ბათუმელები
კომპანია „აჭარისწყალი ჯორჯიას” ახალი აღმასრულებელი დირექტორი ჰყავს – რონი სოლბერგი, მსოფლიოს არაერთ ქვეყანაში მაღალი რგოლის მენეჯერულ პოზიციებზე მუშაობის, საინტერესო და მრავალწლიანი გამოცდილებით. მის საქმიანობას მრავალმილიონიანი წარმატებული პროექტების მართვა უკავშირდება.
ქალაქის მერის გიორგი ერმაკოვისა და აჭარის მთავრობის თავმჯდომარის მისამართით, ბათუმში ჯავახიშვილისა და ტბელ აბუსერიძის ქუჩების კვეთაში, ხელისუფლების მიერ გასხვისებულ და ინვესტორის მიერ შემოღობილი სკვერის ღობეზე, დღეს ასეთი შინაარსის წარწერები გაჩნდა: „ერმაკოვო, ნუ გადაგვიკეტავ ჰაერს“, „ხაბაძე, ნუ გვართმევ სკვერს“.
აჭარის მთავრობა ხანძრის შედეგად დაზარალებულ ოჯახებს 98 000 ლარით დაეხმარება. თანხას აჭარის მთავრობა, ქობულეთის მუნიციპალიტეტის სოფელ ციხისძირში ხანძრის შედეგად განადგურებული მრავალბინიანი საცხოვრებელი სახლის აღსადგენად, ავტონომიური რესპუბლიკის ბიუჯეტის სარეზერვო ფონდიდან გამოყოფს.
ჩაქვი-მახინჯაურის მიმდებარედ, სოფლის გზის გახსნის საკითხს, კომისია განიხილავს. აჭარის საავტომობილო გზების დირექტორის ზურაბ სიხარულიძის განცხადებით, კომისია ხვალ, 23 ივნისს ბათუმში შეიკრიბება.
რა ბარიერებს აწყდებიან პედაგოგები ყოველდღიურ სასკოლო ცხოვრებაში და რა პრობლემების დაძლევაში ეხმარება მათ ფსიქოლოგის რჩევები? – ბათუმის საჯარო სკოლების პედაგოგებმა PH International-ის მიერ ორგანიზებული ტრენინგების მესამე ეტაპი გაიარეს სამართლებრივი კულტურის საფუძვლებსა და ფსიქოლოგიაში. „ბათუმელები“ გაგაცნობთ ტრენინგში მონაწილე პედაგოგებისა და მანდატურის შეხედულებებს.
ჩაქვის თემის სოფელ სახალვაშოს მოსახლეობა ჩაქვი-მახინჯაურის გვირაბის მიმდებარედ სოფლის გზის გახსნას ითხოვს. ეს გზა აქ ცენტრალურ მაგისტრალს უერთდებოდა. ავტობანის მშენებლობის გამო კი ჩაიკეტა და სახალვაშოს მოსახლეობას ბათუმში წამოსასვლელად ჩაქვში უწევთ ჩასვლა და იქედან უკან წამოსვლა. გვირაბთან დღეს საღამოს სოფლის მცხოვრებლები შეიკრიბნენ, მობილიზებული იყო პოლიციაც, თუმცა, ჩვენი ინფორმაციით მოსახლეობის მხრიდან მაგისტრალის გადაკეტვის მცდელობას ადგილი არ ჰქონია და ამ დროისთვის აქციაც დასრულებულია.
ბათუმში საბაგიროს მიმდებარე ტერიტორიაზე 20-მდე გარემოვაჭრე სუვენირებს ყიდდა. ტროტუართან ახლოს მათ ჯიხურები ედგათ და გასაყიდი ნივთები ელაგათ. გარემოვაჭრეები ამბობენ, რომ 20 ივნისს, დილით სამუშაოზე მოსულებს ჯიხურები ადგილზე აღარ დახვდათ. ამბობენ, რომ მერია მათ ჯიხურების დადგმის ნებას არ აძლევს და ჯიხურები ამიტომ წაიღეს.
დღეს, 19 ივნისს, თხილნარის მცხოვრებლებმა აჭარის მთავრობის სახლის წინ აქცია გამართეს. მოსახლეობის პროტესტი მოჰყვა იმას, რომ ჭავჭავაძის ქუჩაზე მხოლოდ #39 (ხელვაჩაურის) სამარშრუტო ტაქსებს ეძლევა გადაადგილების საშუალება, სოფლის მიმართულებით მოძრავ სამარშრუტო ტაქსებს კი შემოვლითი გზის გავლა მოუწევთ.
დღეს, 17 ივნისს, ბათუმიდან თბილისში სტიქიით დაზარალებულთა დასახმარებლად 300 შეკვრა სურსათი გაიგზავნა. მათგან 200 ყუთი ბათუმში მოქმედი საქართველოს საერთაშორისო ინვესტორთა ასოციაციაში შემავალი კომპანიების მიერ არის შეგროვებული, ხოლო 100 ყუთი – მოსახლეობის, აჭარის მთავრობისა და მუნიციპალიტეტების ორგანიზებით შეგროვდა.
აჭარის ტელევიზიის დირექტორი სოსო სტურუა „ბათუმელებთან“ კონცერტის ამსახველი სიუჟეტის ტელევიზიის ვებგვერდიდან ჩახსნის შესახებ განმარტებას აკეთებს.
აჭარის ტელევიზიის მრჩეველთა საბჭოს წევრის ნატა იმედაიშვილის განცხადებით, აჭარის ტელევიზიის ვებგვერდიდან სიუჟეტის ჩამოხსნის გადაწყვეტილება ტელევიზიის დირექტორმა სოსო სტურუამ მიიღო.
გუშინ, 16 ივნისს, აჭარის ტელევიზიის ეთერში გავიდა სიუჟეტი სათაურით – ზაურ ლაზიშვილისა და თემურ ბიბილეიშვილის ვარსკვლავები. ეს სიუჟეტი გუშინ ტელევიზიის ოფიციალურ ვებ გვერდზეც განთავსდა. მას შემდეგ, რაც ვარსკვლავის გახსნასთან დაკავშირებული სადღესასწაულო კადრების სოციალურ ქსელში გავრცელებას მოქალაქეების მხრიდან კრიტიკული რეაქცია მოჰყვა, აჭარის ტელევიზიის ვებ გვერდიდან სიუჟეტი გაქრა. სადღესასწაულო ღონისძიება, რომელსაც არჩილ ხაბაძე სხვა თანამდებობის პირებთან ერთად ესწრებოდა, თბილისისი ტრაგედიიდან სამ დღეში გაიმართა.
სტიქიის შედეგად დაზარალებული თბილისის მოსახლეობის დასახმარებლად ბათუმში ჰუმანიტარული დახმარების შეგროვება გრძელდება. დღეს, 18:00 საათზე, შეგროვებული ტვირთის ნაწილი, „საერთაშორისო გამჭვირვალობა საქართველოს“ ბათუმის ოფისიდანაც გაიგზავნება, სადაც მოსახლეობა დაზარალებული ადამიანების დასახმარებლად საყოფაცხოვრებო და პირველადი მოხმარების ნივთებს ამ დრომდე აგროვებს.
19 ივნისს 16:00 საათზე, ბათუმის შოთა რუსთაველის სახელმწიფო უნივერსიტეტის 55 აუდიტორიაში გაიმართება დისკუსია თემაზე : ევროკავშირი.
საქველმოქმედო ფონდი “სოციალური პარტნიორობა”, თბილისში სტიქიის შედეგად დაღუპული პირების ოჯახების დასახმარებლად 110 ათას ლარს გადარიცხავს.
ბათუმის რუსთაველის სახელმწიფო უნივერსიტეტი თბილისში სტიქიით დაზარალებულთა დასახმარებლად განცხადებას ავრცელებს. ამ განცხადების თანახმად, უნივერსიტეტის თანამშრომლები თავიანთი ხელფასის 1%-ს გადარიცხავენ სპეციალურ ფონდში.
ამ დღეებში ერთ-ერთი მნიშვნელოვანი პროექტის განხორციელება შეჩერდა. პროექტის – ქობულეთის სასპორტო კომპლექსის მშენებლობის ღირებულება 2,6 მილიონი ლარი იყო. მშენებლობის გაჩერება დამკვეთმა – ქობულეთის გამგეობამ გადაწყვიტა. დაჯარიმებულია მშენებელი კომპანია „გზა XXI“. მიზეზი – ვადების დარღვევა და სამუშაოების ხანგრძლივი შეჩერება. 2014 წელს აუდიტის სამსახური წერდა, რომ აჭარაში კერძო კომპანიების მიმართ საჯარიმო სანქციებს თანაბრად არ იყენებენ.
„ქართველ მუსლიმთა კავშირის სახელით ღრმა მწუხარებას გამოვთქვამთ წუხელ გვიან ღამით, საქართველოს დედაქალაქ თბილისში მომხდარი სტიქიური უბედურებების შედეგად დაღუპული და დაზარალებული თანამემამულეების გამო. ვუსამძიმრებთ დაღუპულთა ოჯახებს“- ნათქვამია ქართველ მუსლიმთა კავშირის განცხადებაში, რომელსაც კავშირის თავმჯდომარე ტარიელ ნაკაიძე ავრცელებს.
ჯერ კიდევ წარმომადგენლობითი საბჭოს არჩევნებზე გამოვხატე ჩემი პოზიცია თუ როგორ მიმდინარეობს არჩევნები უნივერსიტეტში და რა გარემოებები უწყობს ხელს ამ პროცესებს. დიდი ფაქტობრივი განსხვავება არ არსებობს წარმომადგენლობითი საბჭოსა და დღევანდელი თვითმართველობის არჩევნებს შორის, ვინაიდან ამ პროცესების შემოქმედი, მთავარი სეგმენტი, უცვლელია, როგორც პიროვნული ასევე ცნობიერების თვალსაზრისით.
ბათუმის ხელოვნების უნივერსიტეტში ანტიკური სამოსის გამოფენა მოეწყო, რომელიც პროექტის – „ანტიკური სამოსი მინოსური კრეტიდან ბიზანტიამდე“ ფარგლებში შეიკერა. პროექტზე დიზაინის სპეციალობის სტუდენტებთან ერთად, იენის უნივერსიტეტის გერმანელი პროფესორი, ანნეგრეტ პლონტკე-ლუნინგი მუშაობდა. პროექტის ფარგლებში 37 ანტიკური კოსტიუმი შეიკერა.
ბათუმის საბავშვო ბაღების გაერთიანების ინფორმაციით, საბავშვო ბაღებში აღსაზრდელების მიღება ახალი სასწავლო წლისთვის იწარმოებს ონლაინ-რეჟიმით, რაც იმას ნიშნავს, რომ მოქალაქეები საბავშვო ბაღში რეგისტრაციას შეძლებენ სახლიდან გაუსვლელად, კომპიუტერის მეშვეობით. რეგისტრაცია იწარმოებს ააიპ ბათუმის საბავშვო ბაღების გაერთიანების ოფიციალურ ვებგვერდზე:www.Batumikids.ge.
რეგისტრაციის I ეტაპი დაიწყება 2015 წლის 1 ივლისს 09.00 სთ-ზე და დასრულდება 10 ივლისს 00.00 სთ-ზე. პირველ ეტაპზე რეგისტრაციას გაივლიან პრიორიტეტებით გათვალისწინებული სტატუსის მქონე მოქალაქეები, ესენია:
ხუთშაბათს, 11 ივნისს, 14:00 საათზე ბათუმის დემოკრატიული ჩართულობის ცენტრში გაიმართება დისკუსია თემაზე – 16-დან 18 წლამდე პირთა ქორწინება სასამართლოს ნებართვით.
საკანონმდებლო წინადადების მიხედვით, საქართველოს სამოქალაქო კოდექსში საჭიროა შევიდეს ცვლილება, რომლის თანახმადაც 16–დან 18 წლამდე პირთა ქორწინებაზე ნებართვის გაცემის შესაძლებლობა მხოლოდ სასამართლოს ექნება. საკითხის ინიციატორი საქართველოს სახალხო დამცველია.
დღეს 9 ივნისს, „დემოკრატიული ჩართულობის ცენტრში“, გონიოს მოსახლეობამ აჭარის მთავრობას ულტიმატუმი წამოუყენა. შეხვედრაზე მოსული პირების განცხადებით, თუკი ხელისუფლება არ დაიწყებს გონიოს მოსახლეობაზე ჩამორთმეული მიწების საკითხის განხილვას, ისინი პროტესტის რადიკალურ ფორმებს მიმართავენ: „ჩვენ ვაპირებთ სერიოზული დისკომპომფორტი შევუქმნათ აჭარის მთავრობას, გადავკეტავთ ცენტრალურ მაგისტრალებს, მოვახდენთ მთავრობის სახლის ბლოკირებას და დავიწყებთ შიმშილობას“.
შუახევის მუნიციპალიტეტის სოფელ მახალაკიძეებში მცხოვრები მოქალაქე გენადი მახარაძე „ბათუმელებთან“ საუბარში აცხადებს, რომ „შუახევიჰესის“ მშენებლობის გამო სოფლის გზაზე მოძრავმა მძიმეწონიანმა მანქანებმა, გზის დაზიანება გამოიწვია. „კომპანიის წარმომადგენლებმა გზის გაწმენდა რომ დაიწყეს, მიწის მასა აიღეს და ჩემს ბოსტანში გადმოყარეს. ასი მეტრის მანძილზე მთლიანად გამინადგურეს სავარგულები“- ამბობს გენადი მახარაძე. მან კომპენსაციის მოთხოვნით მიზნით მშენებელ კომპანიას მიმართა, თუმცა კომპანიის წარმომადგენლები ვითარების შესასწავლად ადგილზე არ მისულან.
საავტომობილო გზების დეპარტამენტის ინფორმაციით, ამ დროისთვის ქედის მუნიციპალიტეტის ცხმორისი-გეგელიძეების და შუახევის მუნიციპალიტეტის შუახევი-უჩამბას საავტომობილო გზაზე, ასფალტბეტონიანი საფარი დაიგება. ჩასატარებელი სამუშაოების ღირებულება ქედის გზის მონაკვეთზე 868 730 ლარია, შუახევი-უჩამბას გზის დაგებაზე კი 940 450 ლარი დაიხარჯება.
შემოსავლების სამსახურის ინფორმაციით, 7 ივნისის 19 საათისთვის მოქალაქეებს დაუბეგრავი მინიმუმის სახით მთლიანობაში უკან დაუბრუნდათ 90 მილიონ 380 ათას 872 ლარი. თანხა დაუბრუნდა 317 714 მოქალაქეს.
სტატისტიკის ეროვნული სამსახურის მონაცემებით, საქართველოში 2014 წელს 9 119 წყვილი განქორწინდა.
აჭარის საზოგადოებრივი ჯანდაცვის ცენტრის ახალი ხელმძღვანელი კობა ნაკაიძე „ბათუმელებთან“ საუბარში იმ ცვლილებებზე საუბრობს, რომლის განხორციელება მისი აზრით, მოკლე ვადებშია აუცილებელი. გთავაზობთ ბლიც-ინტერვიუს ახალ ხელმძღვანელთან.
ბათუმის რუსთაველის უნივერსიტეტმა ადმინისტრაციის ხელმძღვანელის (კანცლერის) თანამდებობის დასაკავებლად არჩევნები 25 მაისს გამოაცხადა. ყოფილი კანცლერი ედიშერ ჩავლეიშვილი „ბათუმელებთან“ აცხადებს, რომ მან თანამდებობა პირადი განცხადების საფუძველზე დატოვა. იგი უაყოფს გავრცელებულ ინფორმაციას იმის თაობაზე, რომ მას თანამდებობა იძულებით დაატოვებინეს.
ურნები, რომლებიც პოლიეთილენის, ქაღალდისა და შუშის ნარჩენებისთვის არის გათვლილი, ბათუმის ბულვარის ადმინისტრაციამ აპრილში დადგა. “ბათუმელებთან” ერთ-ერთ ინტერვიუში ბულვარის ადმინისტრაციის ხელმძღვანელი, გიორგი ზირაქაშვილი ამბობს, რომ მათი გადაწყვეტილება სპეციალური სანაგვე ურნების შეძენის თაობაზე, მომავალზეა გათვლილი. “ჩვენ გვინდა ადამიანები მიეჩვიონ იმ აზრს, რომ სამომავლოდ იქნება ასეთი ცვლილებები და როგორც ევროპაშია, ისე მოვიქცეთ საქართველოში“, – თქვა მან.
ბათუმში მცხოვრები ასობით ოჯახი ჭის წყალს მოიხმარს. ჭები მომხმარებლებმა თავად გათხარეს. მათი უმეტესობა ლაბორატორიულად არ შეუმოწმებიათ. ვინც შეამოწმა, მან ორი სახის პასუხი მიიღო – წყალი დაბინძურებულია, ან არ შეიცავს იმ მინერალებს, რაც ადამიანის ორგანიზმმა სასმელი წყლისგან უნდა მიიღოს. რეგიონში მოსახლეობისთვის ეკოლოგიურად სუფთა წყლის მიწოდებაზე ან იმ წყლის ხარისხის კონტროლზე, რომელსაც მოსახლეობა ჭიდან მოიხმარს, არც ერთი სამთავრობო სტრუქტურა არ იღებს პასუხისმგებლობას. სპეციალისტის თქმით, ასეთი მიდგომით შეიძლება სავალალო შედეგი დადგეს.
18 მაისს საქართველოს სახალხო დამცველმა წინადადებით მიმართა საქართველოს იუსტიციის მინისტრს, შემუშავდეს და დამტკიცდეს სამოქალაქო აქტებში სქესის ჩანაწერის ცვლილებასთან დაკავშირებული პროცედურული წესი. ამგვარი წესის არსებობა შესაძლებლობას მისცემს ტრანსგენდერ ადამიანებს, ოფიციალურ დოკუმენტაციაში სქესის აღმნიშვნელი ჩანაწერი სწრაფი, ადვილად ხელმისაწვდომი გზით შეცვალონ.
საჯარო სამსახურის ბიუროს მონაცემებით, 4 ივნისისთვის, ბათუმის მერიაში 27 ვაკანსიაა, ქედის მუნიციპალიტეტში – 11, ხოლო აჭარის მთავრობაში ორი ვაკანსია. აღნიშნულ ვაკანსიებზე განცხადებების წარდგენის ბოლო ვადა 5-7 ივნისია. ბიუროს ინფორმაციით, ამ დროისთვის ქვეყნის მასშტაბით საჯარო სამსახურებში სულ 900-ზე მეტი ვაკანსიაა.
ბათუმში, ევროპის მოედანზე რამდენიმე ადამიანი შეიკრიბა მარიხუანას დეკრიმინალიზაციის მოთხოვნით. აქციის ერთ-ერთი მონაწილის, ელეონორ კუზანოვის თქმით, „ხალხი აქ ცოტა იმიტომ არის, რომ ეშინიათ“. იმავე შინაარსის მოთხოვნით აქციები დღეს თბილისშიც გაიმართა.
სამხრეთ-დასავლეთ საქართველოს ოსმალთაგან გათავისუფლების ბრძოლის წინამძღოლის სელიმ ხიმშიაშვილის ტრაგიკული აღსასრულიდან 200 წელი ბათუმის შოთა რუსთაველის სახელმწიფო უნივერსიტეტში კვირეულით აღინიშნება. 21-ე აუდიტორიას კი სელიმ ხიმშიაშვილის სახელი მიენიჭა და საზეიმოდ გაიხსნა, დაწესდა სელიმ ხიმშიაშვილის სახელობის სტიპენდია, შედგა საიუბილეო წიგნებისა და ფოტოების გამოფენა და ჩატარდა სტუდენტთა სამეცნიერო კონფერენცია.
