ბათუმელები
1 ნოემბრიდან ძალაში შევიდა სახელმწიფო შესყიდვების სააგენტოს თავმჯდომარის ბრძანება, რომლის მიხედვითაც შემსყიდველმა ორგანიზაციამ, გამარტივებული შესყიდვის შესახებ გადაწყვეტილება სახელმწიფო შესყიდვების სააგენტოსთან უნდა შეათანხმოს. გადაწყვეტილება სააგენტოსთან თანხმდება სახელმწიფო შესყიდვების ერთიანი ელექტრონული სისტემის მეშვეობით. შემსყიდველმა ორგანიზაციამ ასეთი გადაწყვეტილება უნდა დაასაბუთოს.
ბათუმის პორტი, 1 ნოემბერი, 2015 წელი:
აჭარაში მოქმედ სამთავრობო დაწესებულებებსა და სახელმწიფო საწარმოებში აუდიტის სამსახურმა წელს 28 შემოწმება ჩაატარა. ბოლო სამი წლის განმავლობაში გამოვლენილი დარღვევების გამო კი, ასევე 28 საქმე აჭარის პროკურატურაშია გადაგზავნილი. „ბათუმელები“ პროკურატურაში გადაგზავნილ მასალებში დაფიქსირებული დარღვევებითა და უშუალოდ ამ მასალებზე სამართალდამცავი უწყების მხრიდან რეაგირებით დაინტერესდა.
ბათუმის ბიუჯეტის დაგეგმვისა და შესრულების საკითხზე უკმაყოფილებას არამხოლოდ ადგილობრივი ოპოზიცია, არამედ არასამთავრობო ორგანიზაციებიც ხშირად გამოთქვამენ. გასული წლის ბოლოს ბიუჯეტში 34 მილიონ 700 000 ლარი მორჩათ. ბიუჯეტის ირგვლივ დასმული კითხვებისა და კრიტიკის ადრესატი უმეტესწილად მერია და მერიის საფინანსო სამსახურია. კანონდებლობით ბიუჯეტის კონტროლი და მასთან დაკავშირებულ საკითხებზე რეკომენდაციების გაცემა საკრებულოს საფინანსო-საბიუჯეტო კომისიის პრეროგატივაცაა.
საქართველოს რეგიონული მედიის ასოციაციამ 27-28 ოქტომბერს ბათუმში არჩევნების თემასთან დაკავშირებით ახალგაზრდებისთვის ტრენინგი ჩაატარა. ტრენინგს, რომელიც ბათუმში ხელოვნების უნივერსიტეტში ჩატარდა, ძირითადად სტუდენტები ესწრებოდნენ.
დღეს, ბათუმის ცირკში გაიმართა საერთაშორისო ტურნირი კრივში. მასში 20 მოკრივე მონაწილეობდა. ათი მოკრივე ბათუმის კრივის კლუბ „Fight Center“-დან ხოლო ათი მოკრივე თურქეთის ქალაქ ტრაპზონიდან.
დღეს 31 ოქტომბერს, „წიგნები ბათუმში“ მწერალ სალომე ბენიძის პროზაული კრებულის – „ქალაქი წყალზე“ პრეზენტაცია გაიმართა. ავტორის გადაწყვეტილებით, წიგნებიდან შემოსული საავტორო ჰონორარი, ძუძუს კიბოსთან მებრძოლი ქალების დასახმარებლად გადაირიცხება.
საფუძვლიანი კვლევა იმის შესახებ თუ, რამდენად მაღალია ძალადობის მაჩვენებელი, საქართველოს სკოლებში არ ჩატარებულა. თუმცა ფაქტია, რომ ბულინგი, იგივე შარიანობა, მსოფლიო მასშტაბის პრობლემაა და ამ მხრივ არც საქართველოა გამონაკლისი. დიდ ბრიტანეთში გამოკითხული 5000 მოსწავლიდან 50%-მა აღნიშნა, რომ დაუმცირებია თანატოლი, მათგან 30 პროცენტი კი ამას სულ ცოტა კვირაში ერთხელ მაინც აკეთებს – აღნიშნულია ბულინგის საწინააღმდეგო საქველმოქმედო ფონდის Ditch The Label-ის 2015 წლის კვლევაში.
დღეს, 31 ოქტომბერს, საქველმოქმედო ორგანიზაცია „იალქანმა“ ბათუმში, პუშკინის 49 ნომერში სოციალურად დაუცველი ოჯახების ბავშვებისთვის სასწავლო ცენტრი „მომავლის ბავშვები“ გახსნა. ცენტრში ამ დროისთვის ასზე მეტი ბავშვია რეგისტრირებული, თუმცა სივიწრობის გამო მეცადინეობა ამ დროისთვის მხოლოდ 23 ბავშვს უტარდება.
ბათუმის საქალაქო სასამართლოს მოსამართლე ხვიჩა კიკილაშვილი განიხილავს ბრალდებულების – შ.ზ.-სა და პ.ი.-ს სისხლის სამართლის საქმეს. ბოლო სასამართლო პროცესზე პროკურორმა რომეო ტყაბლაძემ მოწმის სახით გამომძიებლები დაკითხა, რომლებმაც ბრალდებულების საქმეში სხვადასხვა საგამოძიებო მოქმედება ჩაატარეს, მაგალითად, დაკითხეს დაზარალებულები და ბრალდებულები, ასევე, გაჩხრიკეს და დააკავეს პირები.
„როგორც მანდატურებმა მითხრეს, ბრალდებული არაფხიზელ მდგომარეობაშია, ამიტომ მას სასამართლოს დარბაზში არ ვუშვებ“, – განმარტა მოსამართლე ხვიჩა კიკილაშვილმა სასამართლო პროცესზე. სხდომა ბრალდებულის გარეშე გაგრძელდა. ბრალდებული 51 წლის მამაკაცია.
აჭარის ყოფილი თავმჯდომარე ლევან ვარშალომიძე თავის Facebook-გვერდზე სამი წლის წინანდელ ვიდესიუჟეტს აქვეყნებს, რომელშიც ასახულია ის მომენტი, როცა აჭარის მართვა, არჩილ ხაბაძის თავმჯდომარეობით, ახალმა მთავრობამ გადაიბარა. ვიდეოსიუჟეტს თან ახლავს ლევან ვარშალომიძის კრიტიკის ტექსტი:
დღეს 19 საათზე, ბათუმში, ანბანის კოშკთან ველოსიპედის მოყვარულთა შეკრება გაიმართა, რომლის შემდგომაც, ქალაქის ქუჩებში ორგანიზებული ველომსვლელობა მოეწყო. ჰელოუინის დღესასწაულთან დაკავშირებით, რამდენიმე ველო მოყვარული თემატურ კოსტუმებში იყვნენ გამოწყობილი.
Critical Mass Batumi ტრადიციულად, ყოველი თვის ბოლო პარასკევს იმართება და მისი მიზანია შეახსენოს ავტომანქანის მფლობელებს, რომ ველოსიპედისტებსაც სჭირდებათ უსაფრთხო სივრცე.
ზღვის დონიდან 1930 მეტრზე მშენებარე სამთო-სათხილამურო კურორტი „გოდერძი“ ოფიციალურად დეკემბერში გაიხსნება. რა მომსახურებას შესთავაზებს სამთო კურორტი დამსვენებელს, დადგენილია თუ არა ამ ეტაპზე ტარიფები, რამდენად დაცული იქნება უსაფრთხოების ზომები კურორტზე, ამ და სხვა საკითხებზე „ბათუმელები“ სამთო კურორტის მშენებარე, სახელმწიფოს 100%-იანი წილით დაფუძნებულ შპს „გოდერძი რიზორტის“ დირექტორს ჯემალ ბოლქვაძეს ესაუბრა. აღნიშნულმა შპს-მ კურორტის გახსნის შემდეგ იმ ობიექტების მოვლა-პატრონობა უნდა განახორციელოს, რომელიც ამ ეტაპზე სახელმწიფოს საკუთრებაშია.
ცხვირიდან სისხლდენას (ეპიტაქსისს) ხშირად ერთჯერად და უმნიშვნელო პრობლემად მიიჩნევენ, თუმცა ოტორინოლარინგოლოგი ნინო კვერნაძე ამბობს, რომ ეპიტაქსისი თითქმის ყოველთვის ორგანიზმში რაღაც დარღვევის მანიშნებელია და შესაძლოა რომელიმე კონკრეტული დაავადების სიმპტომიც იყოს. “ეს ყველაფერი არის საყურადღებო, პაციენტი უნდა გასინჯოს ექიმმა და არა მეზობელმა, რადგან ყველას სხვადასხვა, ინდივიდუალური პრობლემის გამო აქვს ცხვირიდან სისხლდენა. ამ მიზეზის დასადგენად კი აუცილებელია ვიზიტი ექიმთან”, – ამბობს ნინო კვერნაძე.
„ბათუმელების“ ინფორმაციით, ქობულეთში 26 და 27 ოქტომბერს მომხდარ ყაჩაღობებში ბრალდებულები პოლიციამ 29 ოქტომბერს დააკავა. დაკავებულია ქობულეთში მცხოვრები 1983-85 წლებში დაბადებული სამი მამაკაცი. სამართალდამცავებმა ორი მათგანი თბილისში, ხოლო ერთი ქობულეთში დააკავა. ჩვენივე ინფორმაციით ამოღებულია ცეცხლსასროლი იარაღები, ნიღბები და გატაცებული თანხის ნაწილი.
დღეს, ბათუმში თურქეთის საკონსულომ საზეიმო მიღება გამართა. საკონსულომ სტუმრებს თურქეთის რესპუბლიკის 92 წლისთავისადმი მიძღვნილ საზეიმო ვახშამზე სასტუმრო „ლეოგრანდიში“ უმასპინძლა.
კომპანია, რომელიც, სავარაუდოდ, ე.წ. იაფი სახლის მშენებლობაზე ბათუმის მერიის მიერ გამოცხადებულ ოთხმილიონიან ტენდერს მოიგებს, შპს „სტალდომია“. ეჭვის საფუძველს აჩენს ის გარემოება, რომ შპს „სტალდომის“ ვებვერდზე გამოქვეყნებული ინფორმაცია კომპანიის შესაძლებლობების შესახებ, წინადადებების წყობაც კი, სატენდერო დოკუმენტაციაში დაფიქსირებულ მოთხოვნებს ხშირად ემთხვევა; ასევე კომპანიის ვებგვერდზე გამოქვეყნებული ფოტოები სატენდერო დოკუმენტაციაში გამოქვეყნებული ფოტოების ანალოგია. იაფი სახლის ტენდერი ხვალ, 30 ნოემბერს უნდა დასრულდეს.
საქართველოს საპატრიარქოს განათლების საბჭოს წარმომადგენლების განცხადებით, განათლების სამინისტრომ მათი რეკომენდაციით ახალი სახელმძღვანელოს „მე და საზოგადოებას“ სასწავლო გეგმიდან ტერმინები – „ლიბერალიზმი“, „დემოკრატიული ღირებულებები“ და „გენდერული იდენტობა“ ამოიღო. საპატრიარქოს ინფორმაციით, მათივე ჩარევის შედეგად შეიცვალა თავად სახელმძღვანელოს სათაურიც და მას „მე და ოჯახი“ ერქმევა. ხოლო ერთ-ერთი თემის სათაურს – „რისი მჯერა, რისი მწამს“, „რელიგია და რწმენა“ ჩაენაცვლება. რაზე მეტყველებს სასწავლო გეგმაში რელიგიური ინსტიტუციის ამ დოზით ჩარევა და პასუხობს თუ არა განათლების სამინისტრო კონსტიტუციით მასზე დაკისრებულ ვალდებულებებს?
„ფესტივალიდან ფესტივალამდე“, – ასე ჰქვია ყოველწლიურ სახელოვნებო ფესტივალს, რომელიც ბათუმში მეექვსედ იმართება. ფესტივალი გუშინ დაიწყო და 1 ნოემბრამდე გაგრძელდება. პროექტში მონაწილეობენ საქართველოს მასშტაბით შერჩეული რესპუბლიკური ფესტივალის – „მომავლის ვარსკვლავებისa“ და საერთაშორისო კონკურსის FUTURE STARS -ის ნომინანტები, ლაურეატები და პრიზიორები, 100-მდე ნორჩი ვირტუოზი მუსიკოსი და მხატვარი.
აჭარის ჯანდაცვის სამინისტროს ინფორმაციით, ჯანმრთელობისა და სოციალური დაცვის მინისტრი ნუგზარ სურმანიძე დღეს, 29 ოქტომბერს, უკრაინის ქალაქ ტერნოპოლის ექიმთა დელეგაციის წევრებს შეხვდა.
დღემდე არც ერთი საკანონმდებლო ინიციატივა არ ჰქონია – ამის მიუხედავად, უფლებამოსილების ვადის გასვლამდე ერთი წლით ადრე, ხელვაჩაურის მაჟორიტარი საქართველოს პარლამენტში როსტომ ხალვაში მის მიერ გაწეულ საქმიანობას დადებითად აფასებს. თუმცა ამბობს, რომ თუ მასზე უკეთესი გამოჩნდება მომავალში, ის უნდა აირჩიონ. დადებითად აფასებს ხელვაჩაურის მუნიციპალიტეტის გამგეობის მუშაობასაც, თუმცა მაინც ფიქრობს, რომ `დალხენილი ცხოვრება არ გვაქვს”. გასულ კვირას როსტომ ხალვაშმა “ბათუმელებთან” თავისი მუშაობის სამი წელი შეაფასა.
ოთხი თევზის უკანონოდ დაჭერაზე ბრალდებულისთვის გირაოს გაუქმებასა და სისხლის სამართლებრივი დევნის შეწყვეტას ითხოვდა ახალგაზრდა იურისტთა ასოციაციის იურისტი ხელვაჩაურის რაიონულ სასამართლოში. მოსამართლე თეიმურაზ ქათამაძემ დაცვის მხარის არც ერთი შუამდგომლობა არ დააკმაყოფილა. მოსამართლემ საქმის მოსმენა ისე დაიწყო, არ იცოდა რა ბრალი ჰქონდა დაკავებულს წარდგენილი. მოსამართლემ ბრალდებულს სწორი კვალიფიკაცია პროკურორის კარნახის შემდეგ განუმარტა.
მომღერალ ნიკო ბერიძესთან ინტერვიუ კავკასიის უნივერსიტეტის პირველი კურსის სტუდენტმა, ხატია ნაცვლიშვილმა მოამზადა.
ბათუმში 31 ოქტომბერს, შაბათს, 18:00-ზე, მაღაზიაში „წიგნები ბათუმში” გაიმართება სალომე ბენიძის პროზაული კრებულის – “ქალაქი წყალზე” პრეზენტაცია.
საჩივრის დაუშვებლობაზე უზენაესი სასამართლოს განჩინება „ბათუმელების“ რედაქციას დღეს, 2015 წლის 27 ოქტომბერს ჩაბარდა. „ბათუმელებმა“ შს სამისტროს მას შემდეგ უჩივლა სასამართლოში, რაც ადმინისტრაციულმა ორგანომ რედაქციას პრემიების შესახებ ინფორმაცია არ მოაწოდა.
ორთაბათუმში, ძველი სახლის პატარა ოთახში, ოქტომბრის წვიმიან ამინდში ცივა. საწოლზე 7 თვის საბა წევს. ფერმკრათალია და დროდადრო ახველებს. რამდენიმე დღეა გასული, რაც იგი ბათუმის დედათა და ბავშვთა ცენტრიდან გამოწერეს, სადაც საბა რეანიმაციის განყოფილებაში იწვა. მისი საავადმყოფოში მოხვედრის მთავარი მიზეზი, დედის თქმით, გაციება და არასაკმარისი კვება გახდა – 7 თვის საბა ძირითადად სიმინდის მოხალული ფქვილის ან ბრინჯის წყალზე დამზადებული ფაფით იკვებებოდა.
ბათუმში ხუთშაბათს, 29 ოქტომბერს, 17:00 სთ-ზე ჰაინრიჰ ბიოლის ფონდის სამხრეთ კავკასიის რეგიონული ბიურო გიწვევთ საჯარო დისკუსიაზე – არსებული ეკონომიკური და პოლიტიკური სისტემების გავლენა ბუნებრივ და სოციალურ გარემოზე.
ბათუმის მერიის განცხადებით, კომუნალური ინფრასტრუქტურის რეაბილიტაციის გამო, ათი დღის განმავლობაში, ჭავჭავაძის ქუჩიდან გოგებაშვილისა და მაზნიაშვილის ქუჩების კვეთამდე მოძრაობა შეიზღუდება.
28 ოქტომბერს „ერთიანი ნაციონალური მოძრაობის“ ბათუმის ოფისში რაულ თავართქილაძემ ბრიფინგი გამართა. მან ბოლო დღეებში ჭარაში მომხდარ კრიმინალურ შემთხვევებზე ისაუბრა და ხელისუფლება უმოქმედობაში დაადანაშაულა.
2015 წლის 30- 31 ოქტომბერსა და პირველ ნოემბერს, ბათუმში, 12 : 00 საათზე, ყინულის სასახლეში, კომპანია GEONET EXPO–ს ორგანიზებით გაიმართება მე-5 საერთაშორისო აგროსასურსათო პროდუქციის და ტექნოლოგიების გამოფენა-გაყიდვა – Agro Batumi 2015.
უკვე მეოთხე წელია, რაც ბათუმის სახელმწიფო უნივერსიტეტში ვსწავლობ და ვაკვირდები უნივერსიტეტში მიმდინარე პროცესებს. მინდა აღვნიშნო, რომ საკმარისი აღმოჩნდა ეს პერიოდი იმისათვის, რათა ვთქვა, რომ დღეს საგანმანათლებლო სივრცე, უნივერსიტეტი, განიხილება სტუდენტებისგან და არსებული რეალობისგან განყენებულად. უკვე მეოთხე წელია ვაკვირდები თუ რა პროცესები წარმოებს უნივერსიტეტში ძალაუფლების მქონე პირების მიერ, ნათლად ვხედავ, ვინ საუბრობს განათლების პრობლემებზე, ვინ იცავს და ვინ ცემს პატივს უნივერსიტეტს, ვხედავ საზოგადოების დამოკიდებულებას იმ სტუდენტებისადმი, რომლებიც ხმამაღლა საუბრობენ საუნივერსიტეტო პრობლემებზე და ეს დამოკიდებულება სრულიად უარყოფითია, რაც კონკრეტულ ქმედებებში გამოიხატება.
პროკურორთა კონფერენციაზე 15-წევრიან საპროკურორო საბჭოში აჭარიდან პროკურორი ანზორ უსტიაძე აირჩიეს. საბჭოს კიდევ ერთი წევრი გოჩა ფარულავა გახდა, რომელიც წინა ხელისუფლების დროს აჭარის პროკურორი იყო. დანარჩენი 7 წევრი იუსტიციის უმაღლესმა საბჭომ, პარლამენტმა და სამოქალაქო სექტორმა უნდა აირჩიოს. თუმცა, მაგალითად, საია ამ პროცესში მონაწილეობას არ აპირებს, რადგან საიას თავმჯდომარის შეფასებით, ახალი მოდელი პრობლემურია და კვოტა, რომელიც სამოქალაქო სექტორსა და აკადემურ წრეს ეკუთვნის, გადაწყვეტლებაზე ზეგავლენას ვერ მოახდენს. საპროკურორო საბჭოს ძირითადი ფუნქცია მთავარი პროკურორის კანდიდატურის შერჩევაა.
„ბათუმელების“ ინფორმაციით, 27 ოქტომბერს, საღამოს 8 საათზე, ქობულეთში ვალუტის გადამცვლელი პუნქტი დააყაჩაღეს. ჩვენივე ინფორმაციით, თავმდამსხმელებმა დაახლოებით 15 ათასი ლარი გაიტაცეს და მიიმალნენ. შემთხვევის დროს არავინ დაშავებულა. ეს ქობულეთში უკვე ზედიზედ მეორე ყაჩაღობის ფაქტია ბოლო ორი დღის განმავლობაში. 26 ოქტომბერს საღამოს, ქობულეთში გაზგასამართი სადგური დააყაჩაღეს და 300 ლარამდე თანხა გაიტაცეს.
დაბა ჩაქვში, ცენტრალური მაგისტრალიდან 90 მეტრში, მეგენეიშვილის ქუჩაზე, ორსართულიანი მიტოვებული შენობა დგას. შენობისნაწილი ჩამონგრეულია, ფანჯრებზე ამოსულ მცენარეს და ხესაც კი შენიშნავთ. ნაგებობის უკანა მხარეს, ხის დამტვრეულ კარებთან, ეგრეთ წოდებული „შტანგა“ ხატია. ამ კარის მიღმა ძალოსნები ვარჯიშობენ. ვარჯიშები მანამდე გრძელდება, სანამ დარბაზში დღის სინათლე აღწევს.
