Batumelebi | ხულოს მუნიციპალიტეტში სტიქიის შედეგად დაზარალებული ოჯახების რეგისტრაცია მიმდინარეობს ხულოს მუნიციპალიტეტში სტიქიის შედეგად დაზარალებული ოჯახების რეგისტრაცია მიმდინარეობს – Batumelebi
RU | GE  

ხულოს მუნიციპალიტეტში სტიქიის შედეგად დაზარალებული ოჯახების რეგისტრაცია მიმდინარეობს

 

სტიქიით დაზარალებულ ოჯახებთან, რომლებსაც საქართველოს სხვადასხვა რეგიონში განსახლების სურვილი აქვთ  დღეს დილიდან შეხვედრები იმართება. 

 

შეხვედრას აჭარის ჯანმრთელობისა და სოციალური დაცვის მინისტრის მოადგილე რამაზ ჯინჭარაძე და საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლილთა სამინისტროს წარმომადგენელი მიშა თედორაძე მართავენ. სამუშაო ჯგუფმა ამ დროსათვის რეგიონიდან განსახლების მსურველი 70 ოჯახი დაარეგისტრირა, პროცესი დღის ბოლომდე გაგრძელდება.

 

საქართველოს ლტოლვილთა და განსახლების სამინისტრო აღნიშნულ ოჯახებს ადგილმონაცვლეობას კახეთში, სამეგრელოსა და იმერეთში სთავზობს, სადაც უწყებამ გასულ წელს ეკომიგრანეტბისთვის 33 საცხოვრებელი სახლი შეიძინა.

 

საცხოვრებელ სახლებთან ერთად სტიქიის შედეგად დაზარალებულებს სარგებლობაში გადაეცემათ 2 500 კვ.მ. მიწის ნაკვეთი და დამხმარე ნაგებობები. ოჯახების შერჩევა განხორციელდება საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლილთა მინისტრის N779 ბრძანებით შექმნილი კომისიის მიერ, შესაბამისი კრიტერიუმების მიხედვით.

 

რეგისტრაცია იწარმოებს 20 თებერვლის ჩათვლით, მსურველებმა უნდა მომართონ აჭარის ავტონომიური რესპუბლიკის ჯანმრთელობისა და სოციალური დაცვის სამინისტროში ლტოლვილთა და განსახლების სამინისტროს წარმომადგენელს.

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"