სასტუმრო „რედისონ ბლუ ბათუმში“ აჭარის ფინანსთა და ეკონომიკის სამინისტრომ 2013 წლის შემაჯამებელი სხდომა გამართა და 2014 წლის პრიორიტეტული სამუშაო გეგმები წარმოადგინა. შეხვედრას საკანონმდებლო და აღმასრულებელი ხელისუფლების, თვითმმართველობების, არასამთავრობო ორგანიზაციის წარმომადგენლები ესწრებოდნენ.
აჭარის ფინანსთა და ეკონომიკის მინისტრის დავით ბალაძის თქმით 2014 წელს პრიორიტეტი სოციალური მიმართულება იქნება, რომლის ფარგლებში იგეგმება 13 მილიონიანი პროექტის – „სოციალური სახლის“ მშენებლობა. პროექტი 2017 წლამდე დამთავრდება და ეკომიგრანტებისა და სოციალურად დაუცველთათვის სახლების აშენებას ითვალისწინებს.
„სამინისტროს პრიორიტეტი სოციალური კუთხით მუშაობაა. ვიმუშავებთ რომ დაგეგმილი ღონისძიებები აუცილებლად შესრულდეს“ – განაცხადა დავით ბალაძემ.
