ნეტგაზეთი • RU

პრემიერ-მინისტრი ხაბაძეს და ბალაძეს შეხვდა

 

საქართველოს პრემიერ-მინისტრმა ირაკლი ღარიბაშვილმა დღეს სამუშაო შეხვედრა გამართა აჭარის მთავრობის თავმჯდომარესთან არჩილ ხაბაძესთან და აჭარის ავტონომიური რესპუბლიკის ფინანსთა და ეკონომიკის მინისტრთან, დავით ბალაძესთან.

ინფორმაცია  ამის შესახებ პრემიერ-მინისტრის ფეისბუქის გვერდზე გავრცელდა. 

 

 

კადრი პრემიერ-მინისტრის ადმინისტრაციის მიერ გავრცელებული ვიდეოდან

“შეხვედრაზე აჭარის რეგიონში მიმდინარე პროექტები განიხილეს და ბოლო ორი კვარტლის ეკონომიკური შედეგები შეაჯამეს. საუბარი შეეხო ტურისტული სეზონის საკითხებს და მასთან დაკავშირებულ სიახლეებს. აჭარის მთავრობის წარმომადგენლებმა პრემიერ–მინისტრს საინვესტიცო პროექტებზე ინფორმაცია მიაწოდეს”-წერია უწყების მიერ გავრცელებულ ინფორმაციაში.

 

შეხვედრას მთავრობის ადმინისტრაციის რეგიონებსა და ადგილობრივ თვითმმართველ ორგანოებთან ურთიერთობის დეპარტამენტის უფროსი გიორგი ამაშუკელი დაესწრო.

ნეტგაზეთის მასალების სხვა გამოცემებში გადაბეჭდვის წესი
" ბათუმელები"