Author Archives: ბათუმელები

შინაგან საქმეთა სამინისტროს ინფორმაციით, გოგონას განზრახ მკვლელობის მცდელობაში ბრალდებული 20 წლის მამაკაცი სამართალდამცავებმა ზესტაფონში დააკავეს.

ბათუმი, ხიმშიაშვილის პირველ ნომერში ხვალიდან უკვე შეგიძლიათ ესტუმროთ “ფორუმის” ფილიალს.  ფილიალი ბათუმში დღეს გაიხსნა. ამ  მისამართზე იყიდება  როგორც ინტერიერისთვის, ისე სახლის ექსტერიერისთვის განკუთვნილი მსოფლიო ბრენდების ავეჯი, განათება და აქსესუარები.

სასჯელაღსრულებისა და პრობაციის მინისტრი გიორგი მღებრიშვილი დღეს ბათუმის №3 დაწესებულებაში იმყოფებოდა.  სასჯელაღსრულებისა და პრობაციის მინისტრი გიორგი მღებრიშვილი სასჯელაღსრულების N3 დაწესებულების მსჯავრდებულებს შეხვდა, ზაფხულის სეზონთან დაკავშირებით ინდივიდუალური კონდიცირების ახალი სისტემის მონტაჟის სამუშაოები დაათვალიერა და პატიმართა სამედიცინო პრევენციულ გამოკვლევებს დაესწრო. „ბათუმელების“ კითხვებს მინისტრმა მე-3 დაწესებულებაში უპასუხა:

დღეს, სასჯელაღსრულების №3 დაწესებულებაში სამედიცინო აქციის ფარგლებში მედიატური ჩატარდა.  

4 ივლისს, 16:00 საათზე, აჭარის ხელოვნების სახელმწიფო მუზეუმის ახალ გალერეაში (ბათუმი, გორგილაძის ქუჩა #8)  პროექტის „ძველი ქალაქების თანამედროვე იერსახეები“ დახურვა გაიმართება. გამოიფინება ბათუმში არსებული კულტურული მემკვიდრეობის შენობების ამსახველი 25 ძველი და მათი შესაბამისი 25 ახალი ფოტო.

აჭარის მთავრობის თავმჯდომარის შუამდგომლობის საფუძველზე ბათუმის მერია დეველოპერებს სამშენებლო პროექტების სიმაღლის გაზრდაზე ნებართვას აძლევს. გარდა ამისა, სამთავრობო პროგრამა მათ უსახური საცხოვრებლების ათვისების სანაცვლოდ ბათუმის ფასიან ზონაში კოეფიციენტის გაზრდის ანუ სიმაღლის გადასახადისგან ათავისუფლებს. შარშან ამ გადასახადმა ბათუმის ბიუჯეტს მილიონზე მეტი ლარი შემატა. ვის ინტერესშია ინვესტორის ხეირის გაორმაგება ბიუჯეტის დაზარალების სანაცვლოდ და რა ნიშნით ირჩევს არჩილ ხაბაძე დეველოპერებს, როცა ზოგიერთს შუამდგომლობაზე თანხმდება, ზოგიერთს კი უარს ეუბნება.

ბათუმის მერია მოსახლეობას მოუწოდებს, თავი შეიკავონ ქალაქში სავაჭრო ჯიხურების  თვითნებურად დადგმისგან და ასეთის არსებობის შემთხვევაში, მიმართონ შესაბამის სამსახურს. 

„სპორტსმენი, რომელიც ოლიმპიური და მსოფლო ჩემპიონებისთვის ემზადება და თან ზონდერი იყო, ასეთი რამ არ არსებობს, ეს სასაცილოა და ყველა ადამიანი, ვინც მათ აზრს იზიარებს, არის კლოუნი“, – განაცხადა დღეს, 2 ივლისს ჟურნალისტებთან საუბრის დროს მუხრან ვახტანგაძემ. აჭარის უმაღლესი საბჭოსა და საქართველოს პარლამენტის დეპუტატებმა – მედეა ვასაძემ და მურმან დუმბაძებ მუხრან ვახტანგაძე 2003 და 2007 წელს მშვიდობიანი მომიტინგეების დარბევაში დაადანაშაულეს. დეპუტატებმა განცხადებები ვახტანგაძის თანამდებობაზე დანიშვნის შემდეგ გააკეთეს. 

 ბათუმის მესამე დაწესებულებაში მყოფი ბრალდებული გ.ჟ. ადვოკატის მეშვეობით ჟურნალისტებს წერილს უგზავნის და საჯაროდ მიმართავს ციხის ადმინისტრაციის ხელმძღვანელობას, გადაიყვანონ საკანში, სადაც სხვა პატიმრები არიან განთავსებული.

ტრეფიკინგისა და უკანონო მიგრაციის სამმართველოს დასავლეთ რეგიონალური განყოფილების თანამშრომლებმა, უზბეკეთის რესპუბლიკის მოქალაქე, 1981 წელს დაბადებული დილრაბო ა. ტრეფიკინგის ბრალდებით ბათუმში, გონიოს დასახლებაში დააკავეს. ინფორმაციას ამის შესახებ შინაგან საქმეთა სამინისტრო ავრცელებს. 

ქედის მუნიციპალიტეტში, სოფელ გეგელიძეებში მცხოვრები მეორე მსოფლიო ომის ვეტერანი სერგო ხალვაში დღეს ასი წლის გახდა. 

ჰაერის ხარისხის მხრივ ბათუმში დამაკმაყოფილებელი მდგომარეობაა, საპანიკო არაფერია, მაგრამ ვერავის დავპირდებით, რომ ზაფხულში ჰაერი არ იქნება დაბინძურებული“,  – ამბობს აჭარის გარემოს დაცვის სამმართველოს გარემოს ინტეგრირებული მართვის განყოფილების უფროსი ნუგზარ პაპუნიძე.

საქართველოს მოქალაქე თემურ აბაშიძე ამბობს, რომ გუშინ, 30 ივნისს, დაახლოებით დღის პირველ საათზე, ის და მისი ოჯახის წევრები თურქეთის საბაჟოზე სიტყვიერად და ფიზკურად შეურაცხყვეს თურქეთის საბაჟოს თნამშრომლებმა. დღეს მერაბ აბაშიძე და მისი ოჯახის წევრები ჟურნალისტებს ბათუმში, თურქეთის საკონსულოს წინ შეხვდნენ. საკონსულოში აცხადებენ, რომ საქართველოს მოქალაქის მიმართვას შეისწავლიან.