Tag Archives: საკონსტიტუციო სასამართლო

საკონსტიტუციო სასამართლოს ახალი თავმჯდომარე დაახლოებით ორ კვირაში ეყოლება – მოქმედ თავმჯდომარეს, ზაზა თავაძეს, უფლებამოსილება დღეს საღამოს ეწურება. ზაზა თავაძე საკონსტიტუციო სასამართლოს თავმჯდომარეა 2016 წლის ოქტომბრიდან, თუმცა ის მოსამართლე 2010 წლის 15 ივნისს გახდა. საკონსტიტუციო სასამართლოს მოსამართლეებს 10 წლის ვადით ნიშნავენ. ჯერ უცნობია, ვინ გახდება საკონსტიტუციო სასამართლოს ახალი თავმჯდომარე. სასამართლოს პრესცენტრში განმარტეს, რომ სამ-სამი მოსამართლე ორი …

Continue reading “დღეს ზაზა თავაძე საკონსტიტუციოდან მიდის, როდის აირჩევენ ახალ თავმჯდომარეს”

„გამოუსადეგარი ოდენობის“ ნარკოტიკული საშუალების შეძენა-შენახვისთვის ადამიანს 5-დან 8 წლამდე თავისუფლების აღკვეთას ვეღარ მიუსჯიან. საკონსტიტუციო სასამართლომ ეს დღეს, 4 ივნისს, გადაწყვიტა. მოსარჩელეები ამ მუხლით გასამართლებული პირები იყვნენ, რომლებიც მიუთითებდნენ, რომ მოხმარების შემდეგ დარჩენილი ცარიელი შპრიცისთვის ადამიანები არ უნდა ისჯებოდნენ. საკონსტიტუციო სასამართლომ მიუთითა, რომ 2017 წლის 13 ივლისის № 1/8/696 გადაწყვეტილებით დადგინდა ზოგადი სტანდარტი, რომლის მიხედვითაც სასჯელის …

Continue reading “ნარკოტიკის „გამოუსადეგარი ოდენობისთვის“ 8 წლით ვეღარ დაგაპატიმრებენ – საკონსტიტუციო”

საკონსტიტუციო სასამართლომ არ დააკმაყოფილა მოქალაქეების – ნანა სეფაშვილის და ია რეხვიაშვილის სარჩელი. ისინი არაელექტრონული ანუ უჩიპო პირადობის გაცემას ითხოვდნენ. საკონსტიტუციო სასამართლომდე მოსარჩელეებმა მიმართეს სახელმწიფო სერვისების განვითარების სააგენტოს და მოითხოვეს პირადობის მოწმობის გაცემა ინფორმაციის ელექტრონული მატარებლის გარეშე. სააგენტომ, ისევე როგორც საერთო სასამართლოებმა, მოსარჩელეს განუმარტეს, რომ კანონმდებლობის შესაბამისად მათ შეეძლოთ მხოლოდ პირადობის ელექტრონული მოწმობის მიღება. მოსარჩელეები რელიგიური …

Continue reading “უჩიპო პირადობას ისევ ვერ აიღებთ – საკონსტიტუციოს გადაწყვეტილება”

რამდენად კონსტიტუციურია საკანონმდებლო ცვლილება, რომელიც პარლამენტმა 22 მაისს მიიღო და რომლითაც მთავრობას საგანგებო მდგომარეობის გარეშე შეუძლია კონკრეტული შეზღუდვების დაწესება – ამ საკითხზე საკონსტიტუციო სასამართლო იმსჯელებს. სარჩელით დღეს, 25 მაისს, მიმართა სასამართლოს საია-ს აჭარის ფილიალის ხელმძღვანელმა, პაატა დიასამიძემ. საია-ს შეფასებით, ეს საკანონმდებლო ცვლილება ეწინააღმდეგება კონსტიტუციით გარანტირებულ მიმოსვლის და შრომის თავისუფლების უფლებას. სარჩელის ავტორი, იურისტი პაატა დიასამიძემ …

Continue reading “საია საგანგებოს გარეშე ახალ რეგულაციებს საკონსტიტუციოში ასაჩივრებს”

სამართლიანი იყო თუ არა მარნეულსა და ბოლნისში გადაადგილების შეზღუდვა – ამ საკითხზე მსჯელობა საკონსტიტუციო სასამართლომ დღეს, 15 მაისს, დაიწყო. ეს პირველი სხდომაა საკონსტიტუციოს სხდომათა დარბაზში მას შემდეგ, რაც საგანგებო მდგომარეობა გამოცხადდა. საგანგებო მდგომარეობის დროს გამოცემული სხვადასხვა აქტი ჯამში ხუთმა მოქალაქემ და ორგანიზაციამ გაასაჩივრა. ერთ-ერთი სარჩელის არსებითად განხილვაზე საკონსტიტუციო სასამართლომ უკვე უარი თქვა – საქმე ეხებოდა …

Continue reading “პირველი სხდომა საკონსტიტუციოში საგანგებო რეჟიმის შემდეგ, საგანგებოს ერთ-ერთ შეზღუდვაზე”

საკონსტიტუციო სასამართლომ მოქალაქე თეკლა დავითულიანს უარი უთხრა სარჩელის არსებითად განხილვაზე. ეს ის მოქალაქეა, რომელიც 4 აპრილს სამ მეგობართან ერთად შეკრებისთვის დააჯარიმეს 3 ათასი ლარით. თეკლა დავითულიანმა საკონსტიტუციო სასამართლოს მიმართა. საგანგებო მდგომარეობის დროს გამოცემული სხვადასხვა სამართლებრივი აქტი კიდევ ოთხმა მოქალაქემ გაასაჩივრა საკონსტიტუციო სასამართლოში. მოქალაქე თეკლა დავითულიანი მიიჩნევდა, რომ დაირღვა კონსტიტუციით გარანტირებული თავისუფალი განვითარების უფლება და არ …

Continue reading “მოქალაქემ 3 ათასი ლარით დაჯარიმება გაასაჩივრა – რა გადაწყვიტა საკონსტიტუციომ”

„ეს უკვე სასამართლო კლანის კვოტაა,“ – ასე აფასებს ანა დოლიძე, იუსტიციის უმაღლესი საბჭოს წევრი საკონსტიტუციო სასამართლოში ხვიჩა კიკილაშვილის დანიშვნას. მისი აზრით, თუკი აქამდე ხელისუფლება სანდოობის მიხედვით არჩევდა კადრებს, ამჯერად გადაწყვეტილება „სასამართლოს კლანმა“ მიიღო. საკონსტიტუციო სასამართლოს წევრები პერიოდულად იცვლებიან. სამ-სამ მოსამართლეს 10 წლის ვადით ნიშნავს უზენაესი სასამართლო, პრეზიდენტი და პარლამენტი. ხვიჩა კიკალაშვილმდე საკონსტიტუციო სასამართლოში 2017 წელს …

Continue reading “„წარმოიდგინეთ, პირველკურსელი უცებ გაამწესეს მეცნიერებათა აკადემიაში“ – დოლიძე კიკილაშვილის საკონსტიტუციოში დანიშვნაზე”

საკონსტიტუციო სასამართლოს მოსამართლედ უზენაესმა სასამართლომ ხვიჩა კიკილაშვილი დანიშნა. გადაწყვეტილება დღეს, 3 აპრილს, მიიღო უზენაესი სასამართლოს პლენუმმა. საკონსტიტუციო სასამართლოში მოსამართლის ვაკანსია მას შემდეგ გაჩნდა, როცა მოსამართლე მაია კოპალეიშვილს უფლებამოსილების ვადა ამოეწურა. იგი უზენაესი სასამართლოს კვოტით იყო დანიშნული. ხვიჩა კიკილაშვილი ამ დრომდე თბილისის სააპელაციო სასამართლოს სისხლის სამართლის საქმეთა პალატის მოსამართლედ მუშაობდა, მანამდე კი, ხელვაჩაურის რაიონული სასამართლოს თავმჯდომარე …

Continue reading “საკონსტიტუციო სასამართლოს მოსამართლედ ხვიჩა კიკილაშვილი დანიშნეს”

ხვალ, 31 მარტს, უზენაესი სასამართლო საკონსტიტუციო სასამართლოს ახალ მოსამართლეს დანიშნავს. პლენუმი დღის სამ საათზე შეიკრიბება. ვის დანიშვნას აპირებს უზენაესი სასამართლო საკონსტიტუციო სასამართლოს მოსამართლედ? – კანდიდატების ვინაობა უცნობია. უზენაესი სასამართლოს პრესცენტრში გვითხრეს, რომ თავმჯდომარეს ამ დრომდე კონსულტაციები არ დაუსრულებია და ის იმოქმედებს კანონის შესაბამისად. საკონსტიტუციო სასამართლოს მოსამართლის კანდიდატს უზენაესი სასამართლოს პლენუმს თავმჯდომარე წარუდგენს. მას პლენუმმა უნდა …

Continue reading “ხვალ საკონსტიტუციოს ახალ მოსამართლეს ნიშნავენ – კანდიდატის ვინაობას უზენაესი არ ამხელს”

ავტომანქანების ტექნიკური ინსპექტირების საფასურის განსაზღვრის ცენტრს ერთ-ერთი კომპანია საკონსტიტუციო სასამართლოში ასაჩივრებს. შპს „ეპიცენტრი“ მთავრობის იმ დადგენილებას ასაჩივრებს, რომლის მიხედვითაც სავალდებულო ინსპექტირების საფასური განსაზღვრულია და იგი 60 ლარია, მძიმეწონიანი ავტომანქანების შემთხვევაში – 100 ლარს. სარჩელის არსებით განხილვას ხვალ, 28 თებერვალს დაიწყებს საკონსტიტუციო სასამართლოს პირველი კოლეგია. მოსარჩელე თვლის, რომ მთავრობა ამ მიდგომით დაუსაბუთებლად ზღუდავს საკუთრების უფლებას და მომსახურების …

Continue reading “ტექდათვალიერების ფასს – 60/100 ლარი, საკონსტიტუციოში ასაჩივრებენ”

უნდა ისჯებოდეს თუ არა მცირე ოდენობით მდმა-ის და მეტამფეტამინის შეძენა-შენახვა თავისუფლების აღკვეთით – ამ საკითხზე საკონსტიტუციო სასამართლოში განხილვა დღეს, 21 თებერვალს, დაიწყო. განმწესრიგებელი სხდომის შემდეგ სასამართლო გადაწყვეტს, განიხილება თუ არა ირაკლი ჩხეიძის სარჩელი არსებითად. სარჩელის დაკმაყოფილების შემთხვევაში, პარლამენტს კანონის შეცვლა მოუწევს. მოსარჩელე ირაკლი ჩხეიძეა. მას 2017 წელს 0,000305  გრამ მდმა-ის შეძენა-შენახვისთვის 6 წლით თავისუფლების აღკვეთა …

Continue reading “მდმა-ის და მეტამფეტამინის შეძენისთვის პირს უნდა აპატიმრებდნენ? – საკონსტიტუციო დავა”

“გახსოვთ, მთავრობამ საპატრიარქოს ბობოყვათის რეზიდენცია რომ გაუცვალა კრწანისის ქონებაში?” – ეს შეკითხვა იურისტმა გიორგი მშვენიერაძემ ქონების მართვის სააგენტოს წარმომადგენელს დაუსვა, რომელმაც დღეს, 20 თებერვალს, საკონსტიტუციო სასამართლოს ჩვენება მისცა. საკონსტიტუციო სასამართლოში დავის საგანი ის სამართლებრივი ნორმაა, რომლის მიხედვითაც სახელმწიფო ქონება საკუთრებაში მხოლოდ საპატრიარქოს შეიძლება გადაეცეს და არც ერთ სხვა რომელიმე რელიგიურ ორგანიზაციას, რომელიც დარეგისტრირებულია, როგორც საჯარო …

Continue reading ““გახსოვთ, მთავრობამ საპატრიარქოს ბობოყვათის რეზიდენცია რომ გაუცვალა?” – დავა საკონსტიტუციოში”

“ასე საერთოდ განაჩენის გარეშე შეიძლება შეუწყდეთ უფლებამოსილება პრეზიდენტს ან უზენაესი სასამართლოს წევრს, თუკი მას იმპიჩმენტს მოუწყობენ. რა გამოდის, რომ მხოლოდ პარლამენტის წევრს უნდა ჰქონდეს პრივილეგია?” – იკითხა მოსამართლე ევა გოცირიძემ და ნიკა მელიას გახედა, რომლის სარჩელსაც დღეს, 14 თებერვალს, არსებითად განიხილავს საკონსტიტუციო სასამართლოს პლენუმი. “ნიკა მელიას შემთხვევაში, ერთმა მოსამართლემ მიიღო განაჩენი და სამოტივაციო ნაწილის გაცნობის …

Continue reading “საკონსტიტუციოს მოსამართლე ნიკა მელიას: შეეძლო პარლამენტს კანონის იგნორირება?”

„მობილურ ტელეფონს ხომ იყენებთ? იქნებ, მითხრათ, რა განსხვავებაა მობილური ტელეფონის „ჩიპსა“ და პირადობის მოწმობის „ჩიპს“ შორის?“ – ჰკითხა იუსტიციის მინისტრის მოადგილე მიხეილ სარჯველაძემ მოსარჩელეებს, რომლებიც „უჩიპო“ პირადობის მოწმობებს რელიგიური მოტივით ითხოვენ და საკონსტიტუციო სასამართლოს სარჩელით მიმართეს. „წმინდანი გვაფრთხილებს, რომ ეს არის ეშმაკის ბეჭედი“, – ხმამაღლა უპასუხა კითხვას მოსარჩელე ნანა სეფაშვილმა სასამართლო პროცესზე და პაუზის შემდეგ …

Continue reading “ჟამი როდის დადგება? – მოსამართლის კითხვა „უჩიპო“ პირადობების საქმეზე”

„უჩიპო“ პირადობების მოწმობებზე“ დღეს, 28 იანვარს, საკონსტიტუციო სასამართლომ არსებითი განხილვა დაიწყო. სარჩელის დაკმაყოფილების შემთხვევაში, სახელმწიფო ვალდებული იქნება გასცეს პირადობის მოწმობა ელექტრონული მატარებლის, ანუ „ჩიპის“ გარეშე. საბოლოო გადაწყვეტილების მიღებამდე, საკონსტიტუციო სასამართლომ გასული წლის 26 დეკემბერს სადავო ნორმების მოქმედება შეაჩერა, ანუ ადამიანებს უკვე შეუძლიათ პირადობის მოწმობის აღება „ჩიპის“ გარეშე. „პირადობა მომცეს, მაგრამ აქაც ბარიერს გვიქმნის სახელმწიფო იუსტიციის …

Continue reading “„უჩიპო“ პირადობაში თვეში 20 ლარს გვახდევინებენ“ – საკონსტიტუციოში არსებითი განხილვა დაიწყო”

საკონსტიტუციო სასამართლომ „ციფრული პასპორტების“ წინააღმდეგ სარჩელის არსებითად განხილვის გადაწყვეტილება მიიღო. სასასამართლომ საბოლოო გადაწყვეტილების მიღებამდე შეაჩერა სადავო ნორმების მოქმედება, რაც იმას ნიშნავს, რომ უკვე დღეიდან, 26 დეკემბრიდან, მოქალაქეს შეუძლია, თავისი რელიგიური შეხედულებების გამო იუსტიციის სახლს მოსთხოვოს პირადობა, რომელსაც ელექტრონული მატარებელი ანუ “ჩიპი” არ ექნება. “მოპასუხეები არიან პარლამენტი და იუსტიციის სამინისტრო. მათ უნდა შესთავაზონ მოქალაქეებს დროებითი სარგებლობის …

Continue reading “პირადობები “ჩიპების” გარეშე – საკონსტიტუციოს ახალი გადაწყვეტილება”

უზენაესი სასამართლოს მოსამართლეების შერჩევის წესის შეჩერებაზე საკონსტიტუციო სასამართლომ უარი თქვა. ამ შუამდგომლობით სასამართლოს სახალხო დამცველმა მიმართა, რომელიც ითხოვდა საბოლოო გადაწყვეტილების მიღებამდე გასაჩივრებული ნორმების შეჩერებას. ამ სამართლებრივი ნორმების საფუძველზე იუსტიციის უმაღლესი საბჭო პარლამენტისთვის წარსადგენ კანდიდატებს არჩევს უზენაესი სასამართლოს მოსამართლის პოზიციის დასაკავებლად. საკონსტიტუციო სასამართლოს ჯერ არ უმსჯელია, კონსტიტუციურია თუ არა უზენაესი სასამართლოს მოსამართლეების შერჩევის წესი. ინფორმაცია საკონსტიტუციო …

Continue reading “მოსამართლეების შერჩევის სადავო წესი საკონსტიტუციო სასამართლომ არ შეაჩერა”

უზენაესი სასამართლოებისთვის მოსამართლეების კანდიდატების შერჩევის წესი შესაძლოა შეიცვალოს. ეს იმ შემთხვევაში მოხდება, თუკი პარლამენტის მიერ დადგენილ წესს საკონსტიტუციო სასამართლო არაკონსტიტუციურად ცნობს. განმწესრიგებელი სხდომა საკონსტიტუციო სასამართლოში დღეს, 4 დეკემბერს, გაიმართება, სადაც უნდა გადაწყდეს, განიხილავს თუ არა სასამართლო არსებითად სარჩელს, რომლის ავტორიც სახალხო დამცველია. სახალხო დამცველი მიიჩნევს, რომ მოსამართლის კანდიდატის შერჩევის დროს იუსტიციის უმაღლეს საბჭოს გადაწყვეტილების დასაბუთების …

Continue reading “კანონიერია თუ არა უზენაესის მოსამართლის არჩევის წესი? – დავა საკონსტიტუციოში”

ყოფილი პარლამენტარები სახელმწიფოსგან დანიშნული კომპენსაციის ოდენობას ასაჩივრებენ. ისინი ყოველთვიურად 560 ლარს იღებენ. სარჩელს დღეს, 27 ნოემბერს, საკონსტიტუციო სასამართლოს პლენუმი განიხილავს. მოსარჩელე 50 ყოფილი პარლამენტარია, ისინი სადავოდ მიიჩნევს კანონის „სახელმწიფო კომპენსაციისა და სახელმწიფო აკადემიური სტიპენდიის შესახებ“ სამართლებრივ ნორმებს. ამ ნორმების მიხედვით, კომპენსაციის ოდენობის მაქსიმალური ზღვარი – 560 ლარია. კანონში ეს ჩანაწერი 2006 წლიდან გაჩნდა. მანამდე ყოფილი …

Continue reading “ყოფილი პარლამენტარები მათთვის დადგენილ 560-ლარიან პენსიას აპროტესტებენ – საკონსტიტუციო”

“ხშირად იძახებენ პოლიციას საზოგადოებრივი თავშეყრის ადგილებზე, როცა ფასიან სექსუალურ მომსახურებაზე შეთანხმება ვერ ხერხდება,” – უპასუხა შსს-ს წარმომადგენელმა, მარიამ კერესელიძემ მოსამართლე ირინე იმერლიშვილს, რომელიც დაინტერესდა – რა საფრთხეს ქმნიან სექსმუშაკები, როცა ისინი ქუჩაში არიან? დღეს, 13 ნოემბერს, საკონსტიტუციო სასამართლოს მეორე კოლეგია საია-ს სარჩელს განიხილავს. დავის საგანი ადმინისტრაციულ სამართალდარღვევათა კოდექსის ჩანაწერია, რომლის მიხედვითაც პროსტიტუცია ჯარიმას ექვემდებარება. კანონის …

Continue reading “მოსამართლე სექსმუშაკების დასჯაზე: ეფექტურია ეს ჯარიმები?”

უნდა ჯარიმდებოდეს თუ არა „პროსტიტუციის ჩადენა“ ანუ ფასიანი სექსუალური მომსახურება? – ამ საკითხს საკონსტიტუციო სასამართლო დღეს, 13 ნოემბერს განიხილავს. მოსარჩელე „ახალგაზრდა იურისტთა ასოციაციაა“, მოპასუხე – პარლამენტი. პროსტიტუციის ჩადენა ადმინისტრაციულ სამართალდარღვევათა კოდექსის მიხედვით არის დასჯადი. მოსარჩელის შეფასებით, „სადავო ნორმები არათანაზომიერად ზღუდავს პიროვნების თავისუფალი განვითარების უფლების კომპონენტს – სექსუალური ქცევის არჩევის თავისუფლებას.“ მოსარჩელე ასევე მიიჩნევს, რომ ბუნდოვანია, …

Continue reading “ფასიანი სექსისთვის დაჯარიმდებით თუ არა – სასამართლო განხილვას იწყებს”

მოქალაქე ლაშა ჯანიბეგაშვილი პარლამენტის წინააღმდეგ საკონსტიტუციო სასამართლოში დავობს. დავის საგანი ის სამართლებრივი ნორმაა, რომლის მიხედვითაც ადვოკატისთვის  სავალდებულოა ადვოკატთა ასოციაციის წევრობა. განმწესრიგებელ სხდომაზე საკონსტიტუციო სასამართლოს პირველმა კოლეგიამ უნდა გადაწყვიტოს, დაიწყება თუ არა საქმეზე არსებითი განხილვა. მოსარჩელე მიიჩნევს, რომ გასაჩივრებული ნორმები პირს, რომელსაც სურს საადვოკატო საქმიანობა, საკუთარი ნების საწინააღმდეგოდ, იძულებულს ხდის გაწევრიანდეს საქართველოს ადვოკატთა ასოციაციაში, რადგან სხვაგვარად …

Continue reading “უნდა იყოს თუ არა სავალდებულო ასოციაციის წევრობა ადვოკატობისთვის – დავა საკონსტიტუციოში”

საკონსტიტუციო სასამართლომ დააკმაყოფილა ბადრი ბეჟანიძის სარჩელი. მას უვადოდ თავისუფლების აღკვეთა აქვს მისჯილი. პატიმარი ასაჩივრებდა სამართლებრივ ნორმას, რომლის მიხედვითაც სისხლის სამართლის კოდექსში 2007 წელს შესული ცვლილება „დანაშაულის არაერთგზის ჩადენასთან“ დაკავშირებით მხოლოდ მათ შეეხო, ვინც ამ პერიოდის შემდეგ გასამართლდნენ. ბადრი ბეჟანიძე 2007 წლამდე გასამართლდა ერთი და იმავე დანაშაულის რამდენჯერმე ჩადენის გამო. იგი გაასამართლეს, როგორც დანაშაულის არაერთგზის ჩამდენი …

Continue reading “პატიმარმა, რომელსაც უვადო პატიმრობა აქვს მისჯილი, პარლამენტს საკონსტიტუციო დავა მოუგო”

მოქალაქე გივი კაპანაძე ჯანდაცვის სამინისტროს საკონსტიტუციო სასამართლოში უჩივის. დავის საგანი საქართველოს ჯანდაცვის მინისტრის ბრძანებაა, რომლის მიხედვითაც დეკრეტულ შვებულებაში ანაზღაურებას მხოლოდ ბავშვის დედა იღებს. კანონი ითვალისწინებს ბავშვის მოვლის მიზნით შვებულებას მამაკაცისთვისაც, თუმცა შვებულების ანაზღაურების საფუძველი, ჯანდაცვის მინისტრის ბრძანებით, მხოლოდ საავადმყოფო ფურცელია, რომელსაც ბავშვის დედას აძლევენ. გამონაკლისი მხოლოდ   ბავშვის დაბადებისას ქალის გარდაცვალების შემთხვევაა, როცა დახმარებას ბავშვის მამა …

Continue reading “ეკუთვნით თუ არა დეკრეტული შვებულების ანაზღაურება მამებს – დავა საკონსტიტუციოში”

საკონსტიტუციო სასამართლომ გუშინ, 2 აგვისტოს ანტიკონსტუციურად მიიჩნია ადმინისტრაციული პატიმრობის, ან თავისუფლების აღკვეთის შეფარდება იმ პირების მიმართ, რომლებიც ნარკოტიკს მოიხმარენ, მაგრამ იგი არ იწვევს „სწრაფ მიჩვევას და აგრესიულ ქცევას“. სასამართლოს არ უმსჯელია, რომელ ნარკოტიკულ საშუალებებს შეეხება ეს სიახლე. გადაწყვეტილება უკვე ძალაშია, რადგან იგი გუშინვე გამოაქვეყნეს საკონსტიტუციო სასამართლოს ოფიციალურ ინტერნეტ-გვერდზე. როგორ უნდა იმოქმედონ ამ შემთხვევაში სამართალდამცველებმა, ვიდრე …

Continue reading “როდის ვეღარ დააკავებს პოლიციელი პირს, რომელიც „მძიმე ნარკოტიკს“ არ მოიხმარს”

ექიმი-ნარკოლოგი ლია ჯინჭარაძე ამბობს, რომ რთულია ნარკოტიკული საშუალებების იმ ჯგუფებად დაყოფა, რაზეც გუშინ, 2 აგვისტოს, საკონსტიტუციო სასამართლომ თავისუფლების აღკვეთა და პატიმრობა გააუქმა. სასამართლომ მიიჩნია, რომ არ უნდა ისჯებოდნენ ის ადამიანები, რომლებიც იყენებენ ნარკოტიკს, მაგრამ იგი „სწრაფ შეჩვევას და აგრესიულ ქცევას არ იწვევს.“ საკონსტიტუციო სასამართლოს არ უმსჯელია, რომელი ნარკოტიკი შეიძლება იყოს ასეთი. საკონსტიტუციო სასამართლომ მიიჩნია, რომ …

Continue reading “რომელი ნარკოტიკის გამო აღარ დაგაპატიმრებენ – ნარკოლოგის განმარტება”

ადმინისტრაციული კოდექსით გათვალისწინებული 15-დღიანი პატიმრობა და სისხლის სამართლის კოდექსით გათვალისწინებული – თავისუფლების აღკვეთაც გაუქმდა იმ ნარკოტიკის მოხმარებაზე, რაც არ იწვევს “სწრაფ შეჩვევასა და აგრესიულ ქცევას”, – საკონსტიტუციო სასამართლომ ახლახანს სახალხო დამცველის სარჩელი ნაწილობრივ დააკმაყოფილა. საკონსტიტუციო სასამართლომ მიიჩნია, რომ იმ ნარკოტიკული საშუალების მციორე რაოდენობით გამოყენება, ან მისი დამზადება, შეძენა და შენახვა, რომელიც არ ქმნის საზოგადოებრივ საფრთხეს …

Continue reading “გაუქმდა პატიმრობა ნარკოტიკზე, რომელიც სწრაფ შეჩვევას და აგრესიულ ქცევას არ იწვევს – საკონსტიტუციო”