ნეტგაზეთი • RU

ბათუმში 15 წლის ბიჭს მაშველები ზღვაში ეძებენ


დღეს, 11 ივლისს, მაშველები ბათუმში რამდენიმე საათის განმავლობაში უშედეგოდ ეძებდნენ 15 წლის მოზარდს, რომელიც ახლობლების თქმით ზღვაში შევიდა და არ გამოსულა. ამ დროისათვის მყვინთავებმა და მაშველებმა სამუშაოები შეწყვიტეს, საძიებო-სამაშველო  სამუშაოები ხვალ, დილის ექვსი საათიდან განახლდება.

 

სამაშველო სამსახურის ინფორმაციით, შემთხვევა ახალი ბულვარის ტერიტორიაზე დღეს, 11 ივლისს, საღამოს საათებში მოხდა. „რვის წუთებზე შემოვიდა შეტყობინება და რამდენიმე წუთში ადგილზე მობილიზებული იყვნენ მაშველები, სამძებრო-სამაშველო პროცესში მყვინთავებიც იყვნენ ჩართული, თუმცა მოზარდის პოვნა ვერ შეძლეს“, – განუცხადეს „ბათუმელებს“ სამაშველო სამსახურის პრესცენტრში. 


შს სამინისტროს პრესსამსახურის ინფორმაციით, საქმე 115-ე მუხლითაა აღძრული. 


ნეტგაზეთის მასალების სხვა გამოცემებში გადაბეჭდვის წესი
"ბათუმელები"