Author Archives: ბათუმელები

კომპანიას, რომელიც სახელმწიფოსთან აღებულ ვალდებულებებს ვერ ასრულებს, აჭარის მთავრობა პირგასამტეხლოსგან ათავისუფლებს. ამის პარალელურად აჭარის მთავრობის თავმჯდომარე არჩილ ხაბაძე მიმდინარე სამშენებლო პროექტის მასშტაბების გაზრდაზე მერიასთან შუამდგომლობს. ცოტა ხნის წინ საკრებულოში იმაზეც დაობდნენ, რომ ახალი რეგულაცია სწორედ ამ ინვესტორს მოარგეს.

აჭარის მთვარობის ვებგვერდის ცნობით, ბუნების დაცვის მსოფლიო ფონდის (WWF) კავკასიის წარმომადგენლებმა აჭარის ტყეების დაცვის, აღდგენისა და მდგრადი გამოყენების ხელშეწყობისთვის თანამშრომლობის სურვილი გამოთქვეს აჭარის გარემოს დაცვისა და ბუნებრივი რესურსების სამმართველოსთან. თანამშრომლობის მიზანია, ხულოს მუნიციპალიტეტში, სოფლების ტაბახმელასა და ბოძაურის მიმდებარე ტერიტორიაზე, სუბალპური ტყეების აღდგენა და დაცვა.

ბათუმის ბულვარის ადმინისტრაციის პრესსამსახურის ინფორმაციით  ბათუმის ბულვარმა 130 ერთეული, ბულვარის ლოგოთი ბრენდირებული, ახალი საბაღე სკამი შეიძინა.  საბაღე სკამები ბათუმის ბულვარში ეტაპობრივად გადანაწილდება. ამ დროისთვის 40 ახალი სკამი უკვე განთავსებულია. 

„ბათუმელების“ მკითხველმა დღეს, 10 ივლისს ბათუმის ახალ ბულვარში, გონიო-კვარიათის მონაკვეთში გადაღებული ფოტოები მოგვაწოდა, სადაც ჩანს თუ როგორ სეირნობს პირუტყვი ბულვარის სასეინრო ბილიკზე, ხოლო ავტომანქანების მეპატრონეები ამ ბილიკს პარკინგის დანიშნულებით იყენებენ.   

ბათუმის ზოოკუთხეში ამ დროისთვის 110 ბინადარი ცხოვრობს. მათგან 39 ჩლიქოსანია, 37 – პრიმატი, 19 – ფრინველი. ჰყავთ ბოცვრები და ზღვის გოჭი. ზოოკუთხის განყოფილების უფროსი ამირან მურვანიძე ამბობს, რომ ზოოკუთხისთვის განკუთვნილი ფართობი სტანდარტებს აკმაყოფილებს, თუმცა „ორ-სამ წელიწადში თუკი ნამატი ერთ ვოლიერში 20-ს აღემატება, ცხოველებისთვის ალტერნატიული ფართობის გამოძებნა აუცილებელი გახდება“.

უნდა ჰქონდეს თუ არა სისხლის სამართლებრივი იმუნიტეტი თვითმართველობის არჩეულ თანამდებობის პირებს – ამის შესახებ კვლევა აჭარის ახალგაზრდა იურისტთა ასოციაციამ  ორგანიზაცია ”ადგილობრივი დემოკრატიის სააგენტოს” წარმომადგენლებთან ერთად ჩაატარა. კვლევის ფარგლებში საქარათველოს რვა თვითმმართველ ქალაქში საკრებულოების 300-მდე წევრი და მესამე სექტორის წარმომადგენლები გამოკითხეს. კვლევის დასკვნითი ნაწილის პრეზენტაცია ორ კვირაში  გამოქვეყნდება, მანამდე კი კვლევა სამოქალაქო საზოგადოებას და საკრებულოს წევრებს გააცნეს. 

საქართველოს პრემიერ-მინისტრმა ირაკლი ღარიბაშვილმა დღეს სამუშაო შეხვედრა გამართა აჭარის მთავრობის თავმჯდომარესთან არჩილ ხაბაძესთან და აჭარის ავტონომიური რესპუბლიკის ფინანსთა და ეკონომიკის მინისტრთან, დავით ბალაძესთან.

ინფორმაცია  ამის შესახებ პრემიერ-მინისტრის ფეისბუქის გვერდზე გავრცელდა. 

ბათუმის დელფინარიუმი სოციალურ ქსელებსა და მედიაში გავრცელებულ ინფორმაციას შშმ პირებისათვის დელფინებთან ინტერაქტივის განსხვავებული, უფრო მაღალი ფასის შესახებ, ფეისბუქზე გამოეხმაურა. „ბათუმელები“ განცხადების ტექსტს უცვლელად გთვაზობთ. 

შეგახსენებთ, რომ ბათუმის დელფინარიუმში დელფინებთან 15 წუთიანი ინტერაქტივის ფასი 3–დან 16 წლამდე პირთათვის 100 ლარი, 16 და ზემოთ – 150 ლარი, ხოლო შეზღუდული შესაძლებლობის მქონე პირთათვის ყველაზე ძვირი, – 160 ლარია. ორგანიზიებში, სადაც ადამიანის უფლებებების საკითხებზე მუშაობენ, ამბობენ, რომ შშმ პირთათვის უფრო ძვირი სერვისი შესაძლოა დისკრიმინაციის ნიშნებს შეიცავდეს.

8 ივლისს ბათუმში, თურქეთის საკონსულოსთან აქცია გაიმართა. აქციის მონაწილეებმა მიმართეს თურქეთის საკონსულოს, შეწყდეს თურქი მებაჟეების მხრიდან საქართველოს მოქალაქეების მიმართ დამამცირებელი მოპყრობა საზღვარზე, რაც, მათი თქმით, უკვე წლებია ხდება. გასულ კვირას ორი ასეთი ფაქტის შესახებ განაცხადეს მოქალაქეებმა: თემურ აბაშიძე და მისი ოჯახის წევრები აცხადებენ, რომ 30 ივნისს ისინი თურქმა მებაჟეებმა სიტყვიერად და ფიზიკურად შეურაცხყვეს, თენგიზ ხალვაშმა კი განაცხადა, რომ ის 4 ივლისს, საქართველო-თურქეთის საზღვრის კვეთის დროს, სარფის გამშვებ პუნქტზე, თურქეთის ტერიტორიაზე მებაჟემ ფიზიკურად შეურაცხყო. 

8 ივლისს გენდერულ თანასწორობაზე ცნობიერების ამაღლებასა და გადაწყვეტილების მიღების დროს ქალების ჩართულობაზე ქედის მუნიციპალიტეტის სააქტო დარბაზში ჩატარდა ტრენინგი  „გენდერის საათი“. 

ივლისი ბათუმში წვიმიანი ამინდით დაიწყო. ქალაქის ქუჩებსა და ბულვარში ხშირად შეხვდებით თხელ ქურთუკებსა და ჟაკეტებში გამოწყობილ ადამიანებს, ღია კაფეებში ტურისტები პლედებს ითხოვენ, პლაჟზე კი დამსვენებლებს კანტიკუნტად თუ ნახავთ, თუმცა არიან ისეთებიც, რომლებიც წვიმას არ უშინდებიან და მაინც ბანაობენ. დღეს, შუადღის 3 საათისთვის ჰაერის ტემპერატურა ბათუმში 21 გრადუსი იყო. იმ ვებგვერდების ინფორმაციით, რომლებიც ამინდის პროგნოზს ავრცელებენ, ბათუმში პარასკევს, 10 ივლისს გამოიდარებს, თუმცა 12 ივლისიდან ისევ იწვიმებს. წინასწარი პროგნოზით თვის მანძილზე საშუალო ტემპერატურა 24-32 გრადუსი იქნება.