„ერთიანი ნაციონალური მოძრაობიდან“ უმაღლესი საბჭოს წევრმა ეკა თარგამაძემ დავით ბალაძეს სამინისტროს მიერ განხორციელებული მსხვილი ინვესტიციის დასახელება სთხოვა, რაზეც დავით ბალაძემ განაცხადა:
„ჩვენ პომპეზური საინვესტიციო პროექტი არ დაგვიწყია, მაგრამ მომავალში დავიწყებთ. ვესაუბრეთ სინგაპურებლებს, საქმე ეხება 70 მილიონიანი ლარის სასტუმროს მშენებლობას. იმ პირობებში, როცა ინვესტორებს შეგნებულად აჯარიმებდნენ ყოფილი ხელისუფლების დროს, რთული იყო პირველ წელს ახალი ინვესტიციების მოძიება“.
ეკა თარგამაძის შეფასებით მინისტრი მტკივნეულად რეაგირებს კრიტიკაზე.
„მე პასუხად მივიღე, რომ ახალი ინვესტიცია რეგიონში არ განხორციელებულა და ამ ერთი წლის მანძილზე სამინისტრო დაკავებული იყო წინა ხელისუფლების პროექტების გადახედვით“- განაცხადა ეკა თარგამაძემ.
