რექტორმა ირაკლი შარაბიძემ შვეიცარულ ფირმა „ტრანსასის“ (Transas) უკრაინის წარმომადგელობასთან ხელშეკრულებას მოაწერა ხელი.

ხელშეკრულების საფუძველზე ბათუმის საზღვაო აკადემიამ 1 მილიონ ლარად გემის დინამიკური პოზიციის დიპის ტიპის სიმულატორი შეიძინა, რომელსაც კომპანია ხუთი თვის შემდეგ ბათუმში ჩამოიტანს.

სიმულიატორი შორეულ ნაოსნობაში მეზღვაურებისთვის გემის მართვას ითვალისწინებს.

მსოფლიოში სულ ამ ტიპის 14 სიმულიატორი არსებობს. შავ ზღვაზე ბათუმი თურქეთის, უკრაინისა და რუმინეთის შემდეგ მეოთხე რეგიონი იქნება სადაც ამ ტიპის სიმულიატორს იყენებენ.

ბათუმის საზღვაო აკადემიის რექტორის ირაკლი შარაბიძის თქმით : „კომპანია „ტრანსასი“ მსოფლიოში ცნობილი და ძლიერი კომპანიაა საზღვაო სიმულიატორების წარმოებაში. დღეს მსოფლიოში ძალიან მოთხოვნადია მეზღვაურები ამ სპეციფიკურ გემებზე. ეს სიმულატორები ხელს შეუწყობს ქართველ მეზღვაურების დასაქმება, შორეულ ნაოსნობაში ამ ტიპის გემებზე ცურვას“.

ბათუმის საზღვაო აკადემია კომპანია „ტრანსასთან“ 2008 წლიდან თანამშრომლობს. როგორც ირაკლი შარაბიძე ამბობს აკადემიას სიმულიატორის შესაძენად თანხა საქართველოს ეკონიმიკისა და მდგრადი განვითარების სამინისტრომ გამოუყო.

დღესვე საზღვაო აკადემიამ ხელი მოაწერა გერმანულ კომპანია “ფესტოსთანაც“. ხელშეკრულების ფარგლებში იგეგმება სხვადასხვა სახის ნავიგაციის, ჰიდრავიკული, პნევმატური, ფიზიკის ლაბორატორიების მოწყობა.

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი