29 მაისს, 12 საათზე, დემოკრატიული ჩართულობის ცენტრში საქართველოს აივ დადებით ადამიანთა გაერთიანება „რეალური ხალხი რეალური ხედვა“ გამართავს პრესსკონფერენციას, რომელიც ეძღვნება საზოგადოების ცნობიერების ამაღლებას დროული აივ/ტესტირების მნიშვნელობას. პრესკონფერენციაზე ფართოდ გააშუქებენ რეგიონალურ აქციას „უთხარი მეგობარს“, რომლის ფარგლებშიც, საქართველოს მასშტაბით, აივშიდსის მაღალი გავრცელების ქალაქებში: თბილისში, ბათუმში, ზუგდიდსა და გორში რამდენჯერმე განხორციელდა აივ ტესტირების კვირეული.
ინფექციური პათოლოგიის შიდსისა და კლინიკური იმუნოლოგიის სამეცნიერო-პრაქტიკული ცენტრის მონაცემებით, საქართველოში რეგისტრირებულ ავი დადებით და შიდსით დაავადებულ ადამიანთა შორის 50%-ზე მეტმა უკვე შიდსის სტადიაში შეიტყო მისი სტატუსი. ეს ამტკიცებს იმას, რომ საქართველოში გამოვლენა ჯერ კიდევ გვიანია (ადამიანები გვიან იგებენ, რომ დაინფიცირდნენ აივით), რაც ართულებს მკურნალობის პროცესს და ვირუსის გავრცელებას უწყობს ხელს.
პრესკონფერენციის ორგანიზატორები, მხარდამჭერები და მოწვეული სტუმრები ისაუბრებენ საქართველოში აივ ტესტირების ბარიერებზე და მოგვაწვდიან რეკომენდაციებს, თუ რა შეიძლება განხორციელდეს იმისათვის, რომ უფრო მეტმა ადამიანმა მოისურვოს და რეალურად გაიკეთოს ტესტი აივზე და გამოვლენის შემთხვევაში მიმართოს დროულ მკურნალობას, რაც ჯანმრთელობის შენარჩუნების გარანტია.
პრესკონფერენციის პანელისტები: ნათია ხარატი -დირექტორი- საინფორმაციო სამედიცინო ფსიქოლოგიური ცენტრი „თანადგომა“ (ბათუმის ფილიალი); თამარი ქაჩლიშვილი-დირექტორი, საზღვაო ჰოსპიტალი; იულია რასკევიჩი – მედიაკომუნიკაციის ოფიცერი-აღმოსავლეთ ევროპისა და ცენტრალური აზიის აივ დადებით ადამიანთა გაერთიანება; ლაშა თვალიაშვილი-დირექტორი-„რეალური ხალხი რეალური ხედვა“.
ღონისძიება ხორციელდება ევროკავშირის მხარდაჭერით.
