Batumelebi | საკრებულოს წევრის შეკითხვები აჭარის სოფლის მეურნეობის სამინისტროს საკრებულოს წევრის შეკითხვები აჭარის სოფლის მეურნეობის სამინისტროს – Batumelebi
RU | GE  

საკრებულოს წევრის შეკითხვები აჭარის სოფლის მეურნეობის სამინისტროს

 

სასოფლო სამეურნეო ვაუჩერების თემაზე ნოდარ დუმბაძემ,  ბათუმის საკრებულოს წევრმა „ნაციონალური მოძრაობიდან“,  განცხადება გააკეთა. 

 

ნოდარ დუმბაძე
ნოდარ დუმბაძე

ნოდარ დუმბაძე მოახლოებულ თვითმმართველობის არჩევნებს უკავშირებს და ცრუ დაპირებად მიიჩნევს აჭარის სოფლის მეურნეობის სამინისტროს პროგრამას, რომლის ფარგლებშიც მოსახლეობის იმ ნაწილს, ვისაც გასულ წელს სასოფლო-სამეურნეო დანიშნულების ვაუჩერი არ მიუღია, 2014 წელს დაურიგდება აღინიშნული ბარათები.

 

 

„2014 წლის სოფლის მეურნეობის სამინისტროს ბიუჯეტში გაჩნდა თანხა, რომელიც ითვალისწინებს ბათუმის შემოერთებულ ტერიტორიაზე 11 ათას სასოფლო-სამეურნეო ბარათის მოსახლეობაზე გადაცემას. წინააღმდეგი არ ვართ, მაგრამ არის კითხვები. 2013 წელს ეს ბარათები არ გადაეცა მოსახლეობას. სამინისტრო აცხადებდა, რომ სასოფლო-სამეურნეო მიწის ნაკვეთი არ არსებობდა ქალაქის ტერიტორიაზე. როგორ გაჩნდა წელს თავისუფალი მიწინ ნაკვეთები და აპირებს თუ არა სოფლის მეურნეობის  სამინისტრო იმ დავალიანების დაფარვას, რომელიც გასულ წელს არ მიუღია მოსახლეობას?

 

ვფიქრობ, ეს ამბავი უკავშირდება მოახლოებულ თვითმმართველობის არჩევნებს“ – განაცხადა ნოდარ დუმბაძემ.

 

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი