ბათუმელები
ხვალიდან შავი ზღვის სანაპირო რაიონებში, კოლხეთის დაბლობზე, ზემო იმერეთსა და გორი-სურამის მონაკვეთზე აღმოსავლეთის მიმართულების ძლიერი ქარი იქროლებს. ხვალ საღამოდან აღნიშნულ რეგიონებში ქარის სიჩქარემ შესაძლოა 30 მ/წმ-ს გადააჭარბოს და 35 მ/წმ-ს მიაღწიოს.
31 იანვარს, აჭარის განათლების, კულტურისა და სპორტის სამინისტროს მიერ, შუახევის რესურსცენტრის უფროსის ვაკანტურ თანამდებობაზე გამოცხადებული კონკურსის მეორე ეტაპი – ტესტირება ჩატარდა.
გამსვლელ ქულად საკონკურსო-საატესტაციო კომისიის მიერ 65 ქულა განისაზღვრა, რომელიც სულ ექვსმა კონკურსანტმა გადალახა.
ამ წუთებში ბათუმში, თამარის დასახლებაში სს “საქართველოს რკინიგზის” საბაჟო ტერმინალის გახსნის ცერემონიალი მიმდინარეობს.
ძველ ბათუმში „გაფართოებულ ტროტუარებს“ ქალაქის ამჟამინდელმა ხელისუფლებამ „ქუჩების გაფართოება“ დაუპირისპრა. დაგეგმილია ქუთაისის, მემედ აბაშიძისა (კ. გამსახურდიას ქუჩიდან ზ. გამსახურდიას ქუჩამდე) და ზვიად გამსახურდიას ქუჩის სავალი ნაწილების გაფართოება.
ამ წუთებში, ბათუმში, ევროპის მოედანზე იპოთეკარების აქცია მიმდინარეობს. აქციის მონაწილეებს გაშლილი აქვთ კარავი, სადაც ხელმოწერებს აგროვებენ, აქციის მონაწილეთა მთავარი მოთხოვნა რეგიონში საკადრო პოლიტიკის შეცვლაა. “გვინდა საზოგადოების ყურადღება მივიქციოთ, მოვითხოვთ საკადრო პოლიტიკის შეცვლას აჭარაში. ხელმოწერებს იმისთვის ვაგროვებთ, რომ ხელისუფლებას თავი ვაღიარებინოთ რეჟიმის მსხვერპლად” – ლილი მორჩაძე, იპოთეკარი.
დღეს ბათუმის კომპლექსურ სასპორტო სკოლაში, სტარტს აიღებს აჭარის ჩემპიონატი ჭადრაკში, რომელიც 9 თებერვალამდე გაგრძელდება. შეჯიბრება 3 ასაკობრივ ჯგუფში ჩატარდება: 7 წლამდე, 12 წლამდე , 16 წლამდე ჭაბუკთა და გოგონათა შორის, სადაც აჭარის ყველა მუნიციპალიტეტის მოჭადრაკე მიიღებს მონაწილეობას.
ბათუმის საკრებულოს სხდომათა დარბაზს პირდაპირი ეთერისთვის ტექნიკური აღჭურვილობა დაემატა. კედლებზე დამონტაჟდა 4 ვიდეოთვალი, სამიქსერო პულტი და დეპუტატებისთვის განკუთვნილი მიკროფონები.
ყოფილი ნავთობგადამამუშავებელი ქარხნის საამქროს შენობაში შეჭრილ 29 ოჯახს გამოსახლება ემუქრება.
C ჰეპატიტის სამკურნალო მედიკამენტებზე ფასდაკლებით სარგებლობის უფლების მისაღებად, 1 თებერვლიდან დაინტერესებულმა პირებმა სოციალური მომსახურები სააგენტოს ან მის ტერიტორიულ სამსახურებს უნდა მიმართონ.
პრესკაფეში ახალგაზრდა მეცნიერთა კავშირმა „ინტელექტმა“ ორი მიზნობრივი პროგრამის პრეზენტაცია გამართა. პროგრამები სტიქიით შედეგად უსახლკაროდ დარჩენილი ოჯახებისთვის დახმარების გაწევას ითვალისწინებს.
სტიქიით დაზარალებულ ოჯახებთან, რომლებსაც საქართველოს სხვადასხვა რეგიონში განსახლების სურვილი აქვთ დღეს დილიდან შეხვედრები იმართება.
ბათუმის მერიისა და საკრებულოს შენობის მისაღებში ინციდენტი მოხდა. ბათუმის ავტოტრანსპორტის მარკეტინგის თანამშრომელი მერაბ ღოღობერიძე დაცვის პოლიციამ საკრებულოს შენობის მეორე სართულზე არ აუშვა. დაცვის სამსახურის თანამშრომელსა და ღოღობერიძეს შორის ფიზიკური დაპირისპირება მოხდა.
ბათუმში, წიგნის მაღაზია „წიგნები ბათუმშის“ წინ მდგარი ყვავილების ქოთნებიდან ერთი ქოთანი მოიპარეს. შემთხვევა 29 იანვარს, გვიან ღამით მოხდა.
ჰილტონ ბათუმი პერსონალის შერჩევას იწყებს. ამჟამად 15 ვაკანსიაა გამოცხადებული სხვადასხვა მიმართულების მენეჯერის პოზიციაზე.
ამ წუთებში ბათუმში საკრებულოს სხდომა მიმდინარეობს. სხდომის დაწყებისთანავე, საკრებულოს თავმჯდომარე, ირაკლი ჩავლეიშვილმა გია ერმაკოვს ვიცე-მერის თანამდებობა მიულოცა. სხდომას ახალი ვიცე მერიც ესწრება. ფრაქცია „ერთიანი ნაციონალური მოძრაობის“ წევრმა გიორგი კირთაძემ მომავალში ერმაკოვის მერად დანიშვნის ეჭვი გამოთქვა.
ბათუმში, თამარის დასახლებაში მდებარე ერთ-ერთ შენობაში სოციალურად დაუცველი 29 ოჯახი შეიჭრა. შენობაში ადრე აბანო იყო განთავსებული, შემდეგ სარიტუალო დარბაზი, ამჟამად კი ცარიელია და უფუნქციოა.
ბათუმის მერმა ჯემალ ანანიძემ გიორგი ერმაკოვის მის მოადგილედ დანიშვნის გამო კომენტარი რამდენიმე წუთის წინ გააკეთა.
მერის განცხადებით, „ერმაკოვი დღეს დავნიშნე და პირველივე სამუშაო დღეს შევახვედრე კოლექტივს, ხვალ კი ოფიციალური წარდგინება მოხდება იმ საკურატორო სამსახურებთან, რომლებსაც ის გაუწევს კურირებას.
რატომ მაინც და მაინც გიორგი ერმაკოვი? ნებისმიერი პირის მისამართით შეიძლება დაისვას ეს კითხვა. ზურაბ პატარაიას შესახებაც დაისვა კითხვები, თუმცა ჩვენ ისიც ავიყვანეთ მოადგილედ, რადგან საზოგადოება ამა თუ იმ ფორმით ენდობა მას და მხარს უჭერს, ჩვენც ჩავთვალეთ, რომ მისთვის უფრო რეალური ფართო სპექტრი მიგვეცა თვითმმართველობაში“.
სურსათის უვნებლობის სამსახურმა ბათუმში, ჭავჭავაძის ქუჩის 7 ნომერში მდებარე საშაურმედან ნიმუშები აიღო და ლაბორატორიული კვლევის შედეგად დაასკვნა, რომ იმ შაურმის მზა პროდუქტში, რომლითაც გასულ კვირას 21 ადამიანი მოიწამლა, უსაფრთხოების ხარისხი დარღვეული იყო.
ბათუმის ვიცე-მერის თანამდებობა ნათია სურგულაძემ დატოვა. მის ნაცვლად დღეს ვიცე-მერად გიორგი ერმაკოვი დანიშნეს. ინფორმაცია ოფიციალურად დაადასტურა მერიის პრესსამსახურმა.
გიორგი ერმაკოვი აჭარის გარემოს დაცვის ინსპექციის უფროსად მუშაობდა. ის ბათუმის მერის, ჯემალ ანანიძის შემცვლელად რამდენიმე დღის წინ დასახელდა.
იაფი სახლის პროექტის ფარგლებში ბათუმის მერია 200-ბინიან კორპუსს ააშენებს. პროექტით ისარგებლებენ ის უსახლკარო ოჯახები, რომლებიც ხუთ-შვიდ წელზე მეტ ხანს ცხოვრობენ ბათუმში და საცხოვრებელი სახლი არ აქვთ. მერია მათ შესთავაზებს ბინას თვითღირებულების ფასად, საფასურს კი 10 წელზე გადაუნაწილებს. ამ დროისათვის ბათუმში 1700 უსახლკარო ოჯახი ცხოვრობს.
<!** Image 1 align="left" width="300" height="219" >
„საერთაშორისო გამჭვირვალობა-საქართველოს“ ბათუმის წარმომადგენლობის მიერ გავრცელებულ პრესრელიზში განსაზღვრულია რა კრიტერიუმებს უნდა აკმაყოფილებდეს საგამოძიებო სტატია, რაც კონკურსში მონაწილეობის მსურველებმა, აჭარაში მომუშავე ჟურნალისტებმა უნდა გაითვალისწინონ.
პასუხი ნებისმიერ კითხვაზე, ნებისმიერი ამბავი, რომლის მოყოლასაც იწყებს, ეკომიგრანტებთან მიდის. ციალას არც ერთი ამბის მოყოლა არ შეუძლია ისე, ეკომიგრანტებს რომ არ დაუკავშიროს, მათგან გაგონილი ან მათთან ნანახი არ გაახსენოს. 27 წლის ციალა ქათამიძე არასამთავრობო ორგანიზაცია „ბორჯღალის“ აღმასრულებელი დირექტორი და სამოქალაქო აქტივისტია. უკვე მეოთხე წელია, რაც ის ამ სფეროში მუშაობს და „სადღაც ბოლოსკენ“ საქველმოქმედო ფონდის დაარსებაზე ოცნებობს.
დაფინანსება, ახალი მეჩეთის მშენებლობის ადგილი, სამუფთოს ორად გაყოფასთან დაკავშირებული და სხვა ორგანიზაციული საკითხები იყო ის თემები, რაზეც დღეს ბათუმის საქართველოს შერიგებისა და სამოქალაქო თანასწორობის მინისტრი პაატა ზაქარეიშვილი და სრულიად საქართველოს მუფთი ჯემალ პაქსაძე რელიგიური საბჭოს წევრებთან ერთად დახურულ კარს მიღმა საუბრობდნენ. შეხვედრა ბათუმის მეჩეთის ადმინისტრაციულ ნაწილში ორ საათზე მეტ ხანს გაგრძელდა.
სამშენებლო კომპანია „ორბისა“ და მოქალაქე ლია ლიბერმანის სასამართლო სხდომა გაიმართა.
ბათუმის მუნიციპალური ტრანსპორტის მომსახურებაში ახალი სერვისი დაინერგა. 29 იანვრიდან ავტობუსის მგზავრებს უკევ შეუძლიათ ისარგებლონ ახალი სერვისით და SMS – ის სახით მიიღონ ინფორმაცია კონკრეტულ გაჩერებაზე ავტობუსის მოსვლის დროის შესახებ.
ბათუმში მცხოვრები 61 იპოთეკარი აჭარის მთავრობის თავმჯდომარეს შეხვდა. ისინი ერთ წელზე მეტია მთავრობისგან დახმარებას მოითხოვენ.
აჭარის ფინანსთა სამინისტროს სხდომის დამთავრების შემდეგ დისკუსიის დროს ეკა თარგამაძის დასმული კითხვა მინისტრისთვის გამაღიზიანებელი აღმოჩნდა.
სასტუმრო „რედისონ ბლუ ბათუმში“ აჭარის ფინანსთა და ეკონომიკის სამინისტრომ 2013 წლის შემაჯამებელი სხდომა გამართა და 2014 წლის პრიორიტეტული სამუშაო გეგმები წარმოადგინა. შეხვედრას საკანონმდებლო და აღმასრულებელი ხელისუფლების, თვითმმართველობების, არასამთავრობო ორგანიზაციის წარმომადგენლები ესწრებოდნენ.
აჭარის სოფლის მეურნეობის მინისტრი ზაურ ფუტკარაძე, ერთიანი ნაციონალური მოძრაობიდან ბათუმის საკრებულოს წევრის ნოდარ დუმბაძის კითხვებს პასუხობს.
ცნობილია შუახევის რესურსცენტრის უფროსის ვაკანტური თანამდებობის დასაკავებლად განათლების სამინისტროს მიერ გამოცხადებული კონკურსის პირველი ეტაპის შედეგები.
ხულოს მუნიციპალიტეტში მცხოვრები სოციალურად დაუცველი ოჯახები ერთჯერად ფინანსურ დახმარებას ვეღარ იღებენ. ერთჯერადი დახმარების პროგრამა, რომლის ფარგლებშიც ხულოს მუნიციპალიტეტის გამგეობა მუნიციპალიტეტში მცხოვრებ უკიდურესად გაჭირვებულ მოსახლეობას ფინანსურად ეხმარებოდა, წელს სოციალური პროგრამების სიაში აღარ არის.
სასოფლო სამეურნეო ვაუჩერების თემაზე ნოდარ დუმბაძემ, ბათუმის საკრებულოს წევრმა „ნაციონალური მოძრაობიდან“, განცხადება გააკეთა.
„(IV) წერილი საკუთარ თავს“, – ასე იწყება წერილი, რომელიც მარიამ კოჩალიძის ოჯახმა ცოტა ხნის წინ, მარიამის პირადი ნივთების დალაგებისას იპოვა. წერილი დალუქული იყო. ლურჯ ფურცელზე მარიამი ძირითადად სამოქალაქო საზოგადოების განვითარებაში თავის როლსა და მოქალაქეების გააქტიურების აუცილებლობაზე წერს.
სტიქიით დაზარალებული 74 ოჯახი, რომელთა საცხოვრებელი სახლი და ადგილი სპეციალისტებმა სიცოცხლისათვის საშიშად მიიჩნიეს, ბინას ბენზეში ე.წ. სოციალურ სახლში მიიღებს. ამის შესახებ გადაწყვეტილება აჭარის მთავრობამ სპეციალური სამთავრობო კომისიის რეკომენდაციით მიიღო.
ბათუმში, ფარნავაზ მეფის ქუჩაზე, ბარაკის ტიპის საცხოვრებელ სახლს ცეცხლი ღამის ათ საათზე წაეკიდა. დაზარალებულების შესახებ ინფორმაცია არ ვრცელდება. როგორც ბათუმის სახანძრო სამსახურში „ბათუმელებს“ აცნობეს, თავდაპირველად შემთხვევის ადგილას გასული იყო 5 ბრიგადა, ამ დროისათვის კი ხანძარს ორი სახანძრო ბრიგადა ებრძვის.
ხანძრის გამომწვევ მიზეზებს ამ დროისათვის იკვლევენ.
ბათუმის საკრებულოს თავმჯდომარის მისაღებში სოციალურად დაუცველებმა აქცია შეწყვიტეს.
