Batumelebi | მარიხუანას დეკრიმინალიზაციას ბათუმშიც მოითხოვენ მარიხუანას დეკრიმინალიზაციას ბათუმშიც მოითხოვენ – Batumelebi
RU | GE  

მარიხუანას დეკრიმინალიზაციას ბათუმშიც მოითხოვენ

 

2 ივნისს, 18:00 საათზე, მარიხუანას დეკრიმინალიზაციის მოთხოვნით, ბათუმში ევროპის მოედანზე შეიკრიბებიან.

 

 

აქცია საქართველოს სხვა ქალაქებშიც იმავე დროს გაიმართება:  თბილისში – მთავრობის კანცელარიის შენობასთან, ქუთაისში – პარლამენტის შენობის წინ, სამტრედიასა და ბოლნიში.


აქციის მონაწილეების მიზანია კიდევ ერთხელ შეახსენონ ხელისუფლებას წინასაარჩევნო დაპირება იმის შესახებ, რომ გადაიხედება სისხლისსამართლებრივი პასუხისმგებლობის საკითხი, ნარკოტიკული საშალების მოხამრებისთვის, აგრეთვე მისი პირადი მოხმარებისთვის მისი მცირე ოდენობით შეძენისა ან/და შენახვისთვის.


აქციის ორგანიზატორები მოუწოდებენ, აქციაზე მოსვლის მსურველებს, რომ ჩაიცვან მწვანე ფერის ტანსაცმელი ან გაიკეთონ მწვანე ფერის აქსესუარები.


“მოგვაქვს პლაკატები, რომლითაც ხელისუფლებას მოვუწოდებთ შეწყვიტოს მარიხუანას მოწევის გამო ადამიანების ციხეში ჩასმა.

 

ასევე მოვუწოდებთ ყველა მოქალაქეს, განსაკუთრებით მათ, ვინც ამ დღეს გამოჩნდება ტელეეთერში, სხვადასხვა ტელევიზიის ჟურნალისტებს, ტელეწამყვანებს, პოლიტიკოსებს და ა.შ. დეკრიმინალიზაციის მხარდაჭერის ნიშნად გაიკეთონ მწვანე ფერის აქსესუარები” – ნათქვამია აქციის facebook მოსაწვევზე.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"