Author Archives: ბათუმელები

დღეს, 8 ნოემბერს, ხულოს მუნიციპალიტეტში, სხალთა-ხიხაძირის ხეობაში, სოფელ სხალთაში ტბელობისადმი მიძღვნილი საზეიმო ღონისძიება ტარდება. ღონისძიებაზე ხულოსა და შუახევის მუნიციპალიტეტის გამგებლები ეროვნულ სამოსში, ჩოხებით მივიდნენ. 

ანგისის დასახლებაში სპორტული ბაზის მშენებლობას შესაძლოა მრავალწლოვანი ევკალიპტის ხეები შეეწიროს – ამის შესახებ ინფორმაცია დღეს არასამთავრობო ორგანიზაცია „სამოქალაქო მონიტორინგის“ ხელმძღვანელმა დავით ბერიძემ გაავრცელა. 

2015 წლის 5 ნოემბერს თბილისის საქალაქო სასამართლოს მოსამართლე თამაზ ურთმელიძემ თავისი განჩინებით დაადგინა, შეცვალოს ტელეკომპანია „რუსთავი 2“-ის მენეჯმენტი და კომპანიაში დროებითი მმართველები დანიშნოს.

“დავიცვათ სიტყვის თავისუფლება” – ამ ლოზუნგით დღეს საქართველოს საკონსტიტუციო სასამართლოს წინ ტელეკომპანია „რუსთავი 2“-ის მხარდამჭერი აქცია გაიმართა. აქციის მონაწილეები მოსამართლე თამაზ ურთმელიძის 5 ნოემბრის განჩინებას აპროტესტებდნენ, რომლის თანახმადაც „რუსთავი 2“–ის გენერალურ დირექტორს ნიკა გვარამიას და ფინანსურ დირექტორს კახა დამენიას უფლებამოსილება შეუჩერდათ. ტელეკომპანიის დროებით მმართველებად ტელეკომპანია „იმედის“ ყოფილი დირექტორი რევაზ საყევარიშვილი და დავით დვალი დაინიშნენ.

სატრანსპორტო ინფრასტრუქტურის მართვის სააგენტოს პირველი საათის მონაცემებით, დღეს ბათუმში პარკირების წესების დარღვევის გამო 443 ადამიანია დაჯარიმებული. მათ შორის, ყველაზე მეტი 405 ადამიანი დაჯარიმდა პარკირების საფასურის გადახდის გარეშე დგომის გამო, 4 – დგომის მეთოდის დარღვევის გამო, 16 ნიშანში დგომისთვის, კიდევ 16 – ტროტუარზე დგომისთვის, 1 – ტაქსის, სპეცტქნიკის პარკირების საფასურის გადაუხდელობისთვის და მხოლოდ 1 ავტობუსის გაჩერებაზე დგომის გამო.

5 ნოემბერს აჭარის მთავრობის, უმაღლესი საბჭოსa და ქალაქის მერიის წარმომადგენლებმა ბათუმის ევროპის მოედანზე ფორთოხლის ნერგები დარგეს.  ციტრუსოვნებით ქალაქის გამწვანების იდეა უმაღლესი საბჭოს დეპუტატს აკაკი ძნელაძეს ეკუთვნის. 

აგროსერვის ცენტრის ჩაქვის ციტრუსის სანერგე მეურნეობიდან მოტანილი ესპანური, თურქული და იაპონური ჯიშის ფორთოხლისა და გრეიფრუტის 18 მსხმოიარე ნერგი ერას მოედნის მიმდებარე სკვერში მემედ აბაშიძის ქუჩის მხრიდან დაირგა. გამწვანების აქციაში აჭარის მთავრობის თავმჯდომარე არჩილ ხაბაძე, ქალაქ ბათუმის მერი გია ერმაკოვი, აჭარის უმაღლესი საბჭოს თავმჯდომარე ავთანდილ ბერიძე და სხვა ოფიციალური პირები მონაწილეობდნენ. 

რამაზ ფუტკარაძე ბათუმში, ჯავახიშვილის ქუჩაზე ცხოვრობს. მისი შვიდსულიანი ოჯახი სოციალურად დაუცველია. ოჯახი ახალ წევრსაც ელოდება. სოციალური შემწეობა თამაზის დის, ნანას სახელზე გაიცემოდა, რომელიც ამჟამად თურქეთში სამკურნალოდ იმყოფება. ნანას დედა კი სამედიცინო ცენტრ „მედინაში“ სახელმწიფო პროგრამის ფარგლებში მკურნალობს. ხუთი დღის შემდეგ პაციენტს სახლში დაბრუნება მოუწევს, რადგან ოჯახი საავადმყოფის ხარჯებს ვეღარ გადაიხდის. სოციალური შემწეობა ოჯახს სამი თვის წინ შეუწყვიტეს, მიზეზი ნანას მიერ საზღვრის გადაკვეთა გახდა. რა შემთხვევაში უწყდება სოციალური  შემწეობა ოჯახს და რა უნდა გაითვალისწინონ ბენეფიციარებმა, რომ სოციალური შემწეობა არ დაკარგონ? `ბათუმელები~ გთავაზობთ იმ მიზეზების ჩამონათვალს, რისი დარღვევის შემთხვევაშიც ოჯახი სოციალურ შემწეობას კარგავს. 

აჭარის მთავრობის მასმედიასა და საზოგადოებასთან ურთიერთობის დეპარტამენტის უფროსად სოფიკო გუჯაბიძე 12 ოქტომბერს დაინიშნა. მას საჯარო უწყებებში ამ მიმართულებით მუშაობის 5-წლიანი გამოცდილება აქვს. მთავრობის აპარატამდე იგი საზოგადოებასა და მასმედიასთან ურთიერთობას ტურიზმის დეპარტამენტში უძღვებოდა. იგი პროფესიით ფრანგული ენისა და ლიტერატურის სპეციალისტია და საჯარო სამსახურის პარალელურად, 2011 წლიდან ეწევა პედაგოგიურ საქმიანობას, როგორც მიწვეული ლექტორი ბათუმის სახელმწიფო უნივერსიტეტში. საჯარო სამსახურში, საზოგადოებასთან ურთიერთობის სპეციფიკის შესახებ, სოფიკო გუჯაბიძემ „ბათუმელების“ კითხვებს უპასუხა.

საქართველოს ეროვნული ბანკის საბჭოს 2 ნოემბრის დადგენილებით ეროვნული ბანკის მიერ 1995 წელს მიმოქცევაში გაშვებული 50 თეთრის ნომინალის მონეტების მიმოქცევის ვადა განისაზღვრა 2017 წლის ბოლომდე,  შემდგომში კი მათი გამოცვლა შესაძლებელი იქნება საქართველოს ეროვნული ბანკის მეშვეობით.